− ساياسي كەڭەس مەملەكەتتىك 13 - كەزەكتى كوميتەتىنىڭ 1 - ماجىلىسىندە جاسالدى
(2018 - جىلى 3 - ايدىڭ 3 - كۇنى)
يۇي جىڭشىڭ
مۇشەلەر:
مەن جۇڭگو حالىق ساياسي كەڭەسى مەملەكەتتىك 12 - كەزەكتى كوميتەتىنىڭ تۇراقتى كوميتەتى اتىنان ماجىلىسكە وتكەن 5 جىلعى قىزمەتتەن بايانداما جاساپ، بۇدان بىلايعى قىزمەتتەر جونىندە ۇسىنىستاردى ورتاعا قويامىن، قاراپ شىعۋلارىڭىزدى وتىنەمىن.
1. وتكەن 5 جىلداعى قىزمەتتەرگە شولۋ
ج ك پ 18 - قۇرىلتايىنان بەرگى 5 جىل پارتيا مەن مەملەكەت دامۋىنداعى تىم ەرەكشە 5 جىل. شي جينپيڭ جولداستى ۇيتقى ەتكەن ج ك پ ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە ولارعا جەتەكشىلىك ەتىپ، ۇلى كۇرەستى، ۇلى ينجەنەريانى، ۇلى ىستەردى، ۇلى ارماندى ءبىر تۇتاس مەڭگەرىپ، «بەستى ءبىر تۇلعالاندىرۋ» جالپى تۇلعالىق ورنالاستىرۋىن ءبىر تۇتاس ىلگەرىلەتىپ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتىپ، پارتيا مەن مەملەكەت ىستەرىندە تاريحي سيپاتتى تابىسقا جەتۋدى، تاريحي وزگەرىستەر تۋىلۋىن ىلگەرىلەتىپ، جۇڭگوشا سوتسياليزم جاڭا داۋىرگە ءوتتى.
5 جىلدان بەرى، شي جينپيڭ جولداستى ۇيتقى ەتكەن ج ك پ ورتالىق كوميتەتى حالىق ساياسي كەڭەسىنىڭ قىزمەتىنە بولعان جاپپاي باسشىلىعىن كۇشەيتتى. باس شۋجي شي جينپيڭ كوپ رەت ماڭىزدى ءسوز سويلەپ، ءبىر قىدىرۋ جاڭا يدەيا، جاڭا تۇجىرىم، جاڭا تالاپتاردى ورتاعا قويىپ، حالىق ساياسي كەڭەسى ىستەرىنىڭ دامۋى جونىندەگى ەلەۋلى نازاريالىق جانە امالياتتىق ماسەلەلەرگە عىلمي جاۋاپ بەردى. ج ك پ ورتالىق كوميتەتى سوتسياليستىك ءماسليحات دەموكراتياسى قۇرىلىسى، وتانشىلدىق بىرلىكساپ، حالىق ساياسي كەڭەسىنىڭ ءماسليحات دەموكراتياسى قۇرىلىسى، حالىق ساياسي كەڭەسىنىڭ دەموكراتيالىق باقىلاۋ قىزمەتى سياقتى ماڭىزدى حۇجاتتاردى بەلگىلەپ، ورتالىق كوميتەت ساياسي بيۋروسى تۇراقتى كوميتەتىنىڭ ساياسي كەڭەستىڭ جىلدىق ءماسليحات جوسپارىن جاساپ، ساياسي كەڭەستىڭ پارتيا باسشىلىق گرۋپپاسىنىڭ قىزمەتىنەن مالىمەتىن تىڭداپ، ساياسي كەڭەستىڭ پارتيانىڭ باسشىلىعى ءتۇزىلىسى سياقتى تۇزىمدەرىن ورنالاستىرۋىن كەمەلدەندىردى. ساياسي كەڭەستىڭ مەملەكەتتىك كوميتەتى جانە ونىڭ تۇراقتى كوميتەتى ج ك پ 18 - قۇرىلتايىنىڭ جانە 19 - قۇرىلتايىنىڭ رۋحىن جاپپاي دايەكتىلەندىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي دايەكتىلەندىرىپ، ىنتىماق جانە دەموكراتيا سىندى 2 ۇلكەن تاقىرىپتان جازباي، وزەكتى ارقاۋ، جالپى جاعدايعا قىزمەت ەتىپ، جۇڭگوشا سوتسياليزمگە تاباندى بولۋدى جانە ونى دامىتۋدى ورتاق يدەيالىق - ساياسي نەگىزدى بەكەمدەۋدىڭ باستى ءوسى ەتىپ، ءماسليحاتتاسۋ، ۇكىمەت ىسىنە كەڭەس بەرۋ جۇلگەسىن كەمەلدەندىرىپ، دەموكراتيالىق باقىلاۋ فۋنكتسياسىن كۇشەيتىپ، ىنتىماقتاسۋ، دوستاسۋ قىزمەتىن كەڭەيتىپ، فۋنكتسيا اتقارۋ قابىلەتى قۇرىلىسىن كۇشەيتىپ، حالىق ساياسي كەڭەسى ىستەرىنىڭ مۇراگەرلىك ەتۋ بارىسىندا دامۋىن، دامۋ بارىسىندا جاڭالىق اشۋىن ىلگەرىلەتىپ، ىنتىماقتى، دەموكراتيالى، ناقتىلى ىستەر ىستەپ ىلگەرىلەۋ، قارىشتاپ دامۋ سىندى جاڭا جاعداي اشىپ، جۇڭگوشا سوتسياليستىك ءتۇزىمنىڭ باسىمدىلىعى مەن ارتىقشىلىعىن ايگىلەپ، پارتيا مەن مەملەكەت ىستەرىندە ەشكىم ورنىن باسا المايتىن ماڭىزدى رولىن ساۋلەلەندىرىپ، ماڭىزدى ۇلەستەر قوستى.
(1) دۇرىس ساياسي باعداردى مىقتى يگەرىپ، شي جينپيڭ جولداستى ۇيتقى ەتكەن ج ك پ ورتالىق كوميتەتىنىڭ ورتالىقتانعان ءبىر تۇتاس باسشىلىعىن باتىل قورعادى
يدەيالىق - ساياسي قۇرىلىستى نۇسقاۋشى ەتىپ، ىنتىماقتاسا وتىرىپ كۇرەس جاساۋداعى ورتاق يدەيالىق - ساياسي نەگىزدى نىعايتتى. ج ك پ 18 - قۇرىلتايىنىڭ رۋحىن ىشكەرىلەي ۇيرەنىپ، تۇراقتى كوميتەتىنىڭ ءماجىلىسىن اشىپ، ج ك پ 18 - كەزەكتى ورتالىق كوميتەتى ءۇشىنشى، ءتورتىنشى، بەسىنشى، التىنشى جالپى ماجىلىستەرىنىڭ رۋحىن ارناۋلى تاقىرىپتا ۇيرەنىپ جانە ونى دايەكتىلەندىرىپ، رەفورمانى جاپپاي تەرەڭدەتۋ، ەلدى جاپپاي زاڭمەن باسقارۋ، جاپپاي دوڭگەلەك داۋلەتتى قوعام قۇرۋ، پارتيانى جاپپاي قاتاڭ باسقارۋدىڭ ماڭىزدى ورنالاستىرۋلارىن تەرەڭ ءتۇسىنىپ، امالياتپەن بىرلەستىرە وتىرىپ، دايەكتى تياناقتاندىردى. باس شۋجي شي جينپيڭنىڭ جەلىلەس ماڭىزدى ءسوزىنىڭ رۋحىن جوسپارلى، ارناۋلى تاقىرىپقا ءبولىپ ۇيرەنىپ جانە يگەرىپ، ءتوراعالار ءماجىلىسىن، نازاريالىق تالقى ءماجىلىسىن جانە اڭگىمە ءماجىلىسىن اشىپ، باس شۋجي شي جينپيڭنىڭ حالىق ساياسي كەڭەسى قۇرىلعاندىعىنىڭ 65 جىلدىعىن قۇتتىقتاۋ جينالىسىندا سويلەگەن ماڭىزدى ءسوزىنىڭ رۋحىن شوعىرلى ۇيرەنىپ، جەرگىلىكتى ساياسي كەڭەسكە ۇيرەنۋ ۇقتىرۋىن جىبەرىپ، حالىق ساياسي كەڭەسىندە سويلەگەن ءسوزدى ۇيرەنۋ جانە ونى تياناقتاندىرۋدى مىقتى ۇستاۋ، قىزمەتتى جەبەۋ سىندى تاماشا ورتا قالىپتاستىردى؛ تۇراقتى كوميتەتتىڭ لەكسيالارىن، بايانداما جاساۋ ءماجىلىسىن ۇيرەنۋ سياقتى فورمالارىن قولدانىپ، باس شۋجي شي جينپيڭنىڭ جۇڭگو كوممۋنيستىك پارتياسى قۇرىلعاندىعىنىڭ 95 جىلدىعىن قۇتتىقتاۋ جينالىسى، جۇڭگو حالقىنىڭ جاپون شاپقىنشىلارىنا قارسى سوعىسى جانە فاشيزمگە قارسى دۇنيە جۇزىلىك سوعىس جەڭىسىنىڭ 70 جىلدىعىن ەسكە ءتۇسىرۋ، قىزىل ارميا ۇزاق جورىعى جەڭىسىنىڭ 80 جىلدىعىن ەسكە ءتۇسىرۋ جانە سۇن جۇڭشان مىرزا دۇنيەگە كەلگەندىگىنىڭ 150 جىلدىعىن ەسكە ءتۇسىرۋ، جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ، شياڭگاڭ وتان قۇشاعىنا ورالعاندىعىنىڭ 20 جىلدىعىن قۇتتىقتاۋ سياقتى جينالىستاردا سويلەگەن ماڭىزدى سوزدەرىنىڭ رۋحىن مۇقيات ۇيرەنىپ، قالىڭ ساياسي كەڭەس مۇشەلەرىنە جەتەكشىلىك ەتىپ، جۇڭحۋا ۇلتىنىڭ ەڭسە كوتەرۋدەن اۋقاتتانۋعا، قۇدىرەتتەنۋگە دەيىنگى ۇلى شارىقتاۋدى قارسى الۋى سىندى تاريحي بارىستا تانىمدى تەرەڭدەتىپ، جول، نازاريا، ءتۇزىم، مادەنيەت جونىندەگى سەنىمدى بەكەمدەپ، ساياسي تانىمىن، جالپى جاعداي تانىمىن، ۇيتقىلىق تانىمىن، ساپ تۇزەۋ تانىمىن كۇشەيتىپ، باس شۋجي شي جينپيڭنىڭ ۇيتقىلىق ورنىن، ج ك پ ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعادى.
2017 - جىلى پارتيا 19 - قۇرىلتايىن قارسى الۋدى، 19 - قۇرىلتايعا قىزمەت ەتۋدى، 19 - قۇرىلتايدىڭ رۋحىن ۇيرەنۋدى جانە ونى دايەكتىلەندىرۋدى كەلەلى ساياسي مىندەت ەتۋدەن جازباي، ونى فۋنكتسيا اتقارۋدىڭ، قىزمەت ورىستەتۋدىڭ جالپى بارىسىنا جانە ءارقايسى جاقتارعا دەيىن تياناقتاندىرىپ، ساياسي جەتەكشىلىكتى كۇشەيتىپ، بەلسەندى، ۇنامدى پىكىر ءبىلدىرىپ، كۇش - قۋاتتى كەڭىنەن توپتاپ، ەكونوميكالىق، قوعامدىق جالپى جاعداي ورنىقتىلىعىن ساقتاۋدى جەبەپ، 19 - قۇرىلتايدىڭ جەڭىسپەن اشىلۋى ءۇشىن تاماشا قوعامدىق ورتا جاراتتى. 19 - قۇرىلتايدان كەيىن، ءماجىلىستىڭ رۋحىن ۇيرەنۋ جانە ونى دايەكتىلەندىرۋدىڭ قىزۋ ورلەۋىن قوزعاپ، تولىق ۇيرەنىپ، ابدەن تۇسىنۋگە، ناقتى ىستەۋگە كۇش سالىپ، تۇراقتى كوميتەت ءماجىلىسىن دەر كەزىندە اشىپ، شوعىرلى ۇيرەنىپ، ج ك پ 19 - قۇرىلتايى رۋحىن ۇيرەنۋ جانە ونى دايەكتىلەندىرۋ جونىندە قاۋلى شىعارىپ، جۇڭگو كوممۋنيستىك پارتياسىنىڭ حالىق ساياسي كەڭەسىنە بولعان باسشىلىعىنا تاباندى بولۋ، جاڭا داۋىرگە، جاڭا بورىشقا مىندەت وتەپ، جاۋاپكەرلىگىن ادا ەتۋدى نازارعا الىپ، مىندەت وتەۋ قابىلەتىن جاپپاي جوعارىلاتۋ سياقتى ناقتى تالاپتاردى ايقىن ورتاعا قويىپ، حالىق ساياسي كەڭەسىنە قاتىناسقان ءاربىر ورىن، ءار دارەجەلى ۇيىمدار مەن قالىڭ مۇشەلەردى اتتانىسقا كەلتىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، ورتاق تانىمدى كەڭ كولەمدە ۇيىستىرىپ، جۇرت كوڭىلىن توعىستىرىپ، اقىل - پاراساتتى، كۇش - قۋاتتى شوعىرلاندىرىپ، ج ك پ 19 - قۇرىلتايىندا تۇراقتاندىرىلعان نىسانالىق مىندەتتەردى بىرگە تياناقتاندىرۋ ءۇشىن قۇلشىنا كۇرەستى.
(2) پارتيا مەن مەملەكەتتىڭ وزەكتى مىندەتىن نازارعا الىپ، «بەستى ءبىر تۇلعالاندىرۋ» سىندى جالپى تۇلعالىق ورنالاستىرۋىن ءبىر تۇتاس ىلگەرىلەتۋدى جانە «ءتورتتى جاپپاي ورىنداۋ» سىندى ستراتەگيالىق ورنالاستىرۋدى سايكەستى ىلگەرىلەتۋ جونىندە ءماسليحاتتاسۋدى، ۇكىمەت ىسىنە اقىل - كەڭەس بەرۋدى ارقاۋ ەتتى
قىزمەتتى ورنىقتىلىق بارىسىندا ىلگەرىلەتۋ سىندى نەگىزگى اۋەننەن جازباي، ورنىقتى ارتۋ، رەفورمانى جەبەۋ، قۇرىلىمدى رەتتەۋ، حالىققا يگىلىك جەتكىزۋ، حاۋىپ - قاتەردىڭ الدىن الۋ قىزمەتتەرىن تەكسەرۋ - زەرتتەۋدى، اقىل - كەڭەس بەرۋدى وزەك ەتۋدى ءبىر تۇتاس جوسپارلاپ، ويداعىداي ىستەدى. «13 - بەسجىلدىق» پلاندى جاساۋ جانە ونى اتقارۋدا ءادىس - امال كورسەتىپ، كۇش شىعارۋ سىندى قىزمەتتىڭ نەگىزگى جەلىسىن وزەك ەتىپ، پلاندى جاساۋعا 3 اي ۋاقىت جۇمساپ، 56 رەت اقىل - كەڭەس بەرۋ قيمىلىن تىعىز ورىستەتىپ، تۇراقتى كوميتەتتىڭ ۇكىمەت ىسىنە كەڭەس بەرۋ سيپاتىندىق ارناۋلى تاقىرىپتاعى ءماجىلىسىن اشىپ، شوعىرلى اقىل - كەڭەس بەرىپ، ءادىس - شارالار كورسەتىپ، ارناۋلى بايانداما ازىرلەدى. جاڭا دامۋ تانىمىن تياناقتاندىرۋ مەن «13 - بەسجىلدىق» پلاندى اتقارۋدى كوزدە ۇستاي وتىرىپ، تاقىرىپتى عىلمي تۇردە تاڭداپ، كۇش بىرىكتىرۋدە قامال الىپ، جاپپاي دوڭگەلەك داۋلەتتى قوعام قۇرۋداعى ءتۇيىندى مىندەتتەردى دايەكتى تياناقتاندىرۋدى ىلگەرىلەتتى. ۇسىنىلىم جاعىنداعى قۇرىلىمدىق رەفورمانى تەرەڭدەتۋدەن جازباي، 13 ولكە مەن رايونعا 8 رەت بارىپ تەكسەرۋ - زەرتتەۋ جۇرگىزىپ، تۇراقتى كوميتەتتىڭ ۇكىمەت ىسىنە كەڭەس بەرۋ سيپاتىندىق ارناۋلى تاقىرىپتاعى ءماجىلىسىن اشىپ، جان - جاقتى ءادىس - شارالار كورسەتىپ، سونداي - اق ارناۋلى تاقىرىپتاعى ءماسليحات جينالىسى، قوس اپتالىق كەڭەسۋ اڭگىمە ءماجىلىسى سىندى ۇكىمەت ىسىنە ارناۋلى اقىل - كەڭەس بەرىپ، كەڭەس تاقىرىبى ارتىق ءوندىرىس قۋاتىن، ىركىندىلەردى، سۇيمەندەردى ىقشامداپ، وزىندىك قۇنىن تومەندەتىپ، ولقىلىقتاردى تولىقتاۋ، تۇلعالىق شارۋاشىلىقتى كوركەيتۋ، دامۋدى جاڭالىق اشۋ ارقىلى جەبەۋ، دامۋدىڭ تىڭ قوزعاۋشى كۇشىن جەتىلدىرۋ، اسكەري ونەركاسىپ پەن حالىقتىق ونەركاسىپتى توعىسپالى دامىتۋ، ماركا قۇرىلىسى سياقتى جاقتارعا سايدى. ەكونوميكالىق دامۋدىڭ جاڭا قالىپتى جاعدايىنا سايكەسىپ، ءار ماۋسىم سايىن ماكرولىق ەكونوميكالىق جاعدايىنا تالداۋ جاساۋ جيىنىن اشتى. ءمولدىر وزەندەر مەن جاسىل تاۋلاردىڭ ءوزى اسىل بايلىق دەيتىن كوزقاراستى امالياتتان وتكىزىپ، قورشاعان ورتاعا قاتىستى كورنەۋ ماسەلەلەردى مىقتى ۇستاپ، نەگىزگى تۇلعالىق فۋنكتسيالىق رايون پلانى قۇرىلىسىن، اتموسفەرا، سۋ، توپىراقتىڭ لاستانۋىنىڭ الدىن الۋ جانە ونى تىزگىندەۋ، ورمان، جايلىم سياقتى ەكولوگيالىق جۇيەنى قورعاۋ جانە قالپىنا كەلتىرۋ، ەكولوگيالىق تولەم مەحانيزمىن كەمەلدەندىرۋ، شاعىن اتىز سۋ يگىلىگى قۇرىلىسى، مەملەكەتتىك باقشا ءتۇزىلىسىن تۇيىندەردە سىناق ەتۋدى ىلگەرىلەتۋ، شەكتەن تىس قوراپتاۋدى جونگە سالۋ مەن قوقىر - قوقسىقتى بايلىققا اينالدىرىپ ءبىر جاقتى ەتۋ سياقتى تەكسەرىپ - زەرتتەۋدى، اقىل - كەڭەس بەرۋدى وزەك ەتىپ، ءار جىلى بايلىقتىڭ، ورتانىڭ كۇيىنە ارناۋلى تاقىرىپتا تالداۋ جاساپ، كوركەم جۇڭگو قۇرۋعا كومەكتەستى.
