ءتىلشىمىز گاۋ فاڭ
2017 - جىلى 3 - ايدىڭ 10 - كۇنى باس شۋجي شي جينپيڭ مەملەكەتتىك 12 - كەزەكتى حالىق قۇرىلتايىنىڭ 5 - ماجىلىسىندە شينجياڭ ۋاكىلدەر ۇيىرمەسىنىڭ تالقىسىنا قاتىناسقان كەزدە مىنانى اتاپ كورسەتتى: ۇلتتار ىنتىماعى − ءار ۇلت حالقىنىڭ جان تامىرى، شينجياڭنىڭ دامۋىنىڭ، العا باسۋىنىڭ ىرگە تاسى. ۇلتتاردىڭ ۇلى ىنتىماعى تۋىن بيىك ۇستاپ، ءار ۇلت حالقىن ۇلى وتانعا، جۇڭحۋا ۇلتىنا، جۇڭحۋا مادەنيەتىنە، جۇڭگو كوممۋنيستىك پارتياسىنا، جۇڭگوشا سوتسياليزمگە مۇراتتاستىقتى كۇشەيتۋگە، ۇلتتار ىنتىماعىن كوز قاراشىعىنداي ايالاۋعا، ءوز ومىرىندەي قاستەرلەۋگە، اناردىڭ دانىندەي تىعىز ۇيىسۋعا جەتەلەۋ كەرەك.
تاپسىرمانى ەستە بەرىك ساقتاپ، شىنايى ءۇمىتتى ورىندادى. ءبىر جىلدان بەرى، شينجياڭداعى ءار ۇلت كادر - جۇرتشىلىعى باس شۋجي شي جينپيڭنىڭ ىقىلاستى قامقورلىعىن قوزعاۋشى كۇش ەتىپ، اۆتونوميالى رايوندىق پارتكومنىڭ باسشىلىعىندا «ۇلتتار ىنتىماعىنىڭ بەرەكەلى شاڭىراعى» قيمىلىن، ۇلتتار ىنتىماعى بىرلەسكەن دوستىق قيمىلىن جانە «تۋىستاسۋ اپتالىعى» قيمىلىن ورىستەتىپ، ارالاسۋدى، ىشتەسۋدى، توعىسۋدى ۇزبەي جەدەلدەتىپ، ۇلتتار ىنتىماعىنىڭ ايبىندى دا ۇلى كۇشىن توپتادى. حانزۋلار از ۇلتتاردان ايرىلا الماۋ، از ۇلتتار حانزۋلاردان ايرىلا الماۋ، از ۇلتتار ءبىر - بىرىنەن ايرىلا الماۋ يدەياسى ءار ۇلت ۇلاندارىنىڭ ناقتى ارەكەتى بارىسىندا ايگىلەنىپ، باس شۋجي شي جينپيڭنىڭ «اناردىڭ دانىندەي تىعىز ۇيىسۋ» ءۇمىتىن شىندىققا اينالدىردى.
ۇلتتاردىڭ بەرەكەلى شاڭىراعىنان اسەرلى اڭگىمەلەر تولاستامادى
بيىل 1 - ايدىڭ 1 - كۇنى اۆتونوميالى رايوندىق پارتكومنىڭ بىرلىكساپ ءبولىمى ۇيىمداستىرعان، شينجياڭ «ۇلتتار ىنتىماعىنىڭ بەرەكەلى شاڭىراعى» قيمىلىنا باسشىلىق ەتۋ گرۋپپاسى كەڭسەسى مەن تيانشان تورابى بىرلەسىپ اتقارعان «شينجياڭ ۇلتتار ىنتىماعىنىڭ بەرەكەلى شاڭىراعى» ءۇنحات الەۋمەتتىك ءنومىرى جەلىگە شىقتى. شينجياڭنىڭ جەر - جەرىندەگى «ۇلتتار ىنتىماعىنىڭ بەرەكەلى شاڭىراعى» قيمىلى بارىسىنداعى اسەرلى اڭگىمەلەر مەن جارقىن تۇيىندەر وسى ينتەرنەت تۇعىرى ارقىلى ادامداردىڭ نازارىن اۋداردى.
