تيانشان تورى
تيانشان تورى   ›   ۇيرەنۋ   ›   شولۋ

باس شۋجيدىڭ تاپسىرماسىن ەستە بەرىك ساقتاپ، قول ۇستاسا ۇدەرە العا تارتايىق

  بۇگىن 3 - ايدىڭ 10 - كۇنى، شينجياڭداعى ءار ۇلت كادرلارى مەن بۇقارا جونىنەن اتاپ وتۋگە تاتيتىن كۇن. ءبىر جىلدىڭ الدىنداعى وسى كۇنى باس شۋجي شي جينپيڭ مەملەكەتتىك 12 - كەزەكتى حالىق قۇرىلتايىنىڭ 5 - ماجىلىسىنە قاتىناسقان شينجياڭ ۋاكىلدەر ۇيىرمەسىنە كەلىپ ۋاكىلدەرمەن امانداسىپ، تالقىعا قاتىناسىپ، شينجياڭنىڭ ىنتىماقتىلىعى، ورنىقتىلىعى جانە ەكونوميكالىق، قوعامدىق دامۋى جونىندە ايقىن تالاپتار مەن شىنايى ءۇمىتىن العا قويدى. باس شۋجيدىڭ حالىقشىلدىق ستيلى، حالىققا دەگەن سۇيىسپەنشىلىگى، حالىققا دەگەن ىقىلاسى شينجياڭداعى ءار ۇلت حالقىنىڭ جۇرەگىنە تەرەڭ ۇيالادى.

  باس شۋجي شي جينپيڭ شينجياڭ قىزمەتىنە ايرىقشا ءمان بەرىپ، شينجياڭ قىزمەتى جونىندە بىرنەشە رەت ماڭىزدى نۇسقاۋ بەرىپ، ورنالاستىرۋ جاسادى. شينجياڭنىڭ ورنىقتىلىق، دامۋ ىستەرىنىڭ شەشۋشى كەزەڭىندە، ول شينجياڭعا كەلىپ قىزمەت تەكسەرىپ، قىزمەتكە جەتەكشىلىك ەتىپ، ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسىن اشىپ، پارتيامىزدىڭ جاڭا جاعدايدا شينجياڭدى جونگە سالۋ جالپى جوباسىن تۇراقتاندىرىپ، بۇكىل پارتيانىڭ اقىل - پاراساتىن شوعىرلاندىرىپ، بۇكىل ەل بولىپ كۇش سالىپ، شينجياڭنىڭ قوعام ورنىقتىلىعى مەن باياندى تىنىشتىعىن جوبالاۋدى جانە ونى ىلگەرىلەتۋدى العا قويىپ، ءبىرسىپىرا ەرەكشە ءتيىمدى ساياساتتار مەن شارالار قولداندى. باس شۋجي شي جينپيڭ شينجياڭداعى ءار ۇلت كادرلارمەن، بۇقارامەن تىلەكتەس بولىپ، «كورىكتى شينجياڭ قۇرىپ، وتان ارمانىن بىرگە جۇزەگە اسىرايىق» دەگەن ماڭدايشالىقتى ءوز قولىمەن جازىپ بەردى؛ لوپنۇر اۋدانى شيڭپيڭ اۋىلى داشي قىستاعى پارتكومىن بۇقارانى بەينە ماگنيتتەي تارتىپ، تىعىز ۇيىستىرۋعا شابىتتاندىردى؛ كۇشارداعى «كەستەشى اپەكەلى - ءسىڭلى» سياقتى نەگىزگى ساتىداعى ۇلتتار ىنتىماعىنىڭ ۇزدىك ۋاكىلدەرىمەن ىستىق ىقىلاسپەن كەزدەسىپ، ءار ۇلت بۇقاراسىن ءوزارا قولداۋ كورسەتىپ جانە جاردەم بەرىپ، ۇلتتار ىنتىماعى مەن وتاننىڭ تۇتاستىعىن بىرگە قورعاۋعا شابىتتاندىردى؛ قۇربان تۇلىم اتايدىڭ قىزى توقتىحان قۇربانعا ارناۋلى جاۋاپ حات جازىپ، قۇربان تۇلىم اتايدىڭ ۇرپاقتارى مەن اۋىلداستاردى پارتيانى قىزۋ ءسۇيۋدىڭ، وتاندى قىزۋ ءسۇيۋدىڭ، جۇڭحۋا ۇلتى ۇلى شاڭىراعىن قىزۋ ءسۇيۋدىڭ ۇلگىسى بولۋعا شابىتتاندىردى... باس شۋجيدىڭ قامقورلىعى مەن تەرەڭ سۇيىسپەنشىلىگىن شينجياڭداعى ءار ۇلت حالقى ماڭگى ەستەن شىعارمايدى.

  العىس ايتىپ، ەكپىندەي ىلگەرىلەۋ. باس شۋجيگە العىس ايتۋ، پارتيا ورتالىق كوميتەتىنە العىس ايتۋ − شينجياڭداعى ءار ۇلت پەرزەنتتەرىنىڭ ورتاق جۇرەك ءۇنى، باس شۋجيدىڭ تاپسىرماسىن ەستە بەرىك ساقتاپ، قول ۇستاسا ۇدەرە العا تارتۋ − شينجياڭداعى ءار ۇلت ۇلاندارىنىڭ ءىس جۇزىندىك قيمىلى. بىلتىر ەكى ءماجىلىس اشىلعاننان قازىرگە دەيىن، باس شۋجيدىڭ تاپسىرماسىن ەستە بەرىك ساقتاعان شينجياڭداعى ءار ۇلت كادرلارى، جۇرتشىلىق العىس ايتۋدى اسا قۋاتتى قوزعاۋشى كۇشكە اينالدىرىپ، باس شۋجي نۇسقاعان بەتالىسپەن ەرلىكپەن العا ۇمتىلىپ، شينجياڭنىڭ دارقان دالاسىندا ىنتىماقتاسا كۇرەس جۇرگىزۋدىڭ جالىندى بەينەسىن ايگىلەدى.

  ورنىقتىلىق بارلىعىن باسىپ تۇسەدى. باس شۋجي «ورنىقتىلىقتى قورعاۋدى ساياسي جاۋاپكەرشىلىك ەتۋدەن جازباۋ كەرەك» دەگەن بولاتىن. ءار ۇلت كادرلارى مەن بۇقارا اۆتونوميالى رايوننىڭ ورنىقتىلىقتى قورعاۋ شارالارىن بۇلجىتپاي تياناقتاندىرىپ، باتىل ءۇن قاتىپ، ايقىن پوزيتسيا ءبىلدىرىپ، زورلىقتى كۇش، لاڭكەستىك ارەكەتتەرىن اشكەرەلەپ، ادىلەت ءۇنىن تيانشان الابىندا اسقاقتاتتى. تۇتاس شينجياڭدا جوعارىدان - تومەنگە دەيىن «ورنىقتىلىقپەن قاتىسسىز ەشقانداي ءوڭىر، ورنىقتىلىقپەن قاتىسسىز ەشقانداي تاراۋ، ورنىقتىلىقپەن قاتىسسىز ەشقانداي ادام جوق» دەيتىن يدەيا بەرىك ورناپ، لاڭكەستىككە قارسى تۇرىپ، ورنىقتىلىقتى قورعاۋدىڭ قۇرىش قورعانى قالىپتاستى.

  جوعارى ساپالى دامۋعا قادام باستى. باس شۋجي بىلاي دەگەن بولاتىن: اسپانى كوك، جەرى جاسىل، سۋى تۇنىق كورىكتى شينجياڭ قۇرۋعا قۇلشىنۋ كەرەك. «جاسىل تاۋ، تۇنىق سۋ − باعا جەتپەس بايلىق» ۇستانىمىن مىقتاپ ورناتىپ، باياۋ دامىساق تا، ەكولوگيالىق ورتانى قۇرباندىققا شالۋدان اۋلاق بولىپ، وزىندىك ەرەكشەلىكتەگى ابزال كاسىپ سالالارىن جەتىلدىرۋگە، كەمەلدەندىرۋگە باسا ءمان بەرىپ، نەگىزدىك قۇرىلعى قۇرىلىسىن جانە ەكولوگيالىق ورتانى قورعاۋدى كۇشەيتىپ، جىبەك جولى ەكونوميكالىق بەلدەۋىندەگى وزەكتى رايون قۇرىلىسىن جەدەلدەتىپ، بيڭتۋان رەفورماسىن ىلگەرىلەتىپ، بيڭتۋان مەن جەرگىلىكتى ورىننىڭ سايكەستى دامۋىن جەبەۋ كەرەك. جاڭا دامۋ ۇستانىمىنىڭ جەتەكشىلىگىندە شينجياڭنىڭ ەكونوميكاسى جوعارى ساپالى دامۋعا قادام باسىپ، ءار ۇلت بۇقاراسىنا تاماشا ءوندىرىس، تۇرمىس ورتاسىن جاراتىپ، ەكونوميكا مەن قوعامنىڭ ماڭگى باياندى دامۋىنا بەرىك نەگىز قالادى.

  حالىق تۇرمىسى حالىق تىلەگىمەن جالعاسادى. باس شۋجي بىلاي دەگەن بولاتىن: ءار ۇلت بۇقاراسىنا پارتيانىڭ قامقورلىعى مەن وتانىمىز ۇلى شاڭىراعىنىڭ مەيىرىن شىنايى سەزىندىرۋ كەرەك. اۆتونوميالى رايون قاشقار، حوتان ايماعىنداعى قالا - قالاشىقتار مەن اۋىل - قىستاقتارداعى ارتىق ەڭبەككۇشتەردى باسقا سالاعا ويىستىرىپ جۇمىستاندىرۋ قىزمەتىن ورىستەتىپ، جالپى حالىقتىڭ دەنساۋلىعىن تەگىن تەكسەرىپ، اۋىل - قىستاقتا مەكتەپكە دەيىنگى «قوس ءتىل» اعارتۋىن جالپىلاستىرىپ، قوعامدىق قامتاماسىزداندىرۋدىڭ حاۋىپسىز تورىن نىعايتىپ، ءار ۇلت بۇقاراسىنىڭ ءتول مۇددەسىنە ساياتىن، حالىق تۇرمىسىنا قاتىستى ءبىرسىپىرا قيىن ماسەلەلەردى شەشىپ، تيانشان الابىندا ءار ۇلت حالقى جاراسىمدى، باقىتتى، الاڭسىز تۇرمىس كەشىرەتىن جاڭا جاعداي جارىققا شىقتى.

  ىنتىماق − كۇش. باس شۋجي «ۇلتتار ىنتىماعى گۇلىن ماڭگى قۇلپىرتۋ كەرەك» دەگەن بولاتىن. «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇرۋ قىزمەتىندە جاڭا تەبىن جارىققا شىقتى. ءار ۇلت بۇقاراسىمەن بىرگە تاماقتانۋ، بىرگە تۇرۋ، بىرگە ەڭبەك ىستەۋ، بىرگە ۇيرەنۋ ماقساتىنداعى ۇلتتار ىنتىماعىنىڭ «تۋىستاسۋ اپتالىعى» قيمىلى، «ۇلتتار ىنتىماعىنىڭ بەرەكەلى شاڭىراعى» جانە ۇلتتار ىنتىماعى بىرلەسكەن دوستىق قيمىلدارىن تىڭ ورەگە كوتەرىپ، ءار ۇلت بۇقاراسىنىڭ ەتەنە سۇيىسپەنشىلىگىن نىعايتىپ، «5 ورتاق تانىمدى» كۇشەيتتى. قازىر «ۇلتتار ىنتىماعىن كوز قاراشىعىنداي ايالاۋ، ۇلتتار ىنتىماعىن ءوز ومىرىندەي قاستەرلەۋ، اناردىڭ دانىندەي تىعىز ۇيىسۋ» − ءار ۇلت كادرلارى مەن بۇقارانىڭ سانالى ارەكەتىنە اينالدى.

  كوكتەم لەبى ەسىپ، ماگنوليا گۇلى قۇلپىرا اشىلدى. «شينجياڭ استانا بەيجيڭنەن شالعايدا بولسادا، اۆتونوميالى رايوندىق پارتكومنىڭ، بۇكىل اۆتونوميالى رايونداعى ءار دارەجەلى پارتيا ۇيىمدارىنىڭ، قالىڭ پارتيا مۇشەلەرى مەن كادرلاردىڭ جانە ءار ۇلت بۇقاراسىنىڭ تىلەگى قاشاندا شي جينپيڭ جولداستى ۇيتقى ەتكەن پارتيا ورتالىق كوميتەتىمەن بىتە قايناسقان، تىعىز بايلانىسقان». «شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن باتىل تياناقتاندىرىپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ جولىندا ىنتىماقتاسا كۇرەس جۇرگىزەمىز!». بيىل مەملەكەتتىك ەكى ماجىلىسكە قاتىناسقان ۋاكىلدەر مەن مۇشەلەر شينجياڭداعى ءار ۇلت حالقىنىڭ وتانىمىزدىڭ شينجياڭىن مۇنان دا كورىكتى ەتىپ قۇرىپ شىعىپ، باس شۋجيدى، پارتيا ورتالىق كوميتەتىن الاڭسىز ەتەتىن باتىل بەكىمى مەن سەنىمىن ءبىلدىردى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.