ءتاڭىرتاۋ تورابى   ›   ۇيرەنۋ   ›   ماڭىزدى حۇجاتتار

«جۇڭحۋا حالىق رەسپۋبليكاسىنىڭ نەگىزگى زاڭىنا وزگەرىس ەنگىزۋ جوباسى (العاشقى نۇسقا)» (ءۇزىندى)

  32 - تارماق نەگىزگى زاڭنىڭ العى ءسوزىنىڭ 7 - ابزاتىسىنداعى «ماركسيزم - لەنينيزمدى، ماۋ زىدۇڭ يدەياسىن، دىڭ شياۋپيڭ نازارياسىن، <ۇشكە ۋاكىلدىك ەتۋ> ماڭىزدى يدەياسىن جەتەكشى ەتىپ» دەگەن مازمۇن «ماركسيزم - لەنينيزمدى، ماۋ زىدۇڭ يدەياسىن، دىڭ شياۋپيڭ نازارياسىن، <ۇشكە ۋاكىلدىك ەتۋ> ماڭىزدى يدەياسىن، عىلمي دامۋ كوزقاراسىن، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ» دەپ؛ «سوتسياليستىك زاڭ - تۇزىمدەردى اقاۋسىزداندىرىپ» دەگەن مازمۇن «سوتسياليستىك زاڭمەن باسقارۋدى اقاۋسىزداندىرىپ» دەپ وزگەرتىلسىن؛ «ءوز كۇشىنە سۇيەنىپ ءومىر ءسۇرىپ، قاجىرلىلىقپەن كۇرەس جۇرگىزىپ» دەگەن مازمۇننىڭ الدىنا «جاڭا دامۋ كوزقاراسىن دايەكتىلەندىرىپ» دەگەن مازمۇن قوسىلسىن؛ «ماتەريالدىق وركەنيەتتىڭ، ساياسي وركەنيەتتىڭ جانە رۋحاني وركەنيەتتىڭ سايكەستى دامۋىن ىلگەرىلەتىپ، ەلىمىزدى باي - قۇدىرەتتى، دەموكراتيالى، وركەنيەتتى سوتسياليستىك ەل ەتىپ قۇرادى» دەگەن مازمۇن «ماتەريالدىق وركەنيەتتىڭ، ساياسي وركەنيەتتىڭ، رۋحاني وركەنيەتتىڭ، قوعامدىق وركەنيەتتىڭ، ەكولوگيالىق وركەنيەتتىڭ سايكەستى دامۋىن ىلگەرىلەتىپ، ەلىمىزدى باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى ەل ەتىپ قۇرىپ شىعىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرادى» دەپ وزگەرتىلسىن.

  33 - تارماق نەگىزگى زاڭنىڭ العى ءسوزىنىڭ 10 - ابزاتىسىنداعى «ۇزاق ۋاقىتتىق توڭكەرىس جانە قۇرىلىس بارىسىندا» دەگەن مازمۇن «ۇزاق ۋاقىتتىق توڭكەرىس، قۇرىلىس، رەفورما بارىسىندا» دەپ؛ «بارلىق سوتسياليستىك ەڭبەكشىلەردى، سوتسياليزم ىستەرىنىڭ قۇرۋشىلارىن، سوتسياليزمدى جاقتايتىن وتانشىلداردى جانە وتاننىڭ تۇتاستىعىن قورعايتىن وتانشىلداردى قامتىعان كەڭ كولەمدى وتانشىلدىق بىرلىكساپ قالىپتاستى» دەگەن مازمۇن «بارلىق سوتسياليستىك ەڭبەكشىلەردى، سوتسياليزم ىستەرىنىڭ قۇرۋشىلارىن، سوتسياليزمدى جاقتايتىن وتانشىلداردى، وتاننىڭ تۇتاستىعىن قورعايتىن جانە جۇڭحۋا ۇلتىنىڭ ۇلى گۇلدەنۋىنە كۇش سالاتىن وتانشىلداردى قامتىعان كەڭ كولەمدى وتانشىلدىق بىرلىكساپ قالىپتاستى» دەپ وزگەرتىلسىن.