رەفورمانى جاپپاي تەرەڭدەتۋ مەن ەلدى جاپپاي زاڭمەن باسقارۋداعى ماڭىزدى مىندەتتى دالمە - ءدال بايانداۋدى كوزدە ۇستادى. رەفورماعا قولداۋ كورسەتۋگە، قىزمەت وتەۋگە تاباندى بولىپ، جالپى 185 رەت كوزدەن كەشىرۋ، تەكسەرىپ - زەرتتەۋ جانە ءماسليحاتتاسۋ، اقىل - كەڭەس بەرۋ قيمىلىن ورىستەتىپ، ارناۋلى تاقىرىپتا بايانداما جانە ينفورماتسيادان 74ىن جولدادى. ەكونوميكالىق ءتۇزىلىس رەفورماسىنداعى كەلەلى ماسەلەلەردى مىقتى ۇستاپ، بازاردىڭ بايلىقتى ىڭعايلاۋداعى شەشۋشى رولىن ساۋلەلەندىرۋ جانە ۇكىمەتتىڭ رولىن اناعۇرلىم ويداعىداي ساۋلەلەندىرۋ جاعىندا ىشكەرىلەي تەكسەرۋ - زەرتتەۋ جۇرگىزىپ، نەگىزگى ەكونوميكالىق ءتۇزىمىنىڭ ۇتىمدى جۇزەگە اسىرىلۋ فورماسىن زەرتتەۋ، اكىمشىلىك تەكسەرىپ بەكىتۋ ءتۇزىمى رەفورماسىن تەرەڭدەتۋ، اۋىل - قىستاق كوللەكتيۆتىك مەنشىك ۇقىعى ءتۇزىمى رەفورماسىن تەرەڭدەتۋ سياقتى ۇسىنىستاردى ورتاعا قويدى. رەفورمانى تەرەڭدەتۋدەگى شەشۋشى ماسەلەلەردى وزەك ەتىپ، ۇكىمەت ورىندارىن ىقشامداپ، ۇقىقتى تومەنگە بەرۋ، فينانس حاۋىپ - قاتەرىنەن ساقتانۋ جانە ونى جويۋ، نەگىزدىك زەرتتەۋدى كۇشەيتۋ ارقىلى تىڭ جاڭالىق اشۋ قابىلەتىن جوعارىلاتۋ، عىلىم - تەحنيكالىق باعالاۋ ءتۇزىمى جۇيەسىن رەفورمالاۋ، ارالاس مەنشىكتەگى شارۋاشىلىقتى دامىتۋ، بەيجيڭ - تيانجين - حىبەيدىڭ سايكەستى دامۋى سياقتىلاردى ءماسليحاتتاسىپ، ۇكىمەت ىسىنە اقىل - كەڭەس بەرۋدى جەبەدى. شىعىس سولتۇستىك 3 ولكەدەگى ونەركاسىپتىڭ تيپىن وزگەرتىپ، دارەجەسىن جوعارىلاتۋداعى قيىن ماسەلەلەرگە قاراتا، 3 ورىنباسار ءتوراعا باسشىلىق ەتىپ، 16 تاقىرىپقا ءبولىپ، 22 قالا مەن جەرگىلىكتى ورىنعا بارىپ، 87 كاسىپورىنمەن اڭگىمە تالقىسىن وتكىزىپ، ارناۋلى بايانداما دايىنداپ ءارى ارناۋلى تاقىرىپتاعى كەڭەس ءماجىلىسىن اشىپ، شوعىرلى تۇردە ۇسىنىستاردى ورتاعا قويدى. ەلدى جاپپاي زاڭمەن باسقارۋداعى ءىرى تاقىرىپتارعا ۇشتاستىرا وتىرىپ، زاڭمەن باسقارىلاتىن ۇكىمەت قۇرىلىسى جانە ءادىليالىق ءتۇزىلىس رەفورماسى سياقتى ارناۋلى تاقىرىپتاعى اڭگىمە ءماجىلىسىن اشىپ، ءار جىلى زاڭدار مەن زاڭدىق ەرەجەلەر جاعىنداعى ءتۇيىندى كەڭەس تاقىرىپتارى جونىندە ءماسليحات ورىستەتۋدى ورنالاستىرىپ، قايىر - ساحابات زاڭى، حاۋىپسىز ءوندىرىس زاڭى، عىلىم - تەحنيكا جەتىستىكتەرىن وندىرگىش كۇشكە اينالدىرۋدى جەبەۋ زاڭى، جەدەل جەتكىزۋ ەرەجەسى سياقتىلاردى جاساۋ جانە وزگەرىس ەنگىزۋ جونىندە ۇسىنىستارىن ورتاعا قويدى.
پارتيانى جاپپاي قاتاڭ باسقارۋدىڭ ستراتەگيالىق ورنالاستىرۋلارىن دايەكتى تياناقتاندىرۋعا سايكەستى جانە وعان ىلەسە ىلگەرىلەدى. پارتيا ستيلى، پاكتىك قۇرىلىسىن ءتۇيىندى ءماسليحاتتاسۋ، كەڭەس تاقىرىبىنا ەنگىزىپ، ىلگەرىندى - كەيىندى ەكى رەت تۇراقتى كوميتەت ءماجىلىسىن اشىپ، ورتالىقتىڭ «8 ءتۇرلى بەلگىلەمەسىنىڭ» رۋحىن تياناقتاندىرۋ جەتىستىكتەرىن بەكەمدەۋ، باقىلاۋ جۇيەسىن كەمەلدەندىرۋ، تاماشا ساياسي ەكولوگيا قالىپتاستىرۋ سياقتى جاقتاردان ۇسىنىستار ورتاعا قويدى. مۇشەلەردىڭ پارتيا قۇرىلىسىن كۇشەيتۋدەگى ماڭىزدى ماسەلەلەردى وزەك ەتە وتىرىپ، ناقتىلى ۇسىنىس - پىكىر بەرۋىن كۇشەيتۋىن قولدادى.
(3) حالىقتى وزەك ەتكەن دامۋ يدەياسىن تياناقتاندىرىپ، حالىق تۇرمىسىن قامتاماسىزداندىرۋ جانە جاقسارتۋ ءۇشىن اقىل - كەڭەس بەردى
حالىق ءۇشىن مىندەت وتەۋدەن جازباي، حالىق بۇقاراسىنىڭ ءتول مۇددەسىنە ساياتىن ماسەلەلەردى مىقتى ۇستاپ، 171 رەت كوزدەن كەشىرۋ، تەكسەرىپ - زەرتتەۋ جانە ءماسليحاتتاسۋ، ۇكىمەت ىسىنە اقىل - كەڭەس بەرۋ قيمىلىن ورىستەتىپ، ءار جىلى مۇشەلەردى وقىتۋشىلار مەرەكەسىندە حال سۇراۋ جانە عىلىم - تەحنيكا، مادەنيەت، دەنساۋلىق ساقتاۋ، دەنە تاربيە جاقتارىندا نەگىزگى ساتىعا بارۋ قيمىلىن ورىستەتتى. وقۋ - اعارتۋدى حالىق قالاۋىنان شىعارۋدى كوزدە ۇستاي وتىرىپ، وقۋ الدىنداعى ءبىلىم بەرۋ، مىندەتتى وقۋ - اعارتۋ، تولىق ورتا وقۋ - اعارتۋى، جوعارى دارەجەلى وقۋ - اعارتۋ، كاسىپتىك وقۋ - اعارتۋ، ەرەكشە وقۋ - اعارتۋ جانە اۋىل - قىستاق وقىتۋشىلار قوسىنى قۇرىلىسى، قيىنشىلىعى بار وقۋشىلارعا كومەك بەرۋ سياقتى ماسەلەلەر جونىندە ىشكەرىلەي ۇسىنىس قويىپ، وقۋ - اعارتۋ ىستەرىنىڭ جالپى بارىسىنىڭ دامۋىن ىلگەرىلەتتى. ساۋ - سالەمەت جۇڭگو قۇرىلىسىن كوزدە ۇستاي وتىرىپ، ەمدەۋ، ءدارى - دارمەك، دەنساۋلىق ساقتاۋ ءتۇزىلىس رەفورماسىن تەرەڭدەتىپ، ەمدەۋ، ەمدەلۋدى قامسىزداندىرۋ، ءدارى - دارمەك ۇشەۋىنىڭ سايكەسە وزگەرۋىن ۇشتاستىرىپ، ساپالى ۇرپاق بولۋ ءۇشىن دەنساۋلىعىن تەكسەرتۋ، جاستار مەن وسپىرىمدەر اۋرۋىنىڭ الدىن الۋ، كاسىپتىك اۋرۋدان ساقتانۋ جانە ونى ەمدەۋ، جالپى حالىقتىق دەنە شىنىقتىرۋ جانە دەنە تاربيە شارۋاشىلىعىنان الاڭسىز ەمدەلۋگە دەيىن، ۇكىمەتتىك شيپاحانالار رەفورماسى، حالىقتىق شيپاحانالاردى دامىتۋ، جۇڭگوشا شيپاگەرلىك، دارىگەرلىكتىڭ ەرەكشە ارتىقشىلىعىن ساۋلەلەندىرۋ، ۇقساتىپ جاسالعان ءدارى - دارمەك ساپاسىنان باستاپ، شيپاگەرلەر مەن ەمدەلۋشىلەردىڭ قاتىناسىن جاقسارتۋعا دەيىن ءبىر قىدىرۋ مىندەت وتەۋ قيمىلدارىن ورىستەتىپ، حالىق دەنساۋلىعىنىڭ تولىق اينالىمدىلىعىن قامتاماسىزداندىرۋدى جەبەدى. حالىق بۇقاراسىنىڭ مادەنيەت قاجەتىن اناعۇرلىم جاقسى قاناعاتتاندىرۋدى كوزدە ۇستاۋ، سوتسياليستىك وزەكتى قۇن كوزقاراسىن جەتىلدىرۋ جانە ونى امالياتتان وتكىزۋ، مادەنيەت سەنىمىن بەكەمدەپ، جۇڭگو حيكاياسىن ويداعىداي بايانداۋ، سوتسياليستىك ادەبيەت - كوركەمونەردىڭ كوركەيىپ - گۇلدەنۋى مەن دامۋى، الەۋمەتتىك مادەنيەتكە قىزمەت كورسەتۋ جۇيەسىن كەمەلدەندىرۋ، سالتى تازا، ستيلى دۇرىس ينتەرنەت كەڭىستىگىن قالىپتاستىرۋ، بەيزاتتىق مادەني مۇرالارعا مۇراگەرلىك ەتۋ جانە ونى قورعاۋ سياقتىلاردى ارقاۋ ەتىپ ءماسليحاتتاسىپ، اقىل - كەڭەس بەرىپ، مادەنيەت قۇرىلىسىن جان - جاقتى ىلگەرىلەتۋگە كومەكتەستى. حالىق تۇرمىسىنا كوڭىل ءبولىپ، ازىق - تۇلىك حاۋىپسىزدىگىن باقىلاپ - باسقارۋ، بوگەتسىز ورتا قۇرىلىسى، تۇرعىن ءۇي، ءۇي - جاي شارۋاشىلىعىن تەڭگەرۋ، ارتىق ءوندىرىس قۋاتىن ىقشامداۋ بارىسىندا جۇمىسشى - قىزمەتكەرلەر جۇمىستانۋ مەن قايتا جۇمىستانۋ، ستۋدەنتتەر مەن اسكەردەن بوساعاندار جۇمىستانۋ، كاسىپ اشۋ، قارتتاردى كۇتىمگە الۋ، ەمدەۋ مەن كۇتىمدەۋدى ۇشتاستىرۋ سياقتى ماسەلەلەر جونىندە، قۇرىلىس، ورتا تازالىعى جۇمىسشىلارى، ديقان جۇمىسكەرلەر، مۇگەدەكتەر، ۇيدە قالعان بالالار قاتارلى توپتاردىڭ ۇقىق - مۇددەسىن قامتاماسىزداندىرۋ جونىندە ىشكەرىلەي كەڭەس بەرىپ، بۇقارانىڭ تۇرمىسىنا ساياتىن ماسەلەلەرگە ەگجەي - تەگجەيلى نازار اۋداردى.
(4) ساياسي كەڭەستىڭ ءماسليحات دەموكراتياسى قۇرىلىسىن ىلگەرىلەتىپ، ءماسليحاتتاسۋ، ۇكىمەت ىسىنە اقىل - كەڭەس بەرۋ جاڭا جاعدايىن قالىپتاستىردى
ج ك پ ورتالىق كوميتەتى ساياسي كەڭەستىڭ ءماسليحات دەموكراتياسى قۇرىلىسى جونىندەگى ماڭىزدى رەفورما شارالارىن مۇقيات تياناقتاندىرىپ، ساياسي كەڭەستىڭ ءماسليحات دەموكراتياسى قۇرىلىسىن اتقارۋ جونىندەگى پىكىرلەردى دايەكتىلەندىرۋ، اتقارۋ جاعدايىنا كەزەڭدىك باعالاۋ جۇرگىزىپ، سول جەردە تەكسەرۋ - زەرتتەۋ جۇرگىزۋ ارقىلى تاجىريبەلەردى جالپىلاستىرىپ، ولقىلىقتاردى تاۋىپ، قىزمەتتى كەمەلدەندىرىپ، جالپى ءماجىلىستى جەتەكشى ەتۋدى، ارناۋلى تاقىرىپتا ۇكىمەت ىسىنە كەڭەس بەرۋ تۇراقتى كوميتەت ءماجىلىسىن جانە ارناۋلى تاقىرىپتاعى ءماسليحات جينالىسىن وزەك ەتۋدى، قوس اپتالىق كەڭەسۋ اڭگىمە ءماجىلىسى، سالالار بويىنشا ءماسليحات ءماجىلىسى، ۇسىنىس - جوبالاردى ءبىر جايلى ەتۋ ءماسليحات ءماجىلىسى سياقتىلاردى ۇدايىلانعان ءماسليحاتتاسۋ، ۇكىمەت ىسىنە اقىل - كەڭەس بەرۋدىڭ جۇلگەسى ەتۋدى اناعۇرلىم كەمەلدەندىردى. جىلدىق ءماسليحات جوسپارى ءتۇزىمىن ورناتىپ جانە بەلگىلەپ، ءماسليحاتتاسۋدى جيىلەتىپ، ارناۋلى تاقىرىپتا ۇكىمەت ىسىنە اقىل - كەڭەس بەرۋ سيپاتىندىق تۇراقتى كوميتەت ءماجىلىسىن جىلىنا ءبىر رەتتەن 2 رەتكە، ارناۋلى تاقىرىپتاعى ءماسليحات ءماجىلىسىن جىلىنا ءبىر رەتتەن 2 رەتكە كوبەيتتى. قوس اپتالىق كەڭەسۋ اڭگىمە ءماجىلىسى ءتۇزىمىن ورناتىپ، قاتىناسۋ قۇرىلىمىن ساپالىلاندىرىپ، قارالاتىن ىستەردى ۇيلەسىمدى تۇراقتاندىرىپ، پىكىر الماستىرۋدى كۇشەيتىپ، ماجىلىسكە قاتىناساتىن مۇشەلەر دەموكراتيالىق پارتيا، توپ مۇشەلەرى مەن پارتيادا، توپتاردا جوق قايراتكەرلەردى نەگىز ەتىپ، تاقىرىبى شاعىن، قوعام ايرىقشا نازارعا الىپ وتىرعان ناقتىلى ماسەلەلەردى تاڭداپ، ەگجەي - تەگجەيلى كەڭەسىپ، جيىنى 76 رەت كەڭەس وتكىزىپ، ساياسي كەڭەس ءماسليحات دەموكراتياسىندىق ۇنەمىلىك تەكشەسىنە جانە ماڭىزدى ماركاسىنا اينالدى. دەموكراتيالى ءماسليحاتتاسۋدان، ىستەردى تەڭ قاراۋدان جازباي، كوپ باعىتتى بايلانىس جاساپ ءماسليحاتتاسۋ جانە كوپ جاقپەن ءوزارا ىقپالداستىق ەتىپ اۋىس - كۇيىس جاساۋ، جالپىلىق بايانداما مەن ارناۋلى تاقىرىپتا ينفورماتسيالاردى ءوزارا ۇشتاستىرۋ ءادىسى ارقىلى ماڭىزدى تابىستاردى جولداۋ تۇزىمدەنگەن ورنالاستىرۋعا اينالدى. ءماسليحات دەموكراتياسىنىڭ جاندى امالياتى مۇشەلەردىڭ مىندەت وتەۋ، ارالاسۋ بەلسەندىلىگىنە قوزعاۋشىلىق ەتىپ، ءتۇرلى كوزدەن كەشىرۋ، تەكسەرۋ - زەرتتەۋ، ءماسليحات ءماجىلىسى قيمىلدارىنا قاتىناسقان مۇشەلەر جيىنى 1635 ادام، 28 مىڭ 500 ادام - رەت بولدى.
(5) دەموكراتيالىق باقىلاۋ قىزمەتىن كۇشەيتىپ جانە كەمەلدەندىرىپ، پارتيا مەن مەملەكەتتىڭ ءىرى باعىت، ساياساتتارى مەن ماڭىزدى شەشىم - ورنالاستىرۋلارىن دايەكتى تياناقتاندىرۋدى ىلگەرىلەتتى
ساياسي كەڭەستىڭ دەموكراتيالىق باقىلاۋ سىندى قىزمەت فۋنكتسياسىن كۇشەيتىپ، ءماسليحات فورماسىنداعى باقىلاۋ ەرەكشەلىگىنىڭ باسىمدىعىن ساۋلەلەندىرىپ، پارتيا مەن مەملەكەتتىڭ ماڭىزدى رەفورما شارالارىن، ماڭىزدى شەشىمدەرى مەن ورنالاستىرۋلارىنىڭ دايەكتى اتقارىلۋ احۋالىن ءتۇيىندى باقىلاپ، تەكسەرۋ - زەرتتەۋ ارقىلى ماسەلەلەردى بايقاپ، جاۋاپكەرلىك وتەۋى پارمەندى بولماعاندارعا سىن ايتۋدى ارقاۋ ەتىپ، جەتەرسىزدىكتەردى وزگەرتۋگە قۋزاۋ سالدى. ءتۇيىندى باقىلاۋ سيپاتىندىق كەڭەس تاقىرىپتارىن جىلدىق ءماسليحات جوسپارىنا ەنگىزىپ، باقىلاۋدى ءماجىلىس، تەكسەرۋ، ۇسىنىس بەرۋ، ارناۋلى تاقىرىپتا تەكسەرۋ - زەرتتەۋ، جارىس ءسوز، قوعام جاعدايى، حالىق اۋانى ينفورماتسيالارى سياقتى قىزمەتتەر بارىسىنا باقىلاۋ جۇرگىزىپ، باقىلاۋدىڭ جوسپارلى، تاقىرىپتى، دانەكەرلى، ناتيجەلى بولۋىن ورىنداي الدى. كوزدەن كەشىرۋ، تەكسەرۋ - زەرتتەۋ جۇرگىزىلگەن باقىلاۋ سيپاتىندىق تاقىرىپتار جىل سايىن كوبەيىپ، 2015 - جىلعى 12 تۇردەن %11ىن يەلەۋدەن، 2017 - جىلى 20 تۇرگە جەتىپ، % 28ىن يەلەدى، تيجارات باجىسىن ارتقان قۇن باجىسىنا وزگەرتۋدىڭ اتقارىلۋ احۋالى، 2 بالالى بولۋعا جاپپاي جول بەرۋ ساياساتىنىڭ اتقارىلۋى سياقتى باقىلاۋ سيپاتىندىق تەكسەرۋ - زەرتتەۋلەردى، ءماسليحات قيمىلدارىن قانات جايدىردى. كەدەيلەردى ءدال تاۋىپ سۇيەمەلدەۋدى، كەدەيلىكتەن شىن مانىندە ارىلتۋدى جىل سايىن نازارعا الىپ، بۇعان قاتىستى كوزدەن كەشىرۋ، تەكسەرۋ - زەرتتەۋلەر 17 ولكە، رايون، قالاعا سايىپ، كەدەيلىكتەن ارىلتۋدان قامال الۋدىڭ الدىڭعى شەبىندە بولدى. مۇشەلەردى سالالار بويىنشا سۇيەمەلدەۋدىڭ امالياتىنا قاتىناسۋعا جىگەرلەندىرىپ جانە قولداۋ كورسەتىپ، كەدەيلىكتەن ارىلۋدان قامال الۋدا كۇش بىرلىگىنىڭ قالىپتاسۋىن ىلگەرىلەتتى. 2016 − 2017 - جىلى ۇدايى 2 جىل كەدەيلەردى ءدال تاۋىپ سۇيەمەلدەۋ، كەدەيلىكتەن شىن مانىندە ارىلتۋ ارناۋلى تاقىرىبىنداعى ۇكىمەت ىسىنە اقىل - كەڭەس بەرۋ سيپاتىندىق تۇراقتى كوميتەت ءماجىلىسىن اشتى. 2017 - جىلى «كەدەيلەردى ورنىن ءدال تاۋىپ سۇيەمەلدەۋدى اتقارۋ بارىسىندا ساقتالعان ماسەلەلەر مەن ۇسىنىستار» دەگەن ارناۋلى تاقىرىپتاعى ۇكىمەت ىسىنە اقىل - كەڭەس بەرۋ سيپاتىندىق تۇراقتى كوميتەت ماجىلىسىنەن ىلگەرى 6 ورىنباسار ءتوراعا اترەتتى باستاپ، 101 مۇشەمەن بىرگە دەر كەزىندە ارالاپ، قىستاق وتباسىلارىنا بارىپ، جاپپاي تەكسەرۋ - زەرتتەۋ مەن ارناۋلى تاقىرىپتاعى تەكسەرۋ - زەرتتەۋ سىندى 2 كەزەك تەكسەرۋ - زەرتتەۋدى قاتار جۇرگىزۋ ارەكەتىن نەگىزگى فورماعا اينالدىرىپ، جازباشا تەكسەرۋدى نەگىزگى تىرەك ەتىپ، 24 كەدەي اۋداننىڭ قازىنالىق شىعىس احۋالىنا ارناۋلى تەكسەرۋ - زەرتتەۋ جۇرگىزىپ جانە قاتىستى جەرگىلىكتى ساياسي كەڭەستىڭ سايكەستى تەكسەرۋ - زەرتتەۋىنە تالداۋ جاساپ، بارىنشا بورشالاپ، ماسەلەلەر بايقادى؛ ماجىلىستە جان - جاقتىلى تالداۋ جاساپ، دالەلدەپ، شوعىرلى تۇردە پىكىردى ورتاعا قويدى؛ ماجىلىستەن كەيىن ىلەسە ىلگەرىلەپ، تياناقتاندىرۋدى جەبەدى. باقىلاۋ ادىسىندە جاڭالىق اشىپ، تەڭگىر قۇمدىعىنىڭ لاستانۋىن وڭاۋ سياقتى ماسەلەلەرگە قاراتا، اشىق تەكسەرۋ مەن جاسىرىن تەكسەرۋدى جان - جاقتىلى ۇشتاستىرىپ، جاعدايدى ءبىرىنشى شەپكە بارىپ ىشكەرىلەي انىقتاپ، ىزىنە ءتۇسىپ باقىلاۋ ارقىلى وڭاۋدى ىلگەرىلەتتى.
(6) بىرلىكساپتىڭ ۇيىمداستىرۋ رولىن تولىق ساۋلەلەندىرىپ، كۇش - قۋات توپتاۋ قىزمەتىن ويداعىداي ىستەدى
ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسى، ورتالىقتىڭ ۇلت قىزمەتى جونىندەگى ءماجىلىسى، ورتالىقتىڭ بىرلىكساپ قىزمەتى جونىندەگى ءماجىلىسى، ورتالىقتىڭ شيزاڭ قىزمەتى جونىندەگى 6 - رەتكى اڭگىمە ءماجىلىسى، مەملەكەتتىڭ ءدىن قىزمەتى جونىندەگى ءماجىلىسى قاتارلى ماجىلىستەردىڭ رۋحىن ىشكەرىلەي ۇيرەندى، دايەكتىلەندىردى. ءارقايسى پارتيا، توپتار مەن پارتيادا، توپتا جوق قايراتكەرلەردىڭ ىنتىماقتاستىق - سەلبەستىگىن جەبەۋ، بىرلەسىپ تەكسەرۋ - زەرتتەۋ، ءماسليحات قيمىلدارىن بىرگە وتكىزۋ سياقتى ادىستەر ارقىلى دەموكراتيالىق پارتيا - توپتار مەن پارتيادا، توپتا جوق قايراتكەرلەردىڭ ساياسي كەڭەستەگى رولىن اناعۇرلىم ساۋلەلەندىرۋ ءۇشىن شارت - جاعداي ازىرلەپ بەردى. پارتيا سىرتىنداعى زيالىلار، جالپىلىق مەنشىككە جاتپايتىن شارۋاشىلىقتاعى قايراتكەرلەر، جاڭا قوعامدىق جىكتەگى قايراتكەرلەر قاتارلىلاردى ساياسي كەڭەس قيمىلىنا قاتىناسۋعا ۇسىنىس ەتتى. اكىمشىلىك پەن ساۋدانىڭ باۋىرمال، پاك، جاڭاشىل قاتىناسىن ورناتۋ جونىندەگى ارناۋلى تاقىرىپتا ءماسليحات ءماجىلىسىن اشتى. شيزاڭ اۆتونوميالى رايونى قۇرىلعاندىعىنىڭ 50 جىلدىعىن قۇتتىقتاۋ، شينجياڭ ۇيعۇر اۆتونوميالى رايونى قۇرىلعاندىعىنىڭ 60 جىلدىعىن قۇتتىقتاۋ، ىشكى موڭعۇل اۆتونوميالى رايونى قۇرىلعاندىعىنىڭ 70 جىلدىعىن قۇتتىقتاۋ سياقتى قيمىلدارعا قاتىناستى. از ۇلتتاردىڭ جىلجىمالى تۇرعىندارىنا قىزمەت كورسەتۋدى باسقارۋ، ۇلتتىق رايوندارداعى ءوندىرىس جاعدايى مەن قالا - قالاشىقتانۋ قۇرىلىسى، باتىس بولەكتەگى ەگىن شارۋاشىلىق، مال شارۋاشىلىق رايوندارىنداعى جىلاۋىق اۋرۋىنىڭ الدىن الۋ جانە ونى ەمدەۋ، از ۇلتتاردىڭ ساحنالىق شىعارمالارىن جالعاستىرۋ جانە دامىتۋ سياقتىلاردى وزەك ەتىپ تەكسەرۋ - زەرتتەۋ جۇرگىزىپ، ۇلتتىق رايونداردىڭ ەكونوميكالىق، قوعامدىق دامۋى مەن ءارقايسى ۇلتتاردىڭ بارىس - كەلىسىن، اۋىس - كۇيىسىن، ارالاس - قۇرالاستىعىن ىلگەرىلەتتى. پارتيانىڭ ءدىن قىزمەتىندەگى نەگىزگى باعىتىن جاپپاي دايەكتىلەندىرىپ، ءدىن سالاسىنداعى ورتا، جاس ۋاكىل قايراتكەرلەردى جەتىلدىرۋ، ءدىني وقىتۋ قىزمەتكەرلەرىنىڭ قوعامدىق قامتاماسىزداندىرۋى سياقتىلارعا تەكسەرۋ - زەرتتەۋ ورىستەتىپ، «ءدىني ىستەر ەرەجەسىنە» وزگەرىس ەنگىزۋ تۋرالى ۇسىنىس بەردى. از ۇلت، ءدىن سالاسىنداعى مۇشەلەردىڭ اڭگىمە ءماجىلىسىن اشۋعا تاباندى بولىپ، قوعام جاعدايى مەن ەل اۋانىن اڭىس ەتىپ، زورلىقتى كۇش، لاڭكەستىك قيمىلدارعا، ۇلتتىق بولشەكتەۋشىلىك قيمىلدارىنا، ءدىني ۇشقارى قيمىلدارعا تۋى ايقىن تۇردە قارسى تۇردى. «ءبىر ەل، ەكى ءتۇزىم»، «شياڭگاڭدى شياڭگاڭدىقتار باسقارۋ»، «اۋمىندى اۋمىندىقتار باسقارۋ»، وسكەلەڭ اۆتونوميا باعىتىن جاپپاي، دۇرىس تياناقتاندىرىپ، مۇشەلەردىڭ ەرەكشە رايون ىستەرىندە بەلسەندى رولىن ساۋلەلەندىرۋىنە قولداۋ كورسەتىپ، مەملەكەتتىك حالىق قۇرىلتايى تۇراقتى كوميتەتىنىڭ شياڭگاڭ ەرەكشە اكىمشىلىك رايونىنىڭ نەگىزگى زاڭىنىڭ 104 - تارماعىنا تۇسىندىرمە جاساۋىنا تاتىمدى كەڭەس بەرىپ، شياڭگاڭنىڭ وتان قۇشاعىنا ورالعاندىعىنىڭ 20 جىلدىعىن قۇتتىقتاۋ قيمىلىنا قاتىناسىپ، شياڭگاڭنىڭ، اۋمىننىڭ جاس - ورەندەر قىزمەتىن ىشكەرىلەي، مۇقيات ىستەپ، وتاندى، شياڭگاڭدى، اۋمىندى سۇيەتىن كۇشتەردىڭ دامۋىن، كۇشەيۋىن ىلگەرىلەتتى. ءبىر جۇڭگو پرينسيبىن بەينەلەيتىن «92 - جىلعى ورتاق تانىم» نەگىزىندە، ەكى جاعالاۋ قاتىناسىنىڭ بەيبىت دامۋىنا تاباندى بولىپ، تايۋاننىڭ ەل اۋانى ۋاكىلدەرىمەن مەحانيزمدىك بارىس - كەلىستى كۇشەيتىپ، تايۋان قارجىلاندىرعان كