تيانشان تورى
تيانشان تورى   ›   جاڭالىقتار   ›   ماڭىزدى حابارلار

مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى ءۇشىنشى جالپى جيىنىن وتكىزدى

شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ جيىنعا قاتىناستى

 «جۇڭحۋا حالىق رەسپۋبليكاسىنىڭ نەگىزگى زاڭىنا وزگەرىس ەنگىزۋ جوباسى» داۋىسقا سالىنىپ ماقۇلداندى        

جاڭ دىجياڭ مەملەكەتتىك حالىق قۇرىلتايى تۇراقتى كوميتەتىنىڭ قىزمەتىنەن بايانداما جاسادى

 3- ايدىڭ 11 - كۇنى مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى بەيجيڭدەگى حالىق سارايىندا ءۇشىنشى جالپى جيىنىن وتكىزدى. مەملەكەتتىك 12 - كەزەكتى حالىق قۇرىلتايى تۇراقتى كوميتەتىنىڭ تاپسىرۋىمەن جاڭ دىجياڭ جالپى جيىنعا مەملەكەتتىك حالىق قۇرىلتايى تۇراقتى كوميتەتىنىڭ قىزمەتىنەن بايانداما جاسادى. سۋرەتتى شينحۋا اگەنتتىگىنىڭ ءتىلشىسى ياۋ داۋي تۇسىرگەن

  شينحۋا اگەنتتىگىنىڭ 3 - ايدىڭ 11 - كۇنى بەيجيڭنەن بەرگەن حابارى. مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى 3 - ايدىڭ 111 - كۇنى تۇستەن كەيىن حالىق سارايىندا ءۇشىنشى جالپى جيىنىن وتكىزىپ، «جۇڭحۋا حالىق رەسپۋبليكاسىنىڭ نەگىزگى زاڭىنا وزگەرىس ەنگىزۋ جوباسىن» داۋىسقا سالىپ ماقۇلدادى، تۇراقتى كوميتەتتىڭ باستىعى جاڭ دىجياڭنىڭ مەملەكەتتىك 12 - كەزەكتى حالىق قۇرىلتايى تۇراقتى كوميتەتىنىڭ تاپسىرۋىمەن جاساعان مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسىن تىڭدادى.

  شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ جيىنعا قاتىناستى.

  جيىنعا قاتىناسۋعا ءتيىستى ۋاكىل 2980 ادام، قاتىناسقاندار 2964 ادام، 16 ادام قاتىناسا المادى، قاتىناسقاندار سانى زاڭدا بەلگىلەنگەن ادام سانىنا ۇيلەسەدى.

  ءماجىلىس ءتوراعالار القاسىنىڭ تۇراقتى ءتوراعاسى، اتقارۋشى ءتوراعاسى ۋاڭ چىن جيىندى باسقاردى.

  جيىنعا قاتىناسقان ۋاكىلدەر داۋىسقا سالۋ ارقىلى الدىمەن 35 ۋاكىلدەن قۇرالعان باس بەلەت باقىلاۋشىلاردىڭ، بەلەت باقىلاۋشىلاردىڭ ەسىمدىگىن ماقۇلدادى، ۋاڭ شاۋفىڭ، ياڭ يان باس بەلەت باقىلاۋشى بولدى.

  مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسىنىڭ كەڭەستىك جوبالاردى داۋىسقا سالۋ ءادىسىنىڭ بەلگىلەمەلەرى بويىنشا، نەگىزگى زاڭعا وزگەرىس ەنگىزۋ جوباسى داۋىسقا سالىنىپ، جاسىرىن بەلەت تاستاۋ ءتاسىلى قولدانىلىپ، جالپى ۋاكىلدەردىڭ ۇشتەن ەكىسىنەن كوبى قۇپتاپ بەلەت تاستاۋ ارقىلى ماقۇلداندى. 40 مينۋتتاي بەلەت تاراتۋ، بەلەت جازۋ، بەلەت تاستاۋ، بەلەت ساناۋدان كەيىن، ساعات 15تەن 51 مينۋتتا قىزمەتكەرلەر بەلەت ساناۋ ناتيجەسىن جاريالادى: قۇپتاعاندار 2958 داۋىس، قارسى بولعاندار 2 داۋىس، قالىس قالعاندار 3 داۋىس.

