تيانشان تورى
تيانشان تورى   ›   جاڭالىقتار   ›   ماڭىزدى حابارلار

مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى ءتورتىنشى جالپى جيىنىن وتكىزدى

شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ جيىنعا قاتىناستى

باقىلاۋ - تەكسەرۋ زاڭى جوباسى جونىندەگى تۇسىنىكتى، مەملەكەتتىك كەڭەس قۇرىلىمدارىنا رەفورما جاساۋ جوباسى جونىندەگى تۇسىنىكتى تىڭدادى

  شينحۋا اگەنتتىگىنىڭ 3 - ايدىڭ 13 - كۇنى بەيجيڭنەن بەرگەن حابارى. مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى 3 - ايدىڭ 133 - كۇنى تۇستەن بۇرىن حالىق سارايىندا ءتورتىنشى جالپى جيىنىن وتكىزىپ، مەملەكەتتىك حالىق قۇرىلتايى تۇراقتى كوميتەتىنىڭ باقىلاۋ - تەكسەرۋ زاڭى جوباسى جونىندەگى تۇسىنىگىن، مەملەكەتتىك كەڭەستىڭ مەملەكەتتىك كەڭەس قۇرىلىمدارىنا رەفورما جاساۋ جوباسى جونىندەگى تۇسىنىگىن تىڭدادى.

  شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ جيىنعا قاتىناستى.

  جيىنعا قاتىناسۋعا ءتيىستى ۋاكىل 2980، قاتىناسقان ۋاكىل 2962، 18 ۋاكىل قاتىناسا المادى، قاتىناسقان ۋاكىل سانى زاڭداعى بەلگىلەمەگە ۇيلەسەدى.

  مەملەكەتتىك 12 - كەزەكتى حالىق قۇرىلتايى تۇراقتى كوميتەتىنىڭ تاپسىرۋىمەن، مەملەكەتتىك 12 - كەزەكتى حالىق قۇرىلتايى تۇراقتى كوميتەتىنىڭ ورىنباسار باستىعى لي جيانگو باقىلاۋ - تەكسەرۋ زاڭى جوباسى جونىندە تۇسىنىك جاسادى. لي جيانگو بىلاي دەدى: باقىلاۋ - تەكسەرۋ زاڭىن جاساۋ − پارتيا ورتالىق كوميتەتىنىڭ مەملەكەتتىڭ باقىلاۋ - تەكسەرۋ ءتۇزىلىسى رەفورماسىن تەرەڭدەتۋ جونىندەگى شەشىمدەرى مەن ورنالاستىرۋلارىن دايەكتى تياناقتاندىرۋداعى ماڭىزدى شارا؛ پارتيانىڭ شىرىكتەسۋگە قارسى تۇرۋ قىزمەتىنە باسشىلىعىن كۇشەيتىپ، مەملەكەتتىڭ ورتالىقتانعان ءبىر تۇتاس، بەدەلدى، ءونىمدى باقىلاۋ - تەكسەرۋ جۇيەسىن قۇرۋدىڭ قاجەتتى تالابى؛ پارتيانىڭ 18 - قۇرىلتايىنان بەرگى شىرىكتەسۋگە قارسى امالياتتىق تاجىريبەلەردى قورىتىندىلاپ، جاڭا جاعدايداعى شىرىكتەسۋگە قارسى كۇرەستى پارمەندى زاڭمەن باسقارۋ ارقىلى قامتاماسىزداندىرۋدىڭ رەال قاجەتى؛ پارتيا ىشىندەگى باقىلاۋ مەن مەملەكەتتىڭ باقىلاۋ - تەكسەرۋىنىڭ ورگانيكالى بىرلىگىنە، جۇڭگوشا باقىلاۋ - تەكسەرۋ جولىمەن جۇرۋگە تاباندى بولۋداعى تىڭ شارا؛ نەگىزگى زاڭنىڭ اتقارىلۋىن كۇشەيتۋدىڭ، حالىق قۇرىلتايى ءتۇزىمىن كەمەلدەندىرۋدىڭ جانە ونى دامىتۋدىڭ، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋدىڭ ستراتەگيالىق شاراسى.

  لي جيانگو بىلاي دەدى: باقىلاۋ - تەكسەرۋ زاڭىن شىعارۋ قىزمەتى مىناداي وي جەلىسىنە جانە پرينسيپكە نەگىزدەلدى: ءبىرىنشى، دۇرىس ساياسي بەتالىسقا تاباندى بولۋ؛ ەكىنشى، نەگىزگى زاڭنىڭ وزگەرىسىمەن بىردەيلىگىن ساقتاۋعا تاباندى بولۋ؛ ءۇشىنشى، ماسەلەنى باعدار ەتۋگە تاباندى بولۋ؛ ءتورتىنشى، زاڭ شىعارۋدا عىلمي، دەموكراتيالى بولۋعا، زاڭدى نەگىز ەتۋگە تاباندى بولۋ.

  لي جيانگو بىلاي دەدى: باقىلاۋ - تەكسەرۋ زاڭى جوباسى جالپى ەرەجە، باقىلاۋ - تەكسەرۋ ورگانى جانە باقىلاۋ - تەكسەرۋ مىندەتى، باقىلاۋ - تەكسەرۋ كولەمى جانە قاراستىلىق، باقىلاۋ - تەكسەرۋ ۇقىق شەگى، باقىلاۋ - تەكسەرۋ ءتارتىبى، شىرىكتەسۋگە قارسى حالىقارالىق ىنتىماقتاستىق، باقىلاۋ - تەكسەرۋ ورگاندارى مەن باقىلاۋ - تەكسەرۋ قىزمەتكەرلەرىن باقىلاۋ، زاڭدىق جاۋاپكەرشىلىك جانە قوسىمشا ەرەجە دەپ 9 تاراۋعا ءبولىنىپ، جيىنى 69 تارماقتان قۇرالدى. نەگىزگى مازمۇنى مىناداي 7 جاقتى قامتىدى: ءبىرىنشى، باقىلاۋ - تەكسەرۋ قىزمەتىنىڭ جەتەكشى يدەياسى مەن باسشىلىق ءتۇزىلىسىن ايقىنداۋ؛ ەكىنشى، باقىلاۋ - تەكسەرۋ قىزمەتىنىڭ پرينسيبى مەن باعىتىن ايقىنداۋ؛ ءۇشىنشى، باقىلاۋ - تەكسەرۋ كوميتەتىنىڭ جارىققا شىعۋى مەن مىندەتىن ايقىنداۋ؛ ءتورتىنشى، الەۋمەتتىك بيلىك جۇرگىزەتىن بارلىق مەملەكەت قىزمەتكەرلەرىن باقىلاۋ - تەكسەرۋمەن تولىق قامتۋدى جۇزەگە اسىرۋ؛ بەسىنشى، باقىلاۋ - تەكسەرۋ ورگاندارىنا قاجەتتى ۇقىق شەگىن بەرۋ؛ التىنشى، باقىلاۋ - تەكسەرۋ ءتارتىبىن قاتاڭ جۇيەگە ءتۇسىرۋ؛ جەتىنشى؛ باقىلاۋ - تەكسەرۋ ورگاندارى مەن باقىلاۋ - تەكسەرۋ قىزمەتكەرلەرىنە باقىلاۋدى كۇشەيتۋ.

  مەملەكەتتىك كەڭەستىڭ زۇڭليى لي كىچياڭ قاراۋعا ۇسىنعان مەملەكەتتىك كەڭەس قۇرىلىمدارىنا رەفورما جاساۋ جوباسى جونىندەگى كەڭەس جوباسىندا بىلاي دەپ اتاپ كورسەتىلدى: جۇڭگو كوممۋنيستىك پارتياسىنىڭ مەملەكەتتىك 19 - قۇرىلتايى قۇرىلىم جانە اكىمشىلىك ءتۇزىلىس رەفورماسىن تەرەڭدەتۋدى ايقىن تالاپ ەتتى. پارتيا 19 - كەزەكتى ورتالىق كوميتەتىنىڭ ءۇشىنشى جالپى ءماجىلىسى «پارتيا مەن مەملەكەت قۇرىلىمدارى رەفورماسىن تەرەڭدەتۋ جوباسىن» قاراپ ماقۇلداپ، ونىڭ ىشىندەگى مەملەكەتتىك كەڭەس قۇرىلىمدارى رەفورماسىنا ساياتىن مازمۇنداردى مەملەكەتتىك 13 - كەزەكتى حالىق قۇرىلتايى 1 -ءماجىلىسىنىڭ قاراپ شىعۋىنا تاپسىرۋعا قوسىلدى. ەندى «پارتيا مەن مەملەكەت قۇرىلىمدارى رەفورماسىن تەرەڭدەتۋ جوباسىنا» ساي قالىپتاسقان «مەملەكەتتىك كەڭەس قۇرىلىمدارىنا رەفورما جاساۋ جوباسىن» مەملەكەتتىك 13 - كەزەكتى حالىق قۇرىلتايى 1 - ءماجىلىسىنىڭ قاراۋىنا ۇسىنىپ وتىرمىز.

  مەملەكەتتىك كەڭەستىڭ تاپسىرۋىمەن، مەملەكەتتىك كەڭەس مۇشەسى ۋاڭ يۇڭ مەملەكەتتىك كەڭەس قۇرىلىمدارىنا رەفورما جاساۋ جوباسى جونىندە تۇسىنىك جاسادى. ۋاڭ يۇڭ بىلاي دەدى: مەملەكەتتىك كەڭەستىڭ بۇل جولعى قۇرىلىم رەفورماسىنىڭ ناقتى جوباسى تومەندەگىدەي: ءبىرىنشى، مەملەكەتتىك كەڭەستىڭ قۇرامىنداعى تاراۋلاردى رەتتەۋ تۋرالى: تابيعي بايلىق مينيسترلىگى قۇرىلادى، ەكولوگيالىق ورتا مينيسترلىگى قۇرىلادى، اۋىل شارۋاشىلىعى، اۋىل - قىستاق مينيسترلىگى قۇرىلادى، مادەنيەت جانە ساياحات مينيسترلىگى قۇرىلادى، مەملەكەتتىك تازالىق، دەنساۋلىق كوميتەتى قۇرىلادى، ارميادان قايتقان اسكەريلەر ءىسى مينيسترلىگى قۇرىلادى، شۇعىل جاعدايعا توتەپ بەرۋدى باسقارۋ مينيسترلىگى قۇرىلادى، عىلىم - تەحنيكا مينيسترلىگى قايتادان قۇرىلادى، ءادىليا مينيسترلىگى قايتادان قۇرىلادى، سۋ يگىلىگى مينيسترلىگىنىڭ مىندەتى ساپالىلاندىرىلادى، قازىنالىق باقىلاۋ مەكەمەسىنىڭ مىندەتى ساپالىلاندىرىلادى، باقىلاۋ مينيسترلىگى، مەملەكەتتىك ءىرىپ - ءشىرۋدىڭ الدىن الۋ مەكەمەسى مەملەكەتتىك باقىلاۋ - تەكسەرۋ كوميتەتىنە قوسىلادى؛ ەكىنشى، مەملەكەتتىك كەڭەستىڭ باسقا دا قۇرىلىمدارىن رەتكە سالۋ تۋرالى: مەملەكەتتىك بازار باقىلاۋ - باسقارۋ باس مەكەمەسى قۇرىلادى، مەملەكەتتىك راديو - تەلەۆيزيا باس مەكەمەسى قۇرىلادى، جۇڭگو بانكە - قامسىزداندىرۋ ىستەرىن باقىلاۋ - باسقارۋ كوميتەتى قۇرىلادى، مەملەكەتتىك حالىقارالىق دامۋ - ىنتىماقتاستىق مەكەمەسى قۇرىلادى، مەملەكەتتىك ەمدەلۋدى قامتاماسىزداندىرۋ مەكەمەسى قۇرىلادى، مەملەكەتتىك استىق جانە زاتتىق ماتەريال زاپاس قورى مەكەمەسى قۇرىلادى، مەملەكەتتىك كوشى - قون ىستەرىن باسقارۋ مەكەمەسى قۇرىلادى، مەملەكەتتىك ورمان شارۋاشىلىعى جانە جايلىم مەكەمەسى قۇرىلادى، مەملەكەتتىك ءبىلىم مەنشىك ۇقىعى مەكەمەسى قايتادان قۇرىلادى، مەملەكەتتىك قوعامدىق قامتاماسىزداندىرۋ قورى القالار كەڭەسىنىڭ قاراستىلىق قاتىناسى رەتتەلەدى، مەملەكەت باجىسىن جانە جەرلىك باجىنى الۋ - باسقارۋ تۇزىلىسىنە رەفورما جاسالادى.

  ۋاڭ يۇڭ مىنالاردى اتاپ كورسەتتى: جالپى العاندا، مەملەكەتتىك كەڭەستىڭ بۇل رەتكى قۇرىلىم رەفورماسىندا پارتيا 19 - قۇرىلتايى مەن 19 - كەزەكتى ورتالىق كوميتەتتىڭ ءۇشىنشى جالپى ءماجىلىسىنىڭ رۋحى دايەكتى تياناقتاندىرىلدى، پارتيا جاپپاي باسشىلىق ەتۋگە تاباندى بولۋ جانە ونى كۇشەيتۋ تالابى تياناقتاندىرىلدى، ەلىمىزدىڭ جاڭا داۋىردەگى باستى قايشىلىقتارىنىڭ وزگەرىسىنە سايكەسۋ، دامۋدىڭ قاجەتىن، نەگىزگى ساتىداعىلاردىڭ ءۇمىتىن، حالىقتىڭ تىلەگىن شوعىرلاندىرىپ، ساپالى، سايكەستى، ءونىمدى بولۋ پرينسيبى بويىنشا ءارى قازىرگىنى تياناق ەتىپ، سونداي - اق بولاشاقتى كوزدە ۇستاپ، مەملەكەتتىك كەڭەس قۇرىلىمدارىن قۇرۋ جانە مىندەتتەرىن بەلگىلەۋ ساپالىلاندىرىلىپ، مىندەت - جاۋاپكەرشىلىك قاتىناسى رەتتەلدى. رەفورمادان كەيىن مەملەكەتتىك كەڭەستىڭ مينيسترلىك دارەجەلى قۇرىلىمىنان 8ى، تەتە مينيسترلىك دارەجەلى قۇرىلىمىنان 7سى قىسقاردى. رەفورما ارقىلى مەملەكەتتىڭ كەڭەس قۇرىلىمدارى ءىس جۇزىندىككە اناعۇرلىم ۇيلەسىمدى، عىلمي، ۇتىمدى بولىپ، پارتيانىڭ 19 - قۇرىلتايى ورنالاستىرعان مىندەتتەردى جاپپاي دايەكتى تياناقتاندىرۋعا پارمەندى ۇيىمدىق قامتاماسىزدىق ەتەتىن بولادى.

  جيىن داۋىسقا سالۋ ارقىلى مەملەكەتتىك 13 - كەزەكتى حالىق قۇرىلتايى 1 - ءماجىلىسىنىڭ مەملەكەتتىك 13 - كەزەكتى حالىق قۇرىلتايىنىڭ ارناۋلى كوميتەتتەرىن قۇرۋ جونىندەگى قارارىن ماقۇلدادى، مەملەكەتتىك 13 - كەزەكتى حالىق قۇرىلتايى 1 - ءماجىلىسىنىڭ مەملەكەتتىك 13 - كەزەكتى حالىق قۇرىلتايىنىڭ ارناۋلى كوميتەتتەرىنىڭ مەڭگەرۋشى مۇشەسىنىڭ، ورىنباسار مەڭگەرۋشى مۇشەلەرىنىڭ، مۇشەلەرىنىڭ كاندايداتتارىن داۋىسقا سالۋ جونىندەگى ءادىسىن ماقۇلدادى، مەملەكەتتىك 13 - كەزەكتى حالىق قۇرىلتايى نەگىزگى زاڭ جانە زاڭدار كوميتەتىنىڭ مەڭگەرۋشى مۇشەسىنىڭ، ورىنباسار مەڭگەرۋشى مۇشەلەرىنىڭ، مۇشەلەرىنىڭ ەسىمدىگىن ماقۇلدادى، مەملەكەتتىك 13 - كەزەكتى حالىق قۇرىلتايى قازىنا - ەكونوميكا كوميتەتىنىڭ مەڭگەرۋشى مۇشەسىنىڭ، ورىنباسار مەڭگەرۋشى مۇشەلەرىنىڭ، مۇشەلەرىنىڭ ەسىمدىگىن ماقۇلدادى.

    ءماجىلىس ءتوراعالار القاسىنىڭ تۇراقتى ءتوراعاسى، اتقارۋشى ءتوراعاسى ساۋ جيانميڭ جيىندى باسقاردى. ءماجىلىستىڭ اتقارۋشى ءتوراعالارى ۋاڭ دۇڭفىڭ، ۋاڭ گوشىڭ، لي ۋي، لين دو، حۋاڭ جىشيان، شيە فۋجان ءتوراعالار مىنبەسىنىڭ اتقارۋشى ءتوراعالار ورنىنا جايعاستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.