تيانشان تورى   ›   زاڭ تارازى   ›   قوعام قويناۋىنان

قارىز قايتارام دەپ قولعا ءتۇستى

  24 جاستاعى ما جيان (بالاما اتى) ساۋان اۋدانىنىڭ بەلگىلى قىستاعىنىڭ ەگىنشىسى بولىپ، جەر ەمشەگىنە سۇيەنىپ اۋقاتى جاقسارعان سوڭ، اۋدان قالاشىعىنان قابات ءۇي ساتىپ الىپ، قالالىقتارشا تۇرمىس كەشىرە باستايدى . الايدا، ونىڭ بۇل باياندى تۇرمىسى ۇزاققا بارماي، الداعى كۇندەرى تار ەسىك، تاس بوساعادا وتەتىن بولدى. تاياۋدا ول ۇرلىق قىلمىسىن وتكىزگەندىگى سەبەپتى اۋداندىق قوعام حاۋىپسىزدىگى مەكەمەسى جاعىنان قىلمىستىق ىستەر بويىنشا توقتاتىلىپ تۇرمەگە جابىلدى .

  ما جيان باستابىندا تاباندى دا، ءتوزىمدى ەگىنشى بولاتىن. ەگىنشىلىكتەن قالتاسى قالىڭداپ، قالادان قابات ءۇي ساتىپ الىپ، جازدا اۋىلعا بارىپ ەگىن سالىپ، ەگىس جۇمىسى اياقتاعان سوڭ قىستاي قالادا بولاتىن ول، «قولىمنىڭ جەتكەنى وسى بولار» دەپ، قازىرگى كەزەڭدە اۋىل - قىستاقتاردا ورىستەتىلىپ جاتقان ءتۇرلى ءتيىمدى قيمىلدارعا قاتىناسپاي، قۇمار ويناۋ سىندى ءمان - ماعىناسىز ءارى زاڭعا قايشى ارەكەتتەرمەن اينالىسىپ، ءبىرتالاي قارىز ارقالاپ قالادى . ارقالاعان قارىزدى قايتارۋ كەرەك، الدا كەلەتىن كوكتەمگى ەگىسكەدە اقشا قاجەت. سونىمەن ول ۇرلىق ىستەۋ ارام ويىنا كەلەدى دە، بۇكىل ەل حالقى كوكتەم مەرەكەسىنىڭ شاتتىعىنا شومىپ جاتقان كۇندەردە، تۇندەلەتىپ اۋدان قالاشىعىنداعى تۇرعىندار اۋلاسىندا توقتاتىلىپ قويعان جەڭىل اۆتوكولىكتەردى تورۋىلداپ، جول - جونەكەي وسى اۋدان قالاشىعىنداعى بەلگىلى ءبىر تۇرعىندار اۋلاسىنداعى تۋىسىنىڭ ۇيىندە قونالقىلاپ جاتقان شاۋەشەك قالاسىنىڭ تۇرعىنى جاۋ فىڭ (بالاما اتى) نىڭ ەسىگىن قۇلىپتاۋدى ۇمىت قالتىرعان كولىگىنىڭ ىشىندەگى ۇرىمجىدەگى ءۇيىن اشەكەيلەتۋگە دايىنداپ اپارا جاتقان 60 مىڭ يۋاننان استام ناق اقشاسى مەن ەكى توجنا قىمبات باعالى وراۋلى تەمەكىسىن ۇرلاپ، تۇندەلەتىپ شىحىزى قالاسىنا قاشىپ بارىپ، جاسىرىنادى.

  دەلو مالىمەتىن تاپسىرىپ العان ساۋان حالىق ساقشىلارى جىڭىشكەلىكپەن بارلاۋ جۇرگىزۋ ارقىلى اينالاسى ون نەشە ساعات ىشىندە دەلونى ءساتتى اشكەرەلەپ، قىلمىس كۇماندىسى ما جياندى بەلگىلى ءبىر تاعامجايدان قولعا تۇسىرەدى . قولعا تۇسكەنگە دەيىنگى قىسقا عانا ۋاقىتتا ول ۇرلاعان 60 مىڭ يۋاننان استام اقشانىڭ 20 مىڭ يۋانىن قارىز قايتارىپ، بەتالدى جۇمساپ تاۋىسقان ەدى.

  دەلو اشكەرەلەۋمەن بىرگە، دەلوداعى زياندالۋشىلاردىڭ زيانىن ءسوزسىز تولىقتاپ بەرۋدى باستى نىسانا ەتكەن بارلاۋشى ساقشىلار كەزەكتە دەلونىڭ قاتىستى جۇمىستارىن جالعاستى ىستەۋدە.

  وسى ورايدا قوعام حاۋىپسىزدىگى تاراۋلارى قالىڭ قاۋىمدى، اسىرەسە اۆتوكولىك يەلەرىن، كولىكتەرىن ءسوزسىز حاۋىپسىز ورىندارعا توقتاتىپ، ەسىك تەرەزەلەرىن مىقتاپ بەكىتۋلەرىن، ناق اقشالارى مەن باعالى بۇيىمدارىن كولىك ىشىنە قالتىرىپ قويماۋعا ءناسيحاتتايدى.

 جولداعان : ساۋان اۋداندىق قوعام حاۋىپسىزدىگى مەكەمەسىنەن وماربەك قىزىرقان ۇلى

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى