ءتاڭىرتاۋ تورابى   ›   جاڭالىقتار   ›   شۋجي ەستەلىگى

ۋاڭ ياڭ مەملەكەتتىك 13 - كەزەكتى حالىق قۇرىلتايىنىڭ 1 - ماجىلىسىنە قاتىناسقان شينجياڭ ۋاكىلدەر ۇيىرمەسىنىڭ تالقى جيىنىنا قاتىناسقاندا قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، ۇلتتار ىنتىماعىن جەبەپ، جۇڭگوشا سوتسياليستىك شينجياڭ قۇرۋدى باسا دارىپتەدى

  چىن چۋانگو جيىندى باسقاردى، ەركىن يمىرباقى، شوكىرات زاكىر، شاۋكەت يمىن، سۇن جينلۇڭ، جۋ حايلۇن تالقىعا قاتىناستى

  3 - ايدىڭ 12 - كۇنى ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى ۋاڭ ياڭ مەملەكەتتىك 13 - كەزەكتى حالىق قۇرىلتايىنىڭ 1 - ماجىلىسىندە شينجياڭ ۋاكىلدەر ۇيىرمەسىنىڭ تالقىسىنا قاتىناستى. سۋرەتتى ءتىلشىمىز سۇي جىجيان تۇسىرگەن

  تىلشىلەرىمىز ياۋ تۇڭ، شى شين، لي ياڭ 3 - ايدىڭ 12 - كۇنى بەيجيڭنەن حابارلايدى. 3 - ايدىڭ 12 - كۇنى تۇستەن بۇرىن مەملەكەتتىك 13 - كەزەكتى حالىق قۇرىلتايىنىڭ 1 - ماجىلىسىنە قاتىناسقان شينجياڭ ۋاكىلدەر ۇيىرمەسى حالىق سارايىنىڭ شينجياڭ زالىندا جالپى جيىن وتكىزىپ، مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسىن قارادى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى ۋاڭ ياڭ تالقىعا قاتىناستى.

  حالىق سارايىنىڭ شينجياڭ زالى كوكتەمنىڭ شۇلەن شۋاعىنا شومدى. تۇستەن بۇرىن ساعات 9دا ۋاڭ ياڭ كۇلىمسىرەي جيىن زالىنا كىردى، ۇلتتىق ۇلگىدە كيىم كيگەن ۋاكىل رۇقيام ماتسەيت پەن قۇربان نياز الدىنان شىعىپ، ۇيعۇردىڭ دوپپاسىن ۇسىنىپ، شينجياڭداعى ءار ۇلت حالقىنىڭ اسقاق قۇرمەتى مەن ىزگى تىلەگىن ءبىلدىردى. بارلىق ۋاكىلدەر قىزۋ شاپالاق سوقتى، ۋاڭ ياڭ ولارمەن ءبىر - بىرلەپ قول الىسىپ، ىقىلاسپەن اڭگىمەلەستى.

  شينجياڭ ۋاكىلدەر ۇيىرمەسىنىڭ باستىعى، اۆتونوميالى رايوندىق پارتكومنىڭ شۋجيى چىن چۋانگو جيىندى باسقاردى. مەملەكەتتىك حالىق قۇرىلتايىنىڭ ۋاكىلى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى ەركىن يمىرباقى جانە مەملەكەتتىك حالىق قۇرىلتايىنىڭ ۋاكىلدەرى شوكىرات زاكىر، شاۋكەت يمىن، سۇن جينلۇڭ، جۋ حايلۇن تالقىعا قاتىناستى.

  جيىن قىزۋ مەرەيدە ءوتىپ، ۋاكىلدەر مۇقيات تالقى جۇرگىزىپ، بەلسەنە لەبىز ءبىلدىردى. چىن چۋانگو، شوكىرات زاكىر، سۇن جينلۇڭ، ابدۇراقىپ ءتومۇرنياز، رۋقيام ماتسەيت، جاۋ جينلۇڭ، سۇي جيۋشيۋ، لاچين بايك، اكبار ءماتناسىر، قۇربان نياز قاتارلى ۋاكىلدەر پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتىلەندىرۋ، قوعام ورنىقتىلىعىن قورعاۋ، ەكونوميكانىڭ ساپالى دامۋىن ىلگەرىلەتۋ، بيڭتۋان رەفورماسىن تەرەڭدەتۋ، ەلىمىزدەگى ءىسلام ءدىنىن سوتسياليستىك قوعامعا سايكەسۋگە بەلسەنە جەتەكتەۋ، ۇلتتار ىنتىماعى، كەدەيلىكتەن قۇتىلدىرۋدان قامال الۋ، وقۋ - اعارتۋ ىستەرىن بار كۇشپەن دامىتۋ سياقتىلار جونىندە پىكىر - ۇسىنىس ورتاعا قويدى.

  ۋاڭ ياڭ زەر سالا تىڭداپ، اۋىق - اۋىق ءسوز قىستىرىپ، ۋاكىلدەرمەن ىشكەرىلەي تالقى وتكىزىپ، پىكىر اۋىستىردى. ۋاكىلدەردىڭ ءسوزىن مۇقيات تىڭداعاننان كەيىن ۋاڭ ياڭ بىلاي دەدى: مەملەكەتتىك 13 - كەزەكتى حالىق قۇرىلتايى 1 - ءماجىلىسىنىڭ ءۇشىنشى جالپى جيىنى نەگىزگى زاڭعا وزگەرىس ەنگىزۋ جوباسىن جوعارى بەلەتپەن ماقۇلدادى، بۇل ەلىمىزدىڭ ساياسي ومىرىندەگى بەلەستىك ماڭىز الاتىن ءىرى ءىس، جاڭادان وزگەرىس ەنگىزىلگەن نەگىزگى زاڭ جۇڭحۋا ۇلتىنىڭ ۇلى گۇلدەنۋىن نەگىزگى زاڭمەن پارمەندى قامتاماسىز ەتەدى. مەملەكەتتىك حالىق قۇرىلتايى تۇراقتى كوميتەتىنىڭ قىزمەتىنەن باياندامانى بۇكىلدەي قۇپتايمىن.

  ۋاڭ ياڭ مىنالاردى باسا دارىپتەدى: جاڭا داۋىردە شينجياڭ قىزمەتىن جاقسى ىستەۋدە، ءسوزسىز، پارتيا 19 - قۇرىلتايىنىڭ جانە پارتيا 19 - كەزەكتى ورتالىق كوميتەتىنىڭ ەكىنشى، ءۇشىنشى جالپى ماجىلىستەرىنىڭ رۋحىن جان - جاقتى دايەكتىلەندىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، ۇلتتاردىڭ ارالاسۋىن، ىشتەسۋىن، توعىسۋىن ىشكەرىلەي جەبەپ، جۇڭحۋا ۇلتى ورتاق تۇلعا تانىمىن كۇشەيتىپ، قوعامنىڭ جاراسىمدىلىعىن، ورنىقتىلىعىن باتىل قورعاپ، بيڭتۋاننىڭ شينجياڭدى ورنىقتىرۋداعى، شينجياڭدى گۇلدەندىرۋدەگى ماڭىزدى رولىن تولىق ساۋلەلەندىرىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، حالقى الاڭسىز تىرشىلىك ەتەتىن جۇڭگوشا سوتسياليستىك شينجياڭ قۇرۋعا قۇلشىنۋ كەرەك.

  چىن چۋانگو بىلاي دەدى: ۋاڭ ياڭ جولداس شينجياڭ ۋاكىلدەر ۇيىرمەسىنىڭ تالقىسىنا قاتىناسىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بۇكىل شينجياڭداعى ءار ۇلت حالقىنا دەگەن شىنايى قامقورلىعى مەن تەرەڭ سۇيىسپەنشىلىگىن الا كەلدى. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ رۋحىن جان - جاقتى دايەكتىلەندىرىپ، نازاردى باس نىساناعا شوعىرلاندىرىپ، كەشەندى شارانى جاقسى اتقارىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ تۇبەگەيلى تياناقتانۋىن ىلگەرىلەتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىن الاڭسىز ەتۋىمىز كەرەك.

  مەملەكەتتىك حالىق قۇرىلتايىنىڭ ۋاكىلدەرى نايىم ياسىن، شى داگاڭ، ليۋ حايشيڭ، لي ۋي، ما شۋەجۇن، لو دۇڭچۋان، پىڭ جيارۇي قاتارلىلار تالقىعا قاتىناستى. مەملەكەتتىك 12 - كەزەكتى حالىق قۇرىلتايى تۇراقتى كوميتەتىنىڭ مۇشەسى اسحات كەرىمباي ۇلى جيىنعا سىرتتاي قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى