تيانشان تورابى   ›   جاڭالىقتار   ›   شينجياڭ حابارلارى

[باس شۋجيدىڭ تاپسىرماسىن ەستە بەرىك ساقتايىق] بيڭتۋان بورىشتى اتقارۋ بارىسىندا كۇش - قۋاتىن كورنەكتىلەندىردى

ءتىلشىمىز جاڭ شياۋيان، پراكتيكانت ميرا ەركىن قىزى

  شەكارا ورنىقتى بولسا، ەل تىنىش بولادى. ورنىقتىلىقتى، شەكارانى قورعاۋ، شينجياڭنىڭ قوعام ورنىقتىلىعى مەن باياندى تىنىشتىعىن جەبەۋ جاعىندا شينجياڭ ءوندىرىس - قۇرىلىس بيڭتۋانىنىڭ ورنىن وگەيسىتۋگە كەلمەيتىن ماڭىزدى رولى بار.

  باس شۋجي شي جينپيڭ شينجياڭدى، بيڭتۋاندى ەشقاشان ەسىنەن شىعارعان ەمەس. شينجياڭدا، بيڭتۋاندا قىزمەت تەكسەرگەندە، ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسىن باسقارىپ اشقاندا جانە مەملەكەتتىك 12 - كەزەكتى حالىق قۇرىلتايىنىڭ 5 - ماجىلىسىندە شينجياڭ ۋاكىلدەر ۇيىرمەسىنىڭ تالقىسىنا قاتىناسقاندا بيڭتۋاننىڭ دامۋىنا نازار اۋدارىپ، مەملەكەتتى جونگە سالىپ، ەلدى الاڭسىز ەتۋ ستراتەگيالىق تۇرعىسىنان بيڭتۋان قىزمەتىن جوبالاپ، بيڭتۋاننىڭ ەرەكشە رولىن ساۋلەلەندىرۋدى باسا دارىپتەپ، بيڭتۋاندى شەكارانى تىنىشتاندىرىپ، شەكارا ءوڭىردى بەكەمدەيتىن ورنىقتىرعىشقا، ءار ۇلت بۇقاراسىن ۇيىستىراتىن دومنا پەشكە، وزىق وندىرگىش كۇش پەن وزىق مادەنيەتتىڭ ۇلگى كورسەتۋ رايونىنا شىن مانىندە اينالدىرىپ، جاڭا جاعدايدا بيڭتۋاننىڭ دامۋىن جەدەلدەتۋگە ايقىن بەتالىس كورسەتىپ، قۇدىرەتتى قوزعاۋشى كۇش ازىرلەدى.

  باس شۋجيدىڭ تاپسىرماسى بيڭتۋاننىڭ بورىشتى وتەۋىنە، ۇدەرە العا باسۋىنا جەتەكشىلىك ەتتى. سوڭعى جىلدارى، بيڭتۋان شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن جانە بيڭتۋاننىڭ ورنىن تۇراقتاندىرۋ جونىندەگى تالابىن ىشكەرىلەي دايەكتىلەندىرىپ، تياناقتاندىرىپ، زەيىن - زەردەنى، كۇش - قۋاتتى شوعىرلاندىرىپ، قايراتتانا العا ۇمتىلىپ، «ورنىقتىرعىش، دومنا پەش، ۇلگى رايون» سىندى 3 ۇلكەن يقۋاتىن اناعۇرلىم جاقسى ىسكە قوسىپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىنا ويداعىداي قىزمەت ەتىپ، رەفورما، دامۋ قىزمەتتەرىنىڭ جاڭا جاعدايىن قۇلشىنا اشتى.

ورنىقتىلىقتى قورعاۋ بورىشىن ارقالادى

  تاياۋداعى ءبىر كۇنى تاڭەرتەڭ بيڭتۋان اۋىل شارۋاشىلىق 12 - ديۆيزياسىنىڭ سانپيڭ ەگىس الاڭىندا حالىق جاساقتارى قىسقى اسكەري جاتتىعۋ جاساپ جاتتى. ولار ءورشىل رۋحپەن، ۇران مەن ارەكەتتەرى ارقىلى ايباتىن اسقاقتاتىپ، بيڭتۋاندىقتاردىڭ بورىشتى تاباندى تۇردە وتەيتىن رۋحاني كەلبەتىن ايگىلەدى.