باس شۋجي شي جينپيڭ مەملەكەتتىك 12 - كەزەكتى حالىق قۇرىلتايىنىڭ 5 - ماجىلىسىندە شينجياڭ ۋاكىلدەر ۇيىرمەسىنىڭ تالقىسىنا قاتىناسقان كەزدە «ۇلتتار ىنتىماعىنىڭ بەرەكەلى شاڭىراعى» جانە ۇلتتار ىنتىماعى بىرلەسكەن دوستىق قيمىلىن ۇزبەي ورىستەتۋدى، ۇلتتار ىنتىماعىن كۇندەلىكتى تۇرمىس، قىزمەت، ۇيرەنۋ بارىسىندا تياناقتاندىرۋدى، ونى مەكتەپ تاربيەسىنىڭ، وتباسى تاربيەسىنىڭ، قوعامدىق تاربيەنىڭ بۋىن - بۋىندارىنا ءسىڭىرىپ، ۇلتتار ىنتىماعىنىڭ گۇلىن قۇلپىرتا ءتۇسۋدى باسا دارىپتەدى. شينجياڭداعى پارتيا مۇشەلەرى مەن كادرلار باس شۋجيدىڭ تاپسىرماسىن ەستە بەرىك ساقتاپ، ءار ۇلت بۇقاراسىمەن ىرىقتى تۇردە جۇپ قۇراپ، تۋىستاسىپ، ۇنەمى بارىس - كەلىس جاسايتىن، ءوزارا ۇيرەنەتىن، شىنايى كومەكتەسىپ سۇيەمەلدەيتىن اسا تاماشا اۋقىم قالىپتاستىردى.
بىلتىر 3 - ايدىڭ 25 - كۇنى «ۇلتتار ىنتىماعىنىڭ بەرەكەلى شاڭىراعى ءنومىرلى» جۇردەك پويەز قاتىناي باستادى، بۇل شينجياڭعا پويەز قاتىناعان 60 جىلدان بەرى، ۇرىمجىدەن حوتانعا تىكەلەي قاتىنايتىن جولاۋشىلار جۇردەك پويەزىنىڭ العاش رەت قاتىناۋى، بۇل شينجياڭداعى پارتيا مۇشەلەرى مەن كادرلاردىڭ تۋىستارىنا بارۋىنا اناعۇرلىم داڭعىل جول اشتى.
تۋىستارى جايلى سىر ءبولىسۋ، سالەم - ساۋقىتتارىن ءوزارا كورسەتۋ، دوستىق قيمىلىن ورىستەتۋ... كۇنىنە ءبىر كەزەك قاتىنايتىن ءۇرىمجى - حوتان «ۇلتتار ىنتىماعىنىڭ بەرەكەلى شاڭىراعى ءنومىرلى» جولاۋشىلار جۇردەك پوپەزىنداعى اسەرلى كورىنىسكە اينالدى. وسى پويەزبەن بىرگە شينجياڭداعى ءار ۇلت حالقىنىڭ اناردىڭ دانىندەي تىعىز ۇيىسقان تەرەڭ سۇيىسپەنشىلىكتەرى جالعاسىپ جاتتى.
بىلتىر 12 - ايدا اۆتونوميالى رايوندىق پارتكوم ۇلتتار ىنتىماعى «تۋىستاسۋ اپتالعى» قيمىلىن ورىستەتتى، بۇكىل رايونداعى كادرلار، جۇمىسشى - قىزمەتكەرلەر اۋىل - قىستاقتارعا، الەۋمەتتىك اۋماقتارعا بارىپ، بۇقارامەن بىرگە تاماقتانىپ، بىرگە تۇرىپ، بىرگە ەڭبەك ىستەپ، بىرگە ۇيرەندى. كوپشىلىك تۋىستاسقان وتباسىلارىمەن بىرگە پارتيا 19 - قۇرىلتايىنىڭ رۋحىن ۇيرەندى، بىرگە ەڭبەك ەتتى، اۋلا تازالاستى، كەدەيلىكتەن قۇتىلىپ، اۋقاتتانۋدىڭ جاقسى ءادىسى جونىندە سىر شەرتىستى... ۇلتتار ىنتىماعىنىڭ بەرەكەلى شاڭىراعى قيمىلى ارقىلى بەرەكە - بىرلىك كۇننەن - كۇنگە نىعايا ءتۇستى.
بيىل كوكتەم مەرەكەسى كەزىندە، «تۋىستاسۋ اپتالىعى» قيمىلى مارەسىنە جەتتى، رايونىمىزدىڭ مەكەمە - ورىندارىنداعى كادرلار، جۇمىسشى - قىزمەتكەرلەر تەرەڭ سۇيىسپەنشىلىكپەن جاۋاپكەرلىك ارقالاپ، مىندەتتەرىن ۇستىنە الىپ نەگىزگى ساتىلارعا بارىپ، اۋىلداستارمەن بىرگە كوكتەم مەرەكەسىن قارسى الدى ءارى «تورتتە بىرگە بولۋ، ءتورتتى جەتكىزۋ» قيمىلىن ورىستەتىپ، اۋىلداستارعا مەرەكەلىك سالەمدەمە ۇسىنىپ، پارتيانىڭ قامقورلىعى مەن سۇيىسپەنشىلىگىن جەتكىزىپ، ءار ۇلت بۇقاراسىمەن بىرگە شاتتىققا تولى كوكتەم مەرەكەسىن قۇتتىقتادى.
ءبىر جىلدان بەرى، شينجياڭداعى ءار ۇلت بۇقاراسى باس شۋجيدىڭ ماڭىزدى ءسوزىنىڭ رۋحىن باتىل دايەكتىلەندىرىپ، ۇلتتار ىنتىماعىن كوز قاراشىعىنداي قورعاپ، ءوز ومىرىندەي قاستەرلەدى، ولار ءبىر ءۇيلى جانداي تاتۋ - ءتاتتى ءوتتى، كوڭىلدەرى توعىسىپ، قيىندىقتارعا بىرگە توتەپ بەرىپ، ۇلتتار ىنتىماعىنىڭ شىت جاڭا داستانىن جازدى.
ارالاسۋ، ىشتەسۋ، توعىسۋ بارىسىندا سۇيىسپەنشىلىك تەرەڭدەدى
حوتان قالاسىنان 30 شاقىرىم شالعايداعى شولدە كوپ ۇلت كىرىگىپ قونىستانعان ىنتىماق جاڭا قىستاعىندا تاتۋ - ءتاتتى، ىنتىماقتى، ءبىر - بىرىنە قارايلاسىپ وتكەن ءومىر اڭگىمەلەرى ايتىپ تاۋىسقىسىز، بۇل اڭگىمەلەر ۇرپاقتان - ۇرپاققا جالعاسۋدا.
ىلەنىڭ سولتۇستىگىندەگى نىلقى اۋدانىنىڭ ءىشىنارا اۋىل - قالاشىقتارىندا، الاڭدارىندا ۇلتتار «كىرىگىپ قونىستانعان قىستاقتار» سول جەردىڭ ايقىن ەرەكشەلىگىنە اينالدى، ءار ۇلت قىستاق تۇرعىندارى بىرگە تۇرىپ، ءوزارا قارايلاسىپ، پىكىرلەسىپ، ءوندىرىس تەحنيكاسىن ءوزارا ۇيرەنىپ، ءوندىرىستى بىرگە دامىتىپ، بايۋ جولىنا بىرگە ءتۇستى، مىنە وسىلايشا ۇلتتار ىنتىماعىنىڭ «ءبىر - بىرىنەن ايرىلا المايتىن» ۇلى شاڭىراعى قالىپتاستى.
ءۇرىمجى قالاسى سايباق رايونى پيڭديڭشان اۋماعىن باسقارۋ كوميتەتى پيڭديڭشان الەۋمەتتىك اۋماعىندا ۇلتتاردىڭ ءداستۇرلى مەرەكە - مەيرامى كەزىندە «ءبىزدىڭ ۇيگە كەلىپ ايكۇلشەدەن ءدام تات، ءسىزدىڭ ۇيگە بارىپ پالاۋ باسىپ بەرەيىن»... وسى سياقتى بارىس - كەلىستەر تۇرعىنداردىڭ داعدىسىنا اينالدى، كوپشىلىك شاتتىققا شومىپ، ءماز - ءمايرام بولاتىن بولدى.
حوتان پەداگوگيكا تەحنيكۋمىنداعى ءار ۇلت وقىتۋشى - وقۋشىلارى بىرگە ۇيرەنىپ، بىرگە تۇرمىس كەشىپ، قيمىلعا بىرگە قاتىناسىپ، بىرگە جەتىلدى، ءوزارا ءتىل ۇيرەنىپ، تەحنيكا ۇيرەنىپ، ءوزارا قارايلاستى، تۇرمىستاعى ۇساق ىستەردەن قويۋ سۇيىسپەنشىلىك ورناتىپ، ۇلتتار ىنتىماعىنىڭ گۇلىن قۇلپىرتا ءتۇستى.
بۇل كۇندەرى شينجياڭنىڭ بايتاق دالاسىندا ۇلتتار ارالاسقان، ىشتەسكەن، توعىسقان، بىرگە تۇرىپ، بىرگە ۇيرەنگەن، بىرگە ىستەپ، بىرگە شاتتىققا شومعان اسەم كارتينا قالىپتاسىپ، ءار ۇلت باۋىرلاستار قويۋ ارالاسىپ، ءبىر - بىرىنە قارايلاسىپ، تاماشا تۇرمىستى بىرگە جاراتتى.
ۇلتتار ىنتىماعىندا، العاباسارلىعىندا ۇلگىلى ورىن قۇرۋدا تىڭ بەينە جارىققا شىقتى
ءبىر جىلدان بەرى، تۇتاس رايونىمىز باس شۋجي شي جينپيڭنىڭ تاپسىرماسىن ەستە بەرىك ساقتاپ، ۇلتتار ىنتىماعىن جەبەۋدى قىزمەتتىڭ ءتۇيىنى ەتىپ، ءبىر جاعادان باس، ءبىر جەڭنەن قول شىعارىپ ىلگەرىلەتتى.
ۇلتتار ىنتىماعىنىڭ ىشكى ءمانىن تەرەڭدەتۋ ءۇشىن جەر - جەر، تاراۋلار ۇلتتار ىنتىماعىنىڭ دانەكەرى مەن فورماسىنا جاڭالىق ەنگىزىپ، باي مازمۇندى ۇلتتار ىنتىماعى ۇگىت - تاربيەسىن جانە ۇلتتار ىنتىماعى، العاباسارلىعى قيمىلىن ورسىتەتتى؛ حالىق تۇرمىسىن قامتاماسىز ەتۋدى جانە جاقسارتۋدى ۇلتتار ىنتىماعى قىزمەتىنىڭ شىعار ءتۇيىنى جانە تابان تىرەر تياناعى ەتىپ، «حالىققا ءتيىمدى 9 ءىرى ينجەنەريانى» كۇش سالا اتقاردى، حالىققا ءتيىمدى ساياساتتاردان ءار ۇلت بۇقاراسى تەڭ يگىلىكتەندى، تابىس سەزىمى، باقىت سەزىمى ۇزبەي كۇشەيدى. سونىمەن قوسا، ۇلتتار ىنتىماعى، العاباسارلىعى قيمىلىن كەدەيلىكتەن دالمە - ءدال قۇتىلدىرۋمەن ءونىمدى ۇشتاستىرىپ، كوپ ارنالار ارقىلى قارجى جيناپ، ەكونوميكانىڭ دامۋىن جەدەلدەتتى.
سونىمەن بىرگە، تۇتاس رايونىمىزداعى ورتا، باستاۋىش مەكتەپتەر، جوعارى مەكتەپتەر «5 كوزقاراس»، «5 ورتاق تانىم» جانە «ءۇشتىڭ ءبىر - بىرىنەن ايرىلا الماۋى» تاربيەسىن ورىستەتىپ، وقۋشىلارعا شينجياڭنىڭ ەجەلدەن بەرى وتانىمىزدىڭ ايرىلماس ءبىر بولەگى ەكەنىن ايقىن ءتۇسىندىرىپ، ولاردى دۇرىس دۇنيە كوزقاراسىن، ءومىر كوزقاراسىن، قۇن كوزقاراسىن ورناتۋعا، وڭاي - وسپاق قولعا كەلمەگەن جاراسىمدى ورنىقتى جاعدايدى قادىرلەۋگە، ۇيرەنۋ ورايىن قاستەرلەۋگە، قوعام ورنىقتىلىعى مەن باياندى تىنىشتىقتى قورعاۋ جاۋاپكەرلىگىن كۇشەيتۋگە جەتەلەدى.
جۇپ قۇراپ، تۋىس بولۋ قيمىلى بارىسىندا قالىڭ پارتيا مۇشەلەرى مەن كادرلار مەملەكەت تۋىن شىعارۋ، اڭگىمە ءماجىلىسىن اشۋ، تۋىسىنىڭ ۇيىنە بارۋ، حال سۇراۋ بۇيىمدارىن ۇسىنۋ سياقتى تاسىلدەر ارقىلى جۇپ قۇراعان بۇقارامەن شىنايى، ىرىقتى تۇردە دوستاسىپ، جاعداي ۇعىسىپ، پارتيانىڭ ۇلت، ءدىن، كەدەيلەردى سۇيەمەلدەۋ، وركەندەتۋ، اۋىل شارۋاشىلىعىن كۇشەيتۋ، شارۋالارعا تيىمدىلىك جاساۋ سياقتى ساياساتتارىن ۇگىتتەپ، بۇقارامەن بايلانىستارىن جاقىنداتا ءتۇستى.
ۇلتتار ىنتىماعىن جەبەيتىن ءبىرسىپىرا جاندى امالياتتار ارقىلى رايونىمىزدىڭ ۇلتتار ىنتىماعى، العاباسارلىعى ىستەرى ايتارلىقتاي تابىسقا قول جەتكىزدى، ۇلتتار ىنتىماعى جىرى اسقاقتاپ، ءار ۇلت حالقىنىڭ قول ۇستاسا بىرگە العا باساتىن قۇدىرەتتى وڭ ەنەرگياسى تاسقىنداپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا بەرىك نەگىز قالاندى.
