ءتىلشىمىز لي ياڭ 3 - ايدىڭ 14 - كۇنى بەيجيڭنەن حابارلايدى. مەملەكەتتىك حالىق قۇرىلتايىنىڭ ۋاكىلى، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر 3 - ايدىڭ 12 - كۇنى تۇستەن كەيىن ورتالىق تەلەۆيزياسىنىڭ «جۇڭگو حابارلارى» ايدارىنىڭ ءتىلشىسىن قابىلداعاندا، شينجياڭنىڭ شي جينپيڭنىڭ جاڭا ءداۋىر جۇڭگوشا سوتسياليزم يدەياسى مەن پارتيا 19 - قۇرىلتايىنىڭ رۋحىنىڭ جەتەكشىلىگىندە، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن تۇبەگەيلى تياناقتاندىرۋ شارالارىن، سونداي - اق ەكونوميكالىق قوعامدىق دامۋدا قول جەتكىزگەن كورنەكتى تابىستارىن تانىستىردى.
شوكىرات زاكىر جەكە - جەكە شينجياڭنىڭ قوعام ورنىقتىلىعى، ۇلتتار ىنتىماعى، كەدەيلىكتەن قۇتىلدىرۋدان قامال الۋ، شينجياڭعا باعىتتامالى كومەكتەسۋ، ت. ب توڭىرەگىندە جاعدايدى تانىستىرىپ، دامۋدى تىلگە تيەك ەتىپ، بولاشاققا كوز تاستادى.
شينجياڭنىڭ قوعام ورنىقتىلىعى جاعدايى − بۇكىل ەل حالقى ەرەكشە كوڭىل ءبولىپ وتىرعان ماسەلە. شوكىرات زاكىر بىلاي دەدى: ءبىر جىلدان بەرى، اۆتونوميالى رايوندىق پارتكوم مەن ۇكىمەت قوعام ورنىقتىلىعى مەن باياندى تىنىشتىق سىندى شينجياڭ قىزمەتىنىڭ باس نىساناسىن مىقتاپ يگەرىپ، نازاردى باس نىساناعا شوعىرلاندىرۋدان جازباي، كەشەندى شارالاردى ويداعىداي اتقارىپ، لاڭكەستىككە قارسى تۇرىپ، ورنىقتىلىقتى قورعاۋ شارالارىنىڭ ناقتى تياناقتانۋىن ىلگەرىلەتتى. قازىر شينجياڭنىڭ قوعامدىق جالپى جاعدايى ءۇرتىس جاقسارىپ كەلەدى، ەكونوميكا مەن قوعام اقاۋسىز دامىپ، ءار ۇلت حالقىنىڭ باقىت سەزىمى، تابىس سەزىمى جانە حاۋىپسىزدىك سەزىمى كورنەكتى كۇشەيدى. 2017 - جىلى شينجياڭنىڭ ەل ءىشى - سىرتىنان قابىلداعان ساياحاتشى سانى 100 ميلليون ادامنان (رەت) استى، وسىنداي ساندى مالىمەت دۇنيە جۇزىنە شينجياڭنىڭ تاماشا جەر ەكەندىگىن دالەلدەپ وتىر!
شوكىرات زاكىر بىلاي دەدى: ءبىر جىلدان بەرى، ءبىز باس شۋجيدىڭ «ۇلتتار ىنتىماعى − ءار ۇلت حالقىنىڭ جان تامىرى» دەگەن ماڭىزدى نۇسقاۋىن ەستە بەرىك ساقتاپ، «ۇلتتار ىنتىماعىنىڭ بەرەكەلى شاڭىراعى» جانە ۇلتتار ىنتىماعى بىرلەسكەن دوستىق قيمىلىن، وتە - موتە، ۇلتتار ىنتىماعى «تۋىستاسۋ اپتالىعى» قيمىلىن ىشكەرىلەي ورىستەتىپ، ءار ۇلت كادرلارى مەن بۇقاراسىن «ءۇشتىڭ ءبىر - بىرىنەن ايرىلا الماۋى» يدەياسىن بەرىك ورناتۋعا، «5 ورتاق تانىمدى» كۇشەيتۋگە جەتەكتەدىك. رايونىمىزداعى ءبىر ميلليون 100 مىڭنان استام كادر، جۇمىسشى - قىزمەتكەر ءار ۇلت حالقىمەن جۇپ قۇراپ، تۋىس بولىپ، ۇلتتار ىنتىماعىنىڭ بايشەشەگى تيانشان تاۋىنىڭ تۇستىگى مەن تەرىستىگىندە قۇلپىردى.
شوكىرات زاكىر بىلاي دەدى: جاڭا داۋىرگە قادام تاستاپ، جاڭا ساپارعا جول العان تۇستا، ءبىز شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە پارتيا 19 - كەزەكتى ورتالىق كوميتەتىنىڭ ەكىنشى، ءۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، وتە - موتە، قوعام ورنىقتىلىعى مەن باياندى تىنىشتىق باس نىساناسىن ىشكەرىلەي دايەكتىلەندىرەمىز، شينجياڭنىڭ بولاشاعى، ءسوز جوق، اناعۇرلىم نۇرلى بولادى.
