بالالار وزدەرى جالعىز قالعاندا حاۋىپسىزدىككە كوڭىل ءبولۋى ايرىقشا ماڭىزدى. ايتالىق، ۇيدە جالعىز قالعاندا قورىقپاۋ، ۇيگە زات ساتۋشىلار كەلگەنىندە الدانىپ قالماۋ، تۋىس اتىن جامىلىپ كەلگەن الدامشىلاردان ساقتانۋ، بەيتانىس ادامدار ارتىنا تۇسكەن جاعدايدا قورعاۋشىلاردى ىزدەۋ، ۇيدە قايشى، پىشاق، ت.ب. قاتەرلى نارسەلەرمەن ويناماۋ، بيىك ورىندىققا شىقپاۋ، ت.ب.
1. جالعىز ءوزى ۇيدە قالعاندا.
ۇيدە جالعىز قالىپ، اكە - شەشەسى ەسىكتى قۇلىپتاپ كەتكەن جاعدايدا، ەسىك اشا الماي، تەرەزەدەن سىرتقا شىعۋعا ۇرىنۋ توتەنشە حاۋىپتى.
2. ۇيگە زات ساتىپ كەلۋشىلەرگە الدانباۋ.
جالعىز ءوزى ۇيدە قالعاندا، زات ساتۋشىلار كەلىپ ەسىك قاقسا، قارسى جاق مەيلى قالاي الداپ - ارباسادا، ەسىك اشپاعان دۇرىس.
3. بەيتانىس ادامداردان تەلەفون كەلگەن جاعدايدا.
جالعىز ۇيدە قالعانىندا، بەيتانىس ادامداردان تەلەفون كەلسە، قارسى جاق ءوزىنىڭ كىم ەكەنىن اشىق ايتپاعان جاعدايدا، اتا - اناسىنىڭ ۇيدە جوقتىعىن ولارعا ايتۋعا بولمايدى.
4. تۋىس اتىن جامىلعان الدامشىلارعا ۇشىراعان جاعدايدا.
اكە - شەشەڭ ۇيدە بولماعان جاعدايدا، بىرەۋلەر تۋىسپىن دەپ نەمەسە اكە - شەشەڭنىڭ دوسىمىن دەپ كەلسە، ءوزىڭ بۇرىن كورمەگەن ادام بولسا، ەسىك اشۋعا استە بولمايدى.
5. بەيتانىس ادام ارتىڭنان ىلەسكەن جاعدايدا، دەرەۋ اماندىق قورعاۋشىلارعا حابار بەرگەن ءجون.
تۇرعىندار رايونىندا ويناپ جۇرگەن كەزدە، بەيتانىس ادام قىر سوڭىڭنان قالماسا، ۇيگە قايتۋعا اسىقپاي، اۋلا ىشىندەگى اماندىق قورعاۋشىلاردان كومەك سۇراعان ءجون. اماندىق قورعاۋشىلارىنا بولعان جاعدايدى ايتقاننان كەيىن، ولار بەيتانىس ادامنىڭ سالاۋاتىن انىقتاۋعا جاۋاپتى بولادى.
6. پىشاق، قايشى سىندى قاتەرلى بۇيىمداردى ويناۋعا بولمايدى.
قايشى، پىشاق سياقتى قاتەرلى بۇيىمداردى ويناۋدان ساقتانىپ، توسىن حاۋىپتى جاعدايلاردىڭ تۋىلۋىنىڭ الدىن العان ورىندى.
7. ەلەكتر سايماندارىمەن، وتە - موتە، الىستان مەڭگەرگىشى بولماعان ەلەكتر سايماندارىنا سوقتىقپاعان دۇرىس.
8. بيىككە، ورىندىققا شىعىپ ويناماعان ءجون.
بيىك ورىندىقتان قۇلاپ، جازاتايىم بولۋدىڭ الدىن الۋ ءۇشىن بيىككە نەمەسە ورىندىققا شىعىپ ويناماعان دۇرىس.
