تيانشان تورابى   ›   جاڭالىقتار   ›   شۋجي ەستەلىگى

شينجياڭ ۋاكىلدەر ۇيىرمەسى مەملەكەتتىك حالىق قۇرىلتايى تۇراقتى كوميتەتىنىڭ قىزمەتىنەن باياندامانى قارادى

چىن چۋانگو، ەركىن يمىرباقى، شوكىرات زاكىر، شاۋكەت يمىن، سۇن جينلۇڭ، جۋ حايلۇن تالقىعا قاتىناستى

   تىلشىلەرىمىز ياۋ تۇڭ، لي ياڭ، شى شين 3 - ايدىڭ 12 - كۇنى بەيجيڭنەن حابارلايدى. مەملەكەتتىك 13 - كەزەكتى حالىق قۇرىلتايىنىڭ 1 - ماجىلىسىنە قاتىناسىپ جاتقان شينجياڭ ۋاكىلدەر ۇيىرمەسى 3 - ايدىڭ 12 - كۇنى تۇستەن بۇرىن جانە تۇستەن كەيىن جالپى جيىن جانە گرۋپپالار جيىنىن وتكىزىپ، مەملەكەتتىك حالىق قۇرىلتايى تۇراقتى كوميتەتىنىڭ قىزمەتىنەن باياندامانى قارادى.

  شينجياڭ ۋاكىلدەر ۇيىرمەسىنىڭ باستىعى، اۆتونوميالى رايوندىق پارتكومنىڭ شۋجيى چىن چۋانگو، مەملەكەتتىك حالىق قۇرىلتايىنىڭ ۋاكىلى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى ەركىن يمىرباقى جانە مەملەكەتتىك حالىق قۇرىلتايىنىڭ ۋاكىلدەرى شوكىرات زاكىر، شاۋكەت يمىن، سۇن جينلۇڭ، جۋ حايلۇن تالقىعا قاتىناستى. مەملەكەتتىك حالىق قۇرىلتايى تۇراقتى كوميتەتىنىڭ قاتىستى تاراۋلارىنىڭ جاۋاپتىلارى جيىنعا قاتىناسىپ، پىكىردى تىڭدادى.

  ۋاكىلدەر ءبىر اۋىزدان بىلاي دەدى: مەملەكەتتىك حالىق قۇرىلتايى تۇراقتى كوميتەتىنىڭ قىزمەتىنەن باياندامانى بۇكىلدەي قۇپتايمىز. بايانداماعا باستان - اياق شي جينپيڭنىڭ جاڭا ءداۋىر جۇڭگوشا سوتسياليزم يدەياسى، پارتيا 19 - قۇرىلتايىنىڭ رۋحى ءسىڭىرىلىپ، پارتيانىڭ باسشىلىعىنا تاباندى بولۋدىڭ، حالىقتىڭ قوجايىن بولۋىنىڭ، مەملەكەتتى زاڭمەن جونگە سالۋدىڭ ورگانيكالى بىرلىگىنە تاباندى بولۋ تولىق بەينەلەگەن، «جەتىگە كۇش سالۋدا» مەملەكەتتىك 12 - كەزەكتى حالىق قۇرىلتايىنىڭ جانە ونىڭ تۇراقتى كوميتەتىنىڭ 5 جىلدان بەرگى قىزمەتتەرى جاپپاي قورىتىندىلانعان، «5 ءتۇيىندى تۇسىنىكتە» حالىق قۇرىلتايى ءتۇزىمىنىڭ عىلمي ماڭىزى مەن ماندىك ەرەكشەلىگى جيناقتالعان، حالىق قۇرىلتايى قىزمەتىنىڭ ورنى مەن قىزمەت زاڭدىلىعى ايقىندالعان. باياندامادا مەملەكەتتىك حالىق قۇرىلتايىنىڭ جانە ونىڭ تۇراقتى كوميتەتىنىڭ زاڭ شىعارۋ ۇقىعىن، باقىلاۋ ۇقىعىن، شەشىم جاساۋ ۇقىعىن، مىندەتكە تاعايىنداۋ، مىندەتتەن قالدىرۋ ۇقىعىن زاڭ بويىنشا اتقارعاندىعى كورنەكتىلەندىرىلگەن، بيىلعى قىزمەتتەردىڭ ماڭىزدى تۇيىندەرى كورنەكتىلەندىرىلىپ، عىلمي، ۇيلەسىمدى ورنالاستىرىلعان، بۇل باياندامانى بۇكىلدەي قۇپتايمىز. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، ەلىمىزدەگى ءار ۇلت حالقىنىڭ زور كۇشپەن قولداۋىندا، جاڭا كەزەكتى حالىق قۇرىلتايىنىڭ جانە ونىڭ تۇراقتى كوميتەتىنىڭ بورىشىن وتەپ، ماڭىزدى تاپسىرمانى ورىنداپ، جاڭا داۋىردەگى حالىق قۇرىلتايى قىزمەتىنىڭ تىڭ پاراعىن اشاتىنىنا سەنەمىز.

  ۋاكىل جۋ حايلۇن بىلاي دەدى: مەملەكەتتىك حالىق قۇرىلتايى تۇراقتى كوميتەتىنىڭ قىزمەتىنەن باياندامانى بۇكىلدەي قۇپتايمىن. وتكەن 5 جىلدا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، مەملەكەتتىك 12 - كەزەكتى حالىق قۇرىلتايى تۇراقتى كوميتەتى پارتيا 18 - قۇرىلتايىنىڭ جانە 19 - قۇرىلتايىنىڭ رۋحىن جاپپاي دايەكتىلەندىردى، تياناقتاندىردى، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەندى، دايەكتىلەندىردى، باس شۋجي شي جينپيڭنىڭ بەدەلىن جانە ۇيتقىلىق ورنىن باتىل قورعادى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلىن جانە ورتالىقتانعان ءبىر تۇتاس باسشىلىعىن باتىل قورعادى، نەگىزگى زاڭ مەن زاڭدار جۇكتەگەن جاۋاپكەرلىكتى مۇقيات اتقاردى، حالىق قۇرىلتايى ءتۇزىمىنىڭ نازاريالىق جانە امالياتتىق جاسامپازدىقتارىندا كورنەكتى تابىسقا قول جەتكىزدى، سوتسياليستىك دەموكراتيالىق زاڭمەن جونگە سالۋ قۇرىلىسىندا كەلەلى ىلگەرىلەۋشىلىككە قول جەتكىزدى. زاڭ شىعارۋ قىزمەتىن، باقىلاۋ قىزمەتىن، ۋاكىلدەر قىزمەتىن ۇزدىكسىز كۇشەيتىپ، حالىق قۇرىلتايى قىزمەتىنىڭ جاڭا جاعدايىن جاساي بەرۋدى ۇسىنىس ەتەمىن.

  پارحات روزى، جاڭ يان، ياسىن سىدىق، يوۋ لياڭيىڭ، مين شياۋچيڭ قاتارلى ۋاكىلدەر بىلاي دەدى: بيىل پارتيا 19 - قۇرىلتايىنىڭ رۋحىن جاپپاي دايەكتىلەندىرۋدەگى، تياناقتاندىرۋداعى باستاما جىل ءارى مەملەكەتتىك 13 - كەزەكتى حالىق قۇرىلتايىنىڭ جانە ونىڭ تۇراقتى كوميتەتىنىڭ زاڭ بويىنشا مىندەت اتقاراتىن تۇڭعىش جىلى. پارتيانىڭ 19 - قۇرىلتايى شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ تاريحي ورنىن تۇراقتاندىرىپ، جاپپاي سوتسياليستىك وسىزاماندانعان مەملەكەت قۇرۋدىڭ تىڭ جورىعىن باستاپ، پارتيا مەن مەملەكەت ىستەرىنىڭ العا باسۋ بەتالىسىن اناعۇرلىم ايقىندادى، سونىمەن بىرگە حالىق قوجايىن بولۋ ءتۇزىم جۇيەسىن كەمەلدەندىرۋ، سوتسياليستىك دەموكراتيالىق ساياسيدى دامىتۋ جونىندە كەلەلى ورنالاستىرۋلار جاساپ، جاڭا داۋىردە حالىق قۇرىلتايى قىزمەتىن ويداعىداي ىستەۋدىڭ، مەملەكەتتى زاڭمەن جونگە سالۋدىڭ امالياتىن تەرەڭدەتۋ جونىندە ايقىن تالاپتار ورتاعا قويدى. حالىق قۇرىلتايى ءتۇزىمىنىڭ بولاشاعى ءتىپتى دە نۇرلى، مەملەكەتتىك حالىق قۇرىلتايىنىڭ جانە ونىڭ تۇراقتى كوميتەتىنىڭ بورىشى اناعۇرلىم داڭقتى.

  قۇربان نياز، اكبار ءماتناسىر، جاۋ جينلۇڭ قاتارلى ۋاكىلدەر بىلاي دەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە پارتيا 19 - كەزەكتى ورتالىق كوميتەتىنىڭ ەكىنشى، ءۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، تياناقتاندىرىپ، حالىق قۇرىلتايى تۇزىمىنە ۇزاق ۋاقىت تاباندى بولىپ، تىنباي كەمەلدەندىرىپ، نەگىزگى زاڭ مەن زاڭداردا جۇكتەلگەن ءتۇرلى مىندەتتى جاپپاي ارقالاپ، جاڭا داۋىردەگى حالىق قۇرىلتايى قىزمەتىنىڭ جاڭا جاعدايىن قۇلشىنا اشۋ؛ پارتيانىڭ بارلىق قىزمەتكە باسشىلىعىنا تاباندى بولىپ، پارتيانىڭ لۋشيان، باعىت - ساياساتتارىن، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن حالىق قۇرىلتايىنىڭ ءتۇرلى قىزمەتتەرىندە دايەكتىلەندىرىپ، تياناقتاندىرۋعا كەپىلدىك ەتۋ؛ مەملەكەتتىڭ بارلىق بيلىگى حالىققا ءتان دەگەنگە تاباندى بولىپ، حالىقتىڭ حالىق قۇرىلتايى ارقىلى مەملەكەت ۇقىعىن جۇرگىزۋىن قولداۋ، وعان كەپىلدىك ەتۋ؛ نەگىزگى زاڭدى اتقارۋدى مەملەكەتتى جاپپاي زاڭمەن جونگە سالۋداعى كورنەكتى ورىنعا قويۋعا تاباندى بولىپ، مەملەكەتتى زاڭمەن جونگە سالۋ، مەملەكەتتى نەگىزگى زاڭمەن جونگە سالۋ قىزمەتىن اناعۇرلىم تىڭ ورەگە كوتەرۋ؛ پارتيا مەن مەملەكەت قىزمەتىنىڭ جالپى جاعدايىن تىعىز ارقاۋ ەتىپ، مەملەكەتتىڭ ءتۇبىرلى ساياسي ءتۇزىمىنىڭ باسىمدىعىن جەتە ساۋلەلەندىرىپ، مەملەكەتتىڭ سان سالالى ىستەردى ءبىر تۇتاس، جوعارى ونىممەن، ۇيىمدى تۇردە ىلگەرىلەتۋىنە كەپىلدىك ەتىپ، حالىقتىڭ كۇننەن - كۇنگە ارتقان باقىتتى تۇرمىسقاقاجەتىن اناعۇرلىم ويداعىداي قاناعاتتاندىرۋ كەرەك.

    مەملەكەتتىك حالىق قۇرىلتايىنىڭ ۋاكىلدەرى نايىم ياسىن، شى داگاڭ، ليۋ حايشيڭ، لي ۋي، ما شۋەجۇن، لو دۇڭچۋان، پىڭ جيارۇي، ابدۇراقىپ ءتومۇرنياز قاتارلىلار جيىنعا قاتىناستى. مەملەكەتتىك 12 - كەزەكتى حالىق قۇرىلتايى تۇراقتى كوميتەتىنىڭ مۇشەسى اسحات كەرىمباي ۇلى جيىنعا سىرتتاي قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى