تيانشان تورابى   ›   جاڭالىقتار   ›   باتىل ءۇن قاتىپ، ايقىن پوزيتسيا ءبىلدىرۋ

پارتياعا العىس ايتىپ، قالتقىسىز ادال بولىپ، جاۋعا قارسى اتتانامىن

اۆتونوميالى رايوندىق پارتكوم پارتيا مەكتەبى عىلمي زەرتتەۋ باسقارماسىنىڭ ورىنباسار باستىعى

ءالي سيت

  بورىشتارلىق سەزىمدە بولۋ − ادامگەرشىلىكتىڭ نەگىزگى ولشەمى، وتاندى قىزۋ ءسۇيۋ، مەملەكەتتى گۇلدەندىرۋ − ءاربىر ازاماتتىڭ داڭقتى بورىشى، پارتياعا ادال بولۋ، جاۋاپكەرلىكتى باتىلدىقپەن ارقالاۋ، قالتقىسىز ۇلەس قوسۋ، پارتياعا ماڭگى ىلەسۋ − ءبىر تولىمدى كوممۋنيستىك پارتيا مۇشەسىنىڭ ەڭ نەگىزگى مىندەتى ءارى بورىشى. مەن وڭتۇستىك شينجياڭنىڭ شەكارا بويىنا ورنالاسقان كەدەي اۋداننىڭ قىستاعىندا دۇنيەگە كەلدىم، اۋىلىمداعى زور وزگەرىستەردى ءوز كوزىممەن كورىپ، ءار ۇلت حالقىنىڭ ءوزارا قولداۋ كورسەتىپ، جاردەم بەرگەن ىستىق مەيىرىن سەزىندىم. وقۋداعى كەزىمدە، قىزمەتكە شىققاننان كەيىن جانە تۇرمىستا ءار ۇلت ساباقتاستارىمنىڭ، ۇستازدارىمنىڭ، باسشىلارىمنىڭ، قىزمەتتەستەرىمنىڭ جانە دوستارىمنىڭ كومەگىنە، كوڭىل بولۋىنە، قولداۋىنا يە بولىپ، پارتيا مەن مەملەكەتتىڭ قامقورلىعىنا كەنەلدىم. پارتيانىڭ ابزال ساياساتى بولماسا، مەنىڭ العا باسۋىم مۇمكىن ەمەس ەدى. مەن باس شۋجيگە، پارتيا ورتالىق كوميتەتىنە شىن جۇرەكتەن العىس ايتامىن.

  شينجياڭدا «ءۇش ءتۇرلى كۇشپەن»، «ەكىبەتكەيلەرمەن» كۇرەس ۇزاققا جالعاسادى، كۇردەلى بولادى. قالىڭ پارتيالى كادرلار، ءسوز جوق، پارتياعا ادال بولىپ، ساياسي تارتىپكە قاتاڭ بويسۇنىپ، تۇرعىسى بەرىك، تۋى ايقىن تۇردە وتان تۇتاستىعى مەن ۇلتتار ىنتىماعىن بۇلدىرۋگە ۇرىنعان ءسوز - ارەكەتتەرمەن باتىل كۇرەس جاساپ، «ءۇش ءتۇرلى كۇشتىڭ»، «ەكىبەتكەيلەردىڭ» سۇرقيا ءمانىن بەتپە - بەت اشكەرەلەۋى كەرەك. ودان دا ماڭىزدىسى، كوممۋنيستەردىڭ ساياسي قاسيەتىندە تاباندى بولىپ، ماركسيزمدىك «5 تانىمدى» بەرىك ورناتىپ، ۇلتتار ىنتىماعى مەن قوعام ورنىقتىلىعىنىڭ قورعاۋشىسى، ىلگەرىلەتۋشىسى بولىپ، حالىق اراسىندا جەتەكشىلىك رول اتقارىپ، وڭ ەنەرگيا تاراتىپ، تاماشا اۋقىم قالىپتاستىرۋى كەرەك. وزدەرىنىڭ باسىمدىقتارى مەن ىقپال كۇشىنەن پايدالانىپ، حالىقتى جاڭا داۋىرگە ۇيلەسۋگە، عىلىم - ءبىلىم ۇيرەنۋگە باستاپ، زەيىن - زەردەسىن حالىقتىڭ جالپىلىق ساپاسى مەن تۇرمىسىن جاقسارتۋعا جۇمساۋى كەرەك. قالىڭ حالىقتى فەودالدىق سوقىر سەنىمنەن ارىلىپ، يدەيا - تانىمدا بۇرىلىس جاساپ، وزىق عىلىم - مادەنيەتكە تالپىنۋعا، پارتيانىڭ قامقورلىعىندا، رەفورما جاساۋ، ەسىك اشۋ سىندى زامانا اۋقىمىندا قاجىرلىلىقپەن كۇرەس جاساۋ ارقىلى ءومىر قۇنىن ايگىلەپ، باقىتتى تۇرمىسقا قول جەتكىزۋگە تاربيەلەۋى كەرەك.

  مەن پارتيانىڭ ءۇمىتىن اقتاپ، پارتياعا، وتانعا العىس ايتىپ، پارتيانىڭ سوزىنە بۇلجىماي قۇلاق اسىپ، پارتياعا ىلەسەمىن. ساياسيدا، يدەيادا، ارەكەتتە قاشاندا شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، وتە - موتە، قوعام ورنىقتىلىعى مەن باياندى تىنىشتىق باس نىساناسىن قىزمەتىمدى ويداعىداي ىستەۋدىڭ جالپى باعدارناماسى ەتۋدە تاباندى بولىپ، يدەيا مەن ارەكەتتە وسكەلەڭ سانالىلىق تانىتىپ، باس نىساناعا بويسۇنامىن، قىزمەت وتەيمىن.

  باتىل ءۇن قاتىپ، ايقىن پوزيتسيا ءبىلدىرۋ − تۇرعى مەن پوزيتسيانى ايقىنداۋ، ول ءبىزدىڭ ساياسي سەنىمىمىز بەن ساياسي تۇرعىمىزدى بەكەمدەۋىمىزدىڭ بەينەسى. مەن پارتياعا دەگەن ادالدىعىمدى پارتيانىڭ نازارياسى مەن لۋشيان، باعىت، ساياساتىن ۇگىتتەۋدە، قىزمەت بورىشىمدى وتەۋدە ايگىلەيمىن. يدەولوگيا سالاسىنداعى بولشەكتەۋشىلىككە قارسى كۇرەستە كۇڭگىرت سويلەۋگە، شەگىنشەكتەۋگە باتىل قارسى تۇرامىن، بەتىندە ءبىر ءتۇرلى، تۋ سىرتىندا ءبىر ءتۇرلى، سىرتىن جىلتىراتىپ، ىشىندە ازەزىلدىك سايلايتىن «ەكىبەتكەيلەرمەن» باتىل كۇرەس جاسايمىن. وي - سانامدى ءارقاشان سەرگەك ۇستاپ، قىراعىلىعىمدى ارتتىرىپ، كۇڭگىرت ايتىلىمداردى، جالعان كوزقاراستاردى، شىرعالاي سوعاتىن وي اعىمدى، جۇرتتى الجاستىراتىن سوزدەردى باتىل تۇزەتىپ جانە ونى سىن تەزىنە الىپ، يدەولوگيا سالاسىنىڭ ابسوليۋتتى حاۋىپسىزدىگىنە كەپىلدىك ەتىپ، سالتى دۇرىس، ستيلى پاك قوعامدىق عىلىم زەرتتەۋ ورتاسىن جاراتۋعا تيەسىلى ۇلەس قوسامىن.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى