شينحۋا اگەنتتىگىنىڭ 3 - ايدىڭ 15 - كۇنى بەيجيڭنەن بەرگەن حابارى. ساياسي كەڭەس مەملەكەتتىك 13 - كەزەكتى كوميتەتى ءتوراعالارىنىڭ 1 - رەتكى جيىنى 3 - ايدىڭ 15 - كۇنى تۇستەن كەيىن بەيجيڭدە وتكىزىلدى. جيىندى مەملەكەتتىك ساياسي كەڭەستىڭ ءتوراعاسى ۋاڭ ياڭ باسقاردى جانە ءسوز سويلەدى.
جيىن ساياسي كەڭەس مەملەكەتتىك 13 - كەزەكتى كوميتەتى تۇراقتى كوميتەتى 1 - ءماجىلىسىنىڭ كەڭەستىك ءتارتىبىن (جوبا)، كۇن ءتارتىبىن جانە ساياسي كەڭەس مەملەكەتتىك 13 - كەزەكتى كوميتەتى ارناۋلى كوميتەتتەرىنىڭ مۇشەلەرى ەسىمدىگىن قاراپ ماقۇلدادى، ساياسي كەڭەس مەملەكەتتىك 13 - كەزەكتى كوميتەتى تۇراقتى كوميتەتىنىڭ 1 - ءماجىلىسىن 3 - ايدىڭ 15 - كۇنىنەن 16 - كۇنىنە دەيىن بەيجيڭدە اشۋدى ۇيعاردى.
جيىن ساياسي كەڭەس مەملەكەتتىك 13 - كەزەكتى كوميتەتى تۇراقتى كوميتەتىنىڭ ارناۋلى كوميتەتتەر قۇرۋ جونىندەگى قارارىن (جوبا)، ساياسي كەڭەس مەملەكەتتىك 13 - كەزەكتى كوميتەتىنىڭ ورىنباسار باس حاتشىلىعىنا تاعايىندالاتىنداردىڭ ەسىمدىگىن (جوبا)، ساياسي كەڭەس مەملەكەتتىك 13 - كەزەكتى كوميتەتى ارناۋلى كوميتەتتەرىنىڭ مەڭگەرۋشىلەرىنىڭ، ورىنباسار مەڭگەرۋشىلەرىنىڭ ەسىمدىگىن (جوبا) قارادى. جيىن جوعارىداعى جوبانى ساياسي كەڭەس مەملەكەتتىك 13 - كەزەكتى كوميتەتى تۇراقتى كوميتەتىنىڭ 1 - ماجىلىسىندە قاراۋعا ۇسىنۋدى ۇيعاردى. مەملەكەتتىك ساياسي كەڭەستىڭ ورىنباسار ءتوراعاسى، قوسىمشا باس حاتشىسى شيا باۋلۇڭ قاتىستى جوبالار جونىندە تۇسىنىك جاسادى.
ۋاڭ ياڭ مىنانى اتاپ كورسەتتى: ەندى عانا جابىلعان ساياسي كەڭەس مەملەكەتتىك 13 - كەزەكتى كوميتەتىنىڭ 1 - ءماجىلىسى سايلاۋ ارقىلى ءتوراعالار كەڭەسىن ۇيىمداستىرىپ، ساياسي كەڭەستىڭ جاڭا كەزەكتى باسشىلىق القاسىن قالىپتاستىردى. بۇل − پارتيا مەن حالىقتىڭ كەلەلى تاپسىرماسى ءارى جالپى مۇشەلەردىڭ سەنىم ارتۋى. ءبىز بىرگە قۇلشىنىپ، بورىشتى وتەپ، كەلەلى تاپسىرمانى ورىنداپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، حالىق ساياسي كەڭەسى ىستەرىن تىنباي ىلگەرىلەتۋىمىز كەرەك. ءتوراعالار كەڭەسىنىڭ مۇشەلەرى، بىرىنشىدەن، دۇرىس ساياسي بەتالىستا تاباندى بولۋى، ەكىنشىدەن، مىندەت وتەپ، جاۋاپكەرشىلىكتى ادا ەتۋگە باستاماشى بولۋى، ۇشىنشىدەن، دەموكراتيانى ساۋلەلەندىرۋگە باستاماشى بولۋى، تورتىنشىدەن، بۇقارامەن بايلانىس جاساۋعا باستاماشى بولۋى كەرەك.
مەملەكەتتىك ساياسي كەڭەستىڭ ورىنباسار ءتوراعالارى جاڭ چيڭلي، ليۋ چيباۋ، پابالا گىلەلاڭجيە، دۇڭ جيانحۋا، ۋان گاڭ، حى حوۋحۋا، لۋ جانگۇڭ، ۋاڭ جىڭۋي، ما بياۋ، چىن شياۋگۋاڭ، لياڭ جىنيىڭ، ياڭ چۋانتاڭ، لي بين، باتىر، ۋاڭ يۇڭچيڭ، حى ليفىڭ، سۋ حۇي، جىڭ جيانباڭ، گۋ شىڭزۋ، ليۋ شينچىڭ، حى ۋي، شاۋ حۇڭ، گاۋ يۇنلۇڭ جيىنعا قاتىناستى.
