چىن چۋانگو، ەركىن يمىرباقى، شوكىرات زاكىر، شاۋكەت يمىن، سۇن جينلۇڭ، جۋ حايلۇن جوبانى قاراۋعا قاتىناستى
ءتىلشىمىز ياۋ تۇڭ 3 - ايدىڭ 16 - كۇنى بەيجيڭنەن حابارلايدى. 3 - ايدىڭ 16 - كۇنى مەملەكەتتىك 13 - كەزەكتى حالىق قۇرىلتايىنىڭ 1 - ماجىلىسىنە قاتىناسىپ جاتقان شينجياڭ ۋاكىلدەر ۇيىرمەسى جالپى ءماجىلىس اشىپ، باقىلاۋ - تەكسەرۋ زاڭى جوباسىنىڭ وزگەرىس ەنگىزىلگەن نۇسقاسىن، مەملەكەتتىك كەڭەس قۇرىلىمدارىنا رەفورما جاساۋ جوباسىن بەكىتۋ جونىندەگى قارار جوبا، مەملەكەتتىك 13 - كەزەكتى حالىق قۇرىلتايى 1 - ءماجىلىسىنىڭ سايلاۋ جانە مىندەتكە تاعايىنداۋدى ۇيعارۋ ءادىسى جوباسى سياقتىلاردى قارادى.
شينجياڭ ۋاكىلدەر ۇيىرمەسىنىڭ باستىعى، اۆتونوميالى رايوندىق پارتكومنىڭ شۋجيى چىن چۋانگو، مەملەكەتتىك حالىق قۇرىلتايىنىڭ ۋاكىلى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى ەركىن يمىرباقى جانە مەملەكەتتىك حالىق قۇرىلتايىنىڭ ۋاكىلدەرى شوكىرات زاكىر، شاۋكەت يمىن، سۇن جينلۇڭ، جۋ حايلۇن ماجىلىسكە قاتىناستى.
شينجياڭ ۋاكىلدەر ۇيىرمەسىندەگىلەر باقىلاۋ - تەكسەرۋ زاڭى جوباسىنىڭ وزگەرىس ەنگىزىلگەن نۇسقاسىن، مەملەكەتتىك كەڭەس قۇرىلىمدارىنا رەفورما جاساۋ جوباسىن بەكىتۋ جونىندەگى قارار جوبانى، مەملەكەتتىك 13 - كەزەكتى حالىق قۇرىلتايى 1 - ءماجىلىسىنىڭ سايلاۋ جانە مىندەتكە تاعايىنداۋدى ۇيعارۋ ءادىسى جوباسىن ءبىر اۋىزدان قۇپتايتىندىقتارىن ءبىلدىردى.
مەملەكەتتىك حالىق قۇرىلتايىنىڭ ۋاكىلدەرى نايىم ياسىن، شى داگاڭ، ليۋ حايشيڭ، لي ۋي، ما شۋەجۇن، لو دۇڭچۋان، پىڭ جيارۇي، ابدۇراقىپ ءتومۇرنياز قاتارلىلار ماجىلىسكە قاتىناستى، مەملەكەتتىك 12 - كەزەكتى حالىق قۇرىلتايى تۇراقتى كوميتەتىنىڭ مۇشەسى اسحات كەرىمباي ۇلى ماجىلىسكە سىرتتاي قاتىناستى.
