تيانشان تورى
تيانشان تورى   ›   جاڭالىقتار   ›   شينجياڭ حابارلارى

ولار جاڭا داۋىردىڭ كۇرەسكەرلەرى

 «جاڭا ءداۋىر − كۇرەسكەرلەردىڭ ءداۋىرى»، «تەك كۇرەس جۇرگىزگەن ءومىر عانا، باقىتتى ءومىر سانالادى». باس شۋجي شي جينپيڭنىڭ 2018 - جىلعى كوكتەم مەرەكەسى بايلانىسىمەن وتكىزىلگەن توپتىق شاعانشىلاۋ جينالىسىنداعى ماڭىزدى ءسوزى مىڭداعان، ميلليونداعان حالىقتىڭ جاڭا داۋىردە ەكپىندەي ىلگەرىلەگەن اسقاق رۋحىن الاۋلاتىپ، ۇلى ىستەرگە ءوزىن ارناپ، قاجىرلىلىقپەن كۇرەس جاساپ جاتقان، ۇلى جورىقتىڭ جولىن قالتقىسىز ەڭبەگىمەن نۇرلاندىرعان ادامدارعا شابىت بەردى.

  «8 - ناۋرىز» حالىقارالىق ايەلدەر مەرەكەسى قارساڭىندا، مەملەكەتتىك ەكى ماجىلىسكە قاتىناسىپ جاتقان اۆتونوميالى رايونىمىزدىڭ ايەل ۋاكىلدەرى مەن مۇشەلەرى حالىقتىڭ تاماشا تۇرمىسقا دەگەن تالپىنىسىن كۇرەس نىساناسى ەتۋدەن جازباي، باستان - اياق حالىق ءۇشىن، حالىقپەن بىرگە كۇرەس جاسايتىندىقتارىن ءبىلدىردى.

   كۇرەس جۇرگىزگەن ءومىر − باقىتتى ءومىر

  ءورنيسا قادىر

  مەملەكەتتىك حالىق قۇرىلتايىنىڭ ۋاكىلى، تۇرپان قالالىق جەمىس ورمان شارۋاشىلىعى تەحنيكاسىن جالپىلاستىرۋ - قىزمەت كورسەتۋ ورتالىعىنىڭ ورىنباسار مەڭگەرۋشىسى

  اماليات كۇتىپ وتىراتىنداردىڭ بولاشاعىنىڭ بۇلدىر بولاتىندىعىن، كۇرەسكەرلەردىڭ كەرەمەتتەر جاراتاتىندىعىن دالەلدەدى.

  «قىزمەتتىڭ قانداي ىستەلگەندىگى سوزدەن ەمەس، ىستەگەن ىستەن بىلىنەدى. كۇرەس − جاپا - ماشاقاتتى، ۇزاق ۋاقىتقا جالعاسادى، جولى بۇرالاڭ، الايدا كۇرەس جاساۋدىڭ ءوزى باقىت، جاپا - ماشاقات بولماسا، ناعىز كۇرەس ەسەپتەلمەيدى». مەملەكەتتىك حالىق قۇرىلتايىنىڭ ۋاكىلى، تۇرپان قالالىق جەمىس ورمان شارۋاشىلىعى تەحنيكاسىن جالپىلاستىرۋ - قىزمەت كورسەتۋ ورتالىعىنىڭ ورىنباسار مەڭگەرۋشىسى ءورنيسا قادىر تۇرپان ءجۇزىمىنىڭ ساپاسىن جوعارىلاتۋ، شارۋالاردىڭ ەڭبەك كۇشەمەلىلىگىن جەڭىلدەتۋ ءۇشىن، ءجۇزىم سورەسىنە 9 ءتۇرلى فورمادا سىناق جاساپ، ءجۇزىمدى «ءۇشتى وزگەرتۋ، ەكىنى مەڭگەرۋ، ءبىردى ساپالىلاندىرۋ» بويىنشا ولشەمدەندىرىپ ەگۋ تەحنيكاسىن زەرتتەپ قورىتىندىلاپ شىقتى.

  العاشىندا باستاپ جالپىلاستىرعان كەزدە، شارۋالاردىڭ دەنى بۇل تەحنيكانى تۇسىنبەدى، قابىلداپ كەتپەدى. ءورنيسا ايەلدەرگە ءتان سابىرلىلىقپەن، قاداعالاي وتىرىپ شارۋالارعا ءبىر - بىرلەپ ءتۇسىندىرىپ بەردى، بۇگىنگى كۇندەرى بۇل تەحنيكانىڭ تۇرپان قالاسىندا جالپىلاسقان اۋماعى 100 مىڭ مۋعا جەتتى.

  ناقتى ىستەگەندە عانا، بولاشاق جاراتۋعا بولادى. ءورنيسا: وسى بىرنەشە جىلداعى قۇلشىنىسىمىز ارقىلى تۇرپان ءجۇزىمىنىڭ ساپاسى ۇزدىكسىز جوعارىلادى، شارۋالاردىڭ كىرىسى دە ارتتى. بۇدان كەيىن مەن حالىق قۇرىلتايى ۋاكىلدەرىنىڭ حالىق اراسىنان شىعىپ، حالىققا تامىر تارتۋ ابزالدىلىعىن تولىق ساۋلەلەندىرىپ، حالىق تۇرمىسىنا جاناسىپ، حالىقتىڭ جاعدايىنا قاداعالاي قاراپ، حالىقتىڭ اقىل - پاراساتىن ۇيىستىرىپ، حالىقتىڭ قالاۋىنا سايكەسۋگە قۇلشىنامىن، - دەدى.

  جەمەنەي اۋدانى جەمەنەي قالاشىعى سارولەڭ قىستاعى جۇڭگو - قازاقستان شەكاراسىنداعى قىستاق، قىستاقتىڭ كوللەكتيۆ ەكونوميكاسى ءبىر مەزگىل توقىراپ قالىپ، بۇقارانىڭ پىكىرى كۇشتى بولىپ كەلگەن ەدى. مەملەكەتتىك حالىق قۇرىلتايىنىڭ ۋاكىلى، سارولەڭ قىستاعى پارتيا ياچەيكاسىنىڭ شۋجيى، قىستاق تۇرعىندار كوميتەتىنىڭ مەڭگەرۋشىسى ريزا باعداۋلەت قىزى وسى اراعا كەلىپ قىزمەت ىستەگەننەن كەيىن، قىستاق جاعدايىن نەگىز ەتىپ، قىستاق كادرلارىن باستاپ ءۇي - ءۇيدى ارالاپ بۇقارانىڭ ۇسىنىس - پىكىرلەرىن جيناپ، جاۋاپكەرشىلىكتى ايقىنداپ، «ەكى كوميتەت» باسشىلىق القاسىنىڭ ۇيىسۋ قۋاتى مەن جاۋىنگەرلىك قۋاتىن بارىنشا جوعارىلاتتى.

  ريزا: حالىق ءۇشىن كۇرەسۋدە، پارتيا نۇسقاعان باعىتتى، حالىق تالپىنعان تاماشا تۇرمىستى بەتكە الىپ كۇرەس جاساپ، وسىنداي مۇرات - سەنىمدى بەكەمدەسەك، ءبىزدىڭ كۇرەسىمىز، ءسوز جوق، جەڭىسكە جەتەدى، - دەدى.

  مەملەكەتتىك ساياسي كەڭەستىڭ شينجياڭداعى مۇشەسى، شاپشال سىبە اۆتونوميالى اۋداندىق وقۋ - اعارتۋ مەكەمەسى وقۋشى قابىلداۋ - ەمتيحان ورتالىعىنىڭ مەڭگەرۋشىسى گۋان فاڭفاڭ: مەن ءبىر ديقاننىڭ قىزىمىن، 1992 - جىلى مەملەكەتتىڭ ابزال ساياساتىنىڭ ارقاسىندا ۋنيۆەرسيتەتكە قابىلداندىم، ودان نەگىزگى ساتىعا كەلىپ قىزمەت ىستەدىم، مەنىڭ ەسەيگەن ءاربىر قادامىمدا كۇرەس حيكاياسى جاتىر. جاڭا ءداۋىردىڭ كۇرەسى جۇڭگونى ءتىپتى العا ۇمتىلا بەرۋگە شاقىرۋ ءۇشىن ءارى كۇرەسكەرلەرگە ومىرلەرىنىڭ قۇنىن اناعۇرلىم ايگىلەيتىن وراي جاراتۋ ءۇشىن بولىپ تابىلادى. ءبىز جاڭا ءداۋىر تولقىنىندا جۇزۋشىلەرمىز، بارلىق ادام جاڭا ءداۋىردىڭ كۇرەسكەرلەرى بولۋى كەرەك، - دەدى.

حالىق ءۇشىن قاجىماي كۇرەسۋ − بورىشىمىز

  ريزا باعداۋلەت قىزى

  مەملەكەتتىك حالىق قۇرىلتايىنىڭ ۋاكىلى، جەمەنەي اۋدانى جەمەنەي قالاشىعى سارولەڭ قىستاعى پارتيا ياچەيكاسىنىڭ شۋجيى، قىستاق تۇرعىندار كوميتەتىنىڭ مەڭگەرۋشىسى

  مەملەكەتتىڭ قۇدىرەتتى، دەموكراتيالى، وركەنيەتتى، جاراسىمدى، كورىكتى بولۋى ءۇشىن تالپىنۋ، حالىقتىڭ تاماشا تۇرمىسقا دەگەن تالپىنىسى ءۇشىن قۇلشىنا ۇلەس قوسۋ، مۇنداي كۇرەس ءتىپتى دە باقىتتى بولماق.

  ءجۇزىم ساپاسىنىڭ جوعارىلاۋىنا ىلەسە، بىلتىر تۇرپاننىڭ جاڭا ءجۇزىمىنىڭ ساتىلىم مولشەرى 310 مىڭ تونناعا جەتتى، ساتىلىم باعاسى دا وتكەندەگى ءار كيلوگرامى 2 − 3 يۋاننان جوعارىلاپ، ءار كيلوگرامى 4 يۋان بولدى ءارى ورتا ازياداعى مەملەكەتتەرگە ەكسپورت ەتىلە باستادى. ءورنيسا: كۇرەس جۇرگىزۋدىڭ بال ءدامىن تاتتىق، ءبىز وڭايلىقشا قولعا كەلمەگەن تابىسىمىزدى، باعالى كۇرەسكەرلىك رۋحىمىزدى ايرىقشا قاستەرلەيمىز، - دەدى.

  «ۇكىمەت قىزمەتىنەن باياندامادا <دامۋ نەگىزىندە حالىققا كوبىرەك پايدالى ناقتى ىستەردى ىستەپ، حالىق تۇرمىسىنا قاتىستى قيىن ىستەردى كوبىرەك شەشىپ، حالىق تۇرمىسىنىڭ تاعانىن مىعىمداپ، حالىق جۇرتشىلىعىنىڭ يگىلىككە كەنەلۋ سەزىمىن، باقىت سەزىمىن، حاۋىپسىزدىك سەزىمىن ۇزدىكسىز جوعارىلاتۋ كەرەك> دەپ اتاپ كورسەتىلدى. ىستەگەندە عانا، تىڭعىلىقتى جاڭا ناتيجەلەر جاراتۋعا بولادى؛ ىستەگەندە عانا، بۇقارانىڭ القاۋىنا يە بولۋعا بولادى. 2016 - جىلى قىستاعىمىز كەدەيلىكتەن قۇتىلدى، 2017 - جىلى قىستاعىمىز تۇرعىندارىنىڭ جىلدىق جان باسىندىق ورتاشا كىرىسى 10 مىڭ يۋاننان استى»، - دەي كەلىپ ريزا: قۇلشىنۋدىڭ ءوزى ءبىر باقىت، ءبىز نەگىزگى ساتى كادرلارى قۇلشىنىستى باستى ورىنعا قويىپ، تاباندىلىقپەن بىلەك سىبانا ىسكە كىرىسۋىمىز كەرەك، - دەدى.

  «مەكتەپتىڭ بەت - بەينەسى زور دارەجەدە جاقساردى، ورتا، باستاۋىش مەكتەپ وقۋشىلارى حاۋىپسىز، ءنارلى، ءدامدى تاماق جەي الاتىن بولدى...» نەگىزگى ساتىنىڭ وقۋ - اعارتۋ جۇيەسىندە 20 نەشە جىل قىزمەت ىستەگەن گۋان فاڭفاڭ شينجياڭنىڭ وقۋ - اعارتۋ ىستەرىندەگى رەفورما مەن دامۋ وزگەرىسىن تەرەڭ سەزىندى، ول: كۇرەسكەرلەردىڭ بارلىعى رۋحى اسقاق جاندار ءارى باقىتتى بىلەتىن، باقىتتىڭ زەينەتىن كورە الاتىن ادامدار، - دەدى.

  ول: حالىقتىڭ تاماشا تۇرمىسقا دەگەن تالپىنىسىن رەالدىققا اينالدىرۋدا، اۋەلگىدەي حالىق ءۇشىن ىستەۋدەي قىزۋ ىنتاعا، رەفورما جاساۋداعى، جاڭالىق اشۋداعى باتىلدىققا، ناقتى، جاپالى ىستەۋ رۋحىنا سۇيەنۋ كەرەك، ءبىز، ءسوز جوق، باس شۋجي شي جينپيڭنىڭ ىقىلاستى ءتالىمىن ەسىمىزدە بەرىك ساقتاپ، حالىقتىڭ تاماشا تۇرمىسقا دەگەن تالپىنىسىن كۇرەس نىساناسى ەتۋدەن جازباي، باستان - اياق حالىق ءۇشىن تالىقپاي كۇرەسۋىمىز، حالىقپەن بىرگە كۇرەسۋىمىز كەرەك، - دەدى.

  جاڭا داۋىردە كۇرەس جاساۋ رۋحىن ماڭگى ساقتايمىز

  گۋان فاڭفاڭ

  مەملەكەتتىك ساياسي كەڭەستىڭ شينجياڭداعى مۇشەسى، شاپشال سىبە اۆتونوميالى اۋداندىق وقۋ - اعارتۋ مەكەمەسى وقۋشى قابىلداۋ - ەمتيحان ورتالىعىنىڭ مەڭگەرۋشىسى

  بولاشاعى نۇرلى تاريحي ورايعا ءدوپ كەلگەن مەزگىلدە، تەك جەدەل، ناقتى ىستەگەندە، ىستەي بىلگەندە عانا، جاڭا ءداۋىردىڭ ۇمىتىنەن شىعۋعا بولادى.

  «بيىلعى ۇكىمەت قىزمەتىنەن بايانداما ناقتى ساياسات قاراستىرىپ، ناقتى شارا الىپ شىعىپ، ناقتى ىستەۋگە ءمان بەردى. ءبىز تەك كۇرەس جاساۋ رۋحىمىزدان جازباساق عانا بولعانى، تابىستارىمىزدى ءوزىمىزدىڭ ءومىر ساپارىمىزدا ايگىلەپ، ىستەرىمىزدى وتاننىڭ كەڭ بايتاق دالاسىندا ايشىقتاي الامىز»، - دەدى ءورنيسا. ول: جاڭا ءداۋىر − جاڭا ساپار. مەن ۇزدىكسىز قۇلشىنا كۇرەس جاساپ، ءجۇزىمدى ولشەمدەندىرىپ ەگۋ تەحنيكاسىن جالپىلاستىرۋ ارقىلى شارۋالاردىڭ قازىرگى مۋ باسىندىق كىرىسىن 6000 يۋاننان 15 مىڭ يۋانعا مولايتۋعا كۇش سالامىن، - دەدى.

  گۋان فاڭفاڭ: ۇكىمەت قىزمەتىنەن باياندامادا «ءادىل دە ساپالى وقۋ - اعارتۋ دامىتىلادى» دەپ اتاپ كورسەتىلدى. ەلىمىز ەكونوميكاسىنىڭ جوعارى قارقىندى ارتۋ كەزەڭىنەن جوعارى ساپالى دامۋ كەزەڭىنە ويىسۋىنا ساي، حالىقتىڭ ءادىل دە ساپالى وقۋ - اعارتۋعا دەگەن قاجەتى اناعۇرلىم كۇشەيدى. وقۋ - اعارتۋ قىزمەتكەرى جانە مەملەكەتتىك ساياسي كەڭەستىڭ مۇشەسى رەتىندە، مەن ءتىپتى دە جوعارى ولشەم بويىنشا وزىمە تالاپ قويىپ، قاجىرلىلىقپەن ىستەۋ، شىنايى، ناقتى ىستەۋ بارىسىندا وزىندىك ساپامدى ءۇرتىس جوعارىلاتامىن، - دەدى.

  ريزا: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ەرەكشە سۇيىسپەنشىلىگىندە، كوڭىل بولۋىندە، قامقورلىعىندا، شينجياڭدا وراسان زور وزگەرىستەر جارىققا شىقتى. قازىر اسفالت جول ءۇيىمىزدىڭ الدىنا جەتتى، قىستاعىمىز تۇرعىندارى بەيقۇت ۇيگە كوشىپ كىردى، قىستاعىمىزدا 500 شارشى مەترلىك بالاباقشا سالىندى، بالالار وقىعاندا مەكتەپتىڭ اۆتوكولىگىمەن بارىپ - كەلەتىن بولدى. ءبىز ماڭگى العىستى كوڭىلمەن، باس شۋجي شي جينپيڭنىڭ ءتالىمىن ەسىمىزدە بەرىك ساقتاپ، العىستى كوڭىلىمىزدى قوزعاۋشى كۇشكە اينالدىرىپ، ماڭگى اسقاق جىگەرمەن، وتان ءۇشىن كۇرەسۋ رۋحىمىزدى ماڭگى ساقتاپ، كوممۋنيستەردىڭ كۇرەسكەرلىك رۋحىنان باستان - اياق جازباۋىمىز كەرەك، - دەدى.

  (سۋرەتتەردى تىلشىلەرىمىز جاۋ جىيۇن، لۋ مين - ي تۇسىرگەن)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.