ءتاڭىرتاۋ تورابى   ›   جاڭالىقتار   ›   شينجياڭ حابارلارى

لي پىڭشين اۆتونوميالى رايوننىڭ كەدەيلەردى سۇيەمەلدەۋ - وركەندەتۋ قىزمەتىنە باسشىلىق ەتۋ گرۋپپاسىنىڭ ماجىلىسىندە كەدەيلىكتەن قۇتىلدىرۋدان قامال الۋ شايقاسىن تىڭعىلىقتى ىلگەرىلەتۋدى تالاپ ەتتى

  ءتىلشىمىز ۋاڭ يۇڭفەي 3 - ايدىڭ 10 - كۇنى ۇرىمجىدەن حابارلايدى. اۆتونوميالى رايوننىڭ كەدەيلەردى سۇيەمەلدەۋ - وركەندەتۋ قىزمەتىنە باسشىلىق ەتۋ گرۋپپاسىنىڭ ءماجىلىسى 3 - ايدىڭ 10 - كۇنى اشىلدى. اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەت كوميتەتىنىڭ شۋجيى لي پىڭشين ماجىلىسكە قاتىناستى ءارى ءسوز سويلەدى. ول مىنالاردى تالاپ ەتتى: اۆتونوميالى رايوننىڭ كەدەيلەردى سۇيەمەلدەۋ - وركەندەتۋ قىزمەتىنە باسشىلىق ەتۋ گرۋپپاسىنا مۇشە ورىندار باس شۋجي شي جينپيڭنىڭ كەدەيلىكتەن دالمە - ءدال قۇتىلدىرۋدان قامال الۋ شايقاسىن ويداعىداي جۇرگىزۋ جونىندەگى اڭگىمە ماجىلىستە سويلەگەن ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، بەلگىلەنگەن ورنالاستىرۋلارعا ساي قىزمەت شارالارىن اشالاپ، ناقتىلاندىرىپ، قىزمەت ءتۇيىنىنىڭ نەگىزگى ساتىعا اۋدارىلۋىن ىلگەرىلەتىپ، كەدەيلىكتەن قۇتىلدىرۋدان قامال الۋ شايقاسىن تىڭعىلىقتى ىلگەرىلەتۋ كەرەك.

  ءماجىلىس باس شۋجي شي جينپيڭنىڭ چىڭدۋدا اشىلعان كەدەيلىكتەن دالمە - ءدال قۇتىلدىرۋدان قامال الۋ شايقاسىن ويداعىداي جۇرگىزۋ جونىندەگى اڭگىمە ءماجىلىستى باسقارىپ اشقاندا سويلەگەن ماڭىزدى ءسوزىن، ورىنباسار زۇڭلي ۋاڭ ياڭنىڭ مەملەكەتتىك كەڭەستىڭ كەدەيلەردى سۇيەمەلدەۋ - وركەندەتۋ قىزمەتىنە باسشىلىق ەتۋ گرۋپپاسىنىڭ 22 - رەتكى جالپى ماجىلىسىندە سويلەگەن ءسوزىن، ت. ب جەتكىزدى.

  لي پىڭشين مىنالاردى تالاپ ەتتى: جەر - جەر، تاراۋلار پارتيا 19 - قۇرىلتايىنىڭ جانە پارتيا 19 - كەزەكتى ورتالىق كوميتەتىنىڭ ەكىنشى، ءۇشىنشى جالپى ماجىلىستەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، ءتۇسىنىپ، «4 تانىمدى» بەرىك ورناتىپ، باس شۋجي شي جينپيڭنىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنىن باتىل قورعاپ، كەدەيلىكتەن قۇتىلدىرۋدان قامال الۋ باس شۋجي توتە يگەرىپ، توتە باسقارعان ءىرى ءىس، پارتيا ورتالىق كوميتەتى ايقىنداعان توتەنشە قاتاڭ، توتەنشە ماڭىزدى ساياسي مىندەت ەكەنىن تەرەڭ ءتۇسىنىپ، ساياسي دەڭگەيدى ءوسىرىپ، ساياسي پوزيتسيانى دۇرىستاپ، ساياسي جاۋاپكەرلىكتى كۇشەيتىپ، كەدەيلىكتەن قۇتىلدىرۋدان قامال الۋدىڭ شەشۋشى شايقاسىنىڭ شەشۋشى جەڭىسىنە قول جەتكىزۋ، ءبىر ۋاقىتتا جاپپاي دوڭگەلەك داۋلەتتىلىككە جەتۋ ناقتى ناتيجەسى ارقىلى پارتياعا ابسوليۋتتى ادالدىقتى ايگىلەۋ كەرەك.

  لي پىڭشين مىنالاردى باسا دارىپتەدى: جەر - جەر، تاراۋلار شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، نازاردى وڭتۇستىك شينجياڭداعى 3 ايماق، ءبىر وبلىستاعى 22 اۋىر كەدەي اۋدانعا، «7 ءبىر توپقا» (ءبىر توبىن باسقا سالاعا جۇمىسقا ورنالاستىرۋ ارقىلى سۇيەمەلدەۋ، ءبىر توبىن شارۋاشىلىقتى دامىتۋ ارقىلى سۇيەمەلدەۋ، ءبىر توبىن جەردى اداقتاپ قايتا ءبولۋ ارقىلى سۇيەمەلدەۋ، ءبىر توبىن شەكارا قورعاۋشىلىققا الۋ ارقىلى سۇيەمەلدەۋ، ءبىر توبىن ەكولوگيالىق تولەم بەرۋ ارقىلى سۇيەمەلدەۋ، ءبىر توبىن قونىس جاڭالاپ كوشىرۋ ارقىلى سۇيەمەلدەۋ، ءبىر توبىن كەشەندى قوعامدىق قامتاماسىزداندىرۋ شارالارى ارقىلى كەپىلدەندىرۋ)، «3 تەبىندى ارتتىرۋعا» (كەدەيلەردى وقۋ - اعارتۋ ارقىلى سۇيەمەلدەۋ تەبىنىن ارتتىرۋ، دەنساۋلىق ساقتاۋ بويىنشا كەدەيلەردى سۇيەمەلدەۋ تەبىنىن ارتتىرۋ، نەگىزدىك قۇرىلعى قۇرىلىستارىنىڭ تەبىنىن ارتتىرۋ)، «2 تۇيىنگە» (تۇرعىن ءۇي حاۋىپسىزدىگى، اۋىز سۋ حاۋىپسىزدىگى) شوعىرلاندىرىپ، كەدەيلىكتەن قۇتىلدىرۋدان قامال الۋ قىزمەتىن ىشكەرىلەي، مۇقيات، تىڭعىلىقتى ىستەۋ كەرەك.

  لي پىڭشين مىنالاردى تالاپ ەتتى: جەر - جەر، تاراۋلار قىزمەت مەحانيزمىن كەمەلدەندىرىپ، قىزمەت بىرىككەن كۇشىن قالىپتاستىرىپ، جاۋاپكەرلىكتى تياناقتاندىرۋدى نەگىزگى ساتىعا دەيىن، سايكەستىرۋدى، جەتەكشىلىك ەتۋدى نەگىزگى ساتىعا دەيىن، قوعامدىق سۇيەمەلدەۋدى نەگىزگى ساتىعا دەيىن، قارجىنى ءبىر تۇتاس جوسپارلاۋدى نەگىزگى ساتىعا دەيىن جەتكىزۋدى ىلگەرىلەتىپ، كەدەيلىكتەن قۇتىلدىرۋدان قامال الۋ قىزمەتى ءتۇيىنىنىڭ نەگىزگى ساتىعا اۋدارىلۋىنا، نەگىزگى ساتىدا تياناقتانۋىنا، نەگىزگى ساتىدا اتقارىلىپ، ناتيجە بەرۋىنە كەپىلدىك ەتۋ كەرەك؛ ستيل قۇرىلىسىن اناعۇرلىم كۇشەيتىپ، قۋزاۋ - تەكسەرۋ كۇشتەرىن ءبىر تۇتاس ورنالاستىرىپ، قۋزاۋ - تەكسەرۋدى قاتايتۋعا، ءتارتىپ اتقارۋدى، جاۋاپقا تارتۋدى قاتايتۋعا تاباندى بولىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋدى، تياناقتاندىرۋدى بىرگە ىلگەرىلەتىپ، كەدەيلىكتەن دالمە - ءدال قۇتىلدىرۋدان قامال الۋ شايقاسىن ويداعىداي جۇرگىزۋدى تەمىردەي ءتارتىپ ارقىلى قامتاماسىز ەتۋ كەرەك.

    اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى جاڭ چۇنلين ماجىلىسكە قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى