ەركىنعازى احمەتباي ۇلى حابارلايدى. مەملەكەتتىك 13 - كەزەكتى حالىق قۇرىلتايى 1 – ءماجىلىسىنىڭ ءۇشىنشى جالپى جيىنىندا «جۇڭحۋا حالىق رەسپۋبليكاسىنىڭ نەگىزگى زاڭىنا وزگەرىس ەنگىزۋ جوباسىنىڭ» ماقۇلدانۋى كۇيتۇندەگى ادۆوكاتتىق ىستەر بولىمشەسىندەگىلەردىڭ قىزۋ اڭىسىن قوزعادى. ولار جاڭا زاڭدى جاقسى ۇيرەنىپ، دايەكتىلەندىرىپ، وزگەرىس ەنگىزىلگەن نەگىزگى زاڭنىڭ قۇرمەتتەۋشىسى، باتىل قولداۋشىسى، سانالى بويسۇنۋشىسى بولىپ، نەگىزگى زاڭنىڭ بەدەلىن قورعاپ، اتقارىلۋىنا كەپىلدىك ەتۋدەي قاسىيەتتى بورىشتى ارقالايتىندىقتارىن ءبىلدىردى.
3- ايدىڭ 14 - كۇنى، شينجياڭ باتىس ءوڭىر چاۋياڭ ادۆوكات ىستەر بولىمشەسى مەن شينجياڭ تيانگۋان ادۆوكات ىستەر بولىمشەسى بارلىق ادۆاكاتتاردى «جۇڭحۋا حالىق رەسپۋبليكاسىنىڭ وزگەرىس ەنگىزىلگەن نەگىزگى زاڭىن» ۇيرەنۋگە ۇيىمداستىردى.
شينجياڭ تيانگۋان ادۆاكات ىستەر بولىمشەسىنىڭ ادۆوكاتى جاڭ شيانرۇي بىلاي دەدى : «بارلىق زاڭدار نەگىزگى زاڭعا قاراي جاسالادى جانە اتقارىلادى، بۇل رەتكى نەگىزگى زاڭعا وزگەرىس ەنگىزۋ ەلىمىزدىڭ بۇدان كەيىنگى زاڭ - ءتۇزىم قۇرىلىسىنا بەرىك نەگىز قالادى ءارى ءبىزدىڭ مەملەكەتتى زاڭمەن باسقارۋ، زاڭ بويىنشا اكىمشىلىكتى جونگە سالۋ سىندى ىستەرىمىزدى اناعۇرلىم ويداعىداي قامتاماسىزداندىردى. ءوزىم ادۆوكات بولعاندىقتان وزگەرىس ەنگىزىلگەن نەگىزگى زاڭدى مۇقياتتىلىقپەن ۇيرەنىپ جانە دايەكتىلەندىرىپ، باتىل قولدايمىن».
شينجياڭ باتىس ءوڭىر چاۋياڭ ادۆاكات ىستەرى بولىمشەسىنىڭ باس ادۆوكاتى جۋ شيۋيۋان بىلاي دەدى : «وزگەرىس ەنگىزىلگەن نەگىزگى زاڭعا ‹جۇڭگو كوممۋنيستىك پارتياسىنىڭ باسشىلىق ەتۋى − سوتسياليستىك ٴتۇزىمىنىڭ ەڭ ماندىك ەرەكشەلىگى› دەگەن ءبىر ءسوز قوسىلدى. بۇل بۇدان كەيىن ەلىمىزدىڭ بارلىق ىستەرىنە ەڭ اۋەلى جۇڭگو كوممۋنيستىك پارتياسىنىڭ باسشىلىعىن ارقاۋ ەتەتىندىگىن تۇسىندىرەدى. قازىر ٴادىليا مينيستىرلىگىنەن تارتىپ تومەنگە دەيىن ادۆوكاتتار قوسىنىنىڭ پارتيا قۇرىلىسىن كۇشەيتە باستادىق، بۇل وتە ماڭىزدى دەپ سانايمىن. پارتيالى ادۆوكاتتار جونىنەن ايتقاندا، ەڭ اۋەلى پارتيانىڭ ۋستاۆىن ەستە بەرىك ساقتاپ، پارتيانىڭ ءتارتىپ - تۇزىمدەرىنە سانالى بويسۇنىپ، نەگىزگى زاڭنىڭ جەتەگىندە جۇڭگو كوممۋنيستەرىنىڭ ۇلگىلى رولىن ساۋلەلەندىرىپ، جالپى بۇقاراعا جۇڭگو كوممۋنيستىك پارتياسىنىڭ كوشباسشى ەكەندىگىن ۇعىندىرۋ كەرەك».
ءتىلشىنىڭ قىزمەت ورنى : كۇيتۇن حالىق راديو ستانسياسى
