شينحۋا اگەنتتىگىنىڭ 3 - ايدىڭ 15 - كۇنى بەيجيڭنەن بەرگەن حابارى. مەملەكەتتىك 133 - كەزەكتى حالىق قۇرىلتايى 1 - ءماجىلىسىنىڭ ءتوراعالار القاسى 3 - ايدىڭ 15 - كۇنى تۇستەن كەيىن حالىق سارايىندا 55 - جيىنىن وتكىزدى. جيىن داۋىسقا سالۋ ارقىلى مەملەكەتتىك 13 - كەزەكتى حالىق قۇرىلتايى 1 - ءماجىلىسىنىڭ ۇكىمەت قىزمەتىنەن بايانداما، جوسپار بايانداماسى، مەجە ەسەپ بايانداماسى جونىندەگى قاۋلى جوباسى جانە باقىلاۋ - تەكسەرۋ زاڭى جوباسىنىڭ وزگەرىس ەنگىزىلگەن نۇسقاسى سياقتىلاردى ۋاكىلدەر ۇيىرمەلەرىنىڭ قاراۋىنا ۇسىنۋدى ۇيعاردى.
ءتوراعالار القاسىنىڭ تۇراقتى ءتوراعاسى لي جانشۋ جيىندى باسقاردى. جيىنعا قاتىناسۋعا ءتيىستى 190 ادام، 189 ادام جيىنعا قاتىناستى، ءبىر ادام قاتىناسا المادى، قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.
3 - ايدىڭ 5 - كۇنى تۇستەن كەيىن جانە 3 - ايدىڭ 6 - كۇنى تولىق ءبىر كۇن، ۋاكىلدەر ۇيىرمەلەرى ۇكىمەت قىزمەتىنەن باياندامانى مۇقيات قارادى. ۋاكىلدەر ءبىر اۋىزدان بىلاي دەپ ەسەپتەدى: ۇكىمەت قىزمەتىنەن بايانداما شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، پارتيا 19 - قۇرىلتايىنىڭ رۋحى مەن شەشىم - ورنالاستىرۋلارىن مۇقيات تياناقتاندىرىپ، قىزمەتتىڭ ورنىقتىلىق بارىسىندا ىلگەرىلەۋ سىندى جالپى ارناسىنا تاباندى بولىپ، جاڭا دامۋ ۇستانىمىن دايەكتىلەندىرىپ، حالىقتى وزەك ەتكەن دامۋ يدەياسىن ايگىلەگەن، ول − تۋدى بيىك ۇستاعان، شىندىققا جۇگىنىپ، ناقتى ءىس تىندىرعان، رەفورما جاساعان، جاڭالىق اشقان، زەيىن - زەردە، كۇش - قۋاتتى شوعىرلاندىرعان جاقسى بايانداما. ۋاكىلدەر باياندامانى قۇپتايتىندىقتارىن جاپپاي ءبىلدىردى. ۋاكىلدەر مەملەكەتتىك كەڭەستىڭ 5 جىلدان بەرگى قىزمەتىن تولىق تۇراقتاندىرىپ، بيىلعى قىزمەت ورنالاستىرۋلارىن جاپپاي قۇپتادى. باياندامانى قاراۋ بارىسىندا ۋاكىلدەر ءبىراز پىكىرلەر مەن ۇسىنىستاردى دا العا قويدى. مەملەكەتتىك كەڭەس ۋاكىلدەردىڭ قاراۋ پىكىرلەرىن مۇقيات زەرتتەپ، ۇكىمەت قىزمەتىنەن بايانداماعا اناعۇرلىم وزگەرىستەر ەنگىزىپ، جالپى 86 جەرىنە وزگەرىس ەنگىزدى. ءتوراعالار القاسىنىڭ تۇراقتى ءتوراعاسى ۋاكىلدەر ۇيىرمەلەرىنىڭ قاراۋ پىكىرى جانە مەملەكەتتىك كەڭەستىڭ ەنگىزگەن وزگەرىستەرى نەگىزىندە، ۇكىمەت قىزمەتىنەن باياندامانى بەكىتۋدى ۇسىندى ءارى ۇكىمەت قىزمەتىنەن بايانداما جونىندەگى قاۋلى جوبانى وكىلەتتى جازدى. جيىن داۋىسقا سالۋ ارقىلى مەملەكەتتىك 13 - كەزەكتى حالىق قۇرىلتايى 1 - ءماجىلىسىنىڭ ۇكىمەت قىزمەتىنەن بايانداما جونىندەگى قاۋلى جوبانى ۋاكىلدەر ۇيىرمەلەرىنىڭ قاراۋىنا ۇسىنۋدى ۇيعاردى.
مەملەكەتتىك حالىق قۇرىلتايى قازىنا - ەكونوميكا كوميتەتىنىڭ مەڭگەرۋشى مۇشەسى شۇي شاۋشى جيىنعا قازىنا - ەكونوميكا كوميتەتىنىڭ 2017 - جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ احۋالى جانە 2018 - جىلعى حالىق شارۋاشىلىعى مەن قوعامدىق دامۋ جوسپارى جوباسى جونىندەگى تەكسەرۋ ناتيجەسى بايانداماسىن جاسادى.
شۇي شاۋشى، سونداي - اق جيىنعا قازىنا - ەكونوميكا كوميتەتىنىڭ 2017 - جىلعى ورتالىق پەن جەرگىلىكتى ورىننىڭ مەجە ەسەبىنىڭ اتقارىلۋ احۋالى جانە 2018 - جىلعى ورتالىق پەن جەرگىلىكتى ورىننىڭ مەجە ەسەپ جوباسى جونىندەگى تەكسەرۋ ناتيجەسى بايانداماسىن جاسادى.
جيىن داۋىسقا سالۋ ارقىلى وسى ەكى تەكسەرۋ ناتيجەسى بايانداماسىن ماقۇلدادى.
3 - ايدىڭ 8 - كۇنى جانە 3 - ايدىڭ 9 - كۇنى ءتۇستىڭ الدىندا، ۋاكىلدەر ۇيىرمەلەرى جوسپار بايانداماسى مەن جوسپار جوباسىن، مەجە ەسەپ بايانداماسى مەن مەجە ەسەپ جوباسىن مۇقيات تەكسەردى. مەملەكەتتىك كەڭەس ۋاكىلدەردىڭ تەكسەرۋ پىكىرى نەگىزىندە، جەكە - جەكە 2 بايانداماعا مۇقيات وزگەرىس ەنگىزدى. ءتوراعالار القاسىنىڭ تۇراقتى ءتوراعاسى ۋاكىلدەر ۇيىرمەلەرىنىڭ تەكسەرۋ پىكىرى، مەملەكەتتىك كەڭەس جاساعان وزگەرىستەر جانە قازىنا - ەكونوميكا كوميتەتىنىڭ تەكسەرۋ ناتيجەسى بايانداماسى نەگىزىندە، جوسپار بايانداماسى مەن جوسپار جوباسىن، مەجە ەسەپ بايانداماسى مەن ورتالىقتىڭ مەجە ەسەپ جوباسىن بەكىتۋدى ۇسىندى ءارى جوسپار بايانداماسى مەن جوسپار جانە مەجە ەسەپ بايانداماسى مەن مەجە ەسەپ جونىندەگى 2 قاۋلى جوبانى وكىلەتتى جازدى. جيىن داۋىسقا سالۋ ارقىلى 2017 - جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ احۋالى جانە 2018 - جىلعى حالىق شارۋاشىلىعى مەن قوعامدىق دامۋ جوسپارى جونىندەگى قاۋلى جوبانى، 2017 - جىلعى ورتالىق پەن جەرگىلىكتى ورىننىڭ مەجە ەسەبىنىڭ اتقارىلۋ احۋالى جانە 2018 - جىلعى ورتالىق پەن جەرگىلىكتى ورىننىڭ مەجە ەسەبى جونىندەگى قاۋلى جوبانى ۋاكىلدەر ۇيىرمەلەرىنىڭ قاراۋىنا ۇسىنۋدى ۇيعاردى.
3 - ايدىڭ 13 - كۇنى تۇستەن كەيىن جانە 3 - ايدىڭ 14 - كۇنى تۇستەن بۇرىن ۋاكىلدەر ۇيىرمەلەرى باقىلاۋ - تەكسەرۋ زاڭى جوباسىن مۇقيات قارادى. مەملەكەتتىك حالىق قۇرىلتايىنىڭ نەگىزگى زاڭ جانە زاڭدار كوميتەتى ۋاكىلدەر ۇيىرمەلەرىنىڭ قاراۋ پىكىرى نەگىزىندە، باقىلاۋ - تەكسەرۋ زاڭى جوباسىن قاراپ، وزگەرىس ەنگىزۋ نۇسقاسىن العا قويدى. ءتوراعالار القاسى جيىنى نەگىزگى زاڭ مەن زاڭدار كوميتەتىنىڭ مەڭگەرۋشىسى لي في جاساعان نەگىزگى زاڭ مەن زاڭدار كوميتەتىنىڭ باقىلاۋ - تەكسەرۋ زاڭى جوباسىن قاراۋ ناتيجەسى جونىندەگى باياندامانى تىڭدادى. جيىن داۋىسقا سالۋ ارقىلى، باقىلاۋ - تەكسەرۋ زاڭى جوباسىنىڭ وزگەرىس ەنگىزۋ نۇسقاسىن ۋاكىلدەر ۇيىرمەلەرىنىڭ قاراۋىنا ۇسىنۋدى ۇيعاردى.
3 - ايدىڭ 14 - كۇنى تۇستەن كەيىن، ۋاكىلدەر ۇيىرمەلەرى مەملەكەتتىك كەڭەس قۇرىلىمدارىنا رەفورما جاساۋ جوباسىن مۇقيات قارادى. ۋاكىلدەر مەملەكەتتىك كەڭەس قۇرىلىمدارىنا رەفورما جاساۋ جوباسىن قۇپتايتىندىقتارىن ءبىلدىرىستى. كوپشىلىك بىلاي دەپ ەسەپتەدى: جوبادا پارتيا 19 - قۇرىلتايى مەن پارتيا 19 - كەزەكتى ورتالىق كوميتەتى ءۇشىنشى جالپى ءماجىلىسىنىڭ اكىمشىلىك ءتۇزىلىس رەفورماسىن تەرەڭدەتۋ جونىندەگى رۋحى دايەكتىلەندىرىلگەن، بەلسەندى دە سالماقتى، ناقتى ءارى جارامدى. ۋاكىلدەر ۇيىرمەلەرى بۇل جوبانى ءبىر اۋىزدان قۇپتادى. ءتوراعالار القاسى جيىنى داۋىسقا سالۋ ارقىلى، ءماجىلىستىڭ مەملەكەتتىك كەڭەس قۇرىلىمدارىنا رەفورما جاساۋ جوباسى جونىندەگى قارار جوبانى ۋاكىلدەر ۇيىرمەلەرىنىڭ قاراۋىنا ۇسىنۋدى ۇيعاردى.
جيىن داۋىسقا سالۋ ارقىلى، مەملەكەتتىك 13 - كەزەكتى حالىق قۇرىلتايى 1 - ءماجىلىسىنىڭ سايلاۋ جانە مىندەتكە تاعايىنداۋدى ۇيعارۋ ءادىسى جوباسىن ۋاكىلدەر ۇيىرمەلەرىنىڭ قاراۋىنا ۇسىنۋدى ۇيعاردى.
جيىن داۋىسقا سالۋ ارقىلى، مەملەكەتتىك 13 - كەزەكتى حالىق قۇرىلتايى 1 - ءماجىلىسى ءتوراعالار القاسىنىڭ نەگىزگى زاڭعا سەرت بەرۋ جونىندەگى ۇيىمدىق ءادىسىن ماقۇلدادى.
ج ك پ ورتالىق كوميتەتىنىڭ تاپسىرۋىمەن، ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ شۋجيى، مەملەكەتتىك 13 - كەزەكتى حالىق قۇرىلتايى 1 - ءماجىلىسى ءتوراعالار القاسىنىڭ تۇراقتى ءتوراعاسى چىن شي ج ك پ ورتالىق كوميتەتىنىڭ مەملەكەتتىك 13 - كەزەكتى حالىق قۇرىلتايى 1 - ءماجىلىسىنىڭ ءتوراعالار القاسىنا كورسەتكەن جاڭا كەزەكتى مەملەكەت قۇرىلىمدارى قۇرامىنداعىلارىنىڭ كانديداتتارىنىڭ ەسىمدىگى جونىندە تۇسىنىك جاسادى.
چىن شي بىلاي دەدى: جاڭا كەزەكتى مەملەكەت قۇرىلىمدارىنىڭ قۇرامىنداعىلاردى، اسىرەسە، مەملەكەت قۇرىلىمدارىنىڭ باسشىلارىن سايلاۋ جانە مىندەتكە تاعايىنداۋدى ۇيعارۋ − وسى جولعى ءماجىلىستىڭ باستى مىندەتتەرىنىڭ ءبىرى ءارى جالپى جاعدايعا ساياتىن ءىرى ءىس. باس شۋجي شي جينپيڭ مەن ج ك پ ورتالىق كوميتەتى جاڭا كەزەكتى مەملەكەت قۇرىلىمدارىنىڭ قۇرامىنداعىلاردىڭ، اسىرەسە، مەملەكەت قۇرىلىمدارى باسشىلارىنىڭ كانديداتتارىن كورسەتۋگە بارىنشا ءمان بەردى. ج ك پ 19 - قۇرىلتايىنداعى كادرلار ورنالاستىرۋىن اقىلداسقاندا، مۇنى ءبىر تۇتاس ويلاستىردى. ج ك پ 19 - كەزەكتى ورتالىق كوميتەتىنىڭ باسشىلىق قۇرىلىمدارىنىڭ كانديداتتارىمەن جەكە - جەكە اڭگىمەلەسىپ تەكسەرۋ - زەرتتەۋ جۇرگىزۋمەن قاتار، جاڭا كەزەكتى مەملەكەت قۇرىلىمدارى باسشىلارىنىڭ قاتىستى كانديداتتارى جونىندە دە ولكە، مينيسترلىك دارەجەلىدەن جوعارى، ارميانىڭ سوعىستىق رايون قىزمەتىنەن جوعارى نەگىزگى پارتيالى جاۋاپتى جولداستاردىڭ جانە ج ك پ 18 - كەزەكتى ورتالىق كوميتەتىنىڭ باسقا دا مۇشەلەرىنىڭ كورسەتۋ پىكىرلەرىن، قاتىستى ۇسىنىستارىن بەتپە - بەت تىڭدادى. ج ك پ ورتالىق كوميتەتى بىلاي دەپ ەسەپتەدى: جاڭا كەزەكتى مەملەكەت قۇرىلىمدارى باسشىلارىنىڭ كانديداتتارىن جارىققا شىعارۋدا، ماركسيزم - لەنينيزمدى، ماۋ زىدۇڭ يدەياسىن، دىڭ شياۋپيڭ نازارياسىن، «ۇشكە ۋاكىلدىك ەتۋ» ماڭىزدى يدەياسىن، عىلمي دامۋ كوزقاراسىن، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، «بەستى ءبىر تۇلعالاندىرۋ» جالپىلىق ورنالاستىرۋىن ءبىر تۇتاس ىلگەرىلەتۋگە جانە «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتۋگە نازار اۋدارۋ، جۇڭگوشا سوتسياليزم ءتۇزىمىن كەمەلدەندىرۋ مەن دامىتۋعا، مەملەكەتتىڭ جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن ىلگەرىلەتۋگە نازار اۋدارۋ، مەملەكەتتىك حالىق قۇرىلتايىنىڭ قىزمەتىن كۇشەيتىپ، ءار تاراپتاعى كۇشتەردى ىنتىماقتاستىرىپ، ۇيىستىرۋعا نازار اۋدارۋ كەرەك؛ كادرلاردى پارتيا باسقارۋ پرينسيبىنە تاباندى بولۋ، ءمورالدى دا قابىلەتتى بولۋعا، ءمورالدى الدىڭعى ورىنعا قويۋعا تاباندى بولۋ، توڭىرەكتىڭ ءتورت بۇرىشىنان بولۋعا، جارامدىلاردى قىزمەتكە قويۋعا تاباندى بولۋ، ءىستى ماڭداي الدى ورىنعا قويۋعا، ءادىل، تۋراشىل بولۋعا تاباندى بولۋ، كانديدات تاڭداۋداعى ساياسي وتكەلدى، پاكتىك وتكەلىن، وبراز وتكەلىن مىقتى يگەرۋ كەرەك؛ مەملەكەتتىڭ جوعارى جىكتەگى باسشىلارىنداعى جاڭا مەن كونەنىڭ ورىن اۋىسۋىن بەلسەندى، ورنىقتى تۇردە ىلگەرىلەتۋ، جاڭا كانديداتتى العا قويعاندا، باستىسى، سول ادامنىڭ ساپاسى مەن شارتىن ويلاستىرۋ، كانديداتتىڭ ءمورالدىق، دارىندىق ساپاسىنا، قابىلەتىنە جانە تەگىننەن بەرگى بەينەسىنە قاراۋ ءارى كانديداتتىڭ ستاجىنا، كەشىرمەسىنە جانە ۋاكىلدىك سيپاتىنا قاراۋ، سونىمەن قاتار قىزمەت قاجەتى مەن قۇرىلىمدىق تالاپتى ويلاستىرۋ كەرەك، كانديداتتار اراسىندا ءار جاقتاعى باسشى تىرەكتىلەر بولۋى ءارى ارنايى جاقتاعى ۋاكىلدىك تۇلعالار بولۋى، سونداي - اق ءتيىستى ايەل جولداستار مەن از ۇلت جولداستار دا بولۋى كەرەك.
چىن شي بىلاي دەدى: ج ك پ ورتالىق كوميتەتى اتالعان پرينسيپ بويىنشا، قىزمەت پەن القا قۇرىلىمىنىڭ قاجەتىنە، سونداي - اق ءىشىنارا سويلەسۋلەرگە، تەكسەرۋ - زەرتتەۋلەرگە، پىكىر الۋلارعا، ۇيىم يەلەگەن جاعدايلارعا نەگىزدەلىپ، قايتا - قايتا سالىستىرىپ تاڭداۋ، ءبىر تۇتاس ويلاستىرۋ، قايتا - قايتا اقىلداسۋ، كوپ رەت پىكىرلەسۋ، تولىق پىكىر الۋ، ءار جاقتى تولىق قامتۋ ارقىلى، جاڭا كەزەكتى مەملەكەتتىك قۇرىلىمدار باسشىلارىنىڭ كانديداتتارىنىڭ ەسىمدىگىن ءبىر تۇتاس ورتاعا قويدى. جۇڭگو كوممۋنيستىك پارتياسىنىڭ مۇشەسى ەمەس كانديداتتار جونىندە، جەكە - جەكە ج ك پ ورتالىق كوميتەتى بىرلىكساپ ءبولىمىنىڭ جانە دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارىنىڭ پىكىرىن تىڭدادى. جاڭادان ۇسىنىلاتىن كانديداتتار جونىندە، جۇڭگو كوممۋنيستىك پارتياسى كانديداتتارىنا 19 - كەزەكتى «ەكى كوميتەتتىڭ» تەكسەرۋىمەن جانە ولكە دارەجەلى باسشىلىق القانىڭ كەزەك اۋىستىرۋىمەن بىرلەستىرىپ تەكسەرۋ جۇرگىزدى، جۇڭگو كوممۋنيستىك پارتياسىنا مۇشە ەمەس كانديداتتارعا دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ كەزەك اۋىستىرىپ سايلاۋداعى تەكسەرۋى نەگىزىندە تاعى دا ارنايى تەكسەرۋ جۇرگىزدى، كەيبىرەۋلەرى جونىندە لايىقتى تاسىلمەن بەلگىلى كولەمدە پىكىر تىڭدادى، سونىمەن بىرگە پارتيا ستيلى، پاكتىك جاعدايى جونىندە ج ك پ ورتالىق ءتارتىپ تەكسەرۋ كوميتەتىنىڭ (باقىلاۋ - تەكسەرۋ مينيسترلىگى) پىكىرىن تىڭدادى. ج ك پ ورتالىق كوميتەتى ساياسي بيۋروسى تۇراقتى كوميتەتىنىڭ جيىنىندا جانە ورتالىق كوميتەت ساياسي بيۋروسىنىڭ جيىنىندا تالقىلاۋ ارقىلى، جاڭا كەزەكتى مەملەكەتتىك قۇرىلىمدار باسشىلارىنىڭ كانديداتتارىنىڭ، ت.ب ۇسىنىستىق ەسىمدىگى ورتاعا قويىلدى. 2 - ايدىڭ 28 - كۇنى ج ك پ ورتالىق كوميتەتى دەموكراتيالىق كەڭەس ءماجىلىسىن اشىپ، كانديداتتاردىڭ ۇسىنىستىق ەسىمدىگى جونىندە دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارىمەن جانە پارتيادا، توپتا جوق قايراتكەرلەردىڭ ۋاكىلدەرىمەن كەڭەس وتكىزدى. ج ك پ 19 - كەزەكتى ورتالىق كوميتەتىنىڭ ءۇشىنشى جالپى ءماجىلىسى كانديداتتاردىڭ ۇسىنىستىق ەسىمدىگىن قاراپ، ماقۇلدادى. ءماجىلىس ءتوراعالار القاسىنىڭ قاراۋىنا ۇسىنىلعان مەملەكەتتىك 13 - كەزەكتى حالىق قۇرىلتايى تۇراقتى كوميتەتى مۇشەلەرى كانديداتتارىنىڭ ۇسىنىستىق ەسىمدىگى مەملەكەتتىك حالىق قۇرىلتايى تۇراقتى كوميتەتىنىڭ قىزمەت قاجەتى مەن قۇرىلىمدىق تالابىنا ساي، جەر - جەردىڭ، تاراۋلاردىڭ جانە دەموكراتيالىق پارتيا - توپتاردىڭ، مەملەكەتتىك ساۋدا - ونەركاسىپشىلەر بىرلەستىگىنىڭ، سونداي - اق باسقا دا قاتىستى جاقتاردىڭ كورسەتۋى نەگىزىندە، پارتيا ءىشى - سىرتىندا قايتا - قايتا اقىلداسۋ، كەڭەسۋ ارقىلى، ج ك پ ورتالىق كوميتەتى ساياسي بيۋروسى تۇراقتى كوميتەتىنىڭ جيىنىندا جانە ورتالىق كوميتەت ساياسي بيۋروسىنىڭ جيىنىندا اقىلداسىلىپ، ورتاعا قويىلدى. مەملەكەتتىك كەڭەستىڭ باس حاتشىسى، مينيسترلىكتەردىڭ مينيسترلەرى، كوميتەتتەردىڭ مەڭگەرۋشىلەرى، جۇڭگو حالىق بانكەسىنىڭ باستىعى، باس قازىنالىق باقىلاۋشى كانديداتتارىنىڭ ۇسىنىستىق ەسىمدىگى تەكسەرۋ جانە ءار جاقتىڭ پىكىرىن تىڭداۋ نەگىزىندە، ج ك پ ورتالىق كوميتەتى ساياسي بيۋروسى تۇراقتى كوميتەتىنىڭ جيىنىندا جانە ورتالىق كوميتەت ساياسي بيۋروسىنىڭ جيىنىندا اقىلداسىلىپ، ورتاعا قويىلدى.
چىن شي بىلاي دەدى: مەملەكەتتىك حالىق قۇرىلتايىنىڭ بۇل رەتكى كەزەك اۋىستىرۋىندا، كەيبىر جولداستار جاسىنىڭ ۇلعايۋى نەمەسە قىزمەتىنىڭ اۋىسۋى سياقتى سەبەپتەرمەن، قايتالاي كورسەتىلمەدى. ۇزاق ۋاقىتتان بەرى، ولار پارتيا مەن مەملەكەت ىستەرىنىڭ دامۋى ءۇشىن تەر توگىپ، قىزمەت ەتىپ، رەفورما جاساۋ، ەسىك اشۋ جانە سوتسياليستىك وسىزامانداندىرۋ قۇرىلىسى ءۇشىن باعالى ۇلەس قوستى، بۇل رەت تاعى ناقتى ارەكەتتەرىمەن مەملەكەتتىك قۇرىلىمدار قۇرامىنداعىلاردا جاڭا مەن كونەنىڭ ورىن اۋىسۋى ءۇشىن تىڭ ۇلەس قوستى. ءبىز ولارعا وسكەلەڭ قۇرمەت بىلدىرەمىز!
ءتوراعالار القاسىنىڭ جيىنى داۋىسقا سالۋ ارقىلى، جۇڭحۋا حالىق رەسپۋبليكاسى ءتوراعاسىنىڭ كانديداتىن، جۇڭحۋا حالىق رەسپۋبليكاسى ورتالىق اسكەري ىستەر كوميتەتى ءتوراعاسىنىڭ كانديداتىن، مەملەكەتتىك 13 - كەزەكتى حالىق قۇرىلتايى تۇراقتى كوميتەتى باستىعىنىڭ، ورىنباسار باستىقتارىنىڭ، باس حاتشىسىنىڭ كانديداتتارىن، جۇڭحۋا حالىق رەسپۋبليكاسىنىڭ ورىنباسار ءتوراعاسىنىڭ كانديداتىن ءتوراعالار القاسى اتىنان كورسەتىپ، ۋاكىلدەر ۇيىرمەلەرىنىڭ اقىلداسۋىنا، كەڭەسۋىنە تاپسىردى.
ءتوراعالار القاسىنىڭ تۇراقتى ءتوراعالارى ۋاڭ چىن، ساۋ جيانميڭ، جاڭ چۇنشيان، شىن يۋەيۋە، جي بيڭشۋان، ەركىن يمىرباقى، ۋان ىشياڭ، چىن جۋ جيىنعا قاتىناستى.
