شينحۋا اگەنتتىگىنىڭ 3 - ايدىڭ 16 - كۇنى بەيجيڭنەن بەرگەن حابارى. ورتالىق اسكەري ىستەر كوميتەتىنىڭ بەكىتۋىمەن ورتالىق اسكەري ىستەر كوميتەتى كەڭسەسى جۋىقتا «بۇكىل ارميادا <توڭكەرىستىك گەندى جالعاستىرىپ، ارميانى قۇدىرەتتەندىرۋ كەلەلى مىندەتىن ارقالايىق> تاقىرىپتىق تاربيەسىن قانات جايدىرۋ جونىندەگى پىكىردى» باسىپ تاراتتى.
«پىكىردە» مىنالار اتاپ كورسەتىلدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى، دايەكتىلەندىرۋدى وزەكتى مازمۇن جانە ءتۇبىرلى مىندەت ەتىپ، ءتۇسىنۋ، يگەرۋ، ناقتىلاندىرۋ تالابىن دايەكتىلەندىرىپ، ۇيرەنۋ - تاربيەسىن مۇقيات ۇيىمداستىرىپ، پراكتيكالىق قيمىلداردى ورىستەتىپ، تەكسەرۋ - قۋزاۋدى كۇشەيتىپ، ءتالىم - تاربيەنىڭ رۋحى مەن ارقاۋىن شىنايى شيراتىپ، يدەيالىق تۋدى بيىك ۇستاۋ، جاڭا داۋىردەگى جاڭا ادامداردى تاربيەلەۋ جاعىندا تياناقتى جەتىستىككە جەتۋ كەرەك. شي جينپيڭنىڭ ارميانى قۇدىرەتتەندىرۋ يدەياسىن كورنەكتىلەندىرىپ، ونىڭ مەملەكەت قورعانىسى جانە ارميا قۇرىلىسىنداعى جەتەكشى ورنىن مىعىم ورناتىپ، مەملەكەت قورعانىسىنىڭ جانە ارميانىڭ وسىزاماندانۋىن جاپپاي ىلگەرىلەتۋ ستراتەگيالىق ورنالاستىرۋىن ۇيرەنىپ جانە دايەكتىلەندىرىپ، ارميانى قۇدىرەتتەندىرۋ ىستەرىنە ات سالىسۋ ساياسي سانالىلىعى مەن ارەكەت سانالىلىعىن كۇشەيتۋ كەرەك.
«پىكىردە» مىنالار باسا دارىپتەلدى: جاڭا جاعداي مەن مىندەتتەردىڭ تالابىمەن تىعىز ۇشتاستىرىپ، ارميامىزدىڭ سيپاتىن، باستى ماقساتىن، قاسيەتىن ماڭگى ساقتاۋعا، جاڭا داۋىردەگى ارميانىڭ بورىشى مەن مىندەتتەرىن ءونىمدى اتقارۋعا ساياتىن ءتۇبىرلى، جالپىلىق ماسەلەلەردى يگەرىپ، كوماندير - جاۋىنگەرلەر كوڭىل ءبولىپ وتىرعان ماڭىزدى نازاريالىق جانە امالي ماسەلەلەردى يگەرىپ، سوعىسقا دايىندالۋ مەن سوعىس جۇرگىزۋگە نازار اۋدارىپ، ارناۋلى تاقىرىپ بەلگىلەپ، باعىتتامالى ءتالىم - تاربيەنى جانە يدەيالىق جەتەكشىلىكتى كۇشەيتۋ كەرەك.
«پىكىردە» مىنالار باسا دارىپتەلدى: اناعۇرلىم جوعارى ولشەم، اناعۇرلىم قاتاڭ تالاپپەن پارتيالى كادرلاردىڭ، اسىرەسە، پولكتەن جوعارى باسشى كادرلاردىڭ ۇيرەنۋ - تاربيەسىن مىقتى يگەرىپ، ۇيىمدىق تۇرمىس ءتۇزىمىن قاتايتىپ، پارتيا مۇشەلەرى قوسىنىندا ورىن تەپكەن يدەيانىڭ كىرشىكسىز بولماۋى، ۇيىمنىڭ كىرشىكسىز بولماۋى، ستيلدىڭ كىرشىكسىز بولماۋى سياقتى كورنەكتى ماسەلەلەردى قاتاڭ تەكسەرىپ، تۇزەتىپ، فورماشىلدىق پەن تورەشىلدىكتى كۇش سالا تۇزەتىپ، گو بوشيۇڭ، شۇي سايحوۋ ۋلى مەرەزىنىڭ ىقپالىن جاپپاي، تۇبەگەيلى تازارتۋ كەرەك. پارتيانىڭ بەلسەندى، اقاۋسىز ىشكى ساياسي مادەنيەتىن قالىپتاستىرىپ، «تورتتە تولىمدى» پارتيا مۇشەسى بولۋعا تالپىنۋدىڭ جاڭا سالتىن ورناتۋ كەرەك. پارتيا قۇرىلىسى ارقىلى وداق قۇرىلىسىن جەتەكتەۋگە تاباندى بولىپ، قالىڭ كومسومول جاستاردى جاستىق ارمانعا قۇلاش جايىپ، ارميانى قۇدىرەتتەندىرۋدىڭ كەلەلى مىندەتىن جۇرەكتىلىكپەن ارقالاۋعا تاربيەلەۋ، جەتەكتەۋ كەرەك.
«پىكىردە» مىنالار تالاپ ەتىلدى: ءار دارەجەلى ورىندا تاقىرىپتىق تاربيەنى كورنەكتى ورىنعا قويىپ، باسشىلىق ەتۋ جانە ءبىر تۇتاس سايكەستىرۋ پارمەنىن كۇشەيتىپ، مۇقيات جوسپارلاپ، جوبالاپ، ناقتى جەتەكشىلىكتى كۇشەيتىپ، قاتاڭدىق پەن ناقتىلىق تالابىن ۇيرەتۋ، ۇيرەنۋ، ىستەۋدىڭ بارلىق بۋىنىمەن ساباقتاستىرىپ، يدەيالىق تەكسەرۋدى قاتاڭ يگەرىپ، باسشىلار باستاماشى بولۋعا تاباندى بولىپ، ءتالىم - تاربيەنىڭ تاسىلدەرى مەن ادىستەرىن جاقسارتىپ، جاڭالاپ، تاربيەدە جاڭا سالت، جاڭا بەينە جارىققا شىعۋىن ىلگەرىلەتۋ كەرەك. قاتاڭ تەكسەرىپ، قۋزاپ، تاربيەنىڭ تىڭعىلىقتى تياناقتانۋىنا كەپىلدىك ەتۋ كەرەك.
