تيانشان تورى
تيانشان تورى   ›   جاڭالىقتار   ›   شينجياڭ حابارلارى

ءوزارا قولداۋ كورسەتىپ جانە جاردەم بەرىپ نيەتتەس، تىلەكتەس بولىپ، تيانشاننىڭ تۇستىگى مەن تەرىستىگىندە ەڭ ۇلكەن سەنترلەس شەڭبەر سىزايىق

− رايونىمىزداعى ءار ۇلت كادرلارى مەن جۇرتشىلىعى باس شۋجي شي جينپيڭنىڭ ەكى ءماجىلىس كەزىندەگى ماڭىزدى سوزدەرىنىڭ رۋحىن ۇيرەندى، دايەكتىلەندىردى، تياناقتاندىردى

  باس شۋجي شي جينپيڭ 3 - ايدىڭ 5 - كۇنى تۇستەن كەيىن مەملەكەتتىك 13 - كەزەكتى حالىق قۇرىلتايىنىڭ 1 - ماجىلىسىنە قاتىناسىپ جاتقان ىشكى موڭعۇل ۋاكىلدەر ۇيىرمەسىنىڭ تالقىسىنا قاتىناسقاندا مىنالاردى اتاپ كورسەتتى −

      ەلىمىز − ءبىر تۇتاس كوپ ۇلتتى مەملەكەت، ۇلتتار ىنتىماعى − ءار ۇلت حالقىنىڭ جان تامىرى. ۇلتتار ىنتىماعىن كۇشەيتۋدىڭ نەگىزى − ۇلتتىق تەرريتوريالىق اۆتونوميا تۇزىمىنە تاباندى بولۋدا جانە ونى كەمەلدەندىرۋدە. ۇلتتار ىنتىماعى ۇلى تۋىن بيىك كوتەرىپ، پارتيانىڭ ۇلت ساياساتىن جاپپاي دايەكتىلەندىرىپ، ۇلتتىق تەرريتوريالىق اۆتونوميا ءتۇزىمىنىڭ نازاريالىق تامىرىن ونان ارى تەرەڭدەتىپ، امالياتتىق نەگىزىن ونان ارى بەكەمدەۋ كەرەك. ۇلتتار ىنتىماعىن كۇشەيتۋدىڭ نەگىزى − ۇلتتار ىنتىماعى، العاباسارلىعى تاربيەسىن ويداعىداي ورىستەتىپ، ۇلتتاردىڭ ورتاق رۋحاني مەكەنىن گۇلدەندىرۋدە. ءوزارا قولداۋ كورسەتۋ جانە جاردەم بەرۋ ۇستانىمىن تەرەڭدەي امالياتتا ايگىلەپ، ۇلتتار ىنتىماعى، العاباسارلىعى تاربيەسىن ىشكەرىلەتىپ، جۇڭحۋا ۇلتى ورتاق تۇلعا تانىمىن بەكەمدەپ، ۇلتتاردىڭ اناردىڭ دانىندەي تىعىز ۇيىسۋىن جەبەپ، وتان شەكاراسىن بىرگە قورعاپ، تاماشا تۇرمىستى بىرگە جاراتۋ كەرەك.

  بۇل باس شۋجي شي جينپيڭنىڭ ءار ۇلت حالقىنا دەگەن ىقلاستى قامقورلىعى، سونداي - اق ءار ۇلت حالقىنا دەگەن شىنايى ءۇمىتى. باس شۋجيدىڭ ىقىلاستى تاپسىرماسى كوكتەم سامالىنداي 20 ميلليوننان استام تيانشان ۇلانىنىڭ جۇرەگىن نۇرلاندىردى.

  بۇگىن، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن ۇيرەنۋ، دايەكتىلەندىرۋ، تياناقتاندىرۋ، پارتيانىڭ ۇلت ساياساتىن جاپپاي دايەكتىلەندىرۋ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتۋ، ۇلتتار ىنتىماعى، العاباسارلىعى ىستەرىن ۇزدىكسىز ىلگەرىلەتۋ، باس شۋجيدىڭ شىنايى ءۇمىتىن ۇلتتار ىنتىماعىن جەبەۋدەگى وبرازدى امالياتقا اينالدىرۋ تيانشاننىڭ تۇستىگى مەن تەرىستىگىندەگى ءار ۇلت كادرلارى مەن جۇرتشىلىعىنىڭ ىزگى نيەتتى ۇندەستىگى مەن كۇرەس نىساناسىنا اينالىپ بارادى. شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، تيانشان ۇلاندارى ءوزارا قولداۋ كورسەتىپ جانە جاردەم بەرىپ، نيەتتەس، تىلەكتەس بولىپ، تيانشاننىڭ تۇستىگى مەن تەرىستىگىندە ەڭ ۇلكەن ءبىر سەنترلەس شەڭبەردى قۇلشىنا سىزۋدا.

  ۇلتتار ىنتىماعى، العاباسارلىعى تاربيەسىن تىڭعىلىقتى ىلگەرىلەتتى

  «شينجياڭنىڭ ۇلتتار ىنتىماعى قىزمەتىنە باس شۋجي شي جينپيڭ ەجەلدەن ايرىقشا كوڭىل ءبولىپ جانە ءمان بەرىپ كەلەدى، سوندىقتان ءبىز جاۋاپكەرلىگىمىزدىڭ ماڭىزدى ەكەنىن ايرىقشا سەزىندىك»، - دەدى قىزىلسۋ قىرعىز اۆتونوميالى وبلىستىق پارتكومنىڭ تۇراقتى مۇشەسى، ۇيىمداستىرۋ ءبولىمىنىڭ باستىعى، وبلىستىق «ۇلتتار ىنتىماعىنىڭ بەرەكەلى شاڭىراعى» قيمىلىنا باسشىلىق ەتۋ گرۋپپاسى كەڭسەسىنىڭ مەڭگەرۋشىسى لۇڭ ميڭجي.

  «باس شۋجي شي جينپيڭنىڭ ىشكى موڭعۇل ۋاكىلدەر ۇيىرمەسىنىڭ تالقىسىنا قاتىناسقانداعى ۇلتتار ىنتىماعى، العاباسارلىعى تاربيەسىن ويداعىداي ورىستەتىپ، ءوزارا قولداۋ كورسەتۋ جانە جاردەم بەرۋ ۇستانىمىن امالياتتا تەرەڭدەي ايگىلەۋ جونىندەگى ماڭىزدى ءسوزى قىزىلسۋ قىرعىز اۆتونوميالى وبلىسىنىڭ ەندىگى جەردە ۇلتتار ىنتىماعى قىزمەتىن اناعۇرلىم جاقسى ىستەۋى ءۇشىن باعدار كورسەتتى، ولشەم ازىرلەدى. ەندىگى جەردە قىزىلسۋ قىرعىز اۆتونوميالى وبلىسى ۇلتتار ىنتىماعى قىزمەتىندە يدەيالىق جاقتا جەتەكتەۋ، قيمىل دانەكەرى، قۇرۋ قيمىلى، قىزمەت ستيلى جانە مەملەكەتىمىزدە ورتاق قولدانىلاتىن ءتىل - جازۋدى ۇيرەنۋ سياقتى جاقتاردان باستاپ قولعا الۋدى كۇش سالا يگەرىپ، <ۇلتتار ىنتىماعىنىڭ بەرەكەلى شاڭىراعى> جانە ۇلتتار ىنتىماعى بىرلەسكەن دوستىق قيمىلىن تۇزىمدەندىرۋ، ۇدايىلاندىرۋ، باياندى ەتۋ قۇرىلىسىن ۇزدىكسىز كۇشەيتىپ، <ۇلتتار ىنتىماعىنىڭ بەرەكەلى شاڭىراعى> قيمىلىنا ات سالىسۋ سانالىلىعىن اناعۇرلىم كۇشەيتۋمەن قاتار، <ۇلتتار ىنتىماعىنىڭ بەرەكەلى شاڭىراعى> قيمىلىنداعى ونەگەلىك، ۇزدىكتىك رولدى تولىق ساۋلەلەندىرىپ، تيپتەردى تاڭداۋ، بايقاۋ، ۇگىتتەۋ قىزمەتىن ويداعىداي ىستەپ، ءار ۇلت جۇرتشىلىعىنىڭ ارالاسۋىن، ىشتەسۋىن، توعىسۋىن اناعۇرلىم قويۋلاستىرادى»، - دەدى لۇڭ ميڭجي.

  ءۇرىمجى قالاسىنىڭ «ۇلتتار ىنتىماعىنىڭ بەرەكەلى شاڭىراعى» قيمىلىنا باسشىلىق ەتۋ گرۋپپاسى كەڭسەسىنىڭ قىزمەتكەرى چىن تاۋ بىلاي دەدى: باس شۋجي شي جينپيڭ «ۇلتتار ىنتىماعىن كۇشەيتۋدىڭ نەگىزى ۇلتتار ىنتىماعى، العاباسارلىعى تاربيەسىن ويداعىداي ورىستەتىپ، ۇلتتاردىڭ ورتاق رۋحاني مەكەنىن گۇلدەندىرۋ. ءار ۇلت بۇقاراسىنىڭ ۇلى وتانعا، جۇڭحۋا ۇلتىنا، جۇڭحۋا مادەنيەتىنە، جۇڭگو كوممۋنيستىك پارتياسىنا، جۇڭگوشا سوتسياليزمگە مۇراتتاستىعىن نىعايتىپ، ءار ۇلت تىنىستاس، تاعدىرلاس، تىلەكتەس بولۋىنىڭ بەرىك رۋحاني دانەكەرىن قالىپتاستىرۋ كەرەك» دەپ باسا دارىپتەگەن بولاتىن. بۇل ءبىزدىڭ ەندىگى جەردە «ۇلتتار ىنتىماعىنىڭ بەرەكەلى شاڭىراعى» قيمىلىن، ۇلتتار ىنتىماعى دوستىق قيمىلىن جانە ۇلتتار ىنتىماعى «تۋىستاسۋ اپتالىعى» قيمىلىن ويداعىداي ورىستەتۋىمىز ءۇشىن نەگىزگى ولشەم ازىرلەدى.

  ول تىلشىگە تاعى بىلاي دەدى: ءۇرىمجى قالاسىنىڭ «ۇلتتار ىنتىماعىنىڭ بەرەكەلى شاڭىراعى» قيمىلىنا باسشىلىق ەتۋ گرۋپپاسىنىڭ كەڭسەسى كادرلار مەن قىزمەتكەرلەردىڭ نەگىزگى ساتىداعى بۇقارامەن جۇپ قۇراپ، تۋىس بولۋىن مىقتاپ يگەرۋ نەگىزىندە، بۇكىل قالاداعى ءار ۇلت جۇرتشىلىعىن ءوزارا جۇپ قۇراپ، تۋىس بولۋعا شابىتتاندىردى، جەتەكتەدى. ۇيىمداستىرۋ كادرلارى مەن قىزمەتكەرلەرى ايىنا ءبىر رەت ارالاپ، حال سۇراپ، تۋىستارىمەن بىرگە تاماقتانىپ، بىرگە تۇرىپ، بىرگە ۇيرەنىپ، بىرگە ەڭبەك ىستەۋ «تۋىستاسۋ اپتالىعى» قيمىلىن ءار 2 ايدا ءبىر رەت ورىستەتىپ، تاراۋلاردى، مەكەمەلەردى ايىنا ءبىر رەت، مەكتەپتەردى اپتاسىنا ءبىر رەت ۇلتتار ىنتىماعى دوستىق قيمىلىن ورىستەتۋگە ۇيىمداستىرىپ، «ۇلتتار ىنتىماعى ۇيىنەن» 1065 قۇرىلىستى ۇزدىكسىز كۇشەيتىپ، «ۇلتتار ىنتىماعى اۋلاسىنا» ۋيۆەسكا اسىپ، ات قويۋ قىزمەتىن ءار جارتى جىلدا ءبىر رەت ورىستەتىپ، ۇلتتاردىڭ ورتاق رۋحاني مەكەنىن قۇرادى. كوكتەم مەرەكەسى، قۇربات ايت، ورتاڭعى كۇز مەرەكەسى سياقتى مەرەكەلەردى وراي ەتىپ، ىنتىماق تاماعىن بىرگە جەپ، جاراسىمدىلىق ءانىن بىرگە شىرقاپ، ىنتىماق رۋمكاسىن بىرگە كوتەرىپ، ىنتىماق ءبيىن بىرگە بيلەپ، جۇڭحۋا ۇلتىنىڭ ورتاق تۇلعا تانىمىن بەكەمدەيدى.

  ءىس جۇزىندىك ارەكەتتەرى ارقىلى ءوزارا قولداۋ كورسەتىپ، جاردەم بەردى

  جاقىنعى بىرنەشە كۇندە گۇما اۋدانى موكويلا اۋىلى دالىع قىستاعى كوميتەتىنىڭ ورىنباسار مەڭگەرۋشىسى مامەتتۇرىپ مۇساق مەملەكەتتىك ەكى ءماجىلىستىڭ حابارلارىنا ءار كۇنى نازار اۋداردى، مەملەكەتتىك حالىق قۇرىلتايىنىڭ ۋاكىلى يوۋ لياڭيىڭنىڭ ءوز ىنىسىندەي بولىپ كەتكەندىكتەن، تەلەۆيزوردان باس شۋجي شي جينپيڭنىڭ «ءوزارا قولداۋ كورسەتۋ جانە جاردەم بەرۋ ۇستانىمىن تەرەڭدەي امالياتتا ايگىلەپ، ۇلتتار ىنتىماعى، العاباسارلىعى تاربيەسىن ىشكەرىلەتىپ، جۇڭحۋا ۇلتى ورتاق تۇلعا تانىمىن بەكەمدەپ، ۇلتتاردىڭ اناردىڭ دانىندەي تىعىز ۇيىسۋىن جەبەپ، وتان شەكاراسىن بىرگە قورعاپ، تاماشا تۇرمىستى بىرگە جاراتۋى كەرەك» دەپ باسا دارىپتەگەنىن ەستىگەندە، مامەتتۇرىپتىڭ كوز شاناعى جاسقا تولدى.

  «مەنىڭ حانزۋ اپەكەم بايۋ جولىنا تۇسۋىمە كومەكتەسىپ قانا قالماستان، ورتاق ءتىل ورەمدى دە جوعارىلاتتى. قازىر ءار اپتانىڭ دۇيسەنبى، سارسەنبى، جۇما كۇندەرى قىستاقتىڭ ءبىرىنشى شۋجيىنىڭ قىستاق تۇرعىندارىنا مەملەكەتتە ورتاق قولدانىلاتىن ءتىل - جازۋدى ۇيرەتۋىنە كومەكتەسەمىن. مەملەكەتتە ورتاق قولدانىلاتىن ءتىل - جازۋ ۇلتتاردىڭ پىكىر اۋىستىرىپ، قارىم - قاتىناس جاساۋىنىڭ نەگىزى، ءتىل تۇتاسقاندا عانا كوڭىل تۇتاسادى»، - دەدى مامەتتۇرىپ.

  قىستاق تۇرعىندارىنىڭ مەملەكەتتە ورتاق قولدانىلاتىن ءتىل - جازۋدى ۇيرەنۋىنە كومەكتەسۋدەن سىرت، مامەتتۇرىپ ءوز باسىمدىعىن ساۋلەلەندىرىپ، ارحيۆ تۇرعىزىلىپ، كارتچكا تاراتىلعان كەدەيلەردىڭ سىرتقا شىعىپ جۇمىس ىستەۋىن جەبەۋ جاعىندا دا بەلسەندىلىكپەن قۇلشىندى. مامەتتۇرىپ پەن باسقا قىستاق كادرلارىنىڭ بايلانىس جاساپ سايكەستىرۋىندە، بيىل ارحيۆ تۇرعىزىلىپ، كارتچكا تاراتىلعان 150 كەدەي وتباسى بيڭتۋان 14 - ديۆيزياسى 224 - پولكىنە بارىپ جۇمىسقا ورنالاستى ءارى حوشۇت اۋدانىنداعى ءىرى ەگىنشىلىك وتباسىلارىمەن 200 ادام ىستەتۋ توقتامىنا قول قويدى، جۋىردا قىستاقتاعى ارحيۆ تۇرعىزىلىپ، كارتچكا بەلگىلەنگەن 200 كەدەي سىرتقا شىعىپ، اشتى بۇرىش، قىزاناق ەگىنشىلىگىمەن شۇعىلدانۋعا ۇيىمداستىرىلدى.

  «ۇلتتاردىڭ ءوزارا قارايلاسۋى استە اۋىزداعى عانا ءسوز ەمەس، ول ءبىزدىڭ قوعامنىڭ جاراسىمدىلىعىن قورعاپ، كەدەيلىكتەن قۇتىلدىرۋدان قامال الۋدى جەبەۋدەگى ءىس جۇزىندىك ارەكەتىمىزدەن كەلەدى. ءار ۇلت اعا - باۋىر، اپەكە - قارىنداستاردىڭ ءبىر نيەتپەن كۇش قوسىپ، ىنتىماقتاسا كۇرەس جاساۋىندا تۇرمىسىمىزدىڭ، ءسوزسىز، اناعۇرلىم تاماشا بولاتىنىنا سەنەمىن»، - دەدى مامەتتۇرىپ.

  مامەتتۇرىپ وتباسىنىڭ بايۋ جولىنا تۇسۋىنە كومەكتەسۋ بارىسىندا، مەملەكەتتىك حالىق قۇرىلتايىنىڭ ۋاكىلى يوۋ لياڭيىڭ ۇلتتار ىنتىماعىنىڭ ماڭىزدىلىعىن تەرەڭ سەزىندى، قازىر ول باستاماشى بولىپ قۇرعان «ۇلتتار ىنتىماعىنىڭ بەرەكەلى شاڭىراعى يوۋ لياڭيىڭ ۇيىرمەسىنىڭ» مۇشەسى 1300 ادامنان استى.

  ۇلتتار ىنتىماعىنىڭ جان تامىرىن تاباندىلىقپەن قورعايىق

  3 - ايدىڭ 13 - كۇنى، كورلا قالاسى تۇۋۇرچى اۋىلى شاڭيا (ۇستىڭگى جاڭاتوعىراق) قىستاعىنىڭ تۇرعىنى رابيگۇل ياحۇپ مەملەكەتتىك ەكى ءماجىلىستىڭ حابارلارىن كورىپ وتىرعان بولاتىن، ءدال وسى كەزدە تۋىستاسقان تۋىسى تۇۋۇرچى اۋىلىنداعى ءتارتىپ تەكسەرۋ كادرى حوۋ يۇيمەي ونى ىزدەپ كەلەدى.

  «باس شۋجي شي جينپيڭ <ۇلتتار ىنتىماعى ءار ۇلت حالقىنىڭ جان تامىرى> دەپ وتە دۇرىس ايتقان! قىستاعىمىزداعىلار ۇلتقا بولىنبەيدى، كوپشىلىك بەرەكەلى وتەدى، سەن - مەن دەسپەيدى، ءبىر - بىرىنەن ايرىلا المايدى. بالا كەزىمنەن بەرى كوپ قيىنشىلىق تارتىپ كەلدىم، قىستاقتاعى كورشى - قولاڭداردىڭ كومەگىنىڭ ارقاسىندا قيىنشىلىقتارىمنىڭ ءبارى شەشىلىپ، بۇگىنگىدەي جاقسى تۇرمىسقا يە بولدىم، وسىنىڭ ءبارى ۇلتتار ىنتىماعىنىڭ جەمىسى!».

  الدىڭعى عاسىردىڭ 90 - جىلدارى، شاڭيا قىستاعىندا المۇرت ەگۋ جالپىلاسا باستايدى. بۇل ماقتا ەگۋگە كوندىگىپ قالعان رابيگۇل ءۇشىن اسا قيىن سەزىلەدى. ءدال وسى ساتتە، قىستاقتاعى المۇرت ەگۋدىڭ مايتالمانى اتانعان حانزۋ ازامات رابيگۇلدى ىزدەپ بارىپ، وعان المۇرت اعاشىن باپتاۋ تەحنيكاسى جاعىنان كومەك كورسەتەدى. قازىر رابيگۇلدىڭ 20 مۋلىق المۇرت باعى بار، سوڭعى جىلداردان بەرگى كىرىسى دە جامان ەمەس. 2017 - جىلى جىل باسىندا رابيگۇل مەن تۇۋۇرچى اۋىلىنداعى كادر حوۋ يۇيمەي تۋىس بولادى، حوۋ يۇيمەي اپتا سايىن رابيگۇلگە بارىپ ونىڭ اۋلاسىن تازالاپ، ءۇي شارۋالارىنا كومەكتەسىپ، ءوندىرىس، تۇرمىس جاعىنداعى ناقتى قيىنشىلىقتارىنا بار ىنتاسىمەن كومەك كورسەتەدى، رابيگۇل بۇعان توتەنشە اسەرلەنەدى.

  «ءبىز تۋىستاردان دا جاقىنبىز، ءبىز ۇلتتار ىنتىماعىن كوز قاراشىعىمىزداي ايالاپ، كەزەكتەگى ۇلتتار ىنتىماعى تاماشا جاعدايىن قاستەرلەيمىز»، - دەدى رابيگۇل.

  ەكى ءماجىلىس كەزىندە، اۆتونوميالى رايوندىق ۇلتتار ىنتىماعى، العاباسارلىعىنىڭ ۇلگىسى، تەكەس اۋدانى بوزادىر مال شارۋاشىلىعى ەمحاناسىنىڭ شيپاگەرى جۇماتاي اۋباكىر ۇلى بوزادىر مال فەرماسىنداعى مالشىلاردى ەمدەۋمەن قاربالاس بولدى.

  «بۇرىن تەكەس اۋدانى بوزادىر مال فەرماسىندا ەلەكتر، تەلەفون، تاس جول جوق ەدى، وسى اراداعى مالشىلاردىڭ ەمدەلۋى توتەنشە قيىن بولاتىن. ءبىراق پارتيا ورتالىق كوميتەتى ءبىزدى ەستەن شىعارمادى، وسى ارادان دەنساۋلىق ساقتاۋ ورنىن قۇرىپ قانا قالماستان، ەلەكتر، تەلەفون جەتكىزىپ جانە اسفالت جول سالدى... وسىنىڭ ءبارى مەملەكەتتىڭ ابزال ساياساتىنىڭ ارقاسى. قازىر بوزادىر مال فەرماسىنىڭ ەمدەۋ شارت - جاعدايى بارعان سايىن جاقسارىپ، مالشىلاردىڭ ەمدەلۋ جاعىنداعى قاجەتى نەگىزىنەن قاناعاتتاندىرىلدى، مىنە بۇل باس شۋجي شي جينپيڭنىڭ شينجياڭداعى ءار ۇلت بۇقاراسىنا كوڭىل ءبولىپ، قامقورلىق جاساعاندىعىنىڭ ارقاسى»، - دەدى جۇماتاي. ول تاعى بىلاي دەدى: «ۇلتتار ىنتىماعى قىزمەتىن جاقسى ىستەگەندە عانا وتانىمىز كوركەيىپ - گۇلدەنەدى. مەن باس شۋجيدىڭ كوكەي تەستى تىلەگىن ەستە بەرىك ساقتاپ، ءارقاشان دا ءىس جۇزىندىك ارەكەتىم ارقىلى ۇلتتار ىنتىماعى قىزمەتىن جاقسى ىستەيمىن».

                     (تىلشىلەرىمىز جاۋ چۇنحۋا، ليۋ جيڭ، شيا چيڭ، ياۋ تۇڭ، حوتان تىلشىلەر پۋنكتىنەن مۋ ليڭ، ىلە تىلشىلەر پۋنكتىنەن شى شۋەحۇڭ، ەرىكتى ءتىلشىمىز ليۋ ۋي)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.