شينحۋا اگەنتتىگىنىڭ 3 - ايدىڭ 16 - كۇنى بەيجيڭنەن بەرگەن حابارى. ساياسي كەڭەس مەملەكەتتىك 13 - كەزەكتى كوميتەتى تۇراقتى كوميتەتىنىڭ 1 - ءماجىلىسى 3 - ايدىڭ 16 - كۇنى بەيجيڭدە جابىلدى. مەملەكەتتىك ساياسي كەڭەستىڭ ءتوراعاسى ۋاڭ ياڭ ءماجىلىستى باسقاردى ءارى ءسوز سويلەدى. ول مىنانى باسا دارىپتەدى: باس شۋجي شي جينپيڭنىڭ حالىق ساياسي كەڭەسىنىڭ قىزمەتى جونىندەگى ماڭىزدى يدەياسى حالىق ساياسي كەڭەس ىستەرىنىڭ دامۋى ءدوپ كەلگەن بەتالىستىق، جالپىلىق، ستراتەگيالىق كەلەلى ماسەلەلەرگە عىلمي جاۋاپ بەردى، بۇل شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ ماڭىزدى قۇرامداس بولىگى، جاڭا داۋىردەگى حالىق ساياسي كەڭەسى ىستەرىنىڭ دامۋىن عىلمي نازاريالىق جەتەكشىلىكپەن جانە ارەكەت باعدارناماسىمەن قامتاماسىز ەتتى. وسى رەتكى تۇراقتى كوميتەت ءماجىلىسى باس شۋجي شي جينپيڭنىڭ حالىق ساياسي كەڭەس قىزمەتى جونىندەگى ماڭىزدى يدەياسىن ۇيرەندى، جەتكىزدى، ءماجىلىس ارقىلى تاربيە جۇرگىزىپ، ساياسي كەڭەستىڭ كەلەسى 5 جىلداعى قىزمەتتەرىنىڭ يدەيالىق نەگىزىن بەكەمدەدى. باس شۋجي شي جينپيڭنىڭ حالىق ساياسي كەڭەسى قىزمەتى جونىندەگى ماڭىزدى يدەياسىنىڭ وزەكتى ماقساتىن، رۋحاني ءمانىن كۇش سالا يگەرىپ، مۇنى حالىق ساياسي كەڭەسىنىڭ قىزمەت وي جەلىسىنە جانە ناقتى ىستەرمەن شۇعىلدانۋ شاراسىنا اينالدىرىپ، قىزمەتتىڭ جاڭا جاعدايىن اشا بەرۋىمىز كەرەك.
ۋاڭ ياڭ مىنانى باسا دارىپتەدى: حالىق ساياسي كەڭەسىنىڭ سيپاتى مەن ورنىنان جازباي، پارتيا مەن مەملەكەتتىڭ وزەكتى مىندەتتەرىنە نازاردى شوعىرلاندىرىپ، فۋنكتسيانى اتقارىپ، مىندەتىن وتەپ، فۋنكتسيانى اتقارۋ قىزمەتىنىڭ ناقتى ونىمدىلىگى مەن ورەسىن قۇلشىنا جوعارىلاتۋ كەرەك. بيىل كەلەلى كەڭەستىك قيمىلداردى، جاڭادان وزگەرىس ەنگىزىلگەن ساياسي كەڭەس ۋستاۆىن ۇيرەنۋ، ۇگىتتەۋ، دايەكتىلەندىرۋ، ساياسي كەڭەس كەڭەستىك دەموكراتياسىنىڭ كەلەلى رەفورما شارالارىن تياناقتاندىرۋ، مۇشەلەردىڭ ۇيرەنۋ كۋرسى سياقتى قىزمەتتەردى ءتۇيىندى تۇردە مىقتاپ يگەرىپ، ۇسىنىس جوبا بەرۋ، تەكسەرۋ، زەرتتەۋ، نازاريالىق زەرتتەۋ سياقتى قىزمەتتەردىڭ ساپاسىن وسىرۋگە كۇش سالۋىمىز كەرەك.
ۋاڭ ياڭ بىلاي دەدى: ساياسي كەڭەس مەملەكەتتىك 13 - كەزەكتى كوميتەتىنىڭ 1 - ءماجىلىسى تۇراقتى كوميتەتتى سايلادى، بۇل بارلىق مۇشەنىڭ بىزگە سەنىم ارتقانى جانە كەلەلى مىندەت تاپسىرعانى، پارتيا مەن حالىقتىڭ ىستىق ىقىلاستى ءۇمىت كۇتكەنى. تۇراقتى كوميتەتتىڭ مۇشەلەرى ساياسي دەڭگەيىن ءوسىرىپ، يدەيانى بىرلىككە كەلتىرىپ، ۇيرەنۋدى كۇشەيتۋ، سەنىمدى بەكەمدەۋ، شىندىقتى ءىس جۇزىنەن ىزدەۋ، ساپانى ءوسىرىپ، ونىمدىلىكتى جوعارىلاتۋ، تارتىپكە قاتاڭ بويسۇنۋ، تۋراشىل، ەلگەزەك بولۋ، ىنتىماقتى، دەموكراتيالى بولۋ، سەلبەستىك جاساسۋ، ىستەس بولۋ جاقتارىندا الدا ءجۇرۋ، فۋنكتسيانى اتقارۋداعى جازباشا باياندامانى باستاماشىلدىقپەن تاپسىرىپ، جىلدىق «مۇشە تاپسىرماسىن» ويداعىداي ورىنداپ، ونەگەلىك، جەتەكشىلىك ەتۋ رولىن شىنايى ساۋلەلەندىرىپ، جاڭا داۋىردەگى حالىق ساياسي كەڭەس ىستەرىنىڭ جاڭا بەينە، جاڭا ىسكەرلىك بايقاتۋىن، تىڭ تاراۋلار جازۋىن قۇلشىنا ىلگەرىلەتۋ كەرەك.
ءماجىلىس ساياسي كەڭەس مەملەكەتتىك 13 - كەزەكتى كوميتەتى تۇراقتى كوميتەتىنىڭ ارناۋلى كوميتەت قۇرۋ جونىندەگى قارارىن قاراپ، ماقۇلداپ، ۇسىنىس جوبا كوميتەتى، ەكونوميكا كوميتەتى، اۋىل شارۋاشىلىعى جانە اۋىل - قىستاق كوميتەتى، جان سانى، بايلىق، قورشاعان ورتا كوميتەتى، وقۋ - اعارتۋ، عىلىم - تەحنيكا، دەنساۋلىق ساقتاۋ، دەنە تاربيە كوميتەتى، قوعام جانە زاڭ - ءتۇزىم كوميتەتى، ۇلت جانە ءدىن كوميتەتى، شياڭگاڭدىق، اۋمىندىق، تايۋاندىق مۇھاجىرلار كوميتەتى، سىرتقى ىستەر كوميتەتى، مادەنيەت، تاريحي ماتەريالدار جانە ۇيرەنۋ كوميتەتى سياقتى 10 ارناۋلى كوميتەت قۇرۋدى ۇيعاردى؛ ساياسي كەڭەس مەملەكەتتىك 13 - كەزەكتى كوميتەتىنىڭ ورىنباسار باس حاتشىلارىنىڭ ەسىمدىگىن جانە ءارقايسى ارناۋلى كوميتەتتەردىڭ مەڭگەرۋشىلەرىنىڭ، ورىنباسار مەڭگەرۋشىلەرىنىڭ ەسىمدىگىن قاراپ ماقۇلدادى.
مەملەكەتتىك ساياسي كەڭەستىڭ ورىنباسار ءتوراعالارى جاڭ چيڭلي، ليۋ چيباۋ، پابالا گلەلاڭجيە، دۇڭ جيانحۋا، ۋان گاڭ، حى حوۋحۋا، لۋ جانگۇڭ، ۋاڭ جىڭۋي، ما بياۋ، چىن شياۋگۋاڭ، لياڭ جىنيىڭ، شيا باۋلۇڭ، ياڭ چۋانتاڭ، لي بين، باتىر، ۋاڭ يۇڭچيڭ، حى ليفىڭ، سۋ حۇي، جىڭ جيانباڭ، گۋ شىڭزۋ، ليۋ شينچىڭ، حى ۋي، شاۋ حۇڭ، گاۋ يۇنلۇڭ ماجىلىسكە قاتىناستى.
