− باس شۋجي شي جينپيڭنىڭ 2018 - جىلعى ەكى ماجىلىسكە قاتىناسقان حالىق قۇرىلتايى ۋاكىلدەرىمەن، ساياسي كەڭەس مۇشەلەرىمەن مەملەكەت ءىسىن بىرگە اقىلداسقاندىعى تۋرالى
شينحۋا اگەنتتىگىنىڭ تىلشىلەرى حو شياۋگۋاڭ، جاڭ شۇيدۇڭ، جۋ جيچاي
2018 - جىلعى كوكتەمدە وتكەن سالتاناتتى جينالىس جاڭا ءداۋىردىڭ بوياۋى قانىق كوركەم تۋىندىسىن جازدى.
پارتيانىڭ قۋاتتاماسى، حالىقتىڭ ءۇنى، مەملەكەتتىڭ ەركى تاريحتىڭ جاڭا باستاماسىندا توعىسىپ، تەلەگەي تەڭىز جەڭىمپاز كۇشكە اينالدى.
تاياۋ كۇننەن بەرى، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ مەملەكەتتىك 13 - كەزەكتى حالىق قۇرىلتايىنىڭ 1 - ماجىلىسىنە قاتىناسىپ جاتقان ىشكى موڭعۇل، گۋاڭدۇڭ، شاندۇڭ، چۇڭچيڭ، ازاتتىق ارميا مەن قارۋلى ساقشى بولىمدەرى ۋاكىلدەر ۇيىرمەسىنىڭ تالقىسىنا قاتىناسىپ، ساياسي كەڭەس مەملەكەتتىك 13 - كەزەكتى كوميتەتىنىڭ 1 - ماجىلىسىنە قاتىناسقان جۇڭگو دەموكراتيالىق وداعى، جۇڭگو ادىلەت پارتياسى، پارتيادا، توپتا جوق قايراتكەرلەر، مۇھاجىرلار سالاسىنداعى مۇشەلەرگە امانداسىپ ءارى بىرىككەن گرۋپپا جيىنىنا قاتىناسىپ، ۋاكىلدەرمەن، مۇشەلەرمەن شۇيىركەلەسە اڭگىمەلەسىپ، اقتارىلا پىكىر اۋىسىپ، مەملەكەت ءىسىن بىرگە اقىلداسىپ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋ جونىندە تاعى ءبىر مارتە ۇندەۋ تاستادى.
جاڭا ءداۋىر، جاڭا بورىش −«باقىت كۇرەستەن كەلەدى»
3 - ايدىڭ 5 - كۇنى تۇستەن كەيىن ىشكى موڭعۇل ۋاكىلدەر ۇيىرمەسى حالىق سارايىنا ەرتە جينالدى، ۋاكىلدەردىڭ قۋانىشىندا شەك جوق.
باس شۋجي شي جينپيڭ جيىن زالىنا كىرگەندە، زالدان دۋ قول شاپالاق ءۇنى كوتەرىلدى. موڭعۇل ۋاكىل نارىن تۇيا باس شۋجيگە كوك ءتۇستى حادا ۇسىندى ءارى داعۇر ۋاكىل سو شۋحۇي، حانزۋ ۋاكىل ۋاڭ شينحۇيمەن بىرگە باس شۋجيگە سالەمدەستى.
«سىزگە ىزگى تىلەك تىلەيمىز!». ساحارا ۇلاندارىنىڭ باس شۋجيگە دەگەن جۇرەكجاردى تىلەگى قاراپايىم سوزبەن ءورىلدى.
«يۋانشياۋ مەرەكەسى ەندى عانا ءوتتى، ەسكىشە ەسەپ بويىنشا 1 - اي ءالى اياقتاعان جوق، كوكتەم مەرەكەسىنىڭ دۋمانى ءالى باسىلمادى. ۋاكىلدەردىڭ جانە ىشكى موڭعۇلداعى كادر - جۇرتشىلىقتىڭ كوكتەم مەرەكەسىنە كوڭىلدىلىك تىلەيمىن، 25 ميلليوننان استام ساحارا ۇلاندارىنىڭ قۇتپان جىلىندا تۇرمىستارىنىڭ باقىتتى، ىستەرىنىڭ ىلگەرى بولۋىن تىلەيمىن». باس شۋجي شي جينپيڭ العاشقى لەبىزىمەن - اق جۇرت كوڭىلىنە جىلى شۋاق سەپتى.
شىن سۇيىسپەنشىلىك بولماشى ىستەردەن ايگىلەنەدى. ءبىر اي بۇرىن، 1 - ايدىڭ 30 - كۇنى باس شۋجي شي جينپيڭ ىشكى موڭعۇل اۆتونوميالى رايوندىق 13 - كەزەكتى حالىق قۇرىلتايىنىڭ 1 - ماجىلىسىندە مەملەكەتتىك 13 - كەزەكتى حالىق قۇرىلتايىنىڭ ۋاكىلى بولىپ تولىق داۋىسپەن سايلانعان بولاتىن.
«مەملەكەتتىك 13 - كەزەكتى حالىق قۇرىلتايىنىڭ ۋاكىلدەرىن سايلاۋ كەزىندە، پارتيا ورتالىق كوميتەتى ورتالىقتاعى باسشى جولداستاردىڭ بايىرعى، از ۇلت، شەكارا، كەدەي وڭىرلەردە سايلاۋعا قاتىناسۋىن العا قويدى. مەن ىشكى موڭعۇل اۆتونوميالى رايونىندا سايلاۋعا قاتىناسۋدى تاڭدادىم، بۇل پارتيا ورتالىق كوميتەتىنىڭ ۇلتتىق، شەكارا وڭىرلەرگە ءمان بەرەتىنىن كورسەتەدى، پارتيا ورتالىق كوميتەتىنىڭ دامۋى كەنجە وڭىرلەردىڭ دامۋىن جەدەلدەتىپ، كەدەيلىكتەن قۇتىلدىرۋدان قامال الۋ شايقاسىنىڭ جەڭىسىنە جەتۋگە بەل بايلاعانىن ايگىلەيدى». باس شۋجي شي جينپيڭ ۋاكىلدەرگە جۇرەك ءسوزىن ايتتى.
جاڭا ءداۋىر باستالىپ، جاڭا جورىققا قادام تاستالدى.
پارتيانىڭ 19 - قۇرىلتايىندا جاڭا داۋىردە جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ ايبىندى جوباسى جاسالدى.
2018 - جىلدان 2020 - جىلعا دەيىن تاريحتىڭ ءتۇيىلىس كەزەڭى، جاپپاي دوڭگەلەك داۋلەتتى قوعام قۇرۋدىڭ كەرى شەگەرىپ ساناۋ ۋاقىتى!
وتكەن 5 جىلدا 68 ميلليوننان استام ادام كەدەيلىكتەن قۇتىلدى، جۇڭگو ادامزاتتىڭ كەدەيلىكتى ازايتۋ تاريحىنداعى كەرەمەتتى جاراتتى.
«2020 - جىلى كەدەيلىكتەن قۇتىلدىرۋدان قامال الۋ شايقاسىنىڭ شەشۋشى جەڭىسىنە جەتۋ ءۇشىن، الداعى 3 جىلدا 30 ميلليوننان اسا ادامدى كەدەيلىكتەن قۇتىلدىرۋعا تۋرا كەلەدى، بۇل كەدەيلەردىڭ كوپشىلىگى كەدەيدىڭ كەدەيى، مۇقتاجدىڭ مۇقتاجى، قامالدىڭ قامالى، سوندىقتان مىندەت وتە اۋىر، كۇش - قايراتتى ەڭ كوپ تالاپ ەتەتىن، ەڭ شەشۋشى كەزەڭ باستالدى»، - دەدى باس شۋجي شي جينپيڭ.
3 - ايدىڭ 4 - كۇنى تۇستەن كەيىن باس شۋجي شي جينپيڭ ساياسي كەڭەستىڭ بىرىككەن گرۋپپالار جيىنىنا قاتىناسقاندا وسى «تومەنگى شەكتەگى مىندەتتى» تىلگە الدى.
ۋادەنى، ءسوزسىز، ورىنداۋ، كەدەيلىكتەن، قالايدا، ۋاعىندا قۇتىلدىرۋ قاجەت.
پارتيانىڭ 18 - قۇرىلتايىنان بەرى، كەدەيلىكتەن دالمە - ءدال قۇتىلدىرۋ باس شۋجي شي جينپيڭ ەڭ كوپ كوڭىل بولگەن، زەيىن - زەردەسىن ەڭ كوپ جۇمساعان قىزمەتتەردىڭ ءبىرى بولىپ كەلەدى.
2013 - جىلدان قازىرگە دەيىن جىل سايىنعى مەملەكەتتىك ەكى ماجىلىستە باس شۋجي ۋاكىلدەر ۇيىرمەلەرى مەن بىرىككەن گرۋپپالاردىڭ تالقىسىنا قاتىناسقان ورايدا، ۋاكىلدەرمەن، مۇشەلەرمەن بىرگە كەدەيلىكتەن قۇتىلدىرۋدان قامال الۋدىڭ ۇلى جوسپارىن اقىلداسىپ كەلەدى.
«كەدەيلىكتەن قۇتىلدىرۋدان قامال الۋدى اۋىل - قىستاقتاردى كوركەيتۋ ستراتەگياسىن اتقارۋمەن جاندى تۇردە ۇشتاستىرۋ كەرەك». ىشكى موڭعۇل ۋاكىلدەر ۇيىرمەسىندە باس شۋجي شي جينپيڭ كەدەيلىكتەن قۇتىلدىرۋ قىزمەتىنە تاعى دا باعىت - باعدار سىلتەپ، ءجون - جوبا كورسەتتى.
ۋاكىلدەر بىلاي دەپ قارادى: اۋىل - قىستاقتاردى كوركەيتۋ ستراتەگياسىن اتقارۋ بارىسىندا كەدەيلىكتەن دالمە - ءدال قۇتىلدىرۋدى ىلگەرىلەتۋ كەدەيلىكتەن قۇتىلدىرۋدان قامال الۋ شايقاسىن ويداعىداي جۇرگىزىپ، جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە قول جەتكىزۋگە باعىت - باعدار كورسەتىپ، پارتيا 19 - قۇرىلتايىنىڭ رۋحىن دايەكتىلەندىرۋدىڭ، تياناقتاندىرۋدىڭ ءورىسىن كەڭەيتتى.
گۋاڭدۇڭ −رەفورما جاساۋدىڭ، ەسىك اشۋدىڭ الدىڭعى شەبى، كوپتەگەن ادامداردىڭ قاراۋىنشا، بۇل جەردىڭ كەدەيلىكتەن قۇتىلدىرۋدان قامال الۋمەن كوپ قاتىسى جوق سياقتانادى.
3 - ايدىڭ 7 - كۇنى تۇستەن بۇرىن گۋاڭدۇڭ ۋاكىلدەر ۇيىرمەسىنىڭ تالقىسىنا قاتىناسقاندا، باس شۋجي شي جينپيڭ مەن گۋاڭدۇڭ ولكەسىندەگى باسشى جولداستاردىڭ اراسىندا مىناداي ديالوگ بولىپ ءوتتى:
−وتكەن جىلى قانشا ادام كەدەيلىكتەن قۇتىلدى؟
−700 مىڭ ادام كەدەيلىكتەن قۇتىلدى. الدا 3 جىل ۋاقىت تۇر، ءالى دە 600 مىڭ ادامدى كەدەيلىكتەن قۇتىلدىرۋ قاجەت. ءبىز باس شۋجيدىڭ تالابى بويىنشا، ساتى - ساتى بويىنشا كۇش سالىپ، كەدەيلىكتەن ناقتى، سول جەردىڭ وزىندە قۇتىلدىرامىز.
−قازىر كەدەي حالىق قاي جەردە ءبىرشاما شوعىرلانعان؟
−سولتۇستىك، باتىس، شىعىس گۋاڭدۇڭدا.
دامۋدىڭ بىركەلكى، تولىق بولماۋى −جۇڭگونىڭ ناقتى جاعدايى.
پارتيانىڭ 19 - قۇرىلتايىندا ەلىمىز قوعامىنىڭ نەگىزگى قايشىلىعىندا ەلەۋلى وزگەرىس بولعانى جونىندە ماڭىزدى تۇجىرىم جاسالىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ەلىمىزدىڭ مەملەكەت جاعدايىن دۇرىس يگەرىپ، حالىقتىڭ يگىلىگىنە جاۋاپتى بولىپ، بولاشاق دامۋدى مۇقيات وي ەلەگىنەن وتكىزىپ وتىرعانىن ايگىلەدى.
دامۋدىڭ بىركەلكى، تولىق بولماۋى ماسەلەسىن قايتكەندە ويداعىداي شەشۋگە بولادى؟ بۇل جاڭا داۋىردەگى جاڭا مىندەت، سونداي - اق باس شۋجي شي جينپيڭ جوبالاعان «قوس 100 جىلدىق» كۇرەس نىساناسىنداعى ماڭىزدى قادام.
كەدەيلىكتەن دالمە - ءدال قۇتىلدىرۋدان اۋىل - قىستاقتاردى كوركەيتۋگە، دارىندىلار دايىنداۋدان ادامنىڭ قالا - قالاشىققا ويىسۋىنا، «3 ۇلكەن قامال الۋ شايقاسىن» ويداعىداي جۇرگىزۋدەن جاڭا دامۋ ۇستانىمىن دايەكتىلەندىرۋگە دەيىن... باس شۋجي شي جينپيڭ ۋاكىلدەرمەن، مۇشەلەرمەن تەرەڭ پىكىر اۋىسۋ بارىسىندا، جاڭا ءداۋىردىڭ جاڭا تاقىرىپتارىن شەشۋدىڭ جولى ۇستىندە ۇزدىكسىز زەرتتەۋ جاساپ، ويلانىپ - تولعانىپ كەلەدى.
«<مەن ءسىزدىڭ باقىت كۇرەستەن كەلەدى> دەگەن ءسوزىڭىزدى وتە ۇناتتىم، بۇل ءسوز مەنىڭ جۇرەگىمە قونا كەتتى». گۋاڭدۇڭ ۋاكىلدەر ۇيىرمەسىندە كەزىندەگى «قىردىڭ قىزى»، ۋاكىل مي شۋەمەيدىڭ باس شۋجيمەن پىكىر اۋىسۋى كوپكە تەرەڭ اسەر قالدىردى.
21 جىلدىڭ الدىندا، مي شۋەمەي اۋىلدان ۇزاپ شىعىپ، گۋاڭدۇڭعا بارىپ جۇمىسقا تۇرادى، العاشقى ەڭبەك جولىن كۇزەتشىلىكتەن باستاعان ول بۇل كۇندە تاباندى قۇلشىنىسىنىڭ ارقاسىندا كاسىپورىننىڭ قاريدارلارعا قىزمەت كورسەتۋ ءبولىمىنىڭ باس باقىلاۋشىسى قىزمەتىن اتقارادى. قازىر جۇڭشان قالاسىندا ءۇيى بار، بالاسىن دا قاسىنا الىپ، وقىتىپ جاتىر.
«كەشىرمەلەرىڭ اتىڭنان اۋماپتى، <سۋىق سورعان مەيحۋا گۇلى ونان ارمان حوش ءيىس اڭقىتادى>»، - دەدى باس شۋجي شي جينپيڭ ونى القاپ.
وتكەن ونداعان جىلداردا قالالاردىڭ دامۋ تولقىنى اۋىل - قىستاقتارداعى ەڭبەككۇشتەردى توپ - توبىمەن قالالارعا باۋرادى. اۋىل - قىستاقتاردا نەگىزىنەن ايەلدەر، بالالار، قارتتار قالدى، اۋىلدا قالعان بالالار ماسەلەسى كۇن ساناپ كۇشەيىپ، اۋىل - قىستاقتاردىڭ قاڭىراپ قالۋى كورنەكتىلەنە باستادى.
ۋاكىل مي شۋەمەيدىڭ لەبىزى باس شۋجي شي جينپيڭنىڭ قالا - قالاشىقتانۋ ماسەلەسى جونىندەگى ويىنا جاناسا كەتتى. ول: قالا - قالاشىقتانۋ بارىسىندا اۋىل - قىستاقتاردىڭ قاتاردان قالۋىنا بولمايدى، ولار ءوزارا تولىقتاپ، ءبىرى - بىرىنە سۇيەمەل بولۋى قاجەت، - دەپ باسا دارىپتەدى.
«اۋىل شارۋاشىلىعى قۇدىرەتتى مە، ەمەس پە؟ اۋىل - قىستاقتار كورىكتى مە، ەمەس پە؟ شارۋالار باي ما، ەمەس پە؟ بۇل جاپپاي دوڭگەلەك داۋلەتتى قوعامنىڭ يقۋاتى مەن سوتسياليستىك وسىزامانداندىرۋدىڭ ساپاسىن بەلگىلەيدى». ىشكى موڭعۇل ۋاكىلدەر ۇيىرمەسىندە، گۋاڭدۇڭ ۋاكىلدەر ۇيىرمەسىندە، شاندۇڭ ۋاكىلدەر ۇيىرمەسىندە باس شۋجي شي جينپيڭ اۋىل - قىستاقتاردى كوركەيتۋدىڭ ۇلى جوباسىنان قالاي ءتيىمدى پايدالانۋ جونىندە جۇيەلى بايىمداۋ جاسادى:
اۋىل - قىستاق شارۋاشىلىقتارىنىڭ كوركەيۋىن ىلگەرىلەتۋ −«اۋىل شارۋاشىلىعىن ءۇمىتتى شارۋاشىلىققا اينالدىرۋ»؛
اۋىل - قىستاق دارىندىلار ىستەرىنىڭ كوركەيۋىن ىلگەرىلەتۋ −«اۋىل - قىستاقتا قالۋدى، اتا مەكەنىن گۇلدەندىرۋدى قالايتىن ادامداردى الاڭسىز ەتۋ، اۋىلدا بولىپ، قىستاقتا تۇرۋدى، اۋىل - قىستاقتاردىڭ قارىمجىسىن قايتارۋدى قالايتىن ادامدارعا ءتىپتى كوپ سەنىم بەرۋ»؛
اۋىل - قىستاق مادەنيەتىنىڭ كوركەيۋىن ىلگەرىلەتۋ −«اۋىل - قىستاق وركەنيەتىن تىڭ تىنىسقا يە ەتۋ»؛
اۋىل - قىستاق ەكولوگياسىنىڭ كوركەيۋىن ىلگەرىلەتۋ −«شارۋالار الاڭسىز تىرشىلىك ەتەتىن كورىكتى مەكەن قۇرۋ»؛
اۋىل - قىستاق ۇيىمدارىنىڭ كوركەيۋىن ىلگەرىلەتۋ −«اۋىل - قىستاق قوعامىنىڭ ومىرشەڭدىگى تاسقىنداپ، تىنىش، ءتارتىپتى بولۋىنا كەپىلدىك ەتۋ».
«ءارقايسىسىنىڭ ءوز ەرەكشەلىگى بار وسى زامانعى فۋچۇن تاۋلارىنىڭ سۋرەتىن سالۋ كەرەك»، باس شۋجي شي جينپيڭ ءوزىنىڭ تىلەگى مەن ارمانىن وسىلاي تۇيىندەدى.
ءتىپتى جوعارى ولشەم، ءتىپتى جاپالى مىندەت.
رەسپۋبليكانىڭ كوشباسشىسى حالىقتىڭ تاماشا تۇرمىسقا دەگەن تالپىنىسىن ءوز مىندەتىم دەپ ءبىلدى؛
وسىنداي كوشباسشىعا ىلەسكەندە، حالىق تا، ءسوز جوق، كۇرەس بارىسىندا ءوز ارماندارىن ىسكە اسىرادى.
جاڭا ءداۋىر، جاڭا قوزعاۋشى كۇش −«ءبىر كۇن جاڭالانا الساڭ كۇن سايىن جاڭالانا بەر، دۇنيەنىڭ تىنىمسىز وزگەرىسىنە ىلەسە ءوزىڭدى تىنباي الۋەتتەندىرە ءبىل »
−باس شۋجي سالەمەتسىز بە؟ مەن شەتەلدەن ورالعان كاسىپكەرمىن.
−قايدان ورالدىڭ؟
−ا ق ش - تان، اتلانتانىڭ ماڭىنان.
...
باس شۋجي شي جينپيڭ جاستارعا ۇنەمى ايرىقشا كوڭىل ءبولىپ كەلەدى. 3 - ايدىڭ 7 - كۇنى تۇستەن بۇرىن گۋاڭدۇڭ ۋاكىلدەر ۇيىرمەسىندە ۋاكىل يۋان يۇييۇي ءوزىنىڭ ەلگە ورالعاننان كەيىنگى شارۋاشىلىق قۇرۋ جولىن تانىستىردى.
«10 جىلدىڭ الدىندا ەلگە ورالعانىمدا، جۇرتتىڭ كوبى تۇسىنبەدى. سول تۇستا ەلدەگى جوعارى دەڭگەيلى يمپلانتاتسيالىق مەديتسينالىق اپپاراتۋرالار سالاسىن يمپورت ونىمدەر تولىقتاي دەرلىك مونوپولياپ العان ەدى، مەن ەلگە ورالعاننان كەيىن، ءوز جەرىمدە ومىرلىك ارمانىمدى ىسكە اسىرۋدى ءۇمىت ەتتىم»، - دەدى يۋان يۇييۇي.
«دامۋ ءبىرىنشى ماڭىزدى مىندەت، دارىندى ءبىرىنشى بايلىق، جاڭالىق اشۋ ءبىرىنشى قوزعاۋشى كۇش. جۇڭگو ەگەر دامۋعا جاڭالىق اشۋ ارقىلى دەم بەرۋ جولىمەن جۇرمەسە، جاڭا - كونە قوزعاۋشى قۋاتتار ءساتتى اۋىسپاسا، شىنداپ قۇدىرەتتەنە المايدى»، - دەدى باس شۋجي شي جينپيڭ تەرەڭ سەزىممەن.
3 «بىرىنشىدەن» باس شۋجيدىڭ كوڭىلىندەگى جاڭالىق اشۋدىڭ ماڭىزدىلىعىن، دارىندىنىڭ قىمباتتىلىعىن كورۋگە بولادى.
جاڭا ءداۋىر جاڭا قوزعاۋشى كۇشكە مۇقتاج. قوزعاۋشى كۇش قايدان كەلەدى؟ تەك رەفورمانى سوڭىنا دەيىن جۇرگىزۋدەن كەلەدى!
بيىلعى جىل رەفورما جاساپ، ەسىك اشۋدىڭ 40 جىلدىعى، باس شۋجي شي جينپيڭنىڭ گۋاڭدۇڭ ۋاكىلدەر ۇيىرمەسىنىڭ تالقىسىنا قاتىناسۋىنىڭ ءمانى تەرەڭ.
پارتيا 18 - قۇرىلتايىنان كەيىن باس شۋجي شي جينپيڭنىڭ العاش رەت بەيجيڭنەن شىعىپ قىزمەت تەكسەرگەندەگى ءبىرىنشى بەكەتى شىنجىن بولعانى ادامداردىڭ ەسىندە، ول دۇنيە جۇزىنە رەفورما جاساۋ توقتامايتىن، ەسىك اشۋ اياق الىسى توقىرامايتىن بەرىك سەنىمدى ايگىلەدى.
«گۋاڭدۇڭ رەفورما جاساپ، ەسىك اشۋدىڭ سەركەسى، الدىمەن اتقارىلعان ءوڭىر، تاجىريبە رايونى، ەلىمىزدىڭ رەفورما جاساپ، ەسىك اشۋى مەن سوتسياليستىك وسىزامانداندىرۋ قۇرىلىسىنىڭ جالپى جاعدايىندا اسا ماڭىزدى ورىنعا جانە رولعا يە».
جاڭا ءداۋىردىڭ جاڭا باستاماسىندا، باس شۋجي شي جينپيڭ گۋاڭدۇڭداعى جولداستاردان يدەيانى ونان ارى ازات ەتىپ، رەفورما جاساپ، جاڭالىق اشىپ، شىنايى يگەرىپ، ناقتى ىستەپ، ەكپىندەي العا ىلگەرىلەپ، گۋاڭدۇڭ قىزمەتىنىڭ جاڭا جاعدايىن تىڭ دا اناعۇرلىم زور ىسكەرلىكپەن اشۋدى تالاپ ەتتى.
پارتيا 18 - قۇرىلتايىنان بەرى، جاڭالىق اشۋ بۇرىن بولىپ كورمەگەن دەڭگەيگە كوتەرىلدى، باس شۋجي شي جينپيڭ تالاي رەت «جاڭالىق اشۋ −دامۋعا جەتەكشىلىك ەتەتىن ءبىرىنشى قوزعاۋشى كۇش» دەپ باسا دارىپتەدى.
چۇڭچيڭنەن كەلگەن ۋاكىل جۋ ميڭيۋە ءوزى اشقان ينتەرنەت سەرىكتەستىگىنىڭ 10 جىلدان استام ۋاقىتتان بەرى دارىندى ورتاقتاسۋ تۇعىرىن دامىتۋ جاعدايىن تانىستىرا كەلىپ: جاڭا ءداۋىر شارۋاشىلىق قۇرۋدىڭ، جاڭالىق اشۋدىڭ التىن ءداۋىرى، - دەدى اسەرلەنە.
باس شۋجي شي جينپيڭ ونىڭ ءسوزىن تىڭداعاننان كەيىن بىلاي دەدى: جاڭالىق اشۋ ارقىلى دەم بەرۋ −مەملەكەت ساياساتى، تەك جاڭا - كونە قوزعاۋشى قۋاتتاردىڭ تاريحي سيپاتتى اۋىسۋى شىن مانىندە جۇزەگە اسقاندا عانا، جۇڭگو شىن مانىندە قۇدىرەتتەنەدى. «جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ءۇشىن، بۇرىنعىلار ايتقانداي، ءبىر كۇن جاڭالانا الساڭ، كۇن سايىن جاڭالانا بەر، دۇنيەنىڭ تىنىمسىز وزگەرۋىنە ىلەسە، ءوزىڭدى تىنباي الۋەتتەندىرە ءبىل».
رەفورما جاساپ، جاڭالىق اشۋدىڭ ءوزى مەملەكەت قورعانىسى مەن ارميا قۇرىلىسىن جەدەلدەتۋدىڭ، ءسوزسىز، باسىپ وتەتىن جولى.
ازاتتىق ارميا مەن قارۋلى ساقشى بولىمدەرىنىڭ ۋاكىلدەر ۇيىرمەسىندە باس شۋجي شي جينپيڭ ارميا مەن حالىقتىڭ توعىسا دامۋ ستراتەگياسىن اتقارۋ، مەملەكەت قورعانىسى مەن ارميا قۇرىلىسىن جەدەلدەتۋ جونىندە تالاپتار ورتاعا قويدى. ول مىنالاردى باسا دارىپتەدى: مەملەكەت قورعانىسى عىلىم - تەحنيكاسىندا جاڭالىق اشىپ، ارميا مەن حالىق توعىسۋىنىڭ جاڭا جۇيەسىن جەدەل ورناتىپ، مەملەكەت قورعانىسى عىلىم - تەحنيكاسىندا ءوز كۇشىنە سۇيەنىپ جاڭالىق اشۋ قابىلەتىن زور كۇشپەن جوعارىلاتىپ، وزىق عىلىم - تەحنيكا جەتىستىكتەرىن كادەگە جاراتۋ تەبىنىن ارتتىرىپ، ارميامىز قۇرىلىسىنىڭ ساپالى، ءونىمدى جانە عىلىم - تەحنيكا شوعىرلى بولۋعا قاراي بۇرىلىس جاساۋىن ىلگەرىلەتۋ كەرەك.
پارتيا 19 - قۇرىلتايىنىڭ بايانداماسىندا: «ەلىمىزدىڭ ەكونوميكاسى جوعارى قارقىندى دامۋ كەزەڭىنەن جوعارى ساپالى دامۋ كەزەڭىنە قادام باستى، دامۋ تاسىلىنە بۇرىلىس جاساۋدان، شارۋاشىلىق قۇرىلىمىن رەتتەۋدەن، ارتۋدىڭ قوزعاشى كۇشىن وزگەرتۋدەن قامال الۋ مەزگىلىنە ءوتتى» دەپ ايقىن العا قويىلدى.
جوعارى ساپالى دامۋدى ىلگەرىلەتۋ، وسىزاماندانعان شارۋاشىلىق جۇيەسىن ورناتۋ −جاڭا داۋىردە رەفورمانى جاپپاي تەرەڭدەتۋدى ىلگەرىلەتۋ تاقىرىبىندا بولۋعا ءتيىستى ماعىنا، ول ءارى باس شۋجي شي جينپيڭ ۋاكىلدەرمەن، مۇشەلەرمەن پىكىر اۋىستىرعان كەزدە كوپ اۋىزعا الىنعان ءسوز بولدى.
ىشكى موڭعۇل ۋاكىلدەر ۇيىرمەسىندە باس شۋجي شي جينپيڭ ىشكى موڭعۇلدىڭ رايون جاعدايىنىڭ ەرەكشەلىگىمەن ۇشتاستىرىپ، ەكونوميكانىڭ جوعارى ساپالى دامۋىن ىلگەرىلەتۋ ويىن ورتاعا قويدى. ول ىشكى موڭعۇلدىڭ كاسىبىن دامىتۋدا تەك «<مال شارۋاشىلىعىنا، كومىرگە، جەرگە، گازعا> عانا جابىسىپ الماي، جاڭا كاسىپتەردى، جاڭا قوزعاۋشى قۋاتتاردى، جاڭا ارتۋ ۇيەكتەرىن زور كۇشپەن جەتىلدىرۋ كەرەك» دەپ باسا دارىپتەدى.
جوعارى ساپالى دامۋدى ىلگەرىلەتۋدە، وسىزاماندانعان شارۋاشىلىق جۇيەسىن ورناتۋدا ۇزاقتى كوزدەيتىن كورەگەندىك بولۋى كەرەك.
2016 - جىلى 1 - ايدا باس شۋجي شي جينپيڭ چۇڭچيڭدە چاڭجياڭ وزەنى ەكونوميكالىق بەلدەۋىن دامىتۋدى جەبەۋ اڭگىمە ءماجىلىسىن اشىپ، چاڭجياڭ وزەنى ەكونوميكالىق بەلدەۋىن دامىتۋ جونىندە «بارىنشا قورعاۋدى بىرگە يگەرىپ، زور اشۋعا جول قويماۋ» سىندى تالاپتى ورتاعا قويدى.
وسى رەت چۇڭچيڭ ۋاكىلدەر ۇيىرمەسىندە باس شۋجي شي جينپيڭ ءوزىنىڭ تەرەڭ تولعانىسىن ورتاعا قويدى: چاڭجياڭ وزەنى ەكونوميكالىق بەلدەۋىندە زور اشۋ جۇرگىزىلسە، تومەن جاقتىڭ بەلسەندىلىگى بارىنشا جوعارى، قارجى قوسۋ ارقىلى دەم بەرۋ بارىنشا كۇشتى بولىپ، بارلىعى سول اراعا اتتانىپ، ەڭ سوڭىندا ەكولوگيالىق قورشاعان ورتا زياندالار ەدى. «مەن چاڭجياڭ وزەنى ەكونوميكالىق بەلدەۋىندە زور اشۋعا جول قويماي، بارىنشا قورعاۋدى بىرگە يگەرۋدى دارىپتەپ، ءتارتىپسىز اشۋ جاعدايىن اۋىزدىقتاپ، باياندى اشۋدى باسا دارىپتەيمىن».
جوعارى ساپالى دامۋدى ىلگەرىلەتۋدە، وسىزاماندانعان شارۋاشىلىق جۇيەسىن ورناتۋدا مۇقالماس تاباندىلىق بولۋ كەرەك.
3 - ايدىڭ 8 - كۇنى تۇستەن بۇرىن شاندۇڭ ۋاكىلدەر ۇيىرمەسىندە ۋيچاي جارنا مەڭگەرۋ توبى شەكتى سەرىكتەستىگىنىڭ باسالقاسى ۋاكىل تان شۇيگۋاڭ 2008 - جىلى شي جينپيڭنىڭ ولاردىڭ كاسىپورنىنا بارىپ قىزمەت تەكسەرگەن كەزدى ەسكە الدى ءارى كاسىپورىننىڭ 10 جىلدان بەرى ماتور ءوندىرۋدى نەگىز ەتكەن كاسىپتى دامىتۋعا دەن قويعان جاعدايىن تانىستىردى.
باس شۋجي شي جينپيڭ ولاردىڭ دامۋ وي جەلىسىن تۇراقتاندىرىپ، بىلاي دەپ باسا دارىپتەدى: ورتالىقتىڭ رۋحى مەن مەملەكەت ستراتەگياسىنىڭ بەتالىسى شىنايىلىقتان الشاقتاۋدان، جالعاندىققا بەت الۋدان ساقتانىپ، جاساۋ كاسىبىندەگى ءىرى ەلدەن جاساۋ كاسىبىندەگى قۋاتتى ەلگە اينالۋعا قۇلشىنىس جاساۋ بولىپ تابىلادى.
باس شۋجي شي جينپيڭ مىنالاردى باسا دارىپتەدى: تابىسقا جەتكەن كاسىپورىنداردىڭ بارلىعى كاسىپتىڭ ەڭ جوعارى شىڭىنا شىعۋ ءۇشىن، زەيىندى شوعىرلاندىرىپ نەگىزگى كاسىپكە كۇش سالۋ كەرەك. قوسىمشا كاسىپتەردى ارالاستىرۋ دا بىرىمەن - ءبىرىن سايكەستىرىپ، نەگىزگى كاسىپتى دامىتۋ ءۇشىن بولۋى، ورايشىلدىق ىستەپ، پايدا قۋماۋ كەرەك.
جوعارى ساپالى دامۋدى ىلگەرىلەتۋدە، وسىزاماندانعان شارۋاشىلىق جۇيەسىن ورناتۋدا دۇرىس ساياسي ناتيجە كوزقاراسىن ورناتۋ كەرەك.
شاندۇڭ ولكەسىنىڭ جاۋاپتىلارى سوزدەرىندە «ەڭبەك ماعان جازىلماسا دا» دەيتىن يدەيادا، «جاڭا - كونە قوزعاۋشى قۋاتتى اۋىستىرۋدا مەنىڭ ەسەم بولۋى كەرەك» دەگەن ىسكەرلىكتە بولا وتىرىپ جوعارى ساپالى دامۋدا نىق قادام تاستايتىندىقتارىن ءبىلدىردى.
باس شۋجي شي جينپيڭ مىنالاردى باسا دارىپتەدى: «بۇقارا كوزىمەن كورىپ، قولىمەن ۇستاي الاتىن، ناقتى تيىمدىلىككە يە بولاتىن ناقتى ىستەر ىستەۋ ءارى كەيىنگىلەرگە جول سالىپ، نەگىز قالايتىن، پايداسى ۇزاق بولاشاقتىق جاقسى ىستەردى ىستەۋ، كوزگە كورىنەتىن ىستەردى ىستەۋمەن بىرگە، كوزگە كورىنبەيتىن ىستەردى دە ىستەۋ، جەكە اتاق - ابىرويمەن ەسەپتەسپەۋ، حالىق بۇقاراسىنىڭ جاقسى باعاسىنا، تاريح سىنىنان وتكەننەن كەيىنگى شىنايى باعاعا تالپىنۋ كەرەك».
ماڭگى جالعاساتىن دامۋ جوسپارىن جاساپ، ۇرپاقتاردىڭ قامىن ويلاۋ كەرەك. دامۋدىڭ قوزعاۋشى كۇشىندە، دامۋ تاسىلىندە بۇرىلىس جاساۋدىڭ توركىنى يدەيا - كوزقاراستىڭ قايتا سومدالۋى، ول ءارى ءبىر ءتۇرلى دارقان كوكىرەكتى جاۋاپكەرلىك.
جاڭا ءداۋىر، جاڭا ىسكەرلىك −«جۇڭگوشا سوتسياليزم عيماراتى دىڭگەكتەر مەن ارقالىقتاردى تىرەك ەتەدى، پارتيا ورتالىق كوميتەتى نەگىزگى تىرەك»
نەگىزگى ساتىدان كەلگەن 2 ۋاكىلدىڭ ءسوزى باس شۋجي شي جينپيڭنىڭ نازارىن اۋداردى. بۇلاردىڭ بىرەۋى «ۋاڭ ياچەيكا شۋجيى»، ەندى بىرەۋى «لاۋما جولداس» بولاتىن.
3 - ايدىڭ 8 - كۇنى تۇستەن بۇرىن شاندۇڭ ۋاكىلدەر ۇيىرمەسىنىڭ تالقىسىندا 30 جىلدان استام ۋاقىت قىستاق پارتيا ياچەيكاسىنىڭ شۋجيى مىندەتىن اتقارعان ۋاكىل ۋاڭ يىنشياڭ پارتيا ورتالىق كوميتەتىنىڭ باس شۋجيىمەن نەگىزگى ساتى قۇرىلىسى جونىندەگى ويلارىن ءبولىستى.
«پارتيا مۇشەلەرى باستاماشى بولىپ ۇلەس قوسىپ، ياچەيكا شۋجيلەرى اتويلاپ الدىدا ءجۇرۋ كەرەك. قىستاق دارەجەلى ۇيىمداردىڭ قۇرىلىسى جاقسارسا، قىستاق كادرلارى جاقسى باستاماشى بولسا عانا، كوپشىلىك ءبىر نيەتپەن كۇش قوسىپ دامۋعا تالپىنادى».
ۋاڭ يىنشياڭ العاش قىستاق پارتيا ياچەيكاسىنىڭ شۋجيى مىندەتىن ۇستىنە العاندا، حىزىساۋ اۋدانى ۋليدۇن قىستاعى تاقىر كەدەي بولاتىن. وسى بىرنەشە جىلدا بۇقارانى كەدەيلىكتەن قۇتىلىپ بايۋعا باستاۋ ءۇشىن، ول ءوزىنىڭ جيعان - تەرگەنىن جىلۋعا اتاپ، قىستاق تۇرعىندارىن جەردى اينالىمعا سالۋعا، مال شارۋاشىلىعىن دامىتۋعا، كوكونىس - گۇل كاسىبىن دامىتۋعا باستادى. قازىر قىستاقتاعى وتباسىلارىنىڭ ورتاشا كىرىسى 200 مىڭ يۋاننان استى.
پويەزدىڭ تەزدىگى پاراۆوزعا بايلانىستى.
ۋاكىل ۋاڭ يىنشياڭنىڭ ءسوزىن تىڭداعاننان كەيىن، باس شۋجي شي جينپيڭ بىلاي دەپ اتاپ كورسەتتى: «ءبىرىنشى شۋجي، ستۋدەنت قىستاق باستىعى، اۋىل - قىستاق قىزمەت اترەتى سياقتى فورمالار ارقىلى نەگىزگى ساتىداعى پارتيا ۇيىمدارىن نىعايتۋ كەرەك»، «سان مىڭداعان مىعىم اۋىل - قىستاق نەگىزگى ساتى پارتيا ۇيىمدارىن قالىپتاستىرىپ، سان مىڭداعان تاڭداۋلى اۋىل - قىستاق نەگىزگى ساتى ۇيىمدارىنىڭ شۋجيلەرىن جەتىلدىرۋ كەرەك».
3 - ايدىڭ 10 - كۇنى تۇستەن بۇرىن چۇڭچيڭ ۋاكىلدەر ۇيىرمەسىندە جياڭبەي رايونى گۋانيىنچياۋ ءمالى باسقارماسىنان كەلگەن ۋاكىل ما شانشياڭ ءوز قىزمەتىمەن ۇشتاستىرىپ پارتيا 19 - قۇرىلتايى رۋحىن نەگىزگى ساتىدا تياناقتاندىرۋدىڭ ءادىس - امالدارى مەن ءوزىنىڭ سەزىنگەندەرىن باياندادى.
«ءبىز سان مىڭداعان لاۋما جولداس سياقتى نەگىزگى ساتى كادرلارىنىڭ كوممۋنيستىك پارتيا مۇشەسىندىك ۇلگىلىك، باستاماشىلدىق رولىن ساۋلەلەندىرۋىن قاجەت ەتەمىز»، - دەدى باس شۋجي شي جينپيڭ، جۇڭگوشا سوتسياليزم عيماراتى دىڭگەكتەر مەن ارقالىقتاردى تىرەك ەتەدى، پارتيا ونىڭ باس تايانىشى، پارتيا ورتالىق كوميتەتى نەگىزگى تىرەگى. سونىمەن بىرگە، نەگىز ايرىقشا ماڭىزدى، نەگىز بەرىك بولماسا، استاڭ - كەستەڭى شىعادى.
سان تارام ءجىپ، ءبىر تال ينەنىڭ جاسۋىنان ساباقتالادى. «ۋاڭ ياچەيكا شۋجيىنەن» «لاۋما جولداسقا» دەيىنگىلەر سان مىڭداعان نەگىزگى ساتى ۇيىمدارىنىڭ جاۋىنگەرلىك قامال رولىن ساۋلەلەندىرۋىنىڭ جاندى بەينەسى.
پارتيا، ۇكىمەت، ارميا، حالىقتىق قۇرىلىمدار، عىلىم - ءبىلىم سالاسى سياقتى بارلىق سالادا، بارلىق جەردە پارتيانىڭ باسشىلىعى نەگىزگى وزەك، پارتيا ورتالىق كوميتەتى قوسىننىڭ سەنترىنە جايعاسقان قولباسشى.
تەمىر سوقساڭ قۇرىش بول.
−پارتيانىڭ بيلىك جۇرگىزۋ قابىلەتىن جوعارىلاتۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋ، ءسوزسىز، پارتيانى جاپپاي قاتاڭ جونگە سالىپ، پارتيانى اناعۇرلىم پارمەندى، قۋاتتى ەتىپ قۇرۋدى تالاپ ەتەدى.
گۋاڭدۇڭ ۋاكىلدەر ۇيىرمەسىندە باس شۋجي شي جينپيڭ مىنالاردى باسا دارىپتەدى: باستان - اياق پارتيانى باسقارۋدىڭ، پارتيانى جونگە سالۋدىڭ سەرگەكتىگى مەن سالماقتىلىعىن ساقتاۋ كەرەك، «ءار دارەجەلى باسشى كادرلاردان باستاپ ىسكە كىرىسىپ، كىشى - گىرىم ىستەردەن باستاپ يگەرىپ، ناشار نىسايدىڭ قايتا ءورشۋىنىڭ الدىن باتىل الىپ، ورتالىقتىڭ <8 ءتۇرلى بەلگىلەمەسىنىڭ> رۋحىنىڭ جەتىستىكتەرىن ۇزدىكسىز بەكەمدەۋ جانە كەڭەيتۋ كەرەك».
ىشكى موڭعۇل ۋاكىلدەر ۇيىرمەسىندە باس شۋجي شي جينپيڭ مىنالاردى اتاپ كورسەتتى: كەدەيلەردى سۇيەمەلدەۋ سالاسىنداعى شىرىكتەسۋ مەن ستيل ماسەلەسىن ارنايى جونگە سالۋدى مۇقيات ورىستەتىپ، كەدەيلەردى سۇيەمەلدەۋ قارجىسىن باسقارۋدى كۇشەيتىپ، كەدەيلەردى سۇيەمەلدەۋ قارجىسىن باسقاعا جۇمساۋ، قيانات جاساۋ ارەكەتتەرىن قاتاڭ جازالاۋ كەرەك.
چۇڭچيڭ ۋاكىلدەر ۇيىرمەسىندە ستيلى پاك، سالتى دۇرىس ساياسي ەكولوگيانى قايتا تۇلعالاۋ مىندەتى جونىندە باس شۋجي شي جينپيڭ كوپشىلىككە جاندى ساياسي ءمورال ساباعىن ءوتتى.
«ساياسي ءمورال تۇتاس قوعامدىق ءمورال قۇرىلىسىنىڭ كورسەتكىشى. ساياسي ءمورال ورناتىپ، ۇلى ءمورالدى ايقىنداپ، الەۋمەتتىك ءمورالعا بويسۇنىپ، جەكە ءمورالدى قاتايتۋ كەرەك».
2005 - جىلى 6 - ايدا جىجياڭ ولكەلىك پارتكومنىڭ شۋجيى بولىپ تۇرعان شي جينپيڭ «<قىزىل قايىق رۋحىن> ساۋلەلەندىرىپ، ءداۋىردىڭ الدىڭعى لەگىندە جۇرەيىك» دەگەن ماقالاسىندا جۇرەك ءۇنىن ايگىلەپ: «حالىقتىڭ مۇددەسىن بارلىعىنان جوعارى قوياتىن ساياسي ءمورالدان جازباي، شىن مانىندە پارتيا مەن حالىق ىستەرىنە ءتيىمدى ساياسي ناتيجە شىعارۋ كەرەك» دەگەن بولاتىن.
اۋەلگى ماقساتتى ۇمىتپاۋ، مۇراتتان اينىماۋ كەرەك.
«ۇشتە قاتاڭ، ۇشتە شىنايى بولۋدان» «ساياسي ءمورال ورناتۋعا» دەيىن مەملەكەتتىك ەكى ماجىلىستە باس شۋجي شي جينپيڭنىڭ كوڭىلگە شۋاق شاشاتىن سوزدەرى بۇكىل پارتيادا، بۇكىل قوعامدا ەل بيلەۋدىڭ، جارامدى ادام بولۋدىڭ ۇلگىسىن قالىپتاستىردى.
− پارتيانىڭ بيلىك جۇرگىزۋ قابىلەتىن جوعارىلاتۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋ، ءسوزسىز، مەملەكەتتى جاپپاي زاڭمەن جونگە سالىپ، قوعامدى جونگە سالۋدا ۇزدىكسىز جاڭالىق اشىپ، زاڭمەن جونگە سالۋ رۋحىن ىشكەرىلەي امالياتتا ايگىلەۋدى تالاپ ەتەدى.
نەگىزگى زاڭعا وزگەرىس ەنگىزۋ جوباسىنىڭ العاشقى نۇسقاسىن، باقىلاۋ - تەكسەرۋ زاڭىنىڭ العاشقى نۇسقاسىن قاراۋ، مەملەكەت باسشىلارىنىڭ نەگىزگى زاڭ الدىندا سەرت بەرۋىن تۇڭعىش رەت وتكىزۋ... بيىلعى مەملەكەتتىك ەكى ماجىلىستە مەملەكەتتى جاپپاي زاڭمەن جونگە سالۋ اناعۇرلىم ايشىقتى تاقىرىپ بولدى.
ۋاكىلدەر ۇيىرمەسىنىڭ تالقىسىنا قاتىناسۋ بارىسىندا، باس شۋجي شي جينپيڭ مىنانى باسا دارىپتەدى: ەلىمىزدىڭ قازىرگى اتقارىپ وتىرعان نەگىزگى زاڭىنا ءىشىنارا وزگەرىستەر ەنگىزۋ − پارتيا ورتالىق كوميتەتىنىڭ جاڭا داۋىردە جۇڭگوشا سوتسياليزمگە تاباندى بولۋ جانە ونى دامىتۋ جالپى جاعدايى مەن ستراتەگياسى تۇرعىسىنان جاساعان ماڭىزدى شەشىمى، سونداي - اق مەملەكەتتى جاپپاي زاڭمەن جونگە سالۋدى ىلگەرىلەتۋدىڭ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدىڭ ماڭىزدى شاراسى.
گۋاڭدۇڭ ۋاكىلدەر ۇيىرمەسىندە گۋاڭدۇڭنىڭ قوعامدىق قۇرىلىمى كۇردەلى، كوپ نەگىزدى بولۋ، قوعامدى جونگە سالۋدىڭ قيىندىعى زور بولۋ ەرەكشەلىگىنە مەڭزەس، باس شۋجي شي جينپيڭ بىلاي دەپ اتاپ كورسەتتى: قوعامدى جونگە سالۋ تۇزىلىسىنە جاڭالىق جاساۋدا «زاڭمەن جونگە سالۋ ارناسىندا قوعامدىق كۇشتەردى ءبىر تۇتاس جوسپارلاۋعا، قوعامدىق مۇددەنى تەڭگەرۋگە، قوعامدىق قاتىناستاردى رەتتەۋگە، قوعامدىق ارەكەتتەردى جۇيەگە سالۋعا، قوعامدىق قايشىلىقتاردى شەشۋگە تاباندى بولىپ، تاماشا زاڭ ارقىلى دامۋدى جەبەپ، شەبەرلىكپەن جونگە سالۋعا كەپىلدىك ەتۋ كەرەك».
چۇڭچيڭ ۋاكىلدەر ۇيىرمەسىندە ۋاكىل جاڭ شۋان: ورتالىق ءار دارەجەلى باسشى كادرلاردىڭ زاڭمەن جونگە سالۋ ساپاسىن جوعارىلاتۋعا اناعۇرلىم ءمان بەرسە، - دەپ ۇسىنىس قويدى.
«بۇل ۇسىنىس وتە جاقسى» دەپ جاۋاپ بەردى باس شۋجي شي جينپيڭ تاباندا: «ءار دارەجەلى پارتيا، ۇكىمەت كادرلارى قانداي قىزمەت ورنىندا ىستەسە دە، نەگىزگى ءبىلىم جۇيەسىن ازىرلەۋى ءتيىس، زاڭ − وسىنىڭ نەگىزگى جاعى». ول ءسوزىن جالعاپ، مىنانى باسا دارىپتەدى: «زاڭمەن جونگە سالۋعا تاباندى بولىپ، ادام ارقىلى جونگە سالۋعا قارسى تۇرۋ كەرەك، نەگىزگى زاڭ مەن زاڭداردان قاشاندا يمەنۋ، نەگىزگى زاڭ مەن زاڭدار كولەمىندە قيمىلداۋعا باستاماشى بولۋ كەرەك...».
− پارتيانىڭ بيلىك جۇرگىزۋ قابىلەتىن جوعارىلاتۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋ، ءسوز جوق، جۇڭگوشا سوتسياليستىك دەموكراتيالىق ساياسيعا ۇزدىكسىز تاباندى بولۋدى جانە ونى دامىتۋدى تالاپ ەتەدى.
3 - ايدىڭ 4 - كۇنى تۇستەن كەيىن ساياسي كەڭەستىڭ بىرىككەن گرۋپپا تالقىسىنا قاتىناسقان كەزدە، باس شۋجي شي جينپيڭ جۇڭگوشا سوتسياليستىك «جاڭاشا ساياسي پارتيا ءتۇزىمى» ۇعىمىن تۇڭعىش رەت ورتاعا قويدى.
«جۇڭگو كوممۋنيستىك پارتياسىنىڭ باسشىلىعىنداعى كوپ پارتيا سەلبەستىگى مەن ساياسي كەڭەس ءتۇزىمى − ەلىمىزدىڭ نەگىزگى ساياسي تۇزىمدەرىنىڭ ءبىرى رەتىندە جۇڭگو كوممۋنيستىك پارتياسىنىڭ، جۇڭگو حالقىنىڭ جانە دەموكراتيالىق پارتيا - توپتاردىڭ، پارتيادا، توپتا جوق قايراتكەرلەردىڭ ۇلى ساياسي جاسامپازدىعى، جۇڭگو توپىراعىندا بارلىققا كەلگەن جاڭاشا ساياسي پارتيا ءتۇزىمى».
باس شۋجي شي جينپيڭ 3 «جاڭالىق»، 3 «كىناراتتى» مىسالعا كەلتىرۋ ارقىلى مىنانى تەرەڭدەي ايقىن كورسەتىپ بەردى: «جاڭاشا ساياسي پارتيا ءتۇزىمى» قازىرگى جۇڭگونىڭ ءىس جۇزىندىك جاعدايىنا ۇيلەسىپ قالماستان، جۇڭحۋا ۇلتى بۇرىننان دارىپتەپ كەلە جاتقان الەمدى جالپىعا ورتاق ساناۋ، ءبارىن تەگىس قامتۋ، پارىقتاردى ساقتاپ، ورتاقتىققا ۇمتىلۋ سياقتى تاڭداۋلى ءداستۇرلى مادەنيەتىنە دە ۇيلەسەدى، ول ادامزاتتىڭ ساياسي وركەنيەتىنە قوسىلعان ماڭىزدى ۇلەس.
جاڭا ءداۋىر، جاڭا بەينە − «حالىق بۇقاراسى قاي جاقتاردا وزدەرىن باقىتتى، كوڭىلدى سەزىنبەسە، رازى بولماسا، ءبىز سول جاقتارعا كۇش سالامىز»
وزگەشە 5 جىلدى باسىپ وتكەن بۇگىنگى جۇڭگو بايۋدان قۇدىرەتتەنۋگە وتەتىن ۇلى تاريحي سەكىرۋدى باستان كەشىرۋدە.
ساياسي كەڭەستىڭ بىرىككەن گرۋپپا تالقىسىنا قاتىناسقان كەزدە، باس شۋجي شي جينپيڭ وتكەن 5 جىلعا بىلاي دەپ باعا بەردى: «مەملەكەتتىڭ ەكونوميكالىق قۋاتى، عىلىم - تەحنيكالىق قۋاتى، مەملەكەت قورعانىس قۋاتى، جالپىلىق مەملەكەت قۋاتى، حالىقارالىق ىقپالى جانە حالىقتىڭ تابىس سەزىمى ايتارلىقتاي كوتەرىلىپ، جۇڭگوشا سوتسياليزم ىستەرىندە تاريحي جەتىستىكتەرگە قول جەتتى، پارتيامىزدىڭ، مەملەكەتىمىزدىڭ، حالقىمىزدىڭ، ارميامىزدىڭ بەت - بەينەسىندە تاريحي وزگەرىستەر جارىققا شىقتى».
ۇلى داۋىردە ۇلى وزگەرىستەرگە كۋا بولدىق.
بىرنەشە كۇننەن بەرى، ۋاكىلدەر مەن مۇشەلەر جابال ءوز اسەرلەرىمەن بىرلەستىرىپ، باس شۋجي شي جينپيڭگە وزدەرىنىڭ جاڭا داۋىردەگى جۇرەك ۇندەرىن بۇكپەسىز جەتكىزىپ، شي جينپيڭ جولداستى ۇيتقى ەتكەن پارتيا ورتالىق كوميتەتىن شىن جۇرەكتەن جاقتايتىنىن، باتىل قولدايتىنىن ءبىلدىردى.
كوپشىلىك قىزمەت، تۇرمىس امالياتىمەن بىرلەستىرىپ، ناتيجەلەردى ايتىپ، اسەرلەرىن بايانداپ، ورتاق ءبىر قورىتىندىعا كەلدى: پارتيانىڭ بەت - بەينەسىندە، مەملەكەتتىڭ بەت - بەينەسىندە، حالىقتىڭ بەت - بەينەسىندە، ارميانىڭ بەت - بەينەسىندە بۇرىن بولماعان وزگەرىستەردىڭ بولۋى، تۇپتەپ كەلگەندە، باس شۋجي شي جينپيڭنىڭ رول ۇستاپ، جەتەكشىلىك ەتكەنىنىڭ ارقاسى، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنىڭ ارقاسى.
شالقار تەڭىز تولقىسا، مىزعىماس تىرەكتىڭ قۇدىرەتىن سەزەسىڭ، وركەش - وركەش تاۋلاردىڭ ەڭسەسىن شوقتىقتى شىڭنان كورەسىڭ.
ۋاكىلدەردىڭ تانىم - اسەرلەرى ۋادەلەسىپ العانداي - اق ءبىر جەردەن شىقتى: «4 تانىمدى» شىنايى كۇشەيتۋ، «4 سەنىمدى» بەكەمدەۋ، باس شۋجي شي جينپيڭنىڭ ۇيتقى ورنىن اناعۇرلىم باتىل، سانالى قورعاۋ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن قورعاۋ كەرەك.
2012 - جىلى 5 - ايدا مەملەكەتتىڭ «مىڭ ادام جوسپارى» بويىنشا ارنايى ۇسىنىس ەتىلگەن ماماندار كلاسىنىڭ مۇشەسى رەتىندە، ۋاكىل يۋان يۇييۇي سول كەزدە ورتالىق پارتيا مەكتەبىنىڭ باستىعى بولىپ تۇرعان شي جينپيڭنىڭ «شىندىقتى ءىس جۇزىنەن ىزدەۋ» تاقىرىبىنداعى ءبىر رەتكى پارتيا ساباعىن تىڭداعان ەكەن. 3 - ايدىڭ 7 - كۇنى گۋاڭدۇڭ ۋاكىلدەر ۇيىرمەسىنىڭ تالقىسىندا لەبىز بىلدىرگەن كەزدە، يۋان يۇييۇي باس شۋجي شي جينپيڭگە ومىرىندەگى وسى ۇمىتىلماس ساباق تۋرالى بايانداپ بەردى.
«ول كەزدە مەن ءالى پارتيا مۇشەسى ەمەس ەدىم. 1 - رەتكى پارتيا ساباعىندا مەن سىزدەن ساباق تىڭدادىم، سول كەزدە مەن قاتتى اسەرلەندىم، باس شۋجيدىڭ ۇلتقا دەگەن سۇيىسپەنشىلىگى مەن مەملەكەتتى ويداعىداي جونگە سالۋ بەكىمىن تەرەڭ سەزىندىم. بۇدان مەن پارتيا تۋرالى اناعۇرلىم تەرەڭ تۇسىنىككە يە بولىپ، مەملەكەتتىڭ دامۋى مەن ۇلتتىڭ كوركەيۋى تۋرالى سەنىمىمدى ونان ارى بەكەمدەي ءتۇستىم. سول ساتتە مەن بار ىنتا - پەيلىممەن پارتياعا ىلەسۋگە بەل بۋىپ، قايتىپ بارعان سوڭ دەرەۋ پارتياعا مۇشە بولۋعا ءوتىنىش تاپسىردىم. 2013 - جىلى مەن داڭقپەن كوممۋنيستىك پارتيا مۇشەسى بولدىم. ءبىزدىڭ سەرىكتەستىگىمىز پارتيا ياچەيكاسىن قۇردى، بىلتىر مەن سەرىكتەستىكتەگى قىزمەتشىلەردى باستاپ جيڭگاڭشانعا بارىپ، شارۋاشىلىق قۇرىپ، كۇرەس جۇرگىزۋ بەكىمىمىزدى ونان ارى بەكەمدەي تۇستىك»، - دەدى يۋان يۇييۇي تەبىرەنە.
شىن كوڭىلدەن شىققان القاۋ بۇقارانىڭ شىنايى تابىس سەزىمىنەن، باقىت سەزىمىنەن، حاۋىپسىزدىك سەزىمىنەن باستاۋ العان.
«ءبىز جاڭادان 13 كيلومەتر سەمەنت جول سالدىق، قىستاقتاعى 2700 جان تۇگەلدەي قۇبىر سۋىن ءىشىپ وتىر، مادەنيەت الاڭى، دەنساۋلىق ساقتاۋ ءۇيى، ساۋدا دۇكەنى سالىندى، ياڭگى ءبيى توبى، ايداعار، ارىستان ءبيى توبى قۇرىلدى، اسىرەسە، ءسىزدىڭ دارەتحانا توڭكەرىسىن ىلگەرىلەتۋ تۋرالى دارىپتەمەڭىز بويىنشا دەرەۋ ارەكەتكە كەلىپ، قىستاق تۇرعىندارى ءۇشىن 3 الەۋمەتتىك دارەتحانا سالدىق...».
ىشكى موڭعۇلدىڭ چىفىڭ قالاسى سۇڭشان رايونى دامياۋ قالاشىعى شياۋمياۋزى قىستاعى پارتيا ياچەيكاسىنىڭ شۋجيى، ۋاكىل جاۋ حۇيجيە باس شۋجيگە قىستاقتىڭ تاياۋ جىلداردان بەرگى وزگەرىستەرىن ماقتانىشپەن تانىستىردى.
«بۇرىن ويلاۋعا دا باتىنا المايتىن ىستەر شىندىققا اينالدى، بۇقارا پارتياعا، ۇكىمەتكە، وسى جاڭا داۋىرگە العىس ايتادى»، - دەدى جاۋ حۇيجيە تەبىرەنىسپەن.
حالىقتىڭ كوسەمىن حالىق قولدادى، باس شۋجي شي جينپيڭ ادال جۇرەگىن حالىققا ارنادى.
بۇل ءارقاشان ەستەن شىعارماعان، جۇرەگىنە تەرەڭ تامىر تارتقان سۇيىسپەنشىلىك −
حالىق قاشاندا باس شۋجي شي جينپيڭنىڭ وي جۇگىرتۋدەگى، شەشىم قابىلداۋداعى شىعار ءتۇيىنى جانە تياناعى بولىپ كەلەدى.
شاندۇڭنىڭ لين - ي قالاسىنان كەلگەن ۋاكىل جاڭ شۋچين يمىڭداعى «الدىڭعى شەپكە كومەك بەرگەن اعا بۋىن» ۋاڭ كىچاڭنىڭ باس شۋجيگە سالەمىن الا كەلىپتى. 5 جىلدىڭ الدىندا، باس شۋجي شي جينپيڭ شاندۇڭعا قىزمەت تەكسەرە كەلگەندە، قاريانىڭ ۇيىنە ارنايى بارىپ امانداسىپ، حال سۇراپ قايتقان ەدى.
«ۋاڭ كىچاڭ قاريا ءسىزدى قاتتى ساعىنىپ ءجۇر، ءسىزدى اۋزىنان تاستامايدى، مەنەن سىزگە سالەم ايتىپ جىبەردى!»، - دەدى جاڭ شۋچين.
«ءسىز دە ۋاڭ كىچاڭ قارياعا مەنىڭ شىنايى سالەمىمدى جەتكىزىڭىز، ول كىسىنىڭ عۇمىرىنىڭ ۇزاق بولۋىن تىلەيمىن!»، - دەدى باس شۋجي شي جينپيڭ تەرەڭ ىقىلاسپەن.
سۇيىسپەنشىلىك لەبى وسىنداي جايتتەردەن كورىنىس بەرىپ، ءسوز - ارەكەتتەردەن بەينەلەنىپ جاتتى. وسىنداي جاعدايلار باس شۋجي شي جينپيڭ تالقىعا قاتىناسقان كەزدە كوپ مارتە قايتالاندى.
«ءبىز قازىر قالا - قالاشىقتاندىرۋ قۇرىلىسىن ىلگەرىلەتىپ، قالاعا كىرىپ جۇمىس ىستەگەندەردىڭ قالادا تۇراقتى قىزمەت ىستەپ، تۇرمىس كەشىرۋىنە بارىنشا مۇمكىندىك جاساۋىمىز كەرەك، بالاسىنىڭ قالاعا كىرۋ مۇمكىندىگى بارلاردى قالاعا بالاسىمەن كىرگىزىپ، ۇيدە قالۋ ماسەلەسىن شەشۋىمىز كەرەك. سونىمەن بىرگە، اۋىل - قىستاقتاعى قارتتاردىڭ اۋىل - قىستاقتاردى كوركەيتۋ ستراتەگياسىنان تياناق تابۋىنا مۇمكىندىك جاساۋىمىز قاجەت».
«وتباسىلىق ەتيكا سياقتى قاستەرلەۋگە تاتيتىن باعالى نارسەلەر قالا - قالاشىقتانۋ بارىسىندا شارۋالاردىڭ قالاعا جاپپاي كوشۋىنە مەڭزەس قاققى - سوققىعا ۇشىرادى. بۇل قاققى - سوققىدان ساقتانۋ دا قيىن، ءبىراق بۇل بارىستا ىزگىلىكتى، ادامگەرشىلىكتى جوعالتىپ الۋعا بولمايدى».
«ءۇي شارۋاشىلىعى بەينە <شۋاقتى اپەكە> سياقتى اتى زاتىنا ساي ءۇمىتتى كاسىپ، ول اۋىل - قىستاقتان قالاعا كىرىپ جۇمىس ىستەگەندەردىڭ جۇمىسقا ورنالاسۋ سۇرانىسىن قاناعاتتاندىرۋمەن بىرگە، قالا وتباسىلارىنىڭ بالا تاربيەلەۋ، قارتتاردى كۇتۋ سىندى رەال سۇرانىسىن دا قاناعاتتاندىرادى، ءوزارا پايدالى، تەڭ ۇتاتىن مۇنداي قىزمەتتى ناقتى، ويداعىداي تىندىرۋ، ونى قامقورلىق ينجەنەرياسىنا اينالدىرۋ كەرەك».
«حالىق بۇقاراسى قاي جاقتاردا وزدەرىن باقىتتى، كوڭىلدى سەزىنبەسە، رازى بولماسا، ءبىز سول جاقتارعا كۇش سالىپ، ءتۇرلى ءادىس - امالدارمەن حالىقتى ۋايىمنان ارىلتىپ، قيىنشىلىعىن شەشۋىمىز كەرەك».
بۇل جوعارى مەن تومەن ءبىر نيەتتە جۇمىلعان، كوپتىڭ پاراساتىن شوعىرلاندىرعان قۇدىرەتتى كۇش −
3 - ايدىڭ 4 - كۇنىنەن 12 - كۇنىنە دەيىنگى 9 كۇندە باس شۋجي شي جينپيڭ ىلگەرىندى - كەيىندى 6 ۇيىرمە - گرۋپپاعا بارىپ تالقىعا قاتىناسىپ، ۋاكىل، مۇشەلەردەن 48 ادامنىڭ لەبىزىن تىڭداپ، كوپشىلىكپەن بۇكپەسىز پىكىرلەستى.
لەبىزدەردى مۇقيات تىڭداپ، ارا - تۇرا ءسوز قىستىرىپ، سۇراستىرىپ، ەستي وتىرىپ ەستەلىك جازدى. ۋاكىلدەر، مۇشەلەر ورتاعا قويعان پىكىر - ۇسىنىستار جونىندە باس شۋجي شي جينپيڭ قاشاندا سول جەردىڭ وزىندە قاتىستى تاراۋلاردان مۇقيات زەرتتەۋدى تالاپ ەتىپ وتىردى.
قىستاق پارتيا ياچەيكاسىنىڭ شۋجيىمەن، اۋىلدان قالاعا كىرگەن جۇمىسكەرلەرمەن، ەڭبەك ەرلەرىمەن، وقىتۋشىلارمەن بەتپە - بەت وتىرىپ، ەڭ نەگىزگى ساتىنىڭ جاعدايىن ۇعىستى؛ جەكە كاسىپكەرلەرمەن، عىلىم - تەحنيكاداعى جەتەكشى دارىندىلارمەن، شەتەلدەن ەلگە قايتىپ شارۋاشىلىق قۇرعاندارمەن، دەموكراتيالىق پارتيا - توپتاردىڭ قايراتكەرلەرىمەن بۇكپەسىز سويلەسىپ، ەڭ الدىڭعى شەپتىڭ ينفورماتسيالارىمەن تانىستى.
ءبىز ۇنەمى مىناداي كورىنىستەرگە كۋا بولدىق:
تالقى اياقتاعان سوڭ، باس شۋجي شي جينپيڭ ۋاكىلدەردىڭ اراسىنا بارىپ، كوپشىلىكپەن قول الىسىپ قوشتاستى. ءار ۋاكىل باس شۋجيمەن تاعى بىرەر اۋىز سويلەسىپ قالعىسى كەلدى، باس شۋجي ولاردىڭ سوزدەرىنە سابىرلىلىقپەن قۇلاق تۇرۋمەن بىرگە، ولاردان نەگىزگى ساتىداعى كەيبىر جاعدايلاردى سۇراستىردى.
ءار جاقتىڭ ۇنىنە قۇلاق ءتۇرىپ، كەڭىنەن قابىلداپ، كوپتىڭ اقىلىن قورىتىپ، جۇڭگوشا سوتسياليستىك دەموكراتيانىڭ ءمانىن، ەرەكشەلىگىن، قاسيەتىن تولىق ايگىلەدى.
اعاش بۇرلەپ، جەر كوگەرىپ، ءۇمىتتى كوكتەم كەلە جاتىر.
يدەيانىڭ شۇلەن شۇعىلاسى جاڭا ءداۋىردى نۇرلاندىرۋدا.
(شينحۋا اگەنتتىگىنىڭ 3 - ايدىڭ 16 - كۇنى بەيجيڭنەن بەرگەن حابارى)
