تيانشان تورابى   ›   جاڭالىقتار   ›   شينجياڭ حابارلارى

مەملەكەتتىك ساياسي كەڭەستىڭ شينجياڭداعى مۇشەلەرى ۇرىمجىگە قايتىپ كەلدى

  تىلشىلەرىمىز يۋان لەي، ميھىرگۇل وبۇل 3 - ايدىڭ 16 - كۇنى ۇرىمجىدەن حابارلايدى. ساياسي كەڭەس مەملەكەتتىك 13 - كەزەكتى كوميتەتىنىڭ 1 - ماجىلىسىنە قاتىناسقان مەملەكەتتىك ساياسي كەڭەستىڭ شينجياڭداعى مۇشەلەرى ءماجىلىستىڭ ءتۇرلى كەڭەستىك تارتىپتەرىن تابىسپەن ورىنداعان سوڭ 3 - ايدىڭ 16 - كۇنى ۇشاقپەن ۇرىمجىگە قايتىپ كەلدى.

  ساياسي كەڭەس مەملەكەتتىك 13 - كەزەكتى كوميتەتىنىڭ 1 - ءماجىلىسى كەزىندە، مەملەكەتتىك ساياسي كەڭەستىڭ شينجياڭداعى مۇشەلەرى جاۋاپكەرلىگىن مۇقيات اتقارىپ، بەلسەنە ۇسىنىس - پىكىر بەرىپ، حالىق جۇرتشىلىعى نازار اۋداراتىن قولامتالى ماسەلەلەردى ارقاۋ ەتىپ، كەڭىستىكتەگى جىبەك جولىن اشۋ، شينجياڭنىڭ قاتىناس نەگىزدىك قۇرىلعىلار قۇرىلىسىن قولداۋ، شينجياڭنىڭ ەنەرگيا بازاسى قۇرىلىسىن جەدەلدەتۋ، وڭتۇستىك شينجياڭنىڭ كەدەيلىكتەن قۇتىلدىرۋدا قامال الۋ شايقاسىندا جەڭىسكە جەتۋ، وڭتۇستىك شينجياڭداعى ورتا، باستاۋىش مەكتەپ وقىتۋشىلار قوسىنى قۇرىلىسىن كۇشەيتۋ سياقتى جاقتاردا بەلسەنە ۇسىنىس - پىكىر، كەڭەس بەرىپ، ماجىلىسكە جيىنى 120 ۇسىنىس جوبا ۇسىندى.

  مۇشە باعداۋلەت بىلاي دەدى: پارتيا 19 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، باس شۋجي شي جينپيڭنىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنىن باتىل قورعاپ، فۋنكتسيانى اتقارۋ قابىلەتىمدى شىنايى وسىرەمىن. ماجىلىسكە قاتىناسۋدان العان اسەرىمدى مۇقيات رەتتەدىم، قىزمەت ورنىما قايتىپ بارعاننان كەيىن، ءماجىلىستىڭ رۋحىن دەرەۋ جەتكىزىپ، دەر كەزىندە دايەكتىلەندىرەمىن، تياناقتاندىرامىن.

  مۇشە گۋان فاڭفاڭ بىلاي دەدى: وسى رەتكى ءماجىلىستىڭ مازمۇنى مول، جاڭا كەزەكتى حالىق ساياسي كەڭەسىنە تولىق سەنىم ارتامىن. قىزمەت ورنىما قايتقاننان كەيىن، ءماجىلىستىڭ رۋحىن ويداعىداي جەتكىزەمىن. سونىمەن قاتار، اناعۇرلىم بەلسەندى، ىرىقتى تۇردە ۇسىنىس - پىكىر، كەڭەس بەرەمىن، ءار ۇلت حالقىنىڭ كۇتكەن ءۇمىتىن استە جەردە قالدىرمايمىن.

  مۇشە يۇكساك شىجاات بىلاي دەدى: «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتىنىڭ ءبىر مۇشەسى رەتىندە، مەن ءوزىمنىڭ قىزمەت امالياتىما ۇشتاستىرىپ، وسى رەتكى ءماجىلىستىڭ رۋحىن جاپپاي دايەكتىلەندىرەمىن، تياناقتاندىرامىن، كەدەيلىكتەن قۇتىلدىرۋدان قامال الۋ قىزمەتتەرىن قىزمەت اترەتىندەگىلەرمەن بىرگە ناقتاپ تياناقتاندىرامىن، قىستاق تۇرعىندارىن پارتياعا العىس ايتۋعا، پارتيانىڭ سوزىنە قۇلاق اسۋعا، پارتياعا ىلەسۋگە جەتەكتەيمىن.

  مۇشەلەر جاپا - تارماعاي بىلاي دەدى: باس شۋجي شي جينپيڭنىڭ ماڭىزدى سوزدەرىنىڭ رۋحىن مۇقيات ۇيرەنىپ، ءماجىلىستىڭ رۋحىن دەن قويا ءتۇسىنىپ، اناعۇرلىم جالىندى ىنتامەن فۋنكتسيانى اتقارۋ قىزمەتىنە ات سالىسىپ، وسكەلەڭ ساياسي جاۋاپكەرلىكتە بولا وتىرىپ، ۇكىمەت ىسىنە بەلسەنە قاتىسىپ، كەڭەس ۇسىنىس - پىكىر بەرىپ، باس نىساناعا نازاردى شوعىرلاندىرىپ، اۆتونوميالى رايوننىڭ ورنىقتىلىق، دامۋ ىستەرىنە ۇلەس قوسامىز.

     اۆتونوميالى رايوننىڭ باسشىلارى اۋەجايعا بارىپ قارسى الدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى