قىستا شالعام (لوبى)، جازدا جەمجەمىل تۇتىنساڭىز دارىگەرگە كورىنبەيسىز دەگەن ايتىلىم بار، شالعام (لوبى) ەڭ تاماشا ازىقتىق ارقىلى ەمدەۋ كوكونىسى. شالعام (لوبى) تۇتىنۋدىڭ قانداي پايداسى بار؟ شالعامدى (لوبى) قالاي تۇتىنعاندا دەنساۋلىق اقاۋسىزدىعىن ساقتاۋعا بولادى؟ قىستا نەلىكتەن شالعام (لوبى) جەيمىز؟
قىستا اۋا كليماتتى ىزعارلى سۋىق بولعاندىقتان، ءۇيىمىزدىڭ ەسىگىن مىقتاپ قاۋىپ الامىز دا، بولمە ءىشى ىستىق دىمقىل بولادى ءارى سىرتقا ىعىسىپ شىقپاعان اۋا بولمەنىڭ ءىشىن لاستاپ، ادامداردى وڭاي اۋرۋعا شالدىقتىرادى. قاقاعان سۋىق تەرىڭىزگە دە ەرەكشە ىقپال جاسايدى. سونىمەن بىرگە ادامداردىڭ سىرتقى ورتادا قيمىل جاساۋ ورايى از بولىپ، سۋىققا توتەپ بەرۋى ءۇشىن ىستىق تاعامداردى كوپتەپ تۇتىنادى. ىستىق تاعامداردى كوپ تۇتىنعان ادامداردىڭ ىستىعى اسىپ، تاماق ۇيىرمەي، ىشتەگى جەلدىڭ توسىلىپ قالۋ جاعدايى كورىلەدى. مىنە وسى كەزدە شالعام (لوبى) جەسەڭىز ىستىقتى قايتارىپ، توسىلعان جەلدى ايداۋ رولىن اتقارادى.
شالعامنىڭ (لوبى) كوپتەگەن ادامداردىڭ بىلە بەرمەيتىن قورەكتىك قۇنى بار. وسىزامانعى دارىگەرلىك عىلىمي شالعامنىڭ (لوبى) قۇرامىندا كوپ مولشەردە ۆيتامىن (c) بولاتىندىعىن دالەلدەپ وتىر، بۇل زات راك اۋرۋىنا قارسىلىق قۋاتتى ارتتىرادى ءارى راك اۋرۋىنىڭ الدىن الادى. ۇنەمى كەزدەسەتىن اسقازان راگى مەن وڭەش راگى قاتارلى اۋرۋلاردى ءونىمدى تەجەيدى.
اشقازان ىشەكتىڭ جيىرىلۋىنا كومەگىن تيگىزەدى: شالعامنىڭ (لوبى) قۇرامىندا كوپ مولشەردە قاندى تسەلليۋلوزا (اعاشتان شىعاتىن زات) بولادى، شالعامدى (لوبى) كوپ تۇتىنعاندا اسقازان ىشەكتىڭ جىيىرىلۋىن تەزدەتىپ، اسقازان مەن ىشەكتىڭ اس قورىتۋىنا كومەگىن تيگىزەدى.
دەنەنىڭ قارسىلىق قۋاتىن جوعارىلاتادى: شالعامنىڭ (لوبى) قۇرامىندا كوپ مولشەردە ۆيتامين جانە ءار تۇرلى قورەكتىك زات بولعاندىقتان، دەنەدەگى قان اينالىسىن جەدەلدەتىپ، جاڭا زات الماستىرۋعا كومەگىن تيگىزەدى ءارى بۇلشىق ەتتىڭ بەكەمدىگىن ارتتىرادى.
ماي جانە قانت قۇرامىن تومەندەتەدى: شالعامنىڭ (لوبى) قۇرامىندا قانت جانە ماي قۇرامىن تومەندەتەتىن زات بولادى.
