اقسۋ توقىماشىلىق ونەركاسىپ ورتالىعى (اشۋ رايونى) باسقارۋ كوميتەتى پارتيا قىزمەتى كوميتەتىنىڭ مۇشەسى، باسقارۋ كوميتەتىنىڭ ورىنباسار مەڭگەرۋشىسى
مامەت ماقبۇز
شينجياڭداعى ءار ۇلت حالقى ءوزارا قارايلاسىپ، قۋانىش پەن جۇبانىشتى بىرگە باستان كەشىرىپ، كورىكتى مەكەندى بىرگە قۇرىپ، ەتەنە سۇيىسپەنشىلىكتە بولىپ، تەرەڭ دوستىق ورناتتى، وسى بارىستا ۇلتتار ىنتىماعىنداعى جان تەبىرەنتەرلىك حيكايالار ارت - ارتىنان جارىققا شىقتى: از ۇلت بالانى قۇتقارۋ ءۇشىن، ءوز دەنەسىنىڭ 13 جەرىنەن تەرى كەسىپ بەرگەن «قامقور شيپاگەر» ۋ دىڭيۇن؛ بەيتانىس حانزۋ ستۋدەنتتى قۇتقارۋ جولىندا كەۋدە كەرە العا شىققان عەني جۇما؛ نەسەپپەن ۋلانۋ ناۋقاسىنىڭ سوڭعى مەرزىمىنە وتكەن ۇيعۇر وقۋشى ماۋلەنجان ءومارعا ءبىر بۇيرەگىن تەگىن بەرگەن حانزۋ بويجەتكەن ۋاڭ ياننا؛ حانزۋ، حۇيزۋ، ۇيعۇر، قازاق سياقتى 4 ۇلتتان 10 نەشە جەتىم بالانى باعىپ باۋىرىنا باسقان شينجياڭداعى تۇڭعىش كەزەكتى 10 تاڭداۋلى انانىڭ ءبىرى ءانيپا ءالىماحۇن... ولاردىڭ حيكايالارى تيانشاننىڭ تۇستىگى مەن تەرىستىگىندە كەڭىنەن تاراپ، ىزگى ىستەرى ءار ۇلت حالقىنىڭ جۇرەگىنە تەرەڭ ۇيالادى.
ءبىر مەملەكەتتە بەرىك ىنتىماق بولعاندا عانا، دۇنيە جۇزىندە بوي كوتەرىپ تۇرا الادى، سوندا عانا العا باسادى جانە داميدى. جالعىز ءجىپ ارقان بولماس، جالعىز اعاش ورمان بولماس. ءبىر - ءبىر كەرپىشتەن تاعان بەرىك قالانعاندا عانا، ءزاۋلىم عيمارات بوي كوتەرەدى؛ تاما - تاما كول بولادى. مىنە بۇل ىنتىماق، ىنتىماق بولعاندا عانا، جاراسىمدىلىقتىڭ تاعانى قالانادى، جاراسىمدىلىق بولعاندا عانا، دامۋدى جەبەۋگە بولادى.
تاريحتىڭ دوڭعالاعى ۇزدىكسىز العا تارتۋدا، كەلەشەككە نازار سالساڭىز، نۇرلى بولاشاق الىستان قول بۇلعايدى، الايدا نۇر - شۇعىلا بولعان جەردە كولەڭكەنىڭ دە بولاتىندىعىن ۇمىتپاعانىمىز ءجون. «ءۇش ءتۇرلى كۇش» ۇلتتى، ءدىندى جەلەۋ ەتىپ، ءدىني ۇشقارى يدەيانى تاراتىپ، زورلىقتى كۇش، لاڭكەستىك دەلولارىن تۋدىردى، ولاردىڭ سۇرقيا ماقساتى شينجياڭدى وتانىمىزدان ءبولىپ اكەتۋگە ۇرىنۋ. پارتيانىڭ شاپاعاتىنا بولەنگەن، وتاندى قىزۋ سۇيەتىن شينجياڭداعى ءار ۇلت حالقى بۇعان استە جول بەرمەيدى، «ءۇش ءتۇرلى كۇشتىڭ» قاسكۇنەمدىگى استە جۇزەگە اسپايدى. ىنتىماقتىلىق، ورنىقتىلىق − قۇت، بولشەكتەۋشىلىك، بىلىقپالىق − جۇت. تەك ۇلتتار ىنتىماقتى، مەملەكەت ءبىر تۇتاس بولعاندا عانا، قوعام تىنىش بولادى، ءار ۇلت حالقى سوتسياليستىك وسىزامانداندىرۋ قۇرىلىسىمەن الاڭسىز شۇعىلدانا الادى، سوندا عانا ءار ۇلت حالقىنىڭ بىردەي دامۋىنا ءتيىمدى بولادى. بارلىق ادام جۇڭحۋا ۇلتىنىڭ جالپى جاعدايىن، وتان تۇتاستىعىن قورعاۋداي قاسيەتتى بورىشتى شىعار ءتۇيىن ەتىپ، ۇلتتار ىنتىماعىن سانالى قورعاپ، ۇلتتىق بولشەكتەۋشىلىككە باتىل قارسى تۇرۋلارى قاجەت.
پارتيا ۇزاق جىل باۋلىپ - تاربيەلەگەن از ۇلت پارتيالى كادرى رەتىندە، مەن ساياسي ءتارتىپتى جانە ساياسي قاعيدانى، ءسوز جوق، كۇشەيتىپ، «4 تانىمدى» بەرىك ورناتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن بەرىك بەكىممەن باتىل قورعاپ، تۋىم ايقىن، تۇرعىم بەرىك تۇردە ۇلتتىق بولشەكتەۋشىلىككە قارسى تۇرىپ، وتان تۇتاستىعىن قورعاۋدىڭ ءبىرىنشى شەبىندە تۇرىپ، «ءۇش ءتۇرلى كۇشكە»، «ەكىبەتكەيلەرگە» قارسى باسىمدى ءباي تىگە كۇرەس جاسايمىن. وتاندى، جۇڭگو كوممۋنيستىك پارتياسىن، جۇڭحۋا ۇلتى ۇلى شاڭىراعىن، شينجياڭدى قىزۋ سۇيەمىن، ۇلەس قوسۋعا پەيىل بولىپ، باتىل جاۋاپكەرلىك ارقالايمىن، اركىم ءوز جاۋاپكەرلىگىن بىلۋگە، اركىم ءوز جاۋاپكەرلىگىن ارقالاۋعا، اركىم ءوز جاۋاپكەرلىگىن ادا ەتۋگە تاباندى بولىپ، قىزمەتىمدى كاسىبىم رەتىندە شوگەلدىكپەن ىستەپ، ۇلەس قوسۋدى بورىشىم ساناپ، باس نىسانانى تياناقتاندىرۋدىڭ امالياتىنا بۇكىل ىنتا - پەيىلىممەن ات سالىسىپ، شينجياڭنىڭ قوعام ورنىقتىلىعى مەن باياندى تىنىشتىعىن قورعاۋعا كۇش - قۋاتىمدى ارنايمىن.
