كۇندەلىكتى تۇرمىستا اتا - انالاردىڭ مىناداي ادىستەر ارقىلى بالالاردىڭ جۇقپالى تۇماۋدان جۇعىمدالۋىنىڭ الدىن الۋىنا بولادى :
1. بالانىڭ قارسىلىق قۋاتىن ارتتىرۋ.
بالاعا ءۇش ۋاقىت تاماقتى ۋاعىندا ىشكىزىپ، جەمىس - جيدەك، كوكونىستەردى كوپ تۇتىنۋعا جاعداي جاساۋ، ۇيقىسىنىڭ قانۋىنا كەپىلدىك ەتىپ، دەنە شىنىقتىرۋدى كۇشەيتۋ؛ جىلى كيىنۋىنە كوڭىل ءبولىپ، اۋا رايى جاعدايىنا قاراي ۇيلەسىمدى كيىندىرۋ.
2. تاماشا تازالىق داعدىسىن جەتىلدىرۋ.
اتا - انالار بالالارىن قارشادايلارىنان جەكە تازالىققا ەرەكشە ءمان بەرۋگە باۋلۋى قاجەت. قولىن تازا جۋۋعا، وتە - موتە، تاماقتىق الدىن - ارتىندا، دالادان ۇيگە كىرگەننەن كەيىن قولىن سابىنداپ تازالاپ جۋۋدى ەسكەرتۋ كەرەك.
3. جۇعىمدالۋ كوزىنەن اۋلاق بولۋ.
اۋا رايى جاقسى كۇندەرى اتا - انالار ءۇيدىڭ اۋاسىن الماستىرۋعا كوڭىل بولگەنى ابزال. بالالارىن ادام كوپ الەۋمەتتىك ورىندارعا، اۋا الماسپايتىن تىمىرسىق ورىندارعا ەرتىپ بارماعانى ءجون.
4. جۇقپالى تۇماۋ ساقتىق ۆاكسيناسىن ۋاعىندا ەكتىرۋ.
بالانى دەركەزىندە شيپاحاناعا اپارىپ، جۇقپالى تۇماۋ ساقتىق ۆاكسيناسىن ەكتىرۋ ەڭ تاپتىرماس ءادىس. جۇقپالى تۇماۋ ساقتىق ۆاكسيناسى جۇقپالى تۇماۋ تۋدىرعان قوسىمشا اۋرۋ بەلگىلەرىنىڭ اسقىنۋىن ءونىمدى تىزگىندەيدى.
بالا جۇقپالى تۇماۋمەن اۋىرعاننان كەيىن، اتا - انالار مىناداي تۇيىندەرگە كوڭىل ءبولۋ كەرەك:
1. بالانىڭ جۇقپالى تۇماۋمەن جۇعىمدالعانىن بايقاعان ساتتە، اتا - انالار دەرەۋ شيپاحاناعا اپارىپ ەمدەتۋ كەرەك، شيپاگەردىڭ كەڭەسى بويىنشا، بالاعا ۋاعىندا ءدارى ىشكىزۋ؛ بالانىڭ جاعدايىن قاداعالاي باقىلاپ، ءدارى ىشكەننەن كەيىن، بالانىڭ اۋرۋ جاعدايىنىڭ جاقسى بولعان - بولماعانىنا نازار اۋدارۋ، ەگەر ءدارى ىشكەننەن كەيىن، بالانىڭ جاعدايى ءالى دە جاقسى بولماسا، دەنە تەمپەراتۋراسى جوعارىلاۋ، ەنتىگۋ، قاتتى لوقسۋ جاعدايلارى بايقالسا، اتا - انالار بالانى دەرەۋ شيپاحاناعا قايتالاي تەكسەرتۋى كەرەك.
2. اتا - انالار بالالارىن شيپاحاناعا كورسەتكەندە ساقتانۋ شارالارىن تولىق ىستەگەنى ءجون. ايتالىق، ماسكى تاعۋ، ت. ب وسىلاي بولعاندا، قايتالاي جۇعىمدالۋدىڭ الدىن الۋعا بولادى.
3. بالالار جۇقپالى تۇماۋمەن جۇعىمدالعاننان مەزگىلدە، اتا - انالار ءۇيدىڭ اۋاسىن الماستىرىپ، اۋا تازالىعىن ساقتاۋعا؛ بالانىڭ جاقسى دەمالۋىنا، قايناعان سۋدى كوپ ىشۋىنە، جەڭىل تاماقتانۋىنا ءمان بەرۋى كەرەك.
4. بالا جۇقپالى تۇماۋمەن جۇعىمدالعاننان مەزگىلدە، ۇيدە دەمالىپ، دالا ارەكەتىن ازايتقانى ءجون.
5. بالالاردىڭ بىرەۋى جۇقپالى تۇماۋمەن سىرقاتتانسا، تۇراقتى ءبىر ادام كۇتىمدەۋى ءارى باسقا بالالارعا جۇعىمدالۋىنىڭ الدىن الۋى قاجەت.