  ۋاڭ چىن «جۇڭحۋا حالىق رەسپۋبليكاسىنىڭ نەگىزگى زاڭىنا وزگەرىس ەنگىزۋ جوباسى» ماقۇلدانعاندىعىن جاريالادى. جيىن زالىنان دۋ قول شاپالاق ءۇنى كوتەرىلدى.

  مەملەكەتتىك 13 - كەزەكتى حالىق قۇرىلتايى 1 - ءماجىلىسىنىڭ ءتوراعالار القاسى 3 - ايدىڭ 11 - كۇنى مازمۇنداما جاريالاپ، نەگىزگى زاڭعا وزگەرىس ەنگىزىلگەن جوبانى اتقارۋعا جاريالادى.

  مەملەكەتتىك 12 - كەزەكتى حالىق قۇرىلتايى تۇراقتى كوميتەتىنىڭ تاپسىرۋىمەن جاڭ دىجياڭ جيىنعا مەملەكەتتىك حالىق قۇرىلتايى تۇراقتى كوميتەتىنىڭ قىزمەتىنەن بايانداما جاسادى. ول بىلاي دەدى: وتكەن 5 جىل پارتيامىز مەن مەملەكەتىمىزدىڭ دامۋ ۇردىسىندە ايرىقشا 5 جىل بولدى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا مەملەكەتتىك 12 - كەزەكتى حالىق قۇرىلتايىنىڭ تۇراقتى كوميتەتى پارتيا 18 - قۇرىلتايى مەن 19 - قۇرىلتايىنىڭ رۋحىن جاپپاي دايەكتىلەندىرىپ، تياناقتاندىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، پارتيا باسشىلىعىنىڭ، حالىقتىڭ قوجايىن بولۋىنىڭ، مەملەكەتتى زاڭمەن جونگە سالۋدىڭ ورگانيكالى بىرلىگىنە باتىل تاباندى بولىپ، باس شۋجي شي جينپيڭنىڭ بەدەلى مەن ۇيتقىلىق ورنىن باتىل قورعاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، نەگىزگى زاڭ مەن زاڭدار جۇكتەگەن قىزمەت مىندەتتەرىن مۇقيات اتقارىپ، حالىق قۇرىلتايى قىزمەتىنىڭ جاڭا جاعدايىن جاپپاي تۇلعالادى، حالىق قۇرىلتايى تۇزىمىندە نازاريالىق جانە امالياتتىق جاڭالىق اشۋ زور تابىسقا قول جەتكىزىپ، سوتسياليستىك دەموكراتيا، زاڭمەن جونگە سالۋ قۇرىلىسى ماڭىزدى قادام تاستادى.

  جاڭ دىجياڭ وتكەن 5 جىلداعى باستى قىزمەتتەرگە مىنا 7 جاقتان توقتالدى: ءبىرىنشى، ءتۇيىندى سالالارداعى زاڭ شىعارۋ جۇمىسى كۇش سالا كۇشەيتىلىپ، نەگىزگى زاڭدى وزەك ەتكەن جۇڭگوشا سوتسياليستىك زاڭ جۇيەسى كەمەلدەندىرىلدى. ەكىنشى، زاڭ شىعارۋ ارقىلى جەتەكتەۋ جانە جەبەۋ رولى كۇش سالا ساۋلەلەندىرىلىپ، ماڭىزدى رەفورمالاردا نەگىزدەلەتىن زاڭ بولۋعا، ونىڭ ءساتتى اتقارىلۋىنا كەپىلدىك ەتىلدى. ءۇشىنشى، باقىلاۋ قىزمەت مەحانيزمى كۇش سالا كەمەلدەندىرىلىپ، نەگىزگى زاڭ مەن زاڭداردىڭ اتقارىلۋىنا جانە ۇكىمەتتىڭ، ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ قىزمەتىنە باقىلاۋ كۇشەيتىلدى. ءتورتىنشى، ۋاكىلدەر قىزمەتى كۇش سالا تەرەڭدەتىلىپ جانە كەڭەيتىلىپ، ۋاكىلدەردىڭ رولى تولىق ساۋلەلەندىرىلدى. بەسىنشى، حالىق قۇرىلتايى ءتۇزىمىنىڭ كەمەلدەنۋى مەن دامۋى كۇش سالا ىلگەرىلەتىلىپ، مەملەكەتتىڭ بيلىك قۇرىلىسى مەن پارتيانىڭ ۇزاق ۋاقىت بيلىك جۇرگىزۋ نەگىزى بەكەمدەلدى. التىنشى، حالىق قۇرىلتايىنىڭ شەتەلمەن بارىس - كەلىسى كۇش سالا كۇشەيتىلىپ، جۇڭگوشا ءىرى ەلدىك ديپلوماتياعا قىزمەت ەتىلدى. جەتىنشى، مەملەكەتتىك حالىق قۇرىلتايىنىڭ جانە ونىڭ تۇراقتى كوميتەتىنىڭ پارتيا قۇرىلىسى كۇش سالا ىلگەرىلەتىلىپ، زاڭ بويىنشا مىندەت اتقارۋ قابىلەتى مەن دەڭگەيى ۇزدىكسىز جوعارىلاتىلدى.

  جاڭ دىجياڭ مىنالاردى اتاپ كورسەتتى: مەملەكەتتىك 12 - كەزەكتى حالىق قۇرىلتايى جانە ونىڭ تۇراقتى كوميتەتى قول جەتكىزگەن ناتيجە، تۇپتەپ كەلگەندە، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ ارقاسى، تۇپتەپ كەلگەندە، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنىڭ ارقاسى، مەملەكەتتىك حالىق قۇرىلتايى ۋاكىلدەرىنىڭ، تۇراقتى كوميتەت قۇرامىنداعىلاردىڭ، ءارقايسى ارناۋلى كوميتەت قۇرامىنداعىلاردىڭ جانە مەملەكەتتىك حالىق قۇرىلتايى ورگانىنداعى قىزمەتكەرلەردىڭ تىڭعىلىقتى قىزمەتىنىڭ جەمىسى، مەملەكەتتىك كەڭەستىڭ، ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ جانە جەرگىلىكتى ءار دارەجەلى حالىق قۇرىلتايىنىڭ تىعىز سەلبەسۋىنىڭ جەمىسى، بۇكىل ەلدەگى ءار ۇلت حالقىنىڭ تولىق سەنىم ارتۋىنىڭ جانە زور كۇشپەن قولداۋىنىڭ جەمىسى.

  جاڭ دىجياڭ 5 جىلعى قىزمەت جونىندەگى باستى اسەرلەرىن 5 جاقتان قورىتىندىلادى. ءبىرىنشى، جۇڭگو كوممۋنيستىك پارتياسىنىڭ باسشىلىعى − حالىق قۇرىلتايى ءتۇزىمىنىڭ ماندىك تالابى جانە ەڭ ۇلكەن ارتىقشىلىعى. ءسوز جوق، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا باتىل تۇردە تاباندى بولۋ كەرەك. ەكىنشى، پارتيانىڭ جەتەكشى يدەياسى − حالىق قۇرىلتايى تۇزىمىنە تاباندى بولۋدىڭ جانە ونى كەمەلدەندىرۋدىڭ عىلمي جەتەكشىسى جانە ارەكەت باعدارناماسى. ءسوز جوق، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرۋ كەرەك. ءۇشىنىشى، حالىق قۇرىلتايى ءتۇزىمى − جۇڭگو حالقىنىڭ قوجايىن بولۋىنىڭ ماڭىزدى ارناسى جانە ونى ىسكە اسىرۋدىڭ ەڭ جوعارعى فورماسى. ءسوز جوق، حالىقتىڭ قوجايىن بولۋىن مەملەكەتتىڭ ساياسي ءومىرى مەن قوعامدىق ومىرىندە شىنايى تياناقتاندىرۋ كەرەك. ءتورتىنشى، مەملەكەتتى جاپپاي زاڭمەن جونگە سالۋ − جۇڭگوشا سوتسياليزمنىڭ ماندىك تالابى جانە ماڭىزدى كەپىلى. ءسوز جوق، حالىق قۇرىلتايىنىڭ جانە ونىڭ تۇراقتى كوميتەتىنىڭ مەملەكەتتى جاپپاي زاڭمەن جونگە سالۋدى ىلگەرىلەتۋدەگى ماڭىزدى رولىن تولىق ساۋلەلەندىرۋ كەرەك. بەسىنشى، حالىق قۇرىلتايى ءتۇزىمى − جۇڭگوشا سوتسياليزم ءتۇزىمىنىڭ ماڭىزدى قۇرامداس بولىگى. ءسوز جوق، حالىق قۇرىلتايى تۇزىمىنە بۇلجىماي تاباندى بولۋ، داۋىرمەن بىرگە العا باسىپ، ونى كەمەلدەندىرۋ كەرەك.

  جاڭ دىجياڭ مىنالاردى اتاپ كورسەتتى: 2018 - جىل پارتيا 19 - قۇرىلتايىنىڭ رۋحىن جاپپاي دايەكتىلەندىرۋدىڭ، تياناقتاندىرۋدىڭ باستاما جىلى، سونداي - اق مەملەكەتتىك 13 - كەزەكتى حالىق قۇرىلتايىنىڭ جانە ونىڭ تۇراقتى كوميتەتىنىڭ زاڭ بويىنشا مىندەت اتقارۋىنىڭ ءبىرىنشى جىلى. مەملەكەتتىك 12 - كەزەكتى حالىق قۇرىلتايى تۇراقتى كوميتەتىنىڭ كوميتەت باستىقتارى جيىنى 2018 - جىلعى تۇراقتى كوميتەت قىزمەتىنىڭ باستى تۇيىندەرى مەن زاڭ شىعارۋ، باقىلاۋ قىزمەت جوسپارىن پرينسيپتىك جاقتان ماقۇلداپ، الداعى ءبىر جىلداعى قىزمەتكە العاشقى قادامدا ورنالاستىرۋ جاسادى. ءبىرىنشى، زاڭ شىعارۋ قىزمەتىن ۇزدىكسىز كۇشەيتۋ. ەكىنشى، باقىلاۋ قىزمەتىن ۇزدىكسىز كۇشەيتۋ. ءۇشىنشى، ۋاكىلدەر قىزمەتىن ۇزدىكسىز كۇشەيتۋ.

  جاڭ دىجياڭ بىلاي دەدى: ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىندە، بۇكىل ەلدەگى ءار ۇلت حالقىنىڭ زور كۇشپەن قولداۋىندا، جاڭا كەزەكتى مەملەكەتتىك حالىق قۇرىلتايىنىڭ جانە ونىڭ تۇراقتى كوميتەتىنىڭ، ءسوز جوق، بورىشتىڭ ۇددەسىنەن شىعىپ، ماڭىزدى تاپسىرمانى ادا ەتىپ، جاڭا داۋىردە حالىق قۇرىلتايى قىزمەتىنىڭ جاڭا پاراعىن جازاتىنىنا سەنەمىز.

  جيىننىڭ اتقارۋشى ءتوراعالارى ليۋ جيا - ي، ليۋ سىگۇي، جاڭ چيڭۋي، حۋ حىپيڭ، دۋان چۇنحۋا، حى يچىڭ ءتوراعالار مىنبەسىنىڭ اتقارۋشى ءتوراعالار قاتارىنان ورىن الدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.