(ساياسي كەڭەس مەملەكەتتىك 13 - كەزەكتى كوميتەتى 1 - ماجىلىسىندە 2018 - جىلى 3 - ايدىڭ 15 - كۇنى قابىلداندى)
جۇڭگو حالىق ساياسي كەڭەسى مەملەكەتتىك 13 - كەزەكتى كوميتەتىنىڭ 1 - ءماجىلىسى 2018 - جىلى 3 - ناۋرىزدان 15 - ناۋرىزعا دەيىن بەيجيڭدە وتكىزىلدى.
بۇل رەتكى ءماجىلىس ەلىمىزدەگى ءار ۇلت حالقى شي جينپيڭنىڭ جاڭا ءداۋىر جۇڭگوشا سوتسياليزم يدەياسى مەن ج ك پ 19 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاپپاي دوڭگەلەك داۋلەتتى قوعام قۇرىپ شىعۋدىڭ شەشۋشى جەڭىسىنە جەتىپ، جاپپاي سوتسياليستىك وسىزاماندانعان ەل قۇرۋدىڭ جاڭا جورىعىن باستاۋدىڭ ماڭىزدى ساتىندە اشىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قاتارلى پارتيا مەن مەملەكەتتىڭ باسشى جولداستارى ماجىلىسكە قاتىناستى ءارى گرۋپپالار تالقىسىنا قاتىناسىپ، مۇشەلەرمەن بىرگە مەملەكەت ىستەرىن بىرگە اقىلداستى. ءماجىلىس يۇي جىڭشىڭ جولداستىڭ ساياسي كەڭەس مەملەكەتتىك 12 - كەزەكتى كوميتەتى تۇراقتى كوميتەتىنىڭ اتىنان جاساعان قىزمەت بايانداماسىن قاراپ بەكىتتى، ۋان گاڭ جولداستىڭ ساياسي كەڭەس مەملەكەتتىك 12 - كەزەكتى كوميتەتى تۇراقتى كوميتەتىنىڭ اتىنان جاساعان ۇسىنىس جوبا قىزمەتىنىڭ احۋالى جونىندەگى بايانداماسىن قاراپ بەكىتتى، جۇڭگو حالىق ساياسي كەڭەسىنىڭ ۋستاۆىنا وزگەرىس ەنگىزۋ جوباسىن قاراپ ماقۇلدادى، ساياسي كەڭەس مەملەكەتتىك 13 - كەزەكتى كوميتەتىنىڭ ءتوراعاسىن، ورىنباسار ءتوراعالارىن، باس حاتشىسىن جانە تۇراقتى مۇشەلەرىن سايلادى. مۇشەلەر مەملەكەتتىك 13 - كەزەكتى حالىق قۇرىلتايىنىڭ 1 - ماجىلىسىنە سىرتتاي قاتىناسىپ، لي كىچياڭ زۇڭلي جاساعان ۇكىمەت قىزمەتىنەن باياندامانى تىڭدادى جانە تالقىلادى، ەڭ جوعارى حالىق سوتى مەكەمەسىنىڭ قىزمەت بايانداماسىن، ەڭ جوعارى حالىق پروكۋراتۋراسىنىڭ قىزمەت بايانداماسىن تىڭدادى جانە تالقىلادى، نەگىزگى زاڭعا وزگەرىس ەنگىزۋ جوباسى مەن باقىلاۋ - تەكسەرۋ زاڭىنىڭ جوباسىن، مەملەكەتتىك كەڭەستىڭ قۇرىلىم رەفورماسى جوباسىن جانە باسقا دا قاتىستى دوكلاتتاردى تالقىلاپ، جوعارىدا ايتىلعان باياندامالار مەن حۇجاتتاردى قۇپتادى ءارى پىكىر جانە ۇسىنىستاردى ورتاعا قويدى. بارلىق مۇشەلەر وسكەلەڭ ساياسي جاۋاپكەرلىك سەزىممەن جانە تاريحي بورىش سەزىممەن مىندەتىن مۇقيات اتقارىپ، ۇسىنىس جوبا، جارىس ءسوز، گرۋپپالار تالقىسى ارقىلى قوعام جاعدايى مەن حالىق اۋانى ينفورماتسياسى قاتارلى فورمالاردى بەينەلەپ، ىشكەرىلەي ءماسليحاتتاسىپ، ۇكىمەت ءىسىن كەڭەسىپ، بەلسەنە اقىل - كەڭەس بەرىپ، جاڭا ءداۋىر ساياسي كەڭەس مۇشەلەرىنىڭ جاڭا اۋقىم، جاڭا تابىستارىن ايگىلەدى. ءماجىلىستىڭ ونىمدىلىگى جوعارى، ستيلى پاك، تابىستى بولىپ، جۇڭگوشا سوتسياليزمنىڭ دەموكراتيالى ساياسيىنىڭ ارتىقشىلىقتارى مەن ومىرشەڭدىك كۇشىن بەينەلەدى، بۇرىنعىعا مۇراگەر، كەيىنگىگە بۇيداگەر بولعان، بۇرىنعىلاردىڭ جولىمەن بولاشاققا جول اشقان، دەموكراتيالى، ىنتىماقتى، شىندىقتى ءىس جۇزىنەن ىزدەگەن ءماجىلىس بولدى.
ءماجىلىس بىلاي دەپ قارادى: وتكەن 5 جىل پارتيا مەن مەملەكەتتىڭ دامۋ بارىسىنداعى ەرەكشە 5 جىل بولدى. شي جينپيڭ جولداستى ۇيتقى ەتكەن ج ك پ ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە ولارعا باسشىلىق ەتىپ، ۇلى كۇرەستى، ۇلى ينجەنەريانى، ۇلى ىستەردى، ۇلى ارماندى ءبىر تۇتاس مەڭگەرىپ، «بەستى ءبىر تۇلعالاندىرۋ» جالپى تۇلعالىق ورنالاستىرۋىن ءبىر تۇتاس ىلگەرىلەتىپ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتىپ، پارتيا مەن مەملەكەت ىستەرىندە تاريحي سيپاتتى تابىستارعا قول جەتكىزىپ، تاريحي سيپاتتى وزگەرىس تۋىلىپ، جۇڭگوشا سوتسياليزم جاڭا داۋىرگە قادام تاستادى. ساياسي كەڭەس مەملەكەتتىك 12 - كەزەكتى كوميتەتى جانە ونىڭ تۇراقتى كوميتەتى ج ك پ ورتالىق كوميتەتىنىڭ شەشىمدەرى مەن ورنالاستىرۋلارىن جاپپاي دايەكتىلەندىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، ىنتىماق پەن دەموكراتيا سىندى ەكى ۇلكەن تاقىرىپقا تاباندى بولىپ، وزەكتى ارقاۋ ەتۋگە، جالپى جاعدايعا قىزمەت ەتۋگە تاباندى بولۋدان جازباي، حالىق ساياسي كەڭەسى ىستەرىن جالعاستىرۋ بارىسىندا دامىتۋ، دامۋ بارىسىندا جاڭالىق اشۋدى ىلگەرىلەتىپ، ىنتىماقتى، دەموكراتيالى، ىلگەرىلەۋدەن جازبايتىن، قارىشتاپ دامىعان جاڭا جاعداي جاراتىپ، پارتيا مەن مەملەكەت ىستەرىنىڭ دامۋىندا ورنىن باسۋعا بولمايتىن ماڭىزدى رولىن ساۋلەلەندىرىپ، ماڭىزدى ۇلەستەر قوستى.
ءماجىلىس مىنانى باسا دارىپتەدى: حالىق ساياسي كەڭەسى ج ك پ 19 - قۇرىلتايىنىڭ رۋحىن ۇيرەنۋ مەن دايەكتىلەندىرۋدى ماڭداي الدى ساياسي مىندەت ەتىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋ مەن دايەكتىلەندىرۋدى ەڭ ماڭىزدى ورىنعا قويىپ، ۇيرەنە دە، قولدانا دا بىلۋگە كۇش سالىپ، ساياسي، يدەيالىق، نازاريالىق، سۇيىسپەنشىلىك تانىم بىرلىگىن ۇزدىكسىز كۇشەيتىپ، «4 تانىمدى» بەرىك ورناتىپ، «4 سەنىمدى» بەكەمدەپ، جۇڭگو كوممۋنيستىك پارتياسىنىڭ باسشىلىعىنا تاباندى بولىپ، باس شۋجي شي جينپيڭنىڭ ۇيتقىلىق ورنىن، ج ك پ ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، ءارقايسى پارتيا - توپتارداعى، ءارقايسى ۇيىمدارداعى، ءارقايسى ۇلتتاردىڭ، ءارقايسى جىكتەردەگى، ءارقايسى سالالارداعى قايراتكەرلەردى كەڭ كولەمدە ىنتىماقتاستىرا وتىرىپ جۇمىلدىرىپ، ج ك پ 19 - قۇرىلتايىندا بەلگىلەنگەن نىسانالار مەن مىندەتتەردى بىرگە جۇزەگە اسىرۋ ءۇشىن كۇرەس جاساۋ كەرەك.
ءماجىلىس بىلاي دەپ قارادى: باس شۋجي شي جينپيڭ جۇڭگو دەموكراتيالىق وداعى، ادىلەت پارتياسى، پارتيا - توپتاردا جوق قايراتكەرلەر، مۇھاجىرلار بىرلەستىگى سالاسىنداعى مۇشەلەردىڭ گرۋپپا ماجىلىسىندە ماڭىزدى ءسوز سويلەپ، جۇڭگو كوممۋنيستىك پارتياسىنىڭ باسشىلىعىنداعى كوپ پارتيا سەلبەستىگى مەن ساياسي كەڭەس تۇزىمىنەن اۋىتقىماۋدى جانە ونى دامىتۋدى كورنەكتىلەندىرە باسا دارىپتەپ، جاڭاشا ساياسي پارتيالىق ءتۇزىمنىڭ باي مازمۇنى مەن ايقىن ەرەكشەلىكتەرىن تەرەڭ بايىمداپ، كوپ پارتيا سەلبەستىگىنىڭ وزىندىك ەرەكشەلىگىن ساۋلەلەندىرۋدى، سوتسياليستىك دەموكراتيالى ساياسيدىڭ ماڭىزدى رولىن دامىتۋدى ەگجەي - تەگجەيلى بايىمدادى، بۇل جۇڭگوشا سوتسياليزم ساياسي پارتيالىق ءتۇزىمى قۇرىلىسىن اناعۇرلىم كۇشەيتۋ، كەڭەستىك دەموكراتيانىڭ جان - جاقتىلى، كوپ ساتىلى، تۇزىمدەنىپ دامۋىن ىلگەرىلەتۋ، جاڭا ءداۋىر بىرلىكساپ پەن حالىق ساياسي كەڭەسى قىزمەتىن ويداعىداي جۇرگىزۋ جونىنەن ايرىقشا ماڭىزدى جەتەكشى مانگە يە. ءماجىلىس مىنانى باسا دارىپتەدى: باس شۋجي شي جينپيڭنىڭ ماڭىزدى سوزدەرىنىڭ رۋحىن ىشكەرىلەي ۇيرەنىپ جانە تياناقتاندىرىپ، ج ك پ ورتالىق كوميتەتىنىڭ «1 - مامىر ۇندەۋىن» جاريالاعاندىعىنىڭ 70 جىلدىعىن ەسكە الۋ قيمىلىن ورىستەتىپ، كوپ پارتيا سەلبەسىپ قۇرعان اۋەلگى ماقساتتى ۇمىتپاي، جۇڭگوشا سوتسياليزمنىڭ ساياسي دامۋ جولىنا تاباندى بولىپ، كەڭ كولەمدى وتانشىلدىق بىرلىكساپتى بەكەمدەپ، دامىتىپ، جۇڭگو كوممۋنيستىك پارتياسى باسشىلىعىنداعى كوپ پارتيا سەلبەستىگى مەن ساياسي كەڭەس ءتۇزىمى سىندى وسى جاڭاشا ساياسي پارتيالىق تۇزىمگە ويداعىداي تاباندى بولىپ، كەمەلدەندىرىپ، حالىق ساياسي كەڭەسى سىندى ساياسي ۇيىم جانە دەموكراتيالىق فورماداعى وزىندىك ەرەكشەلىگىن ويداعىداي پايدالانۋ، ساۋلەلەندىرۋ كەرەك.
ءماجىلىس بىلاي دەپ قارادى: ەلىمىزدىڭ نەگىزگى زاڭى − مەملەكەتتىڭ ءتۇبىرلى زاڭى، ەل ءىشىن ورنىقتىرۋدىڭ باس ۋستاۆى، جۇڭگو كوممۋنيستىك پارتياسى مەن جۇڭگو حالىقىنىڭ ەركىنىڭ شوعىرلى بەينەلەنۋى. ءماجىلىس ءبىر اۋىزدان بىلاي دەپ قارادى: نەگىزگى زاڭعا وزگەرىس ەنگىزۋ جوباسىنىڭ قابىلدانۋى جانە جاريالانىپ اتقارىلۋى شي جينپيڭ جولداستى ۇيتقى ەتكەن ج ك پ ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىنا تاباندى بولۋدى جانە ونى قورعاۋدى، جاڭا داۋىردە جۇڭگوشا سوتسياليزمگە تاباندى بولۋدى جانە ونى دامىتۋدى، «قوس 100 جىلدىق» كۇرەس نىساناسىن جانە جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدى پارمەندى نەگىزگى زاڭمەن قامتاماسىز ەتتى. حالىق ساياسي كەڭەسى بارلىق قيمىلدا نەگىزگى زاڭدى ءتۇبىرلى ولشەم ەتۋگە تاباندى بولىپ، نەگىزگى زاڭدى قۇرمەتتەۋ، نەگىزگى زاڭدى ۇيرەنۋ، نەگىزگى زاڭعا بويسۇنۋ، نەگىزگى زاڭدى قورعاۋ، نەگىزگى زاڭدى قولدانۋ سىندى يدەيالىق سانالىلىعى مەن ارەكەت سانالىلىعىن شىن مانىندە كۇشەيتۋ كەرەك.
ءماجىلىس بىلاي دەپ قارادى: پارتيا مەن مەملەكەتتىڭ قۇرىلىم رەفورماسىن تەرەڭدەتۋ − مەملەكەتتىڭ باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋدىڭ تەرەڭ وزگەرىسى. ج ك پ ورتالىق كوميتەتىنىڭ پارتيا مەن مەملەكەتتىڭ قۇرىلىم رەفورماسىن ىشكەرىلەتۋ تۋرالى قاۋلىسىن مۇقيات دايەكتى تياناقتاندىرىپ، رەفورمانىڭ جالپى جاعدايىنا سانالىلىقپەن بويسۇنىپ جانە قىزمەت ەتىپ، مەملەكەتتىك ساياسي كەڭەستىڭ قۇرىلىم رەفورماسىن اتقارۋ قىزمەتىن نىق قاداممەن ىلگەرىلەتۋ كەرەك.
ءماجىلىس بىلاي دەپ قارادى: ساياسي كەڭەستىڭ وزگەرىس ەنگىزىلگەن ۋستاۆى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ج ك پ 19 - قۇرىلتايىندا ورتاعا قويىلعان ماڭىزدى يدەيا، ماڭىزدى كوزقاراس، ءىرى تۇجىرىم، ءىرى شارالاردى تولىق ايگىلەپ، 2004 - جىلعى ساياسي كەڭەستىڭ ۋستاۆىنا وزگەرىس ەنگىزىلگەننەن، وتە - موتە، ج ك پ 18 - قۇرىلتايىنان بەرگى حالىق ساياسي كەڭەسى ىستەرىندە جاڭالىق اشىپ، دامۋدىڭ نازاريالىق، امالياتتىق، تۇزىمدىك تابىستارىن شوعىرلى بەينەلەدى. حالىق ساياسي كەڭەسى جاڭا وزگەرىس ەنگىزىلگەن ساياسي كەڭەستىڭ ۋستاۆىن مۇقيات ۇيرەنىپ، ۇگىتتەپ، دايەكتىلەندىرىپ، ۋستاۆ بويىنشا مىندەتىن قاتاڭ وتەپ، حالىق ساياسي كەڭەسى ءتۇزىمى جۇيەسىن ىشكەرىلەي قۇرىپ، كەمەلدەندىرىپ، قىزمەت ورەسىن ۇزدىكسىز جوعارىلاتۋ كەرەك.
ءماجىلىس كەزىندە، مۇشەلەر بيىلعى ەكونوميكالىق، قوعامدىق دامۋداعى كەلەلى ماسەلەلەرگە مۇقيات كەڭەسۋ، تالقى جۇرگىزۋدى ارقاۋ ەتىپ، مىناداي ۇسىنىس قويدى: جىلدىق قىزمەتتى ويداعىداي ىستەۋ ءۇشىن ورنىقتىلىق بارىسىندا ىلگەرىلەۋ قىزمەت اۋەنىنە، جاڭا دامۋ تانىمىنا تاباندى بولىپ، ءبىر تۇتاس جوسپارلاپ، تەڭ ءمان بەرۋ، ءتۇيىندى كورنەكتىلەندىرۋ، مىقتى يگەرىپ دايەكتىلەندىرۋ كەرەك. اۋىر حاۋىپ - قاتەرلەردەن ويداعىداي ساقتانۋ جانە ونى جويۋ، كەدەيلىكتەن شىن مانىندە ارىلتۋ، لاستانۋدى وڭاۋ جانە ونى جونگە سالۋ سىندى «3 ۇلكەن قامال الۋ شايقاسىنا» كۇشتى شوعىرلاندىرىپ، ءتۇيىندى وڭىرلەردە حاۋىپ - قاتەردەن ساقتانۋ جانە ءبىر جاقتى ەتۋدى ويداعىداي ىستەپ، فينانستىق باقىلاۋ - باسقارۋدى اناعۇرلىم كەمەلدەندىرىپ، جەرگىلىكتى ۇكىمەتتىك قارىز قاتەرىنەن ۇتىمدى تۇردە ساقتانىپ جانە ونى جويىپ، جۇيەلىك فينانس حاۋىپ - قاتەرى تۋىلماۋدىڭ تومەنگى شەگىن ساقتاۋ؛ ارنايى بەلگىلەنگەن كەدەي بۇقارالاردى، توتەنشە كەدەي رايونداردى ورنىن ءدال تاۋىپ سۇيەمەلدەۋدى كوزدە ۇستاي وتىرىپ، كەدەيلەردى قاجىر - جىگەر، اقىل - پاراسات جاعىنان سۇيەمەلدەۋدى ۇشتاستىرۋعا تاباندى بولىپ، كەدەيلەردى سۇيەمەلدەۋدىڭ تابىسىن بەكەمدەپ، كەدەيلىكتەن ارىلتۋ ساپاسىن جوعارىلاتۋ؛ اتموسفەرا، سۋ، توپىراق لاستانۋىنىڭ الدىن الۋ مەن جونگە سالۋدى كۇشەيتىپ، كوگىلدىر اسپاندى قورعاۋ شايقاسىن ءتۇيىندى تۇردە ءساتتى جۇرگىزىپ، ەكولوگيالىق ورتانىڭ ساپاسىن جالپى جاقتان وڭاۋعا كەپىلدىك ەتۋ كەرەك. جوعارى ساپالى دامۋ تالابىن دايەكتىلەندىرۋدى، تياناقتاندىرۋدى ىلگەرىلەتىپ، ۇسىنىلىم جاعىنداعى قۇرىلىمدىق رەفورمانى تەرەڭدەتىپ، شارۋاشىلىق قۇرىلىمىنىڭ تيپىن وزگەرتىپ، دارەجەسىن جوعارىلاتۋدى كۇش سالا جۇرگىزىپ، تۇلعالىق شارۋاشىلىقتى كۇش سالا دامىتىپ، ارتىق ءوندىرىس قۋاتىن، ىركىندىلەردى، سۇيمەندەردى ىقشامداپ، وزىندىك قۇنىن تومەندەتىپ، ولقىلىقتاردى تولىقتاۋدى جالعاستى مىقتى ۇستاۋ كەرەك. دامۋدى جاڭالىق اشۋ ارقىلى جەبەۋ ستراتەگياسىن ىشكەرىلەي اتقارىپ، عىلىم - تەحنيكادا جاڭالىق اشۋدى وزەك ەتكەن جاپپاي جاڭالىق اشۋدى جەبەپ، «ينتەرنەت +» مەن «جۇڭگو جاساۋ شارۋاشىلىعىن دامىتۋدىڭ 2025 - جىلعا دەيىنگى پلانىن» ىلگەرىلەتىپ، جاڭا شارۋاشىلىقتى، جاڭا قوزعاۋشى كۇشتەردى، تىڭ ارتۋ تۇيىندەرىن جەتىلدىرۋ كەرەك. ءتۇرلى بازار سۋبيەكتىلەرىنىڭ ومىرشەڭدىگىن ارتتىرىپ، مەملەكەت مەنشىگىندەگى كاپيتالدى كۇشەيتۋ، جاقسارتۋ، زورايتۋدى ىلگەرىلەتىپ، حالىقتىق كاسىپورىنداردىڭ اقاۋسىز دامۋىن قولداۋ كەرەك. اۋىل - قىستاقتاردى كوركەيتۋ ستراتەگياسىن اتقارىپ، ديقانداردىڭ كىرىسىن كوپ ارنالارمەن ارتتىرىپ، اۋىل - قىستاقتاردىڭ ءتۇرلى ىستەرىنىڭ جاپپاي دامۋىن ىلگەرىلەتۋ كەرەك. بەيجيڭ - تيانجين - حىبەيدىڭ سايكەستى دامۋىن، چاڭجياڭ ەكونوميكالىق بەلدەۋىنىڭ دامۋىن، «ءبىر بەلدەۋ، ءبىر جول» قۇرىلىسىندا جاڭا جەتىستىكتەرگە جەتۋدى ىلگەرىلەتىپ، گۋاڭدۇڭ - شياڭگاڭ - اۋمىن ۇلكەن شىعاناق رايونى قۇرىلىسىن ىلگەرىلەتۋ كەرەك. جوعارى دەڭگەيدە اشىق ۇستالعان شارۋاشىلىقتى دامىتىپ، سىرتقا قارجى قوسۋعا ءونىمدى جەتەكشىلىك ەتىپ جانە ونى قولداپ، ساۋدانىڭ جاڭا قالىبىن، جاڭا ۇلگىسىن جەتىلدىرىپ، جاپپاي ەسىك اشاتىن جاڭا جاعداي قالىپتاستىرۋدى جەبەۋ كەرەك. سوتسياليستىك مادەنيەتتىڭ كوركەيۋ - گۇلدەنۋىن جەبەپ، سوتسياليستىك وزەكتى قۇن كوزقاراسىن ىشكەرىلەي امالياتتان وتكىزىپ، جۇڭگوشا فيلوسوفيالىق، قوعامدىق عىلىمداردى تۇلعالاۋدى جەدەلدەتىپ، يدەيالىق ءمورال قۇرىلىسى مەن الەۋمەتتىك مادەنيەت قۇرىلىسىن كۇشەيتىپ، تۇتاس قوعامنىڭ مادەنيەت دەڭگەيىن جوعارىلاتۋ كەرەك. وقۋ - اعارتۋ ىستەرىن الدىمەن دامىتىپ، وقۋ - اعارتۋ رەفورماسىن تەرەڭدەتىپ، وقۋ - اعارتۋدىڭ وسىزاماندانۋىن جەدەلدەتىپ، حالىق رازى بولاتىن وقۋ - اعارتۋدى ويداعىداي جۇرگىزۋ كەرەك، حالىق تۇرمىسىنا ءتيىمدى ناقتى ىستەر ىستەۋدى ويداعىداي ۇستاپ، جۇمىستانۋ، كىرىس ءبولىسى، قوعامدىق قامتاماسىزداندىرۋ، ەمدەلۋ، دەنساۋلىق ساقتاۋ، تۇرعىن ءۇي، ازىق - تۇلىك حاۋىپسىزدىگى، قارتتاردى كۇتىمدەۋ قاتارلى جۇرتشىلىقتىڭ ءتۇبىرلى مۇددەسىنە ساياتىن ناقتى ماسەلەلەردى كۇش سالا شەشۋ كەرەك. ەلدى زاڭمەن باسقارۋ امالياتىن تەرەڭدەتىپ، جالپى حالىققا زاڭ جالپىلاستىرۋ تەبىنىن كۇشەيتىپ، زاڭمەن باسقاراتىن ۇكىمەت قۇرىلىسىن ىلگەرىلەتىپ، ءادىليا ادىلدىگىن جەبەپ، ينتەرنەتتى جان - جاقتى جونگە سالۋ جۇيەسىن ورناتىپ، قوعامدى جونگە سالۋدى كۇشەيتىپ جانە وندا جاڭالىق اشۋ كەرەك، رەفورمانى ۇزدىكسىز شىنايى جۇرگىزىپ، رەفورمانى جاپپاي تەرەڭدەتۋدىڭ ناقتى قيمىلىمەن رەفورمالاۋ مەن ەسىك اشۋدىڭ 40 جىلدىعىن قۇتتىقتاپ، رەفورمالاۋ، ەسىك اشۋدىڭ سارا جولىندا ۇزدىكسىز ەرلىكپەن العا باسۋ كەرەك.
ءماجىلىس كەزىندە مۇشەلەر ج ك پ ورتالىق كوميتەتىنىڭ پارتيا قۇرىلىسى قىزمەتىن كۇشەيتۋ جونىندە تياناقتى ۇسىنىستار بەرىپ، ج ك پ ورتالىق كوميتەتىنىڭ جاڭا ءداۋىر پارتيا قۇرىلىسى جونىندەگى ءتۇرلى ورنالاستىرۋلارىن ماقۇلداپ، پارتيانىڭ ساياسي قۇرىلىسىن باس باعدارناما ەتۋدى قورعاپ، پارتيانى جاپپاي قاتاڭ باسقارۋدىڭ ىشكەرىلەي دامۋىن جەبەپ، ستيلدى دۇرىستاپ، ءتارتىپتى قاتايتۋ قيمىلىن باياندى جۇرگىزىپ، پارتيانىڭ تاڭداۋلى ستيلى، ۇكىمەت ستيلى ارقىلى قوعامدىق، حالىقتىق سالت - ساناعا ءجون سىلتەۋ، جول كورسەتۋ، ءسوزسىز، تاماشا قوعامدىق سالتتى قالىپتاستىرادى دەپ كامىل سەندى.
ءماجىلىس مىنالاردى اتاپ كورسەتتى: بيىل ساياسي كەڭەس 13 - كەزەكتى كوميتەتىنىڭ مىندەت وتەۋىنىڭ بەتاشار جىلى. حالىق ساياسي كەڭەسى ج ك پ 19 - قۇرىلتايىنىڭ جانە پارتيا 19 - كەزەكتى ورتالىق كوميتەتىنىڭ ەكىنشى، ءۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ءتۇرلى قىزمەتتەردى مەڭگەرۋدىڭ باس باعدارناماسى ەتىپ، جۇڭگوشا سوتسياليزمگە تاباندى بولۋدى جانە ونى دامىتۋدى ورتاق يدەيالىق - ساياسي نەگىزدى بەكەمدەۋدىڭ باستى ءوسى ەتىپ، جاپپاي دوڭگەلەك داۋلەتتى قوعام قۇرىپ شىعۋ، جاڭا داۋىردە جۇڭگوشا سوتسياليزمنىڭ ۇلى جەڭىسىنە جەتۋ ءۇشىن اقىل - كەڭەس بەرۋگە كۇش شىعارۋدى قىزمەتتىڭ باستى ارقاۋى ەتىپ، «بەستى ءبىر تۇلعالاندىرۋ» جالپى ورنالاستىرۋى مەن «ءتورتتى جاپپاي ىلگەرىلەتۋ» ستراتەگيالىق ورنالاستىرۋىن وزەك ەتىپ، تاقىرىپتى دۇرىس تاڭداپ، تەكسەرىپ - زەرتتەۋدى تىڭعىلىقتى ورىستەتىپ، كەڭەسۋ، ۇكىمەت ىسىنە اقىل - كەڭەس بەرۋدى ارناعا ءتۇسىرۋدى تەرەڭدەتىپ، باقىلاۋدى كۇشەيتۋ ارقىلى تياناقتاندىرۋدى دەمەپ، وسى كەزەكتى ساياسي كەڭەستىڭ قىزمەتىندە ءساتتى قادام تاستاۋىنا، تاماشا باستاما باستاۋىنا كەپىلدىك ەتۋ كەرەك.
ءماجىلىس مىنالاردى باسا دارىپتەدى: حالىق ساياسي كەڭەسى سوتسياليستىك كەڭەستىك دەموكراتيانىڭ ماڭىزدى ارناسىندىق جانە ارناۋلى كەڭەس قۇرىلىمىندىق رولىن تولىق ساۋلەلەندىرىپ، كەڭەس دەموكراتياسىن ساياسي كەڭەسۋدىڭ، دەموكراتيالىق باقىلاۋدىڭ، ۇكىمەت ىسىنە ارالاسىپ، اقىل - كەڭەس بەرۋدىڭ تۇتاس بارىسىنا ءسىڭىرۋ كەرەك. جىلدىق كەڭەس جوسپارىن مۇقيات اتقارۋعا ۇيىمداستىرىپ، ۇكىمەت ىستەرىن اقىلداسۋ سيپاتىندىق تۇراقتى كوميتەت ءماجىلىسى، ارناۋلى تاقىرىپتىق كەڭەس ءماجىلىسى، قوس اپتالىق كەڭەس اڭگىمە ءماجىلىسى سياقتى فورمالاردى جان - جاقتىلى قولدانىپ، كەڭەس فورماسىنداعى باقىلاۋدىڭ وزىندىك ەرەكشەلىگىن، باسىمدىعىن ساۋلەلەندىرىپ، جۇمىستى كوپ اقىلداسىپ، جاقسى اقىلداسىپ، اقىلداسا ءبىلىپ، كەمەلدى كەڭەس دەموكراتياسى ءتۇزىمى ءتارتىبىن قالىپتاستىرۋعا جانە امالياتتان وتكىزۋگە قۇلشىنۋ كەرەك.
ءماجىلىس مىنالاردى باسا دارىپتەدى: جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ بارلىق جۇڭحۋا ۇلاندارىنىڭ تەگىس ىنتىماقتاسا كۇرەس جاساۋىن قاجەت ەتەدى. حالىق ساياسي كەڭەسى ءبىرىڭعايلىق پەن الۋان تۇرلىلىكتىڭ تۇتاستىعىن ساقتاپ، ەڭ ۇلكەن ورتاقتىققا ۇمتىلىپ، ەڭ ۇلكەن سەنترلەس شەڭبەردى سىزۋ كەرەك. دەموكراتيالىق پارتيا - توپتار مەن پارتيا - توپتاردا جوق قايراتكەرلەردىڭ ساياسي كەڭەس مىندەتىن وتەۋىنە تاماشا شارت - جاعداي جاراتىپ بەرىپ، پارتيادا جوق زيالىلاردىڭ، جالپىلىق مەنشىككە جاتپايتىن شارۋاشىلىقتاعى قايراتكەرلەردىڭ جانە جاڭا قوعامدىق جىكتەگى قايراتكەرلەردىڭ قىزمەتىن ويداعىداي ىستەۋ كەرەك. ۇلتتار ىنتىماعى، العاباسارلىعى تاربيەسىن تەرەڭدەتىپ، جۇڭحۋا ۇلتى ورتاق تۇلعا تانىمىن بەرىك ورناتىپ، ءارقايسى ۇلتتاردىڭ بارىس - كەلىس، اۋىس - كۇيىس جاساۋىن، ارالاس - قۇرالاس بولۋىن جەبەۋ كەرەك. ەلىمىزدەگى دىندەردىڭ جۇڭگوشالانۋ باعىتىنا تاباندى بولىپ، ءدىننىڭ سوتسياليستىك قوعامعا سايكەسۋىنە بەلسەنە جەتەكشىلىك ەتۋ كەرەك. «ءبىر ەل، ەكى ءتۇزىم» باعىتىنا تاباندى بولىپ، ءىستى نەگىزگى زاڭ جانە ءتۇبىرلى زاڭ بويىنشا قاتاڭ جۇرگىزىپ، شياڭگاڭ، اۋمىن ەرەكشە اكىمشىلىك رايون ۇكىمەتتەرىنىڭ جانە اكىمدەرىنىڭ زاڭ بويىنشا بيلىك جۇرگىزۋىن قولداپ، شياڭگاڭنىڭ، اۋمىننىڭ مەملەكەتتىڭ دامۋىنىڭ جالپى جاعدايىنا توعىسۋىنا قولداۋ بەرۋ كەرەك. ءبىر جۇڭگو پرينسيبىنەن اۋىتقىماي، «92 - جىلعى ورتاق تانىم» نەگىزىندە ەكى جاعالاۋ بايلانىسىنىڭ بەيبىت دامۋىن ىلگەرىلەتۋ، وتاندى بەيبىت جولمەن بىرلىككە كەلتىرۋدىڭ اياق الىسىن ىلگەرىلەتىپ، مەملەكەتتىڭ يەلىك ۇقىعى مەن تەرريتوريا تۇتاستىعىن باتىل قورعاپ، ءارقانداي فورماداعى «تايۋاندى تاۋەلسىزدەندىرۋ» بولشەكتەۋشى پيعىلدار مەن ارەكەتتەرگە مۇلدە جول بەرمەۋ كەرەك. شەتەلدەگى مۇھاجىر باۋىرلاستارمەن دوستىق بايلانىستى كۇشەيتىپ، مۇھاجىرلاردىڭ تىلەگىن، كۇش - قۋاتىن، اقىل - پاراساتىن كەڭىنەن توپتاپ، مۇھاجىرلاردىڭ مۇددەسىن قورعاۋ كەرەك. سىرتقا دوستىق بارىس - كەلىستى ورىستەتىپ، جاڭا تيپتەگى حالىقارالىق بايلانىستاردى ورناتۋدى ىلگەرىلەتىپ، ادامزاتتىڭ تاعدىرلاس ورتاق تۇلعاسىن قالىپتاستىرۋعا ۇلەس قوسۋدى ىلگەرىلەتۋ كەرەك.
ءماجىلىس بىلاي دەپ باسا دارىپتەدى: حالىق ساياسي كەڭەسى جاڭا ءداۋىردىڭ جاڭا مىندەتتەرىن كوزدە ۇستاي وتىرىپ، ساياسي كەڭەستى ءتۇسىنۋ، كەڭەسە ءبىلۋ، ۇكىمەت ىسىنە اقىل - كەڭەس بەرۋگە شەبەر بولۋ جانە تارتىپكە بويسۇنۋ، قاعيدانى دارىپتەۋ، مىنەز - قۇلىققا ءمان بەرۋ سىندى تالاپ بويىنشا، مۇشەلەر قوسىنى قۇرىلىسىن كۇشەيتىپ، ساياسي جاقتان مەڭگەرۋ، تەكسەرىپ - زەرتتەۋ، بۇقارامەن بايلانىس جاساۋ، سەلبەستىك جاساۋ قابىلەتىن كۇشەيتىپ، مىندەتىن وتەۋ قابىلەتىن جاپپاي جوعارىلاتۋ كەرەك. تەكسەرىپ - زەرتتەۋدى بارىنشا ءورىس الدىرىپ، نەگىزگى ساتىلارعا، بۇقاراعا ىشكەرىلەي ارالاسىپ، ماسەلەلەردىڭ ەگجەي - تەگجەيىن انىق ءبىلىپ، پىكىر - ۇسىنىستاردى ءدال شىنايى بەرۋ، ءسوزىنىڭ نەگىزى، شىندىققا ۇيلەسىمدى بولۋ، اسىرا سىلتەمەۋ، ناق سويلەۋدى ورىنداپ، كەيبىر تەكسەرۋ - زەرتتەۋلەردىڭ، ۇكىمەت ىسىنە اقىل - كەڭەس بەرۋ قيمىلدارىنىڭ بەتىندە قالقىپ، ناقتى جاعدايعا ءۇڭىلۋى جەتەرسىز بولۋ سەكىلدى فورماشىلدىق ماسەلەلەرىن شىنايى شەشۋ كەرەك. ارناۋلى كوميسسيالار قۇرىلىسىن، ورگان قۇرىلىسىن كۇشەيتۋ كەرەك. جەرگىلىكتى ساياسي كەڭەستەردىڭ قىزمەتىنە جەتەكشىلىك ەتۋدى كۇشەيتۋ كەرەك.
ءماجىلىس مىنانى ۇندەيدى: حالىق ساياسي كەڭەسىنىڭ ءار دارەجەلى ۇيىمدارىن، قاتىناسقان ورىندار مەن قالىڭ ساياسي كەڭەس مۇشەلەرىن شي جينپيڭ جولداستى ۇيتقى ەتكەن ج ك پ ورتالىق كوميتەتىنىڭ توڭىرەگىنە اناعۇرلىم تىعىز توپتاسىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ءبىر نيەت، ءبىر تىلەكتە بولا وتىرىپ تىڭعىلىقتى قىزمەت ىستەپ، جاپپاي دوڭگەلەك داۋلەتتى قوعام قۇرىپ شىعۋدىڭ شەشۋشى جەڭىسىنە جەتۋ، جاڭا ءداۋىر جۇڭگوشا سوتسياليزمنىڭ ۇلى جەڭىسىنە قول جەتكىزۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا كۇرەس جۇرگىزۋ كەرەك!
(شينحۋا اگەنتتىگىنىڭ 3 - ايدىڭ 15 - كۇنى بەيجيڭنەن بەرگەن حابارى)
