شينحۋا اگەنتتىگىنىڭ 3 - ايدىڭ 11 - كۇنى بەيجيڭنەن بەرگەن حابارى. مەملەكەتتىك 13 - كەزەكتى حالىق قۇرىلتايى 1 - ءماجىلىسى ءتوراعالار القاسى 3 - ايدىڭ 11 - كۇنى تۇستەن بۇرىن حالىق سارايىندا 4 - جيىنىن وتكىزدى.
ءماجىلىس ءتوراعالار القاسىنىڭ تۇراقتى ءتوراعاسى لي جانشۋ جيىندى باسقاردى. جيىنعا قاتىناسۋعا ءتيىستى 190 ادام، قاتىناسقانى 190 ادام، قاتىناسقاندار سانى زاڭدا بەلگىلەنگەن ادام سانىنا ۇيلەسەدى.
3 - ايدىڭ 11 - كۇنى تۇستەن بۇرىن ءارقايسى ۋاكىلدەر ۇيىرمەسى نەگىزگى زاڭعا وزگەرىس ەنگىزۋ جوباسىنىڭ العاشقى نۇسقاسىنىڭ داۋىسقا سالۋعا ۇسىنىلعان نۇسقاسىن، ءماجىلىستىڭ مەملەكەتتىك 13 - كەزەكتى حالىق قۇرىلتايىنىڭ ارناۋلى كوميتەتتەرىن قۇرۋ جونىندەگى قاراردىڭ العاشقى نۇسقاسىن، ءماجىلىستىڭ مەملەكەتتىك 13 - كەزەكتى حالىق قۇرىلتايىنىڭ ارناۋلى كوميتەتتەرىنىڭ مەڭگەرۋشى مۇشەسى، ورىنباسار مەڭگەرۋشى مۇشەلەرى، مۇشەلەرى كانديداتتارىن داۋىسقا سالۋ ءادىسىنىڭ العاشقى جوباسىن مۇقيات قارادى؛ مەملەكەتتىك 13 - كەزەكتى حالىق قۇرىلتايىنىڭ ارناۋلى كوميتەتتەرىنىڭ مەڭگەرۋشى مۇشەسى، ورىنباسار مەڭگەرۋشى مۇشەلەرى، مۇشەلەرى كانديداتتارىن اقىلداسىپ، ونى ءماجىلىس جالپى جيىنىنىڭ داۋىسقا سالۋىنا تاپسىرۋعا ءبىر اۋىزدان قوسىلدى.
جيىن نەگىزگى زاڭعا وزگەرىس ەنگىزۋ جوباسى العاشقى نۇسقاسىنىڭ داۋىسقا سالۋعا ۇسىنىلعان نۇسقاسىن، ءماجىلىستىڭ مەملەكەتتىك 13 - كەزەكتى حالىق قۇرىلتايىنىڭ ارناۋلى كوميتەتتەرىن قۇرۋ جونىندەگى قاراردىڭ العاشقى نۇسقاسىن، ءماجىلىستىڭ مەملەكەتتىك 13 - كەزەكتى حالىق قۇرىلتايىنىڭ ارناۋلى كوميتەتتەرىنىڭ مەڭگەرۋشى مۇشەسى، ورىنباسار مەڭگەرۋشى مۇشەلەرى، مۇشەلەرى كانديداتتارىن داۋىسقا سالۋ ءادىسىنىڭ العاشقى جوباسىن، مەملەكەتتىك 13 - كەزەكتى حالىق قۇرىلتايىنىڭ ارناۋلى كوميتەتتەرىنىڭ مەڭگەرۋشى مۇشەسى، ورىنباسار مەڭگەرۋشى مۇشەلەرى، مۇشەلەرى ەسىمدىگىنىڭ العاشقى جوباسىن ءماجىلىس جالپى جيىنىنىڭ داۋىسقا سالۋىنا ۇسىنۋدى داۋىسقا سالىپ ماقۇلدادى.
ءماجىلىس ءتوراعالار القاسىنىڭ تۇراقتى ءتوراعالارى چىن شي، ۋاڭ چىن، ساۋ جيانميڭ، جاڭ چۇنشيان، شىن يۋەيۋە، جي بيڭشۋان، ەركىن يمىرباقى، ۋان ىشياڭ، چىن جۋ جيىنعا قاتىناستى.
