تيانشان تورى
تيانشان تورى   ›   جاڭالىقتار   ›   شينجياڭ حابارلارى

ءانسار ءانۋار: باقىتتى تۇرمىسىمىزدى قوس قولىمىزبەن جاراتامىز

ءتىلشىمىز لۋ فىڭباۋ

  3 - ايدىڭ 2 - كۇنى تۇستەن كەيىن، ۇرىمجىگە جاڭبىر ارالاس قار جاۋىپ، ءۇرىمجى جول باسقارۋ مەكەمەسى ۇلانباي سولتۇستىك ايرىق جولى اقى الۋ پۋنكتىنەن ارى - بەرى وتكەن اۆتوكولىكتەر جايشىلىقتاعىدان ازايىپ قالدى، بۇل سايابىرلىق اقى الۋ 1 - كەزەكشىلەر گرۋپپاسىنىڭ باستىعى ءانسار ءانۋارعا تىلشىلىك قابىلداۋ ورايىن تۋدىردى.

    «باس شۋجي شي جينپيڭ جاڭا ءداۋىر كۇرەس جاساۋشىنىڭ ءداۋىرى دەدى. مەنىڭشە، مەيلى قانداي كاسىپپەن شۇعىلدانساڭ دا، قانداي قىزمەت ورنىندا بولساڭ دا تەك قۇلشىنا كۇرەس جاساعاندا عانا ءوزىڭدى ەسەيتۋىڭە، ءداۋىر الدىندا وكىنبەي ىسكەرلىك كورسەتۋىڭە بولادى». ەشتەڭەنى تۇسىنبەيتىن البىرت جاستان بىرتىندەپ ەسەيىپ، اقى جيناۋشىعا، ودان كەزەكشىلەر باستىعى بولعانعا دەيىن، 28 جاستاعى ءانسار ءوزىنىڭ باستان كەشكەندەرى ارقىلى تەك كۇرەس جاساعان ءومىر عانا باقىتتى ءومىر ەسەپتەلەتىنىن دالەلدەدى.

  قىزمەت ىستەگەن سوڭ جاقسى ىستەۋ كەرەك

  2015 - جىلى 5 - ايدا ەمتيحاننان وتكەن ءانسار سانجى حۇيزۋ اۆتونوميالى وبلىسىنىڭ ءبىر اقى الۋ پۋنكتىنە اقى جيناۋشى بولىپ قىزمەتكە قابىلداندى.

  اقى جيناۋشى اقى الۋ پۋنكتىنەن وتكەن ءاربىر موتورلى كولىكتىڭ تۇرپاتىن انىق اجىراتا الۋى كەرەك، بۇل ەڭ نەگىزگى قابىلەت. ءبىراق موتورلى كولىكتىڭ تۇرپاتى 10 نەشەگە جەتەدى، جۇك اۆتوموبيلىنىڭ ءوزى ءوس سانىنا قاراي 5 تۇرپاتقا بولىنەدى. مۇنداي الۋان تۇرپاتتى موتورلى كولىكتى قايتكەندە تەز ايىرۋعا بولادى؟

  ءانسار ءوزىنىڭ قۇلشىنسا بولعانى جاقسى ىستەي الاتىنىنا كامىل سەندى. سونىمەن، پۋنكتتە جۇمىس كۋرسى اشىلعاندا ول نەشە ونداعان موتورلى كولىك تۇرپاتىنا قادالا قاراپ، ولاردىڭ ەلەۋسىز پارىقتارىنا دەيىن كوكەيىنە تۇيۋمەن بولدى. قىزمەتتەن بوس ۋاقىتىندا ول كاسىپتىك كىتاپتاردى اقتارىپ، تۇرلىشە موتورلى كولىكتەردىڭ ەرەكشەلىكتەرىن كوشىرىپ جازىپ الىپ، قولى بوساي قالسا وتكەن - كەتكەن موتورلى كولىكتەرگە زەر سالا قاراپ، ءوزى ايىرا الماعان موتورلى كولىك تۇرپاتىن تاجىريبەلى اقى جيناۋشىلاردان سۇراپ ۇيرەنەدى.

  «سول كەزدە بۇل جۇمىسقا قۇمارتقانىم سونشا، ويىما كۇنى بويى الۋان ءتۇرلى موتورلى كولىك تۇرپاتتارى كىرىپ الاتىن بولدى، تۇسىمدە دە موتورلى كولىكتەردى اجىراتىپ جاتاتىنمىن»، - دەيدى ءانسار.

  بەينەت ءتۇبى زەينەت دەگەندەي، ءانساردىڭ شەبەرلىگى ىلەزدە جوعارىلادى، 10 مەتر جەردە كەلە جاتقان موتورلى كولىكتى ول كورگەن جەردەن قانداي تۇرپاتتى كولىك ەكەنىن بىردەن اجىراتىپ، ءار كولىكتەن اقى الۋ جۇمىسىن 15 سەكۋندتىڭ ىشىندە بىتىرەتىن بولدى.

  قىزمەتتەن تۇسكەننەن كەيىن ءانسار اقى جيناۋ شەبەرلىگى جونىندە ىزدەنىس جاساپ، اقى جيناۋ جىلدامدىعىن تەزدەتۋگە ماشىقتانادى.

  ءانساردىڭ قۇلشىنىسىن كوپشىلىك تە كورە ءبىلدى، ول كوپتەگەن قىزمەت ورىندارىنا اۋىستىرىلىپ، ىسىلا ءتۇستى. ءبىر قىزمەت ورنىنا بارعان سايىن ول «اعا بۋىندارىنان» كىشى پەيىلدىكپەن اقىل سۇراپ، قاجىرلىلىقپەن ۇيرەنىپ، ءوز قىزمەتىن تىڭعىلىقتى ورىنداپ وتىردى.

  قىزمەتتى جاقسى ىستەۋدىڭ توتە جولى بولمايدى

  بىلتىر 8 - ايدا ۇلانباي سولتۇستىك ايرىق جولى اقى الۋ پۋنكتى جۇمىس باستاعاندا قىزمەت تاجىريبەسى مول ءانسار كەزەكشىلەر باستىعى بولدى.

  ۇلانباي سولتۇستىك ايرىق جولى اقى الۋ پۋنكتى ۇرىمجىگە كىرىپ - شىعۋداعى ماڭىزدى پۋنكت، كۇندىك اۆتوكولىك ءوتۋ مولشەرى 30 مىڭنان اسادى، اقى جيناۋشىنىڭ ءاربىر ارەكەتى جولدىڭ ىركىلىسسىز بولۋ - بولماۋىنا اسەر ەتەدى. بۇل جاڭا قىزمەت ورنىندا ءانسار، ءسوزسىز، جاقسى ىستەۋگە بەكىندى.

  ءانساردىڭ باسقارۋىندا 20عا جۋىق اقى جيناۋشى بار، قوسىنىن جاقسى باسقارۋ ءۇشىن ول باسقارۋ جاعىنداعى بىلىمدەردى وزدىگىنەن ۇيرەندى. ول گرۋپپا ىشىندە ۇدايى كاسىپتىك ۇيرەنۋ ۇيىمداستىرىپ، جاقسى تاجىريبەلەردى جالپىلاستىرىپ، اقى جيناۋشىلاردىڭ اعاتتىق وتكىزۋ مولشەرىن تومەندەتتى. الدەبىر اقى جيناۋشىنىڭ كوڭىل كۇيى جاقسى ەمەس ەكەنىن بايقاي قالسا، ول دەرەۋ ونىمەن اڭگىمەلەسىپ، كوڭىلىن جۇباتىپ، قىزمەتكە ىقپال جەتۋىنىڭ الدىن الدى. ونىڭ باستاۋىندا گرۋپپا مۇشەلەرىنىڭ ناتيجەسى ءۇرتىس جاقسى بولدى.

  كەزەكشىلەر گرۋپپاسىنىڭ باستىعى كەزەكشىلىك مىندەتىن وتەگەن كەزدە اقى الۋ پۋنكتىنىڭ ءار تۇسىن، پۋنكت رايونىن، الاڭدى، اقى الىناتىن اۆتوكولىكتەردىڭ جولىن ارالاپ تەكسەرۋى كەرەك. ادەتتە بۇعان 30 مينۋتتان استام ۋاقىت كەتەدى، قىزمەت كەزىندە 3 تە 4 رەت ارالاپ، شۇعىل جاعداي كەزدەسسە دەر كەزىندە ءبىر جاقتى ەتۋ كەرەك. ءبىر جولى، ءبىر موتورلى كولىكتىڭ شوفەرى اقى جيناۋ قىزمەتىنە سايكەسپەي، اۆتوكولىكتەر اقى الۋ جولىندا كەپتەلىپ، ۇزاق قاتاردا تۇرىپ قالادى. ءانسار ءىس تۋىلعان ورىنعا تىزگىن ۇشىمەن جەتىپ، ءبىر جاعىنان قىزمەتكەرلەردى كەزەكتە تۇرىپ قالعان اۆتوكولىكتەردى باسقا جولعا تۇسىرۋگە ۇيىمداستىرىپ، ءبىر جاعىنان الگى شوپەردى قىزمەتكە سايكەسۋگە ءناسيحاتتايدى. 5 مينۋتتىق ساياسات سويلەۋ، كوڭىل كۇيىن قالپىنا كەلتىرۋدەن كەيىن الگى شوفەر اقىلعا كەلىپ اقى تاپسىرادى.

  ءانسار تىلشىگە: قىزمەتتى جاقسى ىستەۋدىڭ توتە جولى بولمايدى، ەگەر بار بولسا، ول تەك قانا شوگەلدىكپەن كۇرەس جاساۋ، - دەدى.

  العىس ايتۋ سەزىمىن قوزعاشى كۇشكە اينالدىردى

  ءانسار جاپاكەش جىگىت. ۋنيۆەرسيتەتتە وقىپ جۇرگەندە ول ۇنەمى وقي ءجۇرىپ جۇمىس ىستەپ، جۇك كوتەرۋشى بولعان جانە باسقا دا ۇساق - تۇيەك جۇمىستار ىستەگەن، وسىنداي جاپاكەش، شىدامدى قاسيەتىن ول قىزمەتىندە دە جالعاستىرا ءبىلدى. بيىل 1 - ايدا ءۇرىمجىنىڭ اۋا رايى سۋىق بولدى دا، كەيبىر ءىرى تۇرپاتتى اۆتوموبيلدەردىڭ تورموز جۇيەسى قاتىپ قالدى. سول كۇندەرى ءانسار كەڭسەدەن قايتا - قايتا قايناعان سۋ اكەلىپ جۇك اۆتوموبيل شوفەرلەرىنىڭ قاتىپ قالعان تورموزىن جىبىتۋگە كومەكتەسەدى. جۇك اۆتوموبيلدەرىنىڭ جولعا ءساتتى شىققانىن كورگەننەن كەيىن ول دەرەۋ قولىنا كۇرەك الىپ جولدىڭ بويىنداعى قاردى كۇرەيدى.

  مەرەكە - مەيرام دەمالىستارىندا اقى الۋ پۋنكتىنەن وتەتىن موتورلى كولىكتەردىڭ سانى كۇرت مولايادى، بۇل كەزدەرى ءانسار دەمالىسىن قايىرىپ قويىپ، اقى الۋ پۋنكتىنە ىرىقتىلىقپەن كەلىپ باسقا قىزمەتتەستەرىنىڭ جۇمىسىنا كومەكتەسەدى.

  ءوزىنىڭ بۇگىنگى باقىتتى تۇرمىسى جونىندە ءانساردىڭ كوڭىلى العىسقا تولى. ول: بۇگىنگى كۇنىم بۇكىلدەي پارتيانىڭ جاقسى ساياساتىنان كەلگەن. ءبىز كوڭىلگە العىستى سەزىم ۇيالاتىپ، باس شۋجي شي جينپيڭگە دەگەن العىستى سەزىمدى تىنباي كۇرەس جاساۋدىڭ قوزعاۋشى كۇشىنە اينالدىرۋىمىز كەرەك، - دەدى.

    مۇنان كەيىنگى جوسپارىن تىلگە العاندا اشىق - جارقىن جىگىت نىق سەنىممەن: بيىل قىزمەتتى جالعاستى جاقسى ىستەيمىن، مەن قۇلشىنا كۇرەس جاساسام بولعانى، تۇرمىسىمنىڭ، ءسوزسىز، بارعان سايىن جاقساراتىنىنا سەنەمىن، - دەدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.