ءاليا ماقسات قىزى حابارلايدى. 3 - ايدىڭ 8- كۇنى ايەلدەر مەرەكەسى بايلانىسىمەن قوبىقسارى ونەركاسىپ باقشا رايونى، قوبىقسارى كاسىپتىك تەحنيكا مەكتەبى قوبىقسارى اۋدانى بوستەڭكە فەرماسى دەلۋىن قىستاعىنا قونىستانعان قىزمەت اترەتى جانە قىزمەت اترەتىن جىبەرگەن ورىننىڭ باسشىلارى، قىستاق باسىشىلارى شالعاي تاۋلى رايونداعى مالشىلىق قىستاعىنا بارىپ، ونداعى ايەل جولداستاردىڭ مەرەكەسىن تويلادى.
قوبىقسارى اۋدانى بوستەڭكە فەرماسى دەلۋىن قىستاعى تاۋلى رايونعا ورنالاسقان بولىپ، بوستەڭكە فەرماسىنىڭ باسقارۋ بولىمشەسىنە 130 كيلومەتر قاشىقتىقتا، ونداعى مالشىلار جول ۇزاق بولعاندىقتان، تاۋدان ويعا ءتۇسۋى ادەتتە وتە قولايسىز، وسى جاعدايدى ويلاستىرعان قىزمەت اترەتى مەن قىزمەت اترەتىن جىبەرگەن ورىننىڭ باسشىلارى حالىق بۇقاراسىنا قولايلىلىق جاراتىپ، مەرەكەنى كوڭىلدى وتكىزۋ ءۇشىن، بۇقاراعا مەرەكەگە قاجەتتى زاتتارمەن ىشپەك – جەمەكتكتەر دايىنداپ بەردى.
بۇل رەتكى قىيمىلعا دەلۋىن تاۋىنداعى قىستاق تۇرعىندارىنان 40 ادام قاتىناسىپ، قيمىل باستالار الدىندا قىزمەت اترەتىن جىبەرگەن ورىننىڭ باسشىلارىنان باتى چاۋ لۇڭ جولداس پەن دياۋ يۇڭ حاي جولداس مەرەكەگە ارناۋ ءسوزىن سويلەدى.
دەلۋىن تاۋى كوركەمونەر اترەتىندگى اپايلار دايىنداعان «سۇيىكتى وتان انا » اتتى تاماشا ءان، «دەلۋىن تاۋىندا جايقالعان ۇلتتار ىنتماعى گۇلى» اتتى توپتىق بيلەرى، ارقان تارتۋ جارىسى، ورىندىققا تالاسۋ قاتارلى ويىن تۇرلەرى جۇرتشىلىقتىڭ القاۋىنا بولەندى.
«قىزمەت اترەتىن جىبەرگەن ورىننىڭ باسشىلارى مەن قىزمەت اترەتىنىڭ مۇشەلەرىنە جانە قىستاق باسشىلارىنا راقىمەت، مەملەكەتتىڭ حالىققا ءتيىمدى ساياساتتارى مەن بىلمدەردى ۇيرەنىپ، وتباسى، مەمىلەكەت ءۇشىن ءوز ۇلەسىمىزدى قوسۋىمىز كەرەك»،--دەيدى دەلۋىن قىستاعىنىڭ تۇرعىنى كۇلسىمقان قالي قىزى.
ءتىلشىنىڭ قىزمەت ورنى : تارباعاتاي ايماعى قوبىقسارى كاسىپتىك تەحنيكا مەكتەبى