  34 - تارماق نەگىزگى زاڭنىڭ العى ءسوزىنىڭ 11 - ابزاتىسىنداعى «تەڭ ۇقىقتى، ىنتىماقتى، ءبىر - بىرىنە قايىرىمدى سوتسياليستىك ۇلتتىق قارىم - قاتىناس ورنادى، بۇل قارىم - قاتىناس كۇشەيە بەرەدى» دەگەن مازمۇن «تەڭ ۇقىقتى، ىنتىماقتى، ءبىر - بىرىنە قايىرىمدى، جاراسىمدى سوتسياليستىك ۇلتتىق قارىم - قاتىناس ورنادى، بۇل قارىم - قاتىناس كۇشەيە بەرەدى» دەپ وزگەرتىلسىن.

  35 - تارماق نەگىزگى زاڭنىڭ العى ءسوزىنىڭ 12 - ابزاتىسىنداعى «جۇڭگو توڭكەرىسى مەن قۇرىلىسىنىڭ تابىستارىن دۇنيە ءجۇزى حالقىنىڭ قولداۋىنان بولە قاراۋعا بولمايدى» دەگەن مازمۇن «جۇڭگو توڭكەرىسىنىڭ، قۇرىلىسىنىڭ، رەفورماسىنىڭ تابىستارىن دۇنيە ءجۇزى حالقىنىڭ قولداۋىنان بولە قاراۋعا بولمايدى» دەپ؛ «جۇڭگو تاۋەلسىز، دەربەس سىرتقى ساياساتقا، ءبىر - ءبىرىنىڭ يەلىك ۇقىعى مەن تەرريتوريا تۇتاستىعىن قۇرمەتتەۋ، ءبىر - بىرىنە سۇعاناقتىق جاساماۋ، ءبىر - ءبىرىنىڭ ىشكى ىسىنە ارالاسپاۋ، تەڭدىك، ءوزارا تيىمدىلىك، بەيبىت قاتار تۇرۋ بەس پرينسيبىنە تاباندى بولىپ» دەگەن مازمۇننىڭ سوڭىنا «بەيبىت دامۋ جولىنا، ءوزارا تيىمدىلىك جاساۋ، تەڭ يگىلىكتەنۋ سىندى ەسىك اشۋ ستراتەگياسىنا تاباندى بولىپ» دەگەن مازمۇن قوسىلسىن؛ «بارلىق ەلمەن ديپلوماتيالىق قارىم - قاتىناستى جانە ەكونوميكالىق الىس - بەرىستى، مادەنيەتتىك اۋىس - كۇيىستى دامىتادى» دەگەن مازمۇن «بارلىق ەلمەن ديپلوماتيالىق قارىم - قاتىناستى جانە ەكونوميكالىق الىم - بەرىمدى، مادەنيەتتىك اۋىس - كۇيىستى دامىتىپ، ادامزاتتىڭ تاعدىرلاس ورتاق تۇلعاسىنىڭ قالىپتاسۋىن جەبەيدى» دەپ وزگەرتىلسىن.

  36 - تارماق نەگىزگى زاڭنىڭ 1 - تارماعىنىڭ 2 - تارماقشاسىنداعى «سوتسياليستىك ءتۇزىم جۇڭحۋا حالىق رەسپۋبليكاسىنىڭ ءتۇبىرلى ءتۇزىمى» دەگەن مازمۇننىڭ سوڭىنا «جۇڭگو كوممۋنيستىك پارتياسى باسشىلىق ەتۋ جۇڭگوشا سوتسياليزمنىڭ ەڭ ماندىك ەرەكشەلىگى» دەگەن مازمۇن قوسىلسىن.

  37 - تارماق نەگىزگى زاڭنىڭ 3 - تارماعىنىڭ 3 - تارماقشاسىنداعى «مەملەكەتتىك اكىمشىلىك ورگاندارى، سوت ورگاندارى، پروكۋراتۋرا ورگاندارى حالىق قۇرىلتايى جاعىنان قۇرىلادى، حالىق قۇرىلتايى الدىندا جاۋاپتى بولادى جانە ونىڭ باقىلاۋىندا بولادى» دەگەن مازمۇن «مەملەكەتتىك اكىمشىلىك ورگاندارى، باقىلاۋ - تەكسەرۋ ورگاندارى، سوت ورگاندارى، پروكۋراتۋرا ورگاندارى حالىق قۇرىلتايى جاعىنان قۇرىلادى، حالىق قۇرىلتايى الدىندا جاۋاپتى بولادى جانە ونىڭ باقىلاۋىندا بولادى» دەپ وزگەرتىلسىن.

  38 - تارماق نەگىزگى زاڭنىڭ 4 - تارماعىنىڭ 1 - تارماقشاسىنداعى «مەملەكەت از ۇلتتاردىڭ زاڭدى ۇقىعى مەن مۇددەسىن قامتاماسىزداندىرادى، ۇلتتاردىڭ تەڭ ۇقىقتى، ىنتىماقتى، ءبىر - بىرىنە قايىرىمدى قارىم - قاتىناسىن قورعايدى جانە دامىتادى» دەگەن مازمۇن «مەملەكەت از ۇلتتاردىڭ زاڭدى ۇقىعى مەن مۇددەسىن قامتاماسىزداندىرادى، ۇلتتاردىڭ تەڭ ۇقىقتى، ىنتىماقتى، ءبىر - بىرىنە قايىرىمدى، جاراسىمدى قارىم - قاتىناسىن قورعايدى جانە دامىتادى» دەپ وزگەرتىلسىن.

  39 - تارماق نەگىزگى زاڭنىڭ 24 - تارماعىنىڭ 2 - تارماقشاسىنداعى «مەملەكەت وتاندى، حالىقتى، ەڭبەكتى، عىلىمدى، سوتسياليزمدى سۇيەتىن الەۋمەتتىك ءمورالدى دارىپتەيدى» دەگەن مازمۇن «مەملەكەت سوتسياليستىك وزەكتى قۇن كوزقاراسىن، وتاندى، حالىقتى، ەڭبەكتى، عىلىمدى، سوتسياليزمدى سۇيەتىن الەۋمەتتىك ءمورالدى دارىپتەيدى» دەپ وزگەرتىلسىن.

  40 - تارماق نەگىزگى زاڭنىڭ 27 - تارماعىنا 3 - تارماقشاسى رەتىندە مىناداي ءبىر تارماقشا قوسىلسىن: «مەملەكەت قىزمەتكەرلەرى مىندەتكە وتىراردا زاڭداعى بەلگىلەمەلەر بويىنشا نەگىزگى زاڭنىڭ الدىندا اشىق سەرت بەرۋى ءتيىس».

  41 - تارماق نەگىزگى زاڭنىڭ 62 - تارماعىنداعى «مەملەكەتتىك حالىق قۇرىلتايى مىناداي قىزمەت ۇقىقتارىن جۇرگىزەدى» دەگەن مازمۇنعا 7 - مازمۇن رەتىندە مىناداي ءبىر مازمۇن قوسىلسىن: «(7) مەملەكەتتىك باقىلاۋ - تەكسەرۋ كوميتەتىنىڭ مەڭگەرۋشىسىن سايلايدى»، 7 - مازمۇننان 15 - مازمۇنعا دەيىنگى مازمۇندار سايكەستى تۇردە 8 - مازمۇننان 16 - مازمۇنعا دەيىنگى مازمۇندارعا وزگەرتىلسىن.

  42 - تارماق نەگىزگى زاڭنىڭ 63 - تارماعىنداعى «مەملەكەتتىك حالىق قۇرىلتايى مىنا ادامداردى مىندەتىنەن الىپ تاستاۋعا ۇقىقتى» دەگەن مازمۇنعا 4 - مازمۇن رەتىندە مىناداي ءبىر مازمۇن قوسىلسىن: «(4) مەملەكەتتىك باقىلاۋ - تەكسەرۋ كوميتەتىنىڭ مەڭگەرۋشىسىن»، 4 - مازمۇن، 5 - مازمۇن سايكەستى تۇردە 5 - مازمۇنعا، 6 - مازمۇنعا وزگەرتىلسىن.

  43 - تارماق نەگىزگى زاڭنىڭ 65 - تارماعىنىڭ 4 - تارماقشاسىنداعى «مەملەكەتتىك حالىق قۇرىلتايى تۇراقتى كوميتەتىنىڭ قۇرامىنداعىلاردىڭ مەملەكەتتىڭ اكىمشىلىك ورگاندارىندا، سوت ورگاندارىندا جانە پروكۋراتۋرا ورگاندارىندا مىندەت وتەۋىنە بولمايدى» دەگەن مازمۇن «مەملەكەتتىك حالىق قۇرىلتايى تۇراقتى كوميتەتىنىڭ قۇرامىنداعىلاردىڭ مەملەكەتتىڭ اكىمشىلىك ورگاندارىندا، باقىلاۋ - تەكسەرۋ ورگاندارىندا، سوت ورگاندارىندا جانە پروكۋراتۋرا ورگاندارىندا مىندەت وتەۋىنە بولمايدى» دەپ وزگەرتىلسىن.

  44 - تارماق نەگىزگى زاڭنىڭ 67 - تارماعىنداعى «مەملەكەتتىك حالىق قۇرىلتايىنىڭ تۇراقتى كوميتەتى مىناداي قىزمەت ۇقىقتارىن جۇرگىزەدى» دەگەن مازمۇننىڭ 6 - مازمۇنىنداعى «(6) مەملەكەتتىك كەڭەستىڭ، ورتالىق اسكەري ىستەر كوميتەتىنىڭ، ەڭ جوعارى حالىق سوتى مەكەمەسىنىڭ جانە ەڭ جوعارى حالىق پروكۋراتۋراسىنىڭ قىزمەتىن باقىلايدى» دەگەن مازمۇن «(6) مەملەكەتتىك كەڭەستىڭ، ورتالىق اسكەري ىستەر كوميتەتىنىڭ، مەملەكەتتىك باقىلاۋ - تەكسەرۋ كوميتەتىنىڭ، ەڭ جوعارى حالىق سوتى مەكەمەسىنىڭ جانە ەڭ جوعارى حالىق پروكۋراتۋراسىنىڭ قىزمەتىن باقىلايدى» دەپ وزگەرتىلسىن؛ 11 - مازمۇن رەتىندە مىناداي ءبىر مازمۇن قوسىلسىن: «(11) مەملەكەتتىك باقىلاۋ - تەكسەرۋ كوميتەتى مەڭگەرۋشىسىنىڭ ۇسىنىسى بويىنشا مەملەكەتتىك باقىلاۋ - تەكسەرۋ كوميتەتى مەڭگەرۋشىسىنىڭ ورىنباسارلارىن، مۇشەلەرىن تاعايىندايدى جانە مىندەتىنەن قالدىرادى»، 11 - مازمۇننان 21 - مازمۇنعا دەيىنگى مازمۇندار سايكەستى تۇردە 12 - مازمۇننان 22 - مازمۇنعا دەيىنگى مازمۇندارعا وزگەرتىلسىن.

  45 - تارماق نەگىزگى زاڭنىڭ 79 - تارماعىنىڭ 3 - تارماقشاسىنداعى «جۇڭحۋا حالىق رەسپۋبليكاسى ءتوراعاسىنىڭ، ءتوراعا ورىنباسارىنىڭ ءار كەزەگىنىڭ مىندەت وتەۋ مەرزىمى مەملەكەتتىك حالىق قۇرىلتايىنىڭ ءار كەزەگىنىڭ مىندەت وتەۋ مەرزىمىمەن بىردەي بولادى، ولاردىڭ جالعاستى مىندەت وتەۋ مەرزىمى ەكى كەزەكتەن اسپايدى» دەگەن مازمۇن «جۇڭحۋا حالىق رەسپۋبليكاسى ءتوراعاسىنىڭ، ءتوراعا ورىنباسارىنىڭ ءار كەزەگىنىڭ مىندەت وتەۋ مەرزىمى مەملەكەتتىك حالىق قۇرىلتايىنىڭ ءار كەزەگىنىڭ مىندەت وتەۋ مەرزىمىمەن بىردەي بولادى» دەپ وزگەرتىلسىن.

  46 - تارماق نەگىزگى زاڭنىڭ 89 - تارماعىنداعى «مەملەكەتتىك كەڭەس مىناداي قىزمەت ۇقىقتارىن جۇرگىزەدى» دەگەن مازمۇننىڭ 6 - مازمۇنىنداعى «(6) شارۋاشىلىق قىزمەتىنە، قالا، اۋىل قۇرىلىسىنا باسشىلىق ەتەدى جانە ولاردى باسقارادى» دەگەن مازمۇن «(6) شارۋاشىلىق قىزمەتىنە، قالا، اۋىل قۇرىلىسىنا، ەكولوگيالىق وركەنيەت قۇرىلىسىنا باسشىلىق ەتەدى جانە ولاردى باسقارادى» دەپ؛ 8 - مازمۇنىنداعى «(8) حالىق ىستەرى، قوعام حاۋىپسىزدىگى، ءادىليا اكىمشىلىگى جانە باقىلاۋ - تەكسەرۋ، ت. ب قىزمەتتەرىنە باسشىلىق ەتەدى جانە ولاردى باسقارادى» دەگەن مازمۇن «(8) حالىق ىستەرى، قوعام حاۋىپسىزدىگى، ءادىليا اكىمشىلىگى، ت. ب قىزمەتتەرىنە باسشىلىق ەتەدى جانە ولاردى باسقارادى» دەپ وزگەرتىلسىن.

  47 - تارماق نەگىزگى زاڭنىڭ 100 - تارماعىنا 2 - تارماقشاسى رەتىندە مىناداي ءبىر تارماقشا قوسىلسىن: «رايوندارعا بولىنگەن قالالىق حالىق قۇرىلتايلارىنىڭ جانە ولاردىڭ تۇراقتى كوميتەتتەرىنىڭ نەگىزگى زاڭمەن، زاڭدارمەن، اكىمشىلىك زاڭ - ەرەجەلەرمەن جانە ءوز ولكەلەرىنىڭ، اۆتونوميالى رايوندارىنىڭ جەرگىلىكتى زاڭ - ەرەجەلەرىنە قايشى كەلمەۋ العى شارتىندا زاڭداعى بەلگىلەمەلەر بويىنشا جەرگىلىكتى زاڭ - ەرەجەلەر جاساپ، ولكەلىك، اۆتونوميالى رايوندىق حالىق قۇرىلتايى تۇراقتى كوميتەتتەرىنىڭ بەكىتۋىنەن وتكىزگەننەن سوڭ اتقارۋىنا بولادى».

  48 - تارماق نەگىزگى زاڭنىڭ 101 - تارماعىنىڭ 2 - تارماقشاسىنداعى «اۋداننان جوعارى جەرگىلىكتى ءار دارەجەلى حالىق قۇرىلتايلارى سول دارەجەلى حالىق سوتى مەكەمەسىنىڭ باستىعىن جانە سول دارەجەلى حالىق پروكۋراتۋراسىنىڭ باس پروكۋرورىن سايلايدى، سونداي - اق ولاردى مىندەتىنەن الىپ تاستاۋعا ۇقىقتى بولادى» دەگەن مازمۇن «اۋداننان جوعارى جەرگىلىكتى ءار دارەجەلى حالىق قۇرىلتايلارى سول دارەجەلى باقىلاۋ - تەكسەرۋ كوميتەتىنىڭ مەڭگەرۋشىسىن، سول دارەجەلى حالىق سوتى مەكەمەسىنىڭ باستىعىن جانە سول دارەجەلى حالىق پروكۋراتۋراسىنىڭ باس پروكۋرورىن سايلايدى، سونداي - اق ولاردى مىندەتىنەن الىپ تاستاۋعا ۇقىقتى بولادى» دەپ وزگەرتىلسىن.

  49 - تارماق نەگىزگى زاڭنىڭ 103 - تارماعىنىڭ 3 - تارماقشاسىنداعى «اۋداننان جوعارى جەرگىلىكتى ءار دارەجەلى حالىق قۇرىلتايلارى تۇراقتى كوميتەتتەرىنىڭ قۇرامىنداعىلاردىڭ مەملەكەتتىڭ اكىمشىلىك ورگاندارىندا، سوت ورگاندارىندا جانە پروكۋراتۋرا ورگاندارىندا مىندەت وتەۋىنە بولمايدى» دەگەن مازمۇن «اۋداننان جوعارى جەرگىلىكتى ءار دارەجەلى حالىق قۇرىلتايلارى تۇراقتى كوميتەتتەرىنىڭ قۇرامىنداعىلاردىڭ مەملەكەتتىڭ اكىمشىلىك ورگاندارىندا، باقىلاۋ - تەكسەرۋ ورگاندارىندا، سوت ورگاندارىندا جانە پروكۋراتۋرا ورگاندارىندا مىندەت وتەۋىنە بولمايدى» دەپ وزگەرتىلسىن.

  50 - تارماق نەگىزگى زاڭنىڭ 104 - تارماعىنداعى «وزدەرىمەن دارەجەلەس حالىق ۇكىمەتتەرىنىڭ، حالىق سوتى مەكەمەلەرىنىڭ جانە حالىق پروكۋراتۋرالارىنىڭ قىزمەتىن باقىلايدى» دەگەن مازمۇن «وزدەرىمەن دارەجەلەس حالىق ۇكىمەتتەرىنىڭ، باقىلاۋ - تەكسەرۋ كوميتەتتەرىنىڭ، حالىق سوتى مەكەمەلەرىنىڭ جانە حالىق پروكۋراتۋرالارىنىڭ قىزمەتىن باقىلايدى» دەپ وزگەرتىلسىن.

  51 - تارماق نەگىزگى زاڭنىڭ 107 - تارماعىنىڭ 1 - تارماقشاسىنداعى «اۋداننان جوعارى جەرگىلىكتى ءار دارەجەلى حالىق ۇكىمەتتەرى زاڭدا بەلگىلەنگەن ۇقىعى كولەمىندە ءوز اكىمشىلىك رايوندارىنداعى شارۋاشىلىق، وقۋ - اعارتۋ، عىلىم، مادەنيەت، دەنساۋلىق ساقتاۋ، دەنە تاربيە، قالا، اۋىل قۇرىلىسى جانە قازىنا، حالىق ىستەرى، قوعام حاۋىپسىزدىگى، ۇلتتىق ىستەر، ءادىليا اكىمشىلىگى، باقىلاۋ - تەكسەرۋ، جوسپارلى تۋىت، ت. ب اكىمشىلىك قىزمەتتەرىن باسقارادى، قاۋلىلار مەن بۇيرىقتار جاريالايدى، اكىمشىلىك قىزمەتكەرلەردى تاعايىندايدى، قىزمەتىنەن بوساتادى، كۋرستاردان، سىناۋدان وتكىزەدى جانە سيلايدى، جازالايدى» دەگەن مازمۇن «اۋداننان جوعارى جەرگىلىكتى ءار دارەجەلى حالىق ۇكىمەتتەرى زاڭدا بەلگىلەنگەن ۇقىعى كولەمىندە ءوز اكىمشىلىك رايوندارىنداعى شارۋاشىلىق، وقۋ - اعارتۋ، عىلىم، مادەنيەت، دەنساۋلىق ساقتاۋ، دەنە تاربيە، قالا، اۋىل قۇرىلىسى جانە قازىنا، حالىق ىستەرى، قوعام حاۋىپسىزدىگى، ۇلتتىق ىستەر، ءادىليا اكىمشىلىگى، جوسپارلى تۋىت، ت. ب اكىمشىلىك قىزمەتتەرىن باسقارادى، قاۋلىلار مەن بۇيرىقتار جاريالايدى، اكىمشىلىك قىزمەتكەرلەردى تاعايىندايدى، قىزمەتىنەن بوساتادى، كۋرستاردان، سىناۋدان وتكىزەدى جانە سيلايدى، جازالايدى» دەپ وزگەرتىلسىن.

  52 - تارماق نەگىزگى زاڭنىڭ ءۇشىنشى تاراۋىنداعى «مەملەكەت قۇرىلىمى» دەگەن مازمۇنعا 7 - تاراۋشا رەتىندە «باقىلاۋ - تەكسەرۋ كوميتەتى» دەگەن مازمۇن؛ جەكە - جەكە 123 - تارماقتان 127 - تارماققا دەيىنگى مازمۇندار رەتىندە مىناداي 5 تارماق قوسىلسىن:
 جەتىنشى تاراۋشا باقىلاۋ - تەكسەرۋ كوميتەتى 

  123 - تارماق جۇڭحۋا حالىق رەسپۋبليكاسىنىڭ ءار دارەجەلى باقىلاۋ - تەكسەرۋ كوميتەتتەرى مەملەكەتتىڭ باقىلاۋ - تەكسەرۋ ورگاندارى.

  124 - تارماق جۇڭحۋا حالىق رەسپۋبليكاسى مەملەكەتتىك باقىلاۋ - تەكسەرۋ كوميتەتىن جانە جەرگىلىكتى ءار دارەجەلى باقىلاۋ - تەكسەرۋ كوميتەتتەرىن قۇرادى.

  باقىلاۋ - تەكسەرۋ كوميتەتىنىڭ قۇرامىندا مىنا ادامدار بولادى:

  مەڭگەرۋشى،

  مەڭگەرۋشىنىڭ ورىنباسارلارى،

  مۇشەلەر.

  باقىلاۋ - تەكسەرۋ كوميتەتى مەڭگەرۋشىسىنىڭ ءار كەزەگىنىڭ مىندەت وتەۋ مەرزىمى مەملەكەتتىك حالىق قۇرىلتايىنىڭ ءار كەزەگىنىڭ مىندەت وتەۋ مەرزىمىمەن بىردەي بولادى. مەملەكەتتىك باقىلاۋ - تەكسەرۋ كوميتەتى مەڭگەرۋشىسىنىڭ جالعاستى مىندەت وتەۋ مەرزىمى ەكى كەزەكتەن اسپايدى.

  باقىلاۋ - تەكسەرۋ كوميتەتىنىڭ ۇيىمى مەن قىزمەت ۇقىعى زاڭدا بەلگىلەنەدى.

  125 - تارماق جۇڭحۋا حالىق رەسپۋبليكاسىنىڭ مەملەكەتتىك باقىلاۋ - تەكسەرۋ كوميتەتى ەڭ جوعارى باقىلاۋ - تەكسەرۋ ورگانى.

  مەملەكەتتىك باقىلاۋ - تەكسەرۋ كوميتەتى جەرگىلىكتى ءار دارەجەلى باقىلاۋ - تەكسەرۋ كوميتەتتەرىنىڭ قىزمەتىنە باسشىلىق ەتەدى، جوعارى دارەجەلى باقىلاۋ - تەكسەرۋ كوميتەتى تومەن دارەجەلى باقىلاۋ - تەكسەرۋ كوميتەتتەرىنىڭ قىزمەتىنە باسشىلىق ەتەدى.

  126 - تارماق مەملەكەتتىك باقىلاۋ - تەكسەرۋ كوميتەتى مەملەكەتتىك حالىق قۇرىلتايى مەن مەملەكەتتىك حالىق قۇرىلتايىنىڭ تۇراقتى كوميتەتى الدىندا جاۋاپتى بولادى. جەرگىلىكتى ءار دارەجەلى باقىلاۋ - تەكسەرۋ كوميتەتتەرى وزدەرىن قۇرعان مەملەكەتتىك بيلىك ورگاندارى مەن وزىنەن ءبىر دارەجە جوعارى باقىلاۋ - تەكسەرۋ كوميتەتتەرى الدىندا جاۋاپتى بولادى.

  127 - تارماق باقىلاۋ - تەكسەرۋ كوميتەتى زاڭداعى بەلگىلەمەلەر بويىنشا باقىلاۋ - تەكسەرۋ ۇقىعىن دەربەس جۇرگىزەدى، اكىمشىلىك ورگانداردىڭ، قوعامدىق ۇيىمداردىڭ جانە جەكەلەردىڭ وعان كيلىگۋىنە بولمايدى.

  باقىلاۋ - تەكسەرۋ ورگاندارى مىندەتىندە زاڭعا قايشىلىق جاساۋ جانە مىندەتتىك قىلمىس دەلولارىن باسقارعاندا، سوت ورگاندارىمەن، پروكۋراتۋرا ورگاندارىمەن، زاڭ اتقارۋشى ورگاندارمەن ءوزارا سايكەسۋى، ءبىرىن - ءبىرى تەجەپ وتىرۋى كەرەك.

  7 - تاراۋشا سايكەستى تۇردە 8 - تاراۋشاعا وزگەرتىلسىن، 123 - تارماقتان 138 - تارماققا دەيىنگى مازمۇندار سايكەستى تۇردە 128 - تارماقتان 143 - تارماققا دەيىنگى مازمۇندارعا وزگەرتىلسىن.

 (شينحۋا اگەنتتىگىنىڭ 3 - ايدىڭ 6 - كۇنى بەيجيڭنەن بەرگەن حابارى)

 (جۇڭگو ۇلتتار ءتىل - اۋدارما مەكەمەسى اۋدارعان)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى