گۇلنار ٴاۋساي قىزى حابارلايدى. جازعىتۇرىم ءار ءتۇردەگى مال ىندەتى تارايتىن مەزگىل. كوز الدا شىڭگىل اۋدانى مال ىندەتىنىڭ الدىن الۋ قىزمەتىن جالپى بەتتىك قانات جايدىرىپ، قوي، سيىر، ٴۇي قۇستارىن مەرزىمگە ٴبولىپ، ىندەتتىڭ الدىن الۋ ۆاكسيناسىن قۇيىپ، مال ىندەتى تاراۋىنىڭ الدىن الدى.
3 - ايدىڭ 12 - كۇنى، ارالتوبە قالاشىعىنىڭ كومىركەن قىستاعىنىڭ تۇرعىنى مۇقامادەننىڭ قوراسىندا مال شارۋاشىلىعى مال شيپاگەرلىك پۋنكتىنىڭ قىزمەتكەرلەرى مالدارعا ۆاكسينا قۇيۋ قىزمەتىن جۇرگىزىپ، ۆاكسينا قۇيىلعان مالداردىڭ قۇلاعىنا بەلگى تاعىپ، قاتىستى كەستەلەردى تولتىردى.
ارالتوبە قالاشىعى كومىركەن قىستاعىنىڭ تۇرعىنى مۇقامادەن تىلشىگە : «قولىمىزداعى مالداردىڭ اقاۋسىزدىعىن تەكسەرۋ، ۆاكسينا قويۋ قىزمەتى تەگىن ٴجۇرىلدى. بۇل بىزگە وتە ٴتيىمدى بولدى»،-دەدى.
كوز الدا شىڭگىل اۋداندىق مال شارۋاشىلىعى مال شيپاگەرلىك مەكەمەسىنەن 30 مال شيپاگەرى ٴارقايسى اۋىل قىستاقتارداعى ٴاربىر وتباسىنداعى، ٴار باس (تۇياق) مالعا ۆاكسينا قويىپ، مال ىندەتى تۋىلماۋىن كەپىلدەندىرىپ، مال شارۋاشىلىعىنىڭ اقاۋسىز دامۋىن ىلگەرىلەتتى.
اۋداندىق مال شارۋاشىلىعى مال شيپاگەرلىك پۋنكتىنىڭ شيپاگەرى داۋلەت تىلشىگە : « 2- ايدىڭ 25 - كۇنىنەن باستاپ مال ىندەتىنىڭ الدىن الۋ قىزمەتىن جۇرگىزدىك، باستى ماقساتىمىز ٴتۇرلى مال ىندەتىن الاستاپ، ادام مەن مالدىڭ حاۋىپسىزدىگىن كەپىلدەندىرۋ. مامىر ايىنىڭ سوڭىنا دەيىن كوكتەمگى مال ىندەتىنىڭ الدىن الۋ قىزمەتىن جالپى بەتتىك ورىنداپ بولامىز»،-دەدى.
ٴتىلشىنىڭ قىزمەت ورنى: شىڭگىل اۋداندىق راديو - تەلەۆيزيا مەكەمەسى