  ەگىس الاڭىنىڭ حالىق جاساقتارى كەزەكشى روتاسى حالىق جاساقتارى وددەلەنيەسىنىڭ باستىعى جىڭ رۇڭپىڭ: بيڭتۋاننىڭ حالىق جاساعى رەتىندە، مەن باس شۋجيدىڭ تاپسىرماسىن ەستە بەرىك ساقتاپ، اعا بۋىن بيڭتۋاندىقتاردىڭ قاجىرلىلىقپەن شارۋاشىلىق قۇرۋ، قالتقىسىز ۇلەس قوسۋ رۋحىنا مۇراگەرلىك ەتىپ جانە ونى ساۋلەلەندىرىپ، جاراسىمدى مەكەن قۇرۋعا ءوز ۇلەسىمدى قوسۋىم كەرەك، - دەدى باتىل تۇردە.

  تاپسىرمانى كوكەيدە ساقتاپ، بورىشتى ارقالادى. بيڭتۋاندىقتار شەكارانى تىنىشتاندىرىپ، شەكارا ءوڭىردى بەكەمدەيتىن «ورنىقتىرعىش» بولۋ جولىندا تالماي قۇلشىنىپ كەلەدى. سوڭعى جىلدارى، بيڭتۋان جالپى قاۋىمنىڭ اسكەري جاتتىعۋىن ىشكەرىلەي ورىستەتىپ، قۇرىش قامال سوعىپ، ورنىقتىلىقتى، شەكارانى قورعاۋ بورىشىن وتەپ، بيڭتۋان رۋحىن اسقاقتاتىپ، بيڭتۋان حالىق جاساقتارىن ورنىقتىلىقتى قورعايتىن پارمەندى قوسىن ەتىپ سومداپ شىقتى. 2017 - جىلى بيڭتۋان نەگىزگى ساتى ۇيىمدىق كۇشىن نىعايتىپ، بايلانىس جاساۋ، سەلبەسۋ مەحانيزمىن كۇشەيتىپ، بيڭتۋان مەن جەرگىلىكتى ورىننىڭ بىرلەسىپ قيمىلداپ ورنىقتىلىقتى قورعاۋ مەحانيزمىن كەمەلدەندىرىپ، بىرلەسىپ ساقتانۋدى، بىرلەسىپ تىزگىندەۋدى جانە كوپ بولىپ ساقتانىپ، كوپ بولىپ جونگە سالۋدى كۇشەيتىپ، قاراستى رايونداعى قوعامدىق جالپى جاعدايدىڭ باياندى ورنىقتىلىعىنا جانە شەكارانىڭ حاۋىپسىزدىگىنە كەپىلدىك ەتتى.

رەفورما مەن دامۋداعى جارقىن تۇيىندەرى كوپ

  كوكتەمگى ەگىس جۇمىسى باستالۋ الدىندا تۇر. 3 - ايدىڭ 5 - كۇنى، 29 جاستاعى جاڭا قىزمەتكەر − اۋىل شارۋاشىلىق 7 - ديۆيزياسى 127 - پولك 7 - روتاسىنىڭ قىزمەتكەرى شى شۋانفىڭ پولك - الاڭداعى ەڭ ۇلكەن ءماجىلىس ورتالىعىندا بيڭتۋاننىڭ نەشە ءجۇز قىزمەتكەرىمەن بىرگە زووتەحنيكتىڭ ساباعىن تىڭداپ، ەگىنشىلىكتىڭ جاڭا تەحنيكالارىن ۇيرەنىپ جاتتى. شي جينپيڭ جولداستى ۇيتقى ەتكەن پارتيا ورتالىق كوميتەتى بيڭتۋاننىڭ دامۋىن قولداپ وتىرعان جاعدايدا، بىلتىر كوكتەمدە ول پولك - الاڭىنا جاڭادان قىزمەتكەر بولىپ قابىلدانعان ەدى، پولك - الاڭنىڭ جەر ۇقىعىن ايقىنداپ، تىركەپ، كۋالىك بەرۋ قىزمەتىنىڭ ءساتتى جۇرىلۋىنە وراي، ول دا وزىنە تيەسىلى جەرگە يە بولدى.

  باس شۋجيدىڭ ىقىلاستى قامقورلىعى مەن ىزگى تىلەگى بيڭتۋانداعى كادرلار مەن جۇمىسشى - قىزمەتكەرلەردىڭ ۇدەرە العا باسۋىنا جىگەر بەردى.

  بيڭتۋان پولك - الاڭداردىڭ كەشەندى سايكەستى رەفورماسىن جاپپاي باستاپ، وزىق وندىرگىش كۇش پەن وزىق مادەنيەتتىڭ «ۇلگى رايونى» بولۋعا قۇلشىندى. بيڭتۋان اۋىل شارۋاشىلىعى 6 - ديۆيزياسىنداعى 14 پولك - الاڭ، روتا - اترەتتەردىڭ «ەكى كوميتەتىنىڭ» سايلاۋى، جەر ۇقىعىن ايقىنداپ، تىركەپ، كۋالىك بەرۋ سياقتى قىزمەتتەردى ورىستەتىپ، الدىمەن جۇرگىزىپ، الدىمەن سىناق ەتۋدى نىق قاداممەن جۇرگىزدى. سونىمەن قاتار، مەملەكەت مەنشىگىندەگى مال - مۇلىك، مەملەكەت مەنشىگىندەگى كاسىپورىندار رەفورماسى، قازىنا باسقارۋ ءتۇزىلىسى رەفورماسى سياقتى رەفورمالار دا تارتىپپەن ىلگەرىلەتىلىپ، بيڭتۋاننىڭ ەرەكشە باسىمدىعى مەن دامۋ ومىرشەڭدىك كۇشى ۇزدىكسىز سەرپىندى تۇردە ىسكە قوسىلدى.

  رەفورما، دامۋ ارقىلى جاڭا ءداۋىر بەلەسىندەگى بيڭتۋان ەكونوميكالىق دامۋدىڭ جاقسى ناتيجەلەرىن ايگىلەدى، اتاپ ايتقاندا، بيڭتۋاننىڭ 2017 - جىلعى ءوندىرىس جالپى قۇنىنىڭ 230 ميلليارد يۋاننان اساتىندىعى مەجەلەندى. بيڭتۋانعا 16 مەملەكەت دارەجەلى جانە اۆتونوميالى رايون دارەجەلى جاڭالىق اشۋ تۇعىرى جاڭادان قوسىلىپ، بيڭتۋاننىڭ «ەكىدەن جاڭالىق اشۋدان» ۇلگى كورسەتەتىن 26 بازاسى قۇرىلدى.

  بۇگىندە تىڭ يگەرۋ وڭىرلەرىندە قالالار مەن بيڭتۋاننىڭ پولك - الاڭ، روتا - اترەتتەرىن جالعاپ جاتقان تاس جولى تورى بارعان سايىن جيىلەي تۇسۋدە. 2017 - جىلى بيڭتۋاننىڭ جول - قاتىناس قۇرىلىسىنىڭ تۇراقتى مۇلكىنە سالعان قارجىسى تاريحتاعى ەڭ جوعارى دەڭگەيگە جەتتى، جالپى 24 ميلليارد 400 ميلليون يۋان قارجى سالىنىپ، 2016 - جىلعىنىڭ 3.06 ەسەسىنە تۋرا كەلدى.

  بيڭتۋان مىنانى العا قويدى: بيىل باس شۋجي شي جينپيڭنىڭ تالابىنا ساي، جاڭا دامۋ ۇستانىمىن شىن مانىندە دايەكتىلەندىرىپ، ماڭداي الدى ماڭىزدى مىندەتتى ارقاۋ ەتىپ، دامۋ ساپاسى مەن تيىمدىلىگىن ءوسىرۋدى وزەك، قامداۋ جاعىنداعى قۇرىلىمدىق رەفورمانى ىلگەرىلەتۋدى نەگىزگى جەلى ەتىپ، جىبەك جولى ەكونوميكالىق بەلدەۋىندەگى وزەكتى رايون قۇرىلىسىنا جاپپاي ات سالىسىپ، ونەركاسىپتەندىرۋ، قالا - قالاشىقتاندىرۋ، اۋىل شارۋاشىلىعىن وسىزامانداندىرۋ دەڭگەيىن كۇش سالا ءوسىرىپ، ونەركاسىپتىڭ زور دامۋىن، قالا - قالاشىقتانۋ دارەجەسىنىڭ زور دارەجەدە ءوسۋىن، اۋىل شارۋاشىلىعى ءونىمىنىڭ زور دارەجەدە ارتۋىن جۇزەگە اسىرىپ، ەكونوميكانىڭ ءتىپتى جوعارى دەڭگەيدە، ءتىپتى جوعارى ورەدە، ءتىپتى جوعارى ساپادا دامۋىن جەبەپ، بيڭتۋاننىڭ امبەباپ قۋاتىنىڭ تىڭ ساتىعا كوتەرىلۋىن جەبەۋ كەرەك.

حالىقتىڭ تۇرمىس شارت - جاعدايى زور دارەجەدە جاقساردى

  مەملەكەتتىك ەكى ءماجىلىس كەزىندە، 14 - ديۆيزيا 47 - پولكىنىڭ شەت - شالعاي ورنالاسقان روتا - اترەتىنىڭ قىزمەتكەرى مامەت يمىن وتباسىنداعىلارمەن باس قوستى، ءوز ۇيىندە وتىرىپ، تەلەۆيزوردان ەكى ءماجىلىستىڭ ۇستىنەن تاراتىلىمىن تۇڭعىش رەت كورىپ قاتتى قۋاندى، «بىلتىر ءبىزدىڭ پولكتىڭ شەت - شالعاي ورنالاسقان روتا - اترەتىنە قاراستى 320 وتباسى تۇگەلدەي ۇيلەرىنە سىمسىز سيفرلى تەلەۆيزيا سيگنالىن قابىلداۋ اسپابىن ورناتىپ، تەلەۆيزور نومىرلەرىن كورە الاتىن بولدى، مەملەكەتتىك حاباردى كۇندە كورە العاندىعىمىز ءۇشىن باس شۋجيگە، پارتيا ورتالىق كوميتەتىنە شەكسىز العىس ايتامىز»، - دەدى مامەت.

  بيىل كوكتەمدە جۇڭگو حالىقتىق اۆياتسيا مەكەمەسىنەن قۋانىشتى حابار كەلدى: ارال قالاسىنىڭ حالىقتىق اۋەجايىنىڭ ورنى بەكىتىلدى. بۇدان مامەت ءالى حابارسىز بولاتىن. بۇل وڭتۇستىك شينجياڭدا وسى زامانعى اۋىل شارۋاشىلىعىن دامىتۋ، وڭىرلىك شۇعىل جاعدايعا توتەپ بەرۋ بويىنشا قۇتقارۋ - كومەك بەرۋ، حاۋىپتەن اراشالاپ، اپاتتان قۇتقارۋ ىستەرىن اۆياتسيا جاعىنان قامتاماسىز ەتۋدىڭ جاڭا كەزەڭگە وتكەندىگىنىڭ بەلگىسى، الداعى جەردە بۇل اۋەجاي سىرتپەن قارىم - قاتىناس جاساۋ، قارجى قوسۋ ورتاسىن جاقسارتۋ، وڭتۇستىك شينجياڭنىڭ وڭىرلىك ەكونوميكاسىن دامىتۋدا ءونىمدى جەبەۋ رولىن اتقارادى.

  بيڭتۋاندىقتار باس شۋجيدىڭ تاپسىرماسىن ەستە بەرىك ساقتاپ، ءبىر نيەت، ءبىر ماقساتپەن قۇلشىنىپ، بيڭتۋاننىڭ رولىن تولىق ساۋلەلەندىرۋدى كوزدەي وتىرىپ، وڭتۇستىك شينجياڭنىڭ دامۋىن ىلگەرىلەتتى.

  بۇگىنگى كۇندە، وڭتۇستىك شينجياڭدا ارال قالاسى، تەمينگۋان قالاسى، تۇمسىق قالاسى، كۇنيۇي قالاسى سىندى 4 قالا مەن جينيىنچۋان قالاشىعى، ساۋحۋ قالاشىعى قاتارلى 6 اكىمشىلىك قالاشىق تەز ەڭسە كوتەرىپ كەلەدى، ەكونوميكا جالپى مولشەرى بيڭتۋاننىڭ وڭتۇستىك شينجياڭداعى ديۆيزيا قالالارىنىڭ ەكونوميكا جالپى مولشەرىنىڭ %78ىن يەلەيدى، بۇل جەرلەر الداعى جەردە توڭىرەكتەگى قالا - قالاشىقتارمەن فۋنكتسيالىق جاقتان ءبىرىن - ءبىرى تولىقتاپ، وڭتۇستىك شينجياڭنىڭ ەكونوميكالىق دامۋىنداعى تىڭ ارتۋ ۇيەگىنە، وسى زامانعى مادەنيەتتىڭ شوعىرلانعان جەرىنە اينالادى.

  بيڭتۋاندى ءار ۇلت حالقىنىڭ تىلەگىن توعىستىرعان دومنا پەش ەتىپ قۇرىپ شىعۋ ءۇشىن، بيڭتۋان وڭتۇستىك شينجياڭداعى ديۆيزيا، پولكتەردىڭ حالىق تۇرمىسى، قوعامدىق ىستەرىندەگى ولقىلىقتاردى ۇزدىكسىز تولىقتاپ، جۇمىسشى - قىزمەتكەرلەردىڭ مۇددەسىمەن تىكەلەي قاتىستى ىستەرگە نازار اۋدارىپ، ءار ۇلت جۇمىسشى - قىزمەتكەرلەر مەن حالىق بۇقاراسىنىڭ باقىت سەزىمىن، تابىس سەزىمىن ۇزدىكسىز جوعارىلاتتى.

  بيڭتۋان ءار ۇلت جۇمىسشى - قىزمەتكەرلەرى ەڭ كوڭىل بولەتىن، ولاردىڭ تۇرمىسىمەن تىكەلەي قاتىستى جۇمىسقا ورنالاسۋ، ەمدەۋ، وقۋ - اعارتۋ، قوعامدىق قامتاماسىزداندىرۋ سياقتى ماسەلەلەردەن باستاپ كىرىسىپ، دامۋ بارىسىندا حالىق تۇرمىسىن قامتاماسىز ەتۋگە جانە جاقسارتۋعا تاباندى بولىپ، كەدەيلىكتەن دالمە - ءدال قۇتىلدىرۋدان قامال الۋ شايقاسىن تىڭعىلىقتى ورىستەتىپ، از ۇلت قاۋىمى شوعىرلى قونىستانعان پولك - الاڭدارىنىڭ ەكونوميكالىق، قوعامدىق دامۋىن جەدەلدەتىپ، قيىندىقتاردان قامال الىپ، قالىڭ جۇمىسشى - قىزمەتكەرلەردىڭ، حالىق بۇقاراسىنىڭ رەفورما، دامۋدا قول جەتكىزگەن تابىستاردان بارىنشا كوپ يگىلىكتەنۋىنە مۇمكىندىك جاراتىپ، كۇرەس جاساپ باقىتتى تۇرمىسقا قول جەتكىزۋگە باستادى.

      تاپسىرمانى ەستە بەرىك ساقتاپ، ۇدەرە العا تارتايىق! جاڭا باستامادا بيڭتۋاندىقتار بار جىگەر - قايراتىمەن جاڭا داۋىردەگى بيڭتۋاننىڭ وتەۋگە ءتيىستى بورىشى مەن جاۋاپكەرشىلىگىنىڭ اسەم سۋرەتىن ايشىقتاۋدا.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى