تيانشان تورى
تيانشان تورى   ›   جاڭالىقتار   ›   سۋرەتتى حابار

شينجياڭ ۋاكىلدەر ۇيىرمەسى جيىن اشىپ، جوسپار بايانداماسى مەن مەجە ەسەپ بايانداماسىن قارادى

چىن چۋانگو، ەركىن يمىرباقى، شوكىرات زاكىر، شاۋكەت يمىن، سۇن جينلۇڭ جيىنعا قاتىناستى

   تىلشىلەرىمىز ياۋ تۇڭ، شى شين 3 - ايدىڭ 8 - كۇنى بەيجيڭنەن حابارلايدى. 3 - ايدىڭ 8 - كۇنى تۇستەن بۇرىن جانە تۇستەن كەيىن مەملەكەتتىك 13 - كەزەكتى حالىق قۇرىلتايىنىڭ 1 - ماجىلىسىنە قاتىناسىپ جاتقان شينجياڭ ۋاكىلدەر ۇيىرمەسى جالپى جيىن جانە گرۋپپالار جيىنىن وتكىزىپ، باس شۋجي شي جينپيڭنىڭ گۋاڭدۇڭ ۋاكىلدەر ۇيىرمەسىنىڭ تالقىسىنا قاتىناسقاندا سويلەگەن ماڭىزدى ءسوزىنىڭ رۋحىن مۇقيات جەتكىزدى، ۇيرەندى، 2017 - جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ جاعدايى جانە 2018 - جىلعى حالىق شارۋاشىلىعى مەن قوعامدىق دامۋ جوسپار جوباسى جونىندەگى باياندامانى، 2017 - جىلعى ورتالىق پەن جەرگىلىكتى مەجە ەسەپتىڭ اتقارىلۋى جاعدايى جانە 2018 - جىلعى ورتالىق پەن جەرگىلىكتى مەجە ەسەپ جوباسى جونىندەگى باياندامانى قارادى.

  شينجياڭ ۋاكىلدەر ۇيىرمەسىنىڭ باستىعى، اۆتونوميالى رايوندىق پارتكومنىڭ شۋجيى چىن چۋانگو باس شۋجي شي جينپيڭنىڭ گۋاڭدۇڭ ۋاكىلدەر ۇيىرمەسىنىڭ تالقىسىنا قاتىناسقاندا سويلەگەن ماڭىزدى ءسوزىنىڭ رۋحىن جەتكىزدى. مەملەكەتتىك حالىق قۇرىلتايىنىڭ ۋاكىلى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى ەركىن يمىرباقى جانە مەملەكەتتىك حالىق قۇرىلتايىنىڭ ۋاكىلدەرى شوكىرات زاكىر، شاۋكەت يمىن، سۇن جينلۇڭ باياندامالاردى قاراۋعا قاتىناستى. قازىنا مينيسترلىگىنىڭ ورىنباسار مينيسترى يۇي ۋيپيڭ، تۇرعىن ءۇي جانە قالا قۇرىلىسى مينيسترلىگىنىڭ ورىنباسار مينيسترى ي جۇن جانە مەملەكەتتىڭ مينيسترلىك - كوميتەتتەرىنىڭ قاتىستى تاراۋلارىنداعى جاۋاپتى جولداستار جيىنعا قاتىناسىپ، پىكىر تىڭدادى.

  ۋاكىلدەر بىلاي دەپ قارادى: وتكەن جىلدىڭ باسىنان بەرى، كۇردەلى دە قۇبىلمالى حالىقارالىق جانە ىشكى جاعدايعا سايكەس، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بۇكىل ەلدىڭ جەر - جەرى، تاراۋلارى «4 تانىمدى» ۇزبەي نىعايتىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن ىشكەرىلەي دايەكتىلەندىرىپ، ورتالىقتىڭ ەكونوميكالىق قىزمەت ءماجىلىسىنىڭ ورنالاستىرۋى بويىنشا، قىزمەتتىڭ ورنىقتىلىق بارىسىندا ىلگەرىلەۋ سىندى جالپى ارقاۋىنان جازباي، جاڭا دامۋ ۇستانىمدارىن دايەكتىلەندىرىپ، مەملەكەتتىك 12 - كەزەكتى حالىق قۇرىلتايىنىڭ 5 - ماجىلىسىندە تەكسەرىپ بەكىتىلگەن 2017 - جىلعى حالىق شارۋاشىلىعى مەن قوعامدىق دامۋ جوسپارىن جانە مەجە ەسەپتى بۇلجىتپاي اتقارىپ، دامۋدىڭ ساپاسى مەن تيىمدىلىگىن جوعارىلاتۋدى وزەك، قامداۋ جاعىنداعى قۇرىلىمدىق رەفورمانى ىلگەرىلەتۋدى نەگىزگى جەلى ەتۋگە تاباندى بولىپ، ارتۋدى ورنىقتىرۋ، رەفورمانى جەبەۋ، قۇرىلىمدى رەتتەۋ، حالىق تۇرمىسىنا تيىمدىلىك جاساۋ، حاۋىپ - قاتەردەن ساقتانۋ قىزمەتتەرىن ءبىر تۇتاس ىلگەرىلەتتى، ەكونوميكالىق اينالىم تۇراقتىلىق بارىسىندا ىلگەرىلەپ، جاقسارۋعا بەت الدى، ناتيجەسى مەجەدەگىدەن جاقسى بولدى، جوسپاردىڭ اتقارىلۋ جاعدايى جالپى العاندا جاقسى بولدى، ورتالىق پەن جەرگىلىكتى مەجە ەسەپتىڭ اتقارىلۋ جاعدايى دا ءبىرشاما جاقسى بولدى. 2018 - جىلعى حالىق شارۋاشىلىعى مەن قوعامدىق دامۋ جوسپار جوباسىندا، 2018 - جىلعى ورتالىق پەن جەرگىلىكتى مەجە ەسەپ جوباسىندا شي جينپيڭنىڭ جاڭا ءداۋىر جۇڭگوشا سوتسياليزم يدەياسى جەتەكشى ەتىلىپ، پارتيا 19 - قۇرىلتايىنىڭ ورنالاستىرۋلارى دايەكتىلەندىرىلىپ، بيىلعى ەكونوميكالىق، قوعامدىق دامۋدىڭ جالپى تالاپتارى ايگىلەنگەن، ورنالاستىرۋلار ۇيلەسىمدى بولعان، ونى قۇپتايمىز.

  حى شيڭلياڭ، پۇربا تۇگجەجاپ، ليۋ باۋزىڭ، ۋاڭ يانچيڭ سياقتى ۋاكىلدەر مىنانى ۇسىنىس ەتتى: بيىلعى حالىق شارۋاشىلىعى مەن قوعامدىق دامۋ جوسپارىندا دامۋدى الدىڭعى ورىنعا قويۋعا، تيىمدىلىكتى الدىمەن ەسكەرۋگە تاباندى بولىپ، قامداۋ جاعىنداعى قۇرىلىمدىق رەفورمانى تەرەڭدەتۋگە؛ قىزمەتتىڭ كۇش سالۋ ءتۇيىنى مەن قامال الۋ تۇيىندەرىن ءدال يگەرۋگە تاباندى بولىپ، ناقتى ەكونوميكا، عىلىم - تەحنيكالىق جاڭالىق، وسى زامانعى فينانس، ادام كۇشى بايلىعى سايكەستى دامىعان شارۋاشىلىق جۇيەسىن جەدەل ورناتۋعا؛ ۇكىمەت پەن بازاردىڭ قاتىناسىن ويداعىداي شەشۋگە تاباندى بولىپ، بازار مەحانيزمى ءونىمدى، ميكرو سۋبيەكتىلەر جاندى، ماكرو رەتتەۋ پارمەندى ەكونوميكالىق ءتۇزىلىستى جەدەل ورناتۋعا؛ نىسانانى باعدار ەتۋ مەن ماسەلەنى باعدار ەتۋگە تاباندى بولىپ، ءتۇيىندى يگەرۋدى، ولقىلىقتى تولىقتاۋدى، ءالسىز جاقتاردى كۇشەيتۋدى كورنەكتىلەندىرىپ، ەلىمىز ەكونوميكاسىنىڭ دامۋى تاپ بولعان قيىن اسۋدان وتۋگە قۇلشىنىپ، ساپانىڭ قاۋىرت كوتەرىلۋى بارىسىندا ساننىڭ ءتيىمدى ارتۋىن ىسكە اسىرۋعا باسا نازار اۋدارۋ قاجەت.

  جاڭ چىڭ - ي، ۋاڭ گاڭ، مامەتيمىن ابدىعاني، ريزا باعداۋلەت قىزى، شۇي تاۋ سياقتى ۋاكىلدەر مىنانى ۇسىنىس ەتتى: بيىلعى ورتالىق پەن جەرگىلىكتى مەجە ەسەپتىڭ جاسالۋىندا مەجە ەسەپ زاڭىن اناعۇرلىم ويداعىداي اتقارىپ، قازىنا - سالىق ءتۇزىلىسى رەفورماسىن جەدەلدەتىپ، جۇمىس ناتيجەسى بويىنشا باسقارۋدى جاپپاي جولعا قويىپ، مەجە ەسەپتىڭ اتقارىلۋىن باسقارۋدى كۇشەيتىپ، جەرگىلىكتى قارىزدى باسقارۋدى نىعايتىپ، قازىنا - ەكونوميكا ءتارتىبىن ونان ارى قاتايتىپ، بيىلعى قازىنالىق رەفورما، دامۋ قىزمەتتەرىن شىن مانىندە ويداعىداي ىستەۋ كەرەك.

  ياسىن سىدىق، ميھىراي يبىراھيم، ءورنيسا قادىر، چىن لياڭ، ادالەت ازەز سياقتى ۋاكىلدەر مىنالاردى ءبىلدىردى: بيىلعى ەكونوميكالىق، قوعامدىق دامۋ قىزمەتىن جاقسى ىستەۋدىڭ ءمانى زور، مىندەتى اۋىر. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز توپتاسىپ، جۇڭگوشا سوتسياليزم ۇلى تۋىن بيىك ۇستاپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، زەيىن - زەردە مەن كۇش - قۋاتتى شوعىرلاندىرىپ، رەفورما جاساپ، جاڭالىق اشىپ، ناقتى يگەرىپ، شىنايى ىستەپ، قيىندىقتاردى جەڭىپ، ەكونوميكا مەن قوعامنىڭ باياندى ءارى اقاۋسىز دامۋىن جەبەپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاۋعا مىعىم نەگىز قالاۋ كەرەك.

    مەملەكەتتىك حالىق قۇرىلتايىنىڭ ۋاكىلدەرى نايىم ياسىن، شى داگاڭ، ليۋ حايشيڭ، لي ۋي، ما شۋەجۇن، لو دۇڭچۋان، پىڭ جيارۇي، ابدۇراقىپ ءتۇمۇرنياز، ت.ب باياندامالاردى قاراۋعا قاتىناستى. مەملەكەتتىك 12 - كەزەكتى حالىق قۇرىلتايى تۇراقتى كوميتەتىنىڭ مۇشەسى اسحات كەرىمباي ۇلى جيىنعا سىرتتاي قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.