دۇڭ جيانحۋا، ەر، حانزۋ، 1937 - جىلى 5 - ايدا تۋعان، جىجياڭ ولكەسىنىڭ جوۋشان دەگەن جەرىنەن. ۇلى بريتانيانىڭ ليۆەرپول ۋنيۆەرسيتەتىنەن وقۋ تاۋىسقان، ۋنيۆەرسيتەت ماعلۇماتىنا يە.
قازىر ساياسي كەڭەس مەملەكەتتىك 13 - كەزەكتى كوميتەتىنىڭ ورىنباسار ءتوراعاسى.
1947 - جىلى وتباسىنداعىلارمەن بىرگە شياڭگاڭعا قونىس اۋدارعان؛ 1960 - جىلى ۇلى بريتانيانىڭ ليۆەرپول ۋنيۆەرسيتەتىنەن وقۋ تاۋىسقان، تەڭىز ىستەرى ينجەنەريالىق جاراتىلىستىق عىلىمدارى بويىنشا باكلاۆرلىق عىلمي اتاعىن العان. ونان كەيىن، ا ق ش ديجەنەرال شەكتى سەرىكتەستىگى مەن ءوز اۋلەتىنىڭ سەرىكتەستىگىندە قىزمەتتە بولعان؛ 1969 - جىلى شياڭگاڭعا قايتىپ كەلىپ، ءوز اۋلەتى قۇرعان توپ سەرىكتەستىگىندە ساۋدا ىستەرىنە ارالاسقان؛ 1985 - جىلى جۇڭحۋا حالىق رەسپۋبليكاسى شياڭگاڭ ەرەكشە اكىمشىلىك رايونىنىڭ ءتۇبىرلى زاڭىنان اقىل - كەڭەس بەرۋ كوميسسياسىنىڭ مۇشەسى؛ 1992 - جىلى مەملەكەتتىك كەڭەستىڭ شياڭگاڭ، اۋمىن ىستەرى كەڭسەسىنىڭ، شينحۋا اگەنتتىگىنىڭ شياڭگاڭداعى بولىمشەسىنىڭ شياڭگاڭ ىستەرى جونىندەگى تۇڭعىش توپتاعى اقىلشىسى، شياڭگاڭداعى ۇلى بريتانيا ۇكىمەتىنىڭ اكىمشىلىك مەكەمەسىندە كەڭەس مۇشەسى؛ 1995 - جىلى مەملەكەتتىك حالىق قۇرىلتايى شياڭگاڭ ەرەكشە اكىمشىلىك رايونى دايىندىق كوميتەتىنىڭ ورىنباسار مەڭگەرۋشى مۇشەسى؛ 1996 - جىلدان 2002 - جىلعا دەيىن شياڭگاڭ ەرەكشە اكىمشىلىك رايونىنىڭ تۇڭعىش كەزەكتى اكىمى (1997 - جىلى 7 - ايدا مىندەتكە وتىرعان)؛ 2002 - جىلدان 2005 - جىلعا دەيىن شياڭگاڭ ەرەكشە اكىمشىلىك رايونىنىڭ 2 - كەزەكتى اكىمى (2002 - جىلى 7 - ايدا مىندەتكە وتىرعان)؛ 2005 - جىلدان 2008 - جىلعا دەيىن ساياسي كەڭەس مەملەكەتتىك 10 - كەزەكتى كوميتەتىنىڭ ورىنباسار ءتوراعاسى؛ 2008 - جىلدان 2013 - جىلعا دەيىن ساياسي كەڭەس مەملەكەتتىك 11 - كەزەكتى كوميتەتىنىڭ ورىنباسار ءتوراعاسى؛ 2013 - جىلدان 2018 - جىلعا دەيىن ساياسي كەڭەس مەملەكەتتىك 12 - كەزەكتى كوميتەتىنىڭ ورىنباسار ءتوراعاسى بولعان.
2018 - جىلدان باستاپ ساياسي كەڭەس مەملەكەتتىك 13 - كەزەكتى كوميتەتىنىڭ ورىنباسار ءتوراعاسى.
ساياسي كەڭەس مەملەكەتتىك 8 - كەزەكتى كوميتەتىنىڭ مۇشەسى، ساياسي كەڭەس مەملەكەتتىك 10 - كەزەكتى كوميتەتىنىڭ 3 - ماجىلىسىندە مەملەكەتتىك ساياسي كەڭەستىڭ ورىنباسار ءتوراعالىعىنا كوبەيتىپ سايلانعان، ساياسي كەڭەس مەملەكەتتىك 11 -، 12 -، 13 - كەزەكتى كوميتەتىنىڭ ورىنباسار ءتوراعاسى.
