تيانشان تورى
تيانشان تورى   ›   جاڭالىقتار   ›   ماڭىزدى حابارلار

شي جينپيڭ تەلەگرامما جولداپ، مەركەلدىڭ گەرمانيانىڭ زۇڭليى بولىپ تاعى دا سايلانعاندىعىن قۇتتىقتادى

لي كىچياڭ مەركەل زۇڭليگە قۇتتىقتاۋ تەلەگرامماسىن جولدادى

    شينحۋا اگەنتتىگىنىڭ 3 - ايدىڭ 14 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 3 - ايدىڭ 14 - كۇنى انگەلا مەركەلگە تەلەگرامما جولداپ، ونىڭ 4 - رەت گەرمانيانىڭ زۇڭليى بولىپ سايلانىپ، مىندەت اتقارعاندىعىن قۇتتىقتادى.

  شي جينپيڭ قۇتتىقتاۋ تەلەگرامماسىندا بىلاي دەپ اتاپ كورسەتتى: 2014 - جىلى جۇڭگو مەن گەرمانيا جالپى بەتتىك ستراتەگيالىق سەرىكتەستىك قاتىناس ورناتقاننان بەرى، ەكى جاقتىڭ بىرگە قۇلشىنۋىندا، ەكى ەل قاتىناسى باياندى دامىدى، ورتاق مۇددە جانە ءوزارا ءتيىمدى سەلبەستىكتەرى ۇزدىكسىز تەرەڭدەدى، دۇنيە ءجۇزى ىستەرىن جونگە سالۋدى ىلگەرىلەتۋ، ەكونوميكانىڭ جاھاندانۋى مەن كوپ جاقتىلىقتى جەبەۋ جاقتارىندا تىعىز ىنتىماقتاستىق ورىستەتتى. مەن جۇڭگو مەن گەرمانيا قاتىناسىنىڭ دامۋىنا ەرەكشە ءمان بەرەمىن، سىزبەن بىرگە قۇلشىنىپ، جۇڭگو مەن گەرمانيانىڭ ستراتەگيالىق ءوزارا سەنىمدىلىك دەڭگەيىن بەكەمدەپ جانە جوعارىلاتىپ، ەكى ەل قاتىناسىن تىڭ بەلەسكە كوتەرۋدى، زور دامۋشىلىقتارعا قول جەتكىزۋدى قالايمىن.

     سول كۇنى مەملەكەتتىك كەڭەستىڭ زۇڭليى لي كىچياڭ دا مەركەل زۇڭليگە قۇتتىقتاۋ تەلەگرامماسىن جولداپ، جۇڭگو مەن گەرمانيا قاتىناسىنىڭ تاماشا دامۋ بەتالىسىن ساقتاعاندىعىن، جالپى بەتتىك ستراتەگيالىق ىنتىماقتاستىقتى تەرەڭدەتۋدىڭ ەكى ەلدىڭ ءتۇبىرلى مۇددەسىنە ۇيلەسەتىندىگىن، جۇڭگونىڭ گەرمانيانىڭ جاڭا ۇكىمەتىمەن بىرگە جۇڭگو مەن گەرمانيا قاتىناسىن ۇزدىكسىز جەبەۋدى، ناقتى ىنتىماقتاستىقتاردى تىنباي العا ىلگەرىلەتۋدى قالايتىندىعىن ايتتى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.