اۋا رايى تاراۋلارىنىڭ مەجەلەۋىنشە، 3 - ايدىڭ 16 - كۇنىنەن 18 - كۇنىنە دەيىن، سولتۇستىك شينجياڭنىڭ كوپ ءبولىم جەرلەرىندە تەمپەراتۋرا تومەندەپ، جاڭبىر ارالاس قار جاۋادى.
اۋا رايى ستانسياسىنىڭ باس مالىمدەمەشىسى دوۋ شينيڭ : «3 - ايدىڭ 10 - كۇنىنەن باستاپ، تارباعاتاي ايماعى، التاي ايماعىندا جاڭبىر جاۋعان، مەجەمەن 16 - كۇنىنەن 18 - كۇنىنە دەيىن سولتۇستىك شينجياڭنىڭ كوپ ءبولىم جەرلەرىندە تەمپەراتۋرا تومەندەپ، جاڭبىر جاۋادى»،-دەدى.
بۇنىڭ ىشىندە ىلە وبلىسى، تارباعاتاي ايماعى، شىحىزى قالاسى، ءۇرىمجى قالاسى، سانجى وبلىسىنىڭ باتىسى قاتارلى ءىشىنارا وڭىرلەردە ورتاشا جاڭبىر نەمەسە قالىڭ قار جاۋادى. جوعارىدا ايتىلعان جەرلەردە باتىس تەرىستىكتەن 4 تە 5 بال جەل سوعادى، بۇراتالا وبلىسى الاتاۋ، تارباعاتاي ايماعى مايتاستان لاۋفىڭكوۋعا دەيىنگى جەرلەردە، قارامايلى قالاسى، ءۇرىمجى قالاسى دابانچىڭ نان تۇرپان قالاسى سانشىلي جەل ءوتى، تۇرپان قالاسى ءپىشان اۋدانىنان قۇمىل قالاسى بايليفىڭ جەل وتتەرىندە 8 دە 9 بال بوران سوعادى.
«بۇل رەتكى جاۋعان جاڭبىر ءبىرشاما ۇزاق ۋاقىتقا جالعاسادى، تەمپەراتۋرا ۇزدىكسىز تومەندەگەنىمەن، ورتاشا تەمپەراتۋرا 0 سەلتسي گرادۋستان جوعارى بولادى. وسى اپتانىڭ سوڭىنداجاڭبىر جاۋىپ، تەمپەراتۋرا تومەندەيدى، سولتۇستىك شينجياڭنىڭ ءىشىنارا وڭىرلەرىندە ورتاشا تەمپەراتۋرا 0 سەلتسي گرادۋستىڭ اينالاسىندا بولادى»،-دەدى دوۋ شينيڭ. ءۇرىمجى قالاسىن مىسالعا الار بولساق، وسى رەت جاڭبىر ەڭ كوپ جاۋعان كەزدەگى تەمپەراتۋراسى مەجەمەن 17 - كۇنى تۇننەن 18 - كۇنى كۇندىزگە دەيىن، ءۇرىمجى قالاسىنىڭ كوپ ءبولىم جەرلەرىندە ورتاشا نەمەسە قالىڭ جاڭبىر جاۋادى، ءىشىنارا جەرلەرىندە قالىڭ جاڭبىر نەمەسە قار جاۋادى، تەمپەراتۋرا نولدەن تومەن 1 سەلتسي گرادۋس بولادى.
اۋا رايى تاراۋلارى بۇل رەتكى جاۋىننىڭ اۋىل شارۋاشىلىق قۇرىلىستارىنا ىقپال جاساۋى مۇمكىن ەكەندىگىن، ساقتىق شارالارىن جۇرگىزۋىن ەسكەرتەدى.
