تيانشان تورابى   ›   ۇيرەنۋ   ›   ماڭىزدى ءسوز

ساياسي كەڭەس مەملەكەتتىك 13 - كەزەكتى كوميتەتى 1 - ءماجىلىسىنىڭ جابىلۋ جينالىسىندا سويلەنگەن ءسوز

(2018 - جىلى 3 - ايدىڭ 15 - كۇنى)

ۋاڭ ياڭ

  مۇشەلەر، جولداستار: 

  جۇڭگو حالىق ساياسي كەڭەسى مەملەكەتتىك 13 - كەزەكتى كوميتەتىنىڭ 1 - ءماجىلىسى ج ك پ ورتالىق كوميتەتىنىڭ ايرىقشا ءمان بەرۋىندە، قاتىستى جاقتاردىڭ زور كۇشپەن قولداۋىندا، بارلىق مۇشەلەردىڭ بىرگە قۇلشىنۋى ارقىلى ءتۇرلى كەڭەستىك تارتىپتەردى تابىسپەن ورىنداپ جەڭىسپەن جابىلۋ الدىندا تۇر.

  وسى رەتكى ءماجىلىس بۇكىل ەلدەگى ءار ۇلت حالقى شي جينپيڭنىڭ جاڭا ءداۋىر جۇڭگوشا سوتسياليزم يدەياسى مەن ج ك پ 19 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋدىڭ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىن باستاعان ماڭىزدى ساتتە اشىلدى. ءماجىلىس كەزىندە ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قاتارلى پارتيا مەن مەملەكەت باسشىلارى ءماجىلىستىڭ اشىلۋ جينالىسىنا جانە جابىلۋ جينالىسىنا قاتىناسىپ، سالالىق گرۋپپالارىنا بارىپ مەملەكەت ءىسىن مۇشەلەرمەن بىرگە اقىلداستى. مۇشەلەر وسكەلەڭ ساياسي جاۋاپكەرلىكپەن ۇكىمەت قىزمەتىنەن باياندامانى جانە باسقا دا باياندامالاردى ىشكەرىلەي تالقىلاپ، نەگىزگى زاڭعا وزگەرىس ەنگىزۋ جوباسىىنىڭ العاشقى نۇسقاسىن جانە باقىلاۋ - تەكسەرۋ زاڭى جوباسىن، سونداي - اق مەملەكەتتىك كەڭەس قۇرىلىمدارىنا رەفورما جاساۋ جوباسىن تالقىلاپ، ساياسي كەڭەس مەملەكەتتىك كوميتەتى تۇراقتى كوميتەتىنىڭ قىزمەتىنەن بايانداما، ساياسي كەڭەس ۋستاۆىنا وزگەرىس ەنگىزۋ جوباسىنىڭ العاشقى نۇسقاسى سياقتى حۇجاتتاردى مۇقيات قارادى، مىندەت اتقارىپ، اقىل - كەڭەس بەرۋدە مول تابىسقا قول جەتتى. بۇل ءماجىلىس دەموكراتيالى، ىنتىماقتى، شىندىققا جۇگىنگەن، جىگەرلەنە العا باسقان ءماجىلىس بولىپ، جۇڭگوشا سوتسياليستىك دەموكراتيانىڭ جالىندى ومىرشەڭدىگىن تولىق ايگىلەدى.

  مۇشەلەردىڭ سەنىم ارتىپ، بىزدەردەن قۇرالعان ساياسي كەڭەس مەملەكەتتىك 13 - كەزەكتى كوميتەتىنىڭ تۇراقتى كوميتەتىن سايلاعانىنا العىس ايتامىن. جاڭا كەزەكتى مەملەكەتتىك ساياسي كەڭەس الدىڭعى ءار كەزەكتى مەملەكەتتىك ساياسي كەڭەستەر قالاعان تاماشا نەگىز بويىنشا قىزمەت ورىستەتەدى. وتكەن 5 جىلدا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، يۇي جىڭشىڭ جولداستىڭ باسقارۋى مەن باستاۋىندا، ساياسي كەڭەس مەملەكەتتىك 12 - كەزەكتى كوميتەتى مۇراگەرلىك ەتۋ بارىسىندا دامىتۋدان، دامىتۋ بارىسىندا جاڭالىق اشۋدان جازباي، ساياسي كەڭەسۋ، دەموكراتيالىق باقىلاۋ، ۇكىمەت ءىسىن اقىلداسۋ فۋنكتسياسىن مۇقيات اتقارىپ، قىزمەتتىڭ جاڭا جاعدايىن اشتى. يۇي جىڭشىڭ جولداس پەن ساياسي كەڭەس مەملەكەتتىك 12 - كەزەكتى كوميتەتىندەگى بارلىق مۇشەلەرگە وسكەلەڭ قۇرمەت بىلدىرەمىز!

  بيىلعى جىل ج ك پ 19 - قۇرىلتايىنىڭ رۋحىن جان - جاقتى دايەكتىلەندىرۋدىڭ باستاپقى جىلى، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتىپ، «13 - بەسجىلدىق» جوبانى اتقارۋدىڭ باسى مەن اياعىن تۇتاستىراتىن شەشۋشى جىل ءارى ساياسي كەڭەس مەملەكەتتىك 13 - كەزەكتى كوميتەتىنىڭ مىندەت اتقارۋى باستالاتىن جىل. نىسانا نەعۇرلىم ۇلى بولعان سايىن، مىندەت تە سولعۇرلىم جاپالى بولادى، حالىق تىلەگى مەن ورتاق تانىمدى سولعۇرلىم ۇيىستىرۋ، زەيىن - زەردە مەن كۇش - قايراتتى سولعۇرلىم شوعىرلاندىرۋ قاجەت بولادى. حالىق ساياسي كەڭەسى ج ك پ 19 - قۇرىلتايىنىڭ رۋحىن مۇقيات ۇيرەنىپ، دايەكتىلەندىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن قىزمەتتەردى جاپپاي مەڭگەرۋدىڭ باس باعدارلاماسى ەتىپ، جۇڭگو كوممۋنيستىك پارتياسىنىڭ باسشىلىعىنا تاباندى بولىپ، حالىق ساياسي كەڭەسىنىڭ سيپاتتىق انىقتاماسىنان، ۇلى ىنتىماقتان، ۇلى بىرلەسۋدەن، سوتسياليستىك دەموكراتيانى ساۋلەلەندىرۋدەن جازباي، جاڭا داۋىرمەن قاۋىشىپ، جاڭا ورنالاستىرۋلاردى تياناقتاندىرىپ، تاماشا ءداستۇردى ساۋلەلەندىرىپ، مىندەتتى ادالدىقپەن وتەپ، جاڭا داۋىردەگى حالىق ساياسي كەڭەسى ىستەرى دامۋىنىڭ جاڭا تاراۋلارىن قۇلشىنا جازۋ كەرەك.

  جۇڭگو كوممۋنيستىك پارتياسىنىڭ باسشىلىعىنداعى كوپ پارتيا سەلبەستىگى مەن ساياسي كەڭەس ءتۇزىمى − ەلىمىزدىڭ نەگىزگى ساياسي تۇزىمدەرىنىڭ ءبىرى، جۇڭگو كوممۋنيستىك پارتياسىنىڭ، جۇڭگو حالقىنىڭ جانە ءارقايسى دەموكراتيالىق پارتيا - توپتىڭ، پارتيادا، توپتا جوق قايراتكەرلەردىڭ ۇلى ساياسي جاسامپازدىعى، جۇڭگو توپىراعىندا تۋىپ كەمەلدەنگەن جاڭاشا ساياسي پارتيا ءتۇزىمى. جۇڭگو حالىق ساياسي كەڭەسى سىندى سالتاناتتى ات ونىڭ سيپاتى مەن رولىن انىق بەلگىلەگەن. ساياسي كەڭەس مەملەكەتتىك 13 - كەزەكتى كوميتەتى مىندەت اتقارۋدى باستار الدىندا ءبىز، ءسوز جوق، بۇل اتتى، بۇل ءتۇزىمنىڭ بىزگە جۇكتەگەن بورىشىن تۋ باستان دۇرىس مەڭگەرۋىمىز كەرەك.

  حالىق ساياسي كەڭەسى − ساياسي ۇيىم، ءسوز جوق، تۋى ايقىن تۇردە ساياسيدى دارىپتەۋ كەرەك. حالىق ساياسي كەڭەسى دۇنيەگە كەلگەن كۇنىنەن باستاپ ايقىن ساياسي سيپاتقا يە بولعان، ونىڭ قۇرىلۋى ەلىمىزدەگى ءارقايسى دەموكراتيالىق پارتيا - توپتاردىڭ، ءار سالانىڭ جانە بۇكىل ەلدەگى ءار ۇلت حالقىنىڭ جۇڭگو كوممۋنيستىك پارتياسىنىڭ باسشلىعىن تاڭداعانىن سالتاناتپەن جاريا ەتتى. 70 جىلعا جۋىق اماليات بۇل تالعامنىڭ دۇرىس ەكەندىگىن دالەلدەدى. جۇڭگو كوممۋنيستىك پارتياسىنىڭ باسشىلىعى بولعاندىقتان عانا، ءبىز جۇڭگو توڭكەرىسىنىڭ، قۇرىلىسىنىڭ، رەفورماسىنىڭ جەڭىسىنە قول جەتكىزە الدىق. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعى بولعاندىقتان عانا، ءبىز جاڭا تاريحي وزگەرىستى جۇزەگە اسىرىپ، جاڭا داۋىرگە قادام تاستاپ، ۇلتتىڭ گۇلدەنۋىنە بەت الدىق. جۇڭگو كوممۋنيستىك پارتياسىنىڭ باسشىلىعى جۇڭگوشا سوتسياليزمنىڭ ەڭ ماندىك ەرەكشەلىگى، جۇڭگوداعى ەڭ زور ساياسي. تۋى ايقىن تۇردە ساياسيدى دارىپتەۋ حالىق ساياسي كەڭەسىنىڭ ماندىك تالابى، جۇڭگو كوممۋنيستىك پارتياسىنىڭ باسشىلىعى حالىق ساياسي كەڭەسى ىستەرىنىڭ دامىپ، العا باسۋىنىڭ ءتۇبىرلى ساياسي كەپىلى ءارى جاڭا داۋىردەگى حالىق ساياسي كەڭەسى، ءسوزسىز، بويسۇنۋعا ءتيىستى ءتۇبىرلى ساياسي پرينسيپ. ءبىز حالىق ساياسي كەڭەسىنە قاتىسقان ءارقايسى پارتيا - توپتاردىڭ، حالىقتىق ۇيىمداردىڭ جانە ءار ۇلت، ءار سالا قايراتكەرلەرىنىڭ جۇڭگو كوممۋنيستىك پارتياسى مەن جۇڭگوشا سوتسياليزمگە دەگەن ساياسي مۇراتتاستىعىن، يدەيالىق مۇراتتاستىعىن، نازاريالىق مۇراتتاستىعىن، سۇيىسپەنشىلىك مۇراتتاستىعىن ۇزدىكسىز كۇشەيتۋىن جەبەۋىمىز كەرەك. ءبىز «4 تانىمدى» بەرىك ورناتىپ، «4 سەنىمدى» بەكەمدەپ، جۇڭگو كوممۋنيستىك پارتياسىنىڭ باسشىلىعىن سانالى تۇردە قابىلداۋىمىز، باس شۋجي شي جينپيڭنىڭ ۇيتقى ورنىن سانالى تۇردە قورعاۋىمىز، ج ك پ ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن سانالى تۇردە قورعاۋىمىز، جولعا، تۇزىمگە، تۋعا، بەتالىسقا ساياتىن ءتۇبىرلى ماسەلەلەردە يدەيانى بىرلىككە كەلتىرىپ، ەرىك - جىگەردى بىرلىككە كەلتىرىپ، اياق الىستى بىرلىككە كەلتىرىپ، حالىق ساياسي كەڭەسى ىستەرىنىڭ دۇرىس ساياسي بەتالىسىنا كەپىلدىك ەتۋىمىز كەرەك. جۇڭگوشا سوتسياليستىك ساياسي دامۋ جولىمەن بۇلجىماي ءجۇرىپ، جاڭا داۋىردە جۇڭگو كوممۋنيستىك پارتياسىنىڭ باسشىلىعىنداعى كوپ پارتيا سەلبەستىگى مەن ساياسي كەڭەس تۇزىمىنە تاباندى بولىپ جانە ونى كەمەلدەندىرىپ، ادامزاتتىڭ ساياسي وركەنيەتىنىڭ العا باسۋىنا جۇڭگونىڭ پاراساتىن جانە جۇڭگونىڭ جوباسىن ۇسىنۋىمىز كەرەك.

  حالىق ساياسي كەڭەسى − حالىق دەموكراتياسىنىڭ ماڭىزدى ءتۇزىمى، ءسوز جوق، حالىقتى وزەك ەتىپ، مىندەت اتقارىپ، جاۋاپكەرشىلىكتى ادا ەتۋ كەرەك. جۇڭگو حالقىنىڭ باقىتىن كوزدەۋ، جۇڭحۋا ۇلتىنىڭ گۇلدەنۋىن كوكسەۋ − جۇڭگو كوممۋنيستەرىنىڭ اۋەلگى ماقساتى جانە بورىشى، سونداي - اق حالىق ساياسي كەڭەسىنىڭ دە اۋەلگى ماقساتى جانە بورىشى. جۇڭگوشا تۇزىمدىك ورنالاستىرۋ، حالىق دەموكراتياسىنىڭ ماڭىزدى فورماسى ساناتىنداعى حالىق ساياسي كەڭەسكە ءارقايسى پارتيا - توپتاردىڭ، ءارقايسى ۇيىمداردىڭ، ءارقايسى ۇلتتاردىڭ، ءارقايسى جىكتەردىڭ، ءارقايسى سالالاردىڭ قايراتكەرلەرى شوعىرلانعان، كەڭ كولەمدى ۋاكىلدىك سيپاتقا جانە زور قامتىمدىلىققا يە، قاشاندا مەملەكەتتى قۇدىرەتتەندىرۋدەگى، ۇلتتى كوركەيتۋدەگى، حالقتى باقىتقا كەنەلتۋدەگى ماڭىزدى كۇش بولىپ كەلەدى. باس شۋجي شي جينپيڭ مىنانى باسا دارىپتەدى: حالىق ساياسي كەڭەسى قالىڭ حالىقتىڭ ءتۇبىرلى مۇددەسىن ويداعىداي ىسكە اسىرۋدى، ويداعىداي قورعاۋدى، ويداعىداي دامىتۋدى قىزمەتتىڭ ارقاۋى جانە تياناعى ەتىپ، حالىق تۇرمىسىنىڭ جاقسارۋىن جەبەۋدى ماڭىزدى كۇش سالۋ ءتۇيىنى ەتىپ، حالىق تۇرمىسى سالاسىنداعى ماڭىزدى ماسەلەلەردى مىقتاپ يگەرىپ، اقىل - كەڭەس بەرىپ، پارتيا مەن ۇكىمەتتىڭ حالىق تۇرمىسىنداعى قيىن ماسەلەلەردى شەشۋىنە كومەكتەسىپ، حالىقتىڭ باقىت سەزىمىن كۇشەيتىپ، حالىق ساياسي كەڭەسىنىڭ حالىق ءۇشىن ىستەۋىن ىسكە اسىرۋ كەرەك. ساياسي كەڭەس مەملەكەتتىك 13 - كەزەكتى كوميتەتىنىڭ 2158 مۇشەسى جاڭا داۋىردە جۇڭگوشا سوتسياليستىك دەموكراتيالى ساياسيعا قاتىسۋشى جانە ونى امالياتتان وتكىزۋشى، بۇل داڭق، سونداي - اق جاۋاپكەرلىك. كوكەيىمىزدە حالىق بولعاندا عانا، جۇڭگو كوممۋنيستىك پارتياسىنىڭ تالاپتارىن ويداعىداي تياناقتاندىرىپ، دەموكراتيالىق ۇقىقتى دۇرىس جۇرگىزىپ، مىندەتتى اتقارۋ قىزمەتىن ويداعىداي ىستەي الامىز. مۇشەلەردىڭ بارلىعى مىندەتىن مۇقيات اتقارۋ حالىققا جاۋاپتى بولعاندىق، تۇزىمگە قۇرمەت ەتكەندىك ەكەنىن تانۋ كەرەك. ەلىمىز دامۋىنىڭ جاڭا تاريحي دەڭگەيى مەن قوعامداعى باستى قايشىلىقتىڭ وزگەرىسىن تياناق ەتىپ، جاڭا دامۋ ۇستانىمىن ىشكەرىلەي دايەكتىلەندىرىپ، حالىق جۇرتشىلىعىنىڭ كۇن سايىن ارتىپ وتىرعان تاماشا تۇرمىس قاجەتىنە تىعىز ۇشتاستىرىپ، ەكونوميكانىڭ، قوعامنىڭ دامۋ امالياتىنا تىعىز بىرلەستىرىپ، پارتيا مەن مەملەكەتتىڭ ماڭىزدى شەشىمدەرى مەن ورنالاستىرۋلارىن دايەكتىلەندىرۋدە، تياناقتاندىرۋدا شەشۋگە ءتيىستى ماسەلەلەرمەن تىعىز قابىستىرىپ، اۋىر حاۋىپ - قاتەرلەردەن ويداعىداي ساقتانۋ جانە ونى جويۋ، كەدەيلىكتەن دالمە - ءدال قۇتىلدىرۋ، لاستانۋدى وڭاۋ جانە ونى جونگە سالۋدا قامال الۋ شايقاسىن ويداعىداي جۇرگىزۋگە نازاردى شوعىرلاندىرىپ، اركىم ءوز قابىلەتىن ايگىلەپ، اركىم ءوز ونەرىن كورسەتىپ، ساياسي كەڭەسۋ، دەموكراتيالىق باقىلاۋ، ۇكىمەت ىسىنە قاتىسۋ، كەڭەس بەرۋ ارقىلى ەكونوميكالىق قۇرىلىستى، ساياسي قۇرىلىستى، مادەنيەت قۇرىلىسىن، قوعامدىق قۇرىلىستى، ەكولوگيالىق وركەنيەت قۇرىلىسىن جاپپاي ىلگەرىلەتىپ، رەفورما جاساۋ، دامۋ جەتىستىكتەرىنىڭ حالىققا اناعۇرلىم كوپ، اناعۇرلىم ءادىل تيىمدىلىك جەتكىزۋىن ىلگەرىلەتۋ كەرەك.

  حالىق ساياسي كەڭەسى − ارناۋلى كەڭەس قۇرىلىمى. ءسوز جوق، شىندىققا تالپىنىپ، ىسكەرلىككە تالپىنا وتىرىپ كەڭەسۋ قابىلەتىنىڭ دەڭگەيىن جوعارىلاتۋ كەرەك. حالىق ساياسي كەڭەسى سوتسياليستىك كەڭەستىك دەموكراتيانىڭ ماڭىزدى ارناسى جانە ارناۋلى كەڭەس قۇرىلىمى، كەڭەستىك دەموكراتيانىڭ كەڭ كولەمدى، كوپ ساتىلى تۇزىمدەنە دامۋى حالىق ساياسي كەڭەسىنىڭ رولىن ساۋلەلەندىرۋى ءۇشىن سارا جول اشتى. ساياسي كەڭەستىڭ 70 جىلعا تاياۋ ۋاقىتتان بەرگى كەڭەستىك دەموكراتيا امالياتى ساياسي كەڭەس مەملەكەتتىك 13 - كەزەكتى كوميتەتىنىڭ قىزمەتتەردى ويداعىداي ىستەۋى ءۇشىن قىمباتتى تاجىريبە ازىرلەدى. كوكىرەك سارايى كەڭ، قابىلەتتى قىرۋار دارىندى ساياسي كەڭەستە باس قوسىپ، قىزمەتتى ويداعىداي ىستەۋىمىز ءۇشىن تاماشا نەگىز قالادى. ساياسي كەڭەس بيلىك قۇرىلىمى ەمەس، ۇكىمەت ىسىنە قاتىسادى، ءبىراق بيلىك جۇرگىزبەيدى، اقىل - كەڭەس بەرەدى، ءبىراق شەشىم جاسامايدى، باقىلايدى، ءبىراق ماجبۇرلەمەيدى، باستىسى، كەڭەس ارقىلى رولىن ساۋلەلەندىرەدى. مۇنداي رول ايتقانى ەسەپ بولۋمەن ەمەس، دۇرىس ايتۋمەن ورىندالادى. دۇرىس ايتۋ دەگەنىمىز وبيەكتيۆتىك زاتتاردىڭ دامۋ زاڭدىلىعىنا ۇيلەسەتىن ۇسىنىس - پىكىر بەرۋ دەگەندىك، بۇل شىندىقتى ءىس جۇزىنەن ىزدەيتىن قابىلەت ورەسىن قاجەت ەتەدى. ۇيرەنۋدى كۇشەيتىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە ج ك پ 19 - قۇرىلتايىنىڭ رۋحىن مۇقيات ۇيرەنىپ، باس شۋجي شي جينپيڭنىڭ حالىق ساياسي كەڭەسى قۇرىلعاندىعىنىڭ 65 جىلدىعىن قۇتتىقتاۋ جينالىسىنداعى ماڭىزدى ءسوزىن ساياسي كەڭەستىڭ جاقسى مۇشەسى بولۋداعى نەگىزگى وقۋلىق ەتۋ ءارى ونى ساياسي كەڭەس قىزمەتىنە قاتىستى كاسىپتىك بىلىمدەردى ۇيرەنۋمەن ۇشتاستىرىپ ۇيرەنۋ، كەڭەستىك دەموكراتيانىڭ پرينسيبىن، ماڭىزىن، ءادىسىن كۇش سالا يگەرىپ، كەڭەسكە قاتىسۋداعى يدەيالىق ورەنى ۇزدىكسىز جوعارىلاتۋ كەرەك. تەكسەرۋ - زەرتتەۋ جۇرگىزۋگە شەبەر بولىپ، ساياسي كەڭەس دارىندىلارىنىڭ اقىل - پاراسات جاعىنداعى باسىمدىعىن تولىق ساۋلەلەندىرىپ، تەكسەرۋ - زەرتتەۋدىڭ تەرەڭدىگىنە، كولەمدىلىگىنە كۇش سالىپ، كەڭەستىك تاقىرىپتاردىڭ جاعدايىن، سەبەبىن، شاراسىن انىقتاپ، كەڭەسكە قاتىسۋدىڭ ءسوز بيلىگىنە شىنايى يە بولۋ كەرەك. امالياتتان وتكىزۋدى، شىڭدالۋدى كۇشەيتىپ، كەڭەس فورماسىن بايىتىپ، كەڭەس رۋحىن جەتىلدىرىپ، كەڭەس قابىلەتى مەن ونەرىن كۇشەيتىپ، كەڭەستىك دەموكراتيانىڭ كەمەلدى تۇزىمدىك ءتارتىبىن قۇلشىنا قالىپتاستىرۋ جانە ونىڭ امالياتىنا ارالاسۋ كەرەك. كەڭەستىك دەموكراتيا ورتاسىن ازىرلەپ، شىندىققا تالپىنىپ، ىسكەرلىككە ۇمتىلاتىن ارەكەتتى القاپ، شىندىققا تالپىنىپ، ىسكەرلىككە ۇمتىلاتىن پىكىرلەرگە ءمان بەرىپ، شىندىققا تالپىنىپ، ىسكەرلىككە ۇمتىلۋدى حالىق ساياسي كەڭەسىنىڭ قالىپتاسقان سالتىنا اينالدىرۋ كەرەك. كەڭەستىك دەموكراتيا ارقىلى ىشكى - سىرتقى جۇڭحۋا پەرزەنتتەرىنىڭ ءبارىن جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ورىنداۋعا اقىل كورسەتەتىن جانە كۇش قوساتىن ەتۋ كەرەك.

  مۇشەلەر، جولداستار: 

  3 - ايدىڭ 11 - كۇنى مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى جۇڭحۋا حالىق رەسپۋبليكاسىنىڭ نەگىزگى زاڭىنا وزگەرىس ەنگىزۋ جوباسىن داۋىسقا سالىپ ماقۇلدادى. نەگىزگى زاڭ − مەملەكەتتىڭ ءتۇبىرلى زاڭى، مەملەكەتتى باسقارىپ، ەلدى الاڭسىز ەتۋدىڭ باس ۋستاۆى، جۇڭگو كوممۋنيستىك پارتياسىنىڭ جانە بۇكىل ەل حالقىنىڭ ەرىك - جىگەرىنىڭ شوعىرلى بەينەلەنۋى. نەگىزگى زاڭعا وزگەرىس ەنگىزۋ جوباسى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىنا تاباندى بولۋدى، جاڭا داۋىردە جۇڭگوشا سوتسياليزمگە تاباندى بولۋدى جانە ونى دامىتۋدى، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدى نەگىزگى زاڭمەن پارمەندى قامتاماسىز ەتتى. حالىق ساياسي كەڭەسى بارلىق قيمىلدا نەگىزگى زاڭدى ءتۇبىرلى ولشەم ەتۋگە تاباندى بولىپ، نەگىزگى زاڭ مەن زاڭدار كولەمىندە قىزمەت مىندەتىن اتقارۋى، قىزمەت ورىستەتۋى، نەگىزگى زاڭدى قاستەرلەۋدىڭ، نەگىزگى زاڭدى ۇيرەنۋدىڭ، نەگىزگى زاڭعا بويسۇنۋدىڭ، نەگىزگى زاڭدى قورعاۋدىڭ، نەگىزگى زاڭدى قولدانۋدىڭ يدەيالىق سانالىلىعى مەن ارەكەت سانالىلىعىن شىنايى كۇشەيتۋ كەرەك.

  مۇشەلەر، جولداستار: 

  الگىندە جينالىس ساياسي كەڭەس مەملەكەتتىك 13 - كەزەكتى كوميتەتى 1 - ءماجىلىسىنىڭ ساياسي قاۋلىسى مەن ساياسي كەڭەستىڭ جاڭادان وزگەرىس ەنگىزىلگەن ۋستاۆىن داۋىسقا سالىپ ماقۇلدادى، مىنە بۇل ءبىزدىڭ بيىل جانە مۇنان بىلايعى ءبىر مەزگىلدە قىزمەتتى ويداعىداي ىستەۋىمىزدىڭ ماڭىزدى نەگىزى. وتە - موتە، اتاي كەتەتىنى، ساياسي كەڭەستىڭ جاڭادان وزگەرىس ەنگىزىلگەن ۋستاۆىنا «مۇشە» تاراۋى قوسىلىپ، مۇشەلەردىڭ قىزمەت مىندەتتەرىن اتقارىپ، جاۋاپكەرشىلىكتەرىن ادا ەتۋى جونىنەن ايقىن تالاپ قويىلدى. كوپشىلىكتىڭ جاڭادان وزگەرىس ەنگىزىلگەن ۋستاۆ اتقارىلعان العاشقى جىلى مۇشەلىك مىندەتتەرىن ويداعىداي ورىنداپ، تاماشا ۇسىنىس جوبا قويىپ قانا قالماستان، ءوزىنىڭ ءىس جۇزىندىك ارەكەتتەرى ارقىلى قىزمەت مىندەتتەرىن وتەۋدەن تاماشا مالىمەت بەرۋىن ءۇمىت ەتەمىن.

  مۇشەلەر، جولداستار! جۇڭگوشا سوتسياليزم جاڭا داۋىرگە ءوتتى... قازىر ءبىز جۇڭحۋا ۇلتىنىڭ ۇلى گۇلدەنۋى نىساناسىن جۇزەگە اسىرۋعا تاريحتاعى ءارقانداي كەزدەردەگىدەن دە جاقىنداي تۇستىك، جۇڭحۋا ۇلتىنىڭ ۇلى گۇلدەنۋى نىساناسىن جۇزەگە اسىرۋعا سەنىمىمىز كامىل، قابىلەتىمىز دە قاپتال جەتەدى. جاڭا ءداۋىر جاڭا ءىس تىندىرۋعا شاقىرادى، حالىق ساياسي كەڭەسى ورتاق نىسانا ارقىلى ەڭ ۇلكەن ورتاقتىققا ۇمتىلىپ، ۇلى ىنتىماق، جاپپاي بىرلەسۋ ارقىلى ەڭ ۇلكەن سەنترلەس شەڭبەردى سىزىپ، كەڭەستىك دەموكراتيا ارقىلى قۇدىرەتتى وڭ ەنەرگيا توپتاپ، رەفورما جاساپ، جاڭالىق اشۋ ارقىلى قىزمەتتىڭ جاڭا ومىرشەڭدىگىن ىسكە قوسىپ، پارتيا - توپتارى، ۇلتى، جىگى، سەنىمى تۇرلىشە ىشكى - سىرتقى جۇڭحۋا پەرزەنتتەرىن ۇيىستىرىپ، وتاننىڭ تۇتاستىعى مەن جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا ەڭ كەڭ وتانشىلدىق بىرلىكساپ قالىپتاستىرۋ كەرەك. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز توپتاسىپ، جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە قول جەتكىزۋ، جاڭا ءداۋىر جۇڭگوشا سوتسياليزمنىڭ ۇلى جەڭىسىنە قول جەتكىزۋ جولىندا قۇلشىنا كۇرەسەيىك!

  (شينحۋا اگەنتتىگىنىڭ 3 - ايدىڭ 15 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى