جەڭىسحان اسقار ۇلى، اۋاحان تۇراپ قىزى حابارلايدى. 3 - ايدىڭ 15 - كۇنى تۇستەن كەيىن، ساۋان اۋداندىق ورتانى قورعاۋ مەكەمەسىنەن دوڭۋان قالاشىعى تومەنگى اقادىر قىستاعىنا تۇسكەن قىزمەت اترەتىنىڭ تۇرعىندار كوميتەتىنىڭ اۋلاسى قىزۋ دۋمانعا بولەندى. كوپشىلىك جەمىس اعاشىنىڭ الدىڭعى جاعىنا تۇرىپ الىپ، جەمىس اعاشتارىن قالاي شىرپۋ جونىندە وزدەرىنىڭ تۇرمىس بارىسىندا كەزدەسكەن ماسەلەلەرىن، ۇسىنسىپەن كەلگەن تەحنيكتەردەن سۇراپ ۇعىسۋدا ەكەن.
ورتانى كورىكتەندىرىپ، اۋلا شارۋاشىلىعىن دامىتۋ ءۇشىن، قىستاققا تۇسكەن كادرلار قىستاق تۇرعىندارىن شابىتتاندىرىپ، تۇرعىنداردىڭ ءۇيىنىڭ الدى - ارتىنا جانە قىستاقتاعى نەگىزگى جول بويلارىنا، قىستاق باقشاسى قاتارلى جەرلەردىڭ بارلىعىنا جەمىس اعاشتارىن ەككەن بولاتىن. قازىر اۋا رايى جىلىنىپ كەتكەندىكتەن، جەمىس اعاشتارىن شىرپىپ باسقارۋدىڭ ماڭىزدى مەزگىلى. قىستاققا تۇسكەن قىزمەت اترەتىندەگى كادرلار قىستاقتاعى وتباسىلارىن ارالاپ احۋال ۇعىسۋ بارىسىندا، قىستاقتاعى تۇرعىنداردىڭ كوپ ءبولىمى بۇدان بۇرىنعى جىلداردى جەمىس اعاشتارى ەگىپ كورمەگەندىكتەن، جەمىس اعاشتارىن باپتاپ - باسقارۋدى بىلمەيتىندىگىن ۇعادى ءارى قىستاقتاعى تۇرعىنداردىڭ تالابىنا ساي، قىستاققا تۇسكەن قىزمەت اترەتىندەگى كادرلار بەلسەندى تۇردە اۋداندىق ورمان شارۋاشىلىعى پۋنكتىنىڭ تەحنيكتەرىن ۇسىنىس ەتىپ، ناق مايداندا كوپشىلىككە جەمىس اعاشتارىن قالاي شىرپۋ جونىندە تەحنيكالىق جاقتان ساباق بەرىپ، كوپشىلىكتىڭ جاقسى باعاسىنا يە بولدى.
دوڭۋان قالاشىعى اقادىر قىستاعىنىڭ 72 جاستاعى تۇرعىنى جاۋ يوڭلۋ : «مەنىڭ اۋلاما جەمىس اعاشتارىن ەككەلى ون نەشە جىل بولدى، ويتكەنى مەن جەمىس اعاشتارىن شىرپۋدى بىلمەگەندىكتەن، ءونىم مولشەرى تۇراقسىز، ساپاسى دا جاقسى ەمەس، قىزمەت اترەتى بىزگە دەركەزىندە تەحنيكتەردى ۇسنىس ەتىپ، ناق مايداندا ساباق ءوتتى، مەن ەرەكشە قۋانىپ تۇرمىن»،-دەدى.
قىستاق پارتيا ياچەيكاسىنىڭ شۋجيى دۇڭ جانحۋا : «وسى رەتكى ناق مايداندا ساباقتى ۇيرەنۋ ارقىلى، قىستاق تۇرعىندارى نەگىزىنەن الدىمەن نەگىزگى اعاش جۇلگەسىن شىرپۋ، سوڭىنان بۇتاقتاردى شىرپۋ تەحنيكاسىن جانە كوكتەم مەن كۇزدە اعاش بۇتاقتارىن قالاي شىرپۋداي نەگىزگى بىلىمدەردى، سونداي-اق جەمىس اعاشتارىن قالاي باپتاپ - باسقارۋ بىلىمدەرىن يگەرىپ، كورىكتى اۋىل - قىستاق قۇرىلىسى مەن اۋلا شارۋاشىلىعىن باسقارۋدا تاعى ءبىر تىڭ ساتىعا كوتەرىلدى»،-دەدى.
ءتىلشىنىڭ قىزمەت ورنى : ساۋان اۋداندىق مادەنيەت، دەنەتاربيە مەكەمەسى
