ءۇرىمجى الەۋمەتتىك مايعا بەرىلەتىن تۇرعىن ءۇي قامتاماسىزداندىرۋ كولەمى كەڭەيەدى

　　شارتقا ۇيلەسەتىن جاس شيپاگەرلەر، جاس وقىتۋشىلار قاتارلىلاردىڭ ءوتىنىش تاپسىرۋىنا بولادى

　　كوزالدا، ءۇرىمجى شارتقا ۇيلەسەتىن اۋىل - قىستاققا جوتكەلگەن جان سانى، جاس شيپاگەرلەر، جاس وقىتۋشىلار قاتارلىلار قاراستى الەۋمەتتىك اۋماعىندا نەمەسە اۋداندا تۇرعىن ءۇي قامتاماسىزداندىرۋدى باسقارۋ ورتالىعى، قالا تۇرعىن ءۇي قامتاماسىزداندىرۋدى باسقارۋ كەڭسەسى تۇرعىن ءۇي قامتاماسىزداندىرۋعا قىزمەت وتەۋ زالىندا ءوتىنىش تاپسىرۋىنا بولادى.

　　تاياۋدا، ءتىلشىنىڭ ءۇرىمجى قالاسى تۇرعىن ءۇي قامتاماسىزداندىرۋ مەن ءۇي مۇلىك باسقارۋ مەكەمەسى تۇرعىن ءۇي قامتاماسىزداندىرۋ كەڭسەسىنەن ۇعىسۋىنشا، ءۇرىمجى قالالىق تۇرعىن ءۇي قامتاماسىزداندىرۋدىڭ «نەگىزگى قوسىنى» بولعان الەۋمەتتىك مايعا بەرىلەتىن تۇرعىن ءۇيدىڭ ارتىقشىلىعى جالپىلاسقان كولەمى كەڭ، يكەمدىلىگى كۇشتى،ءادىل. كوزالدا، الەۋمەتتىك مايعا بەرىلەتىن تۇرعىن ءۇيدىڭ كولەمى ەڭ تومەنگى تۇرمىسىن قامتاماسىزداندىراتىن وتباسى، تومەن كىرىستى وتباسى، ورتا تومەن كىرىستى وتباسى، سىرتتان كەلىپ جۇمىس ىستەگەندەر، سونداي - اق جاڭا كاسىپتەنگەندەر بولاتىن، بۇدان كەيىن، اۋىل - قىستاقتان جوتكەلگەندەر، جاس شيپاگەرلەر مەن وقىتۋشىلاردى قامتيدى. ايلىق كىرىسى 3085 يۋاننان تومەن بولعاندار، سونداي - اق جان باسىندىق تۇرعىن ءۇي كولەمى 13 شارشى مەتردەن تومەن بولعانداردىڭ الەۋمەتتىك مايعا بەرىلەتىن تۇرعىن ۇيگە ءوتىنىش تاپسىرۋىنا بولادى.

　　الەۋمەتتىك مايعا بەرىلەتىن تۇرعىن ءۇي قامتاماسىزداندىرۋ وبيەكتىسىندە، جاڭا كاسىپتەنگەن قىزمەتكەرلەرگە قويىلاتىن شارت باسقالارعا ۇقسامايدى، ولارعا كىرىس شەكتەمەسى قويىلمايدى. قازىر ءۇرىمجى قۇرىلىسىنىڭ الەۋمەتتىك مايعا بەرىلەتىن تۇرعىن ۇيلەر جوعارى قابات ۇيلەر. جەكە قۇرىلىس كولەمى 35 تە 60 شارشى مەتر اينالاسىندا تىزگىندەلگەن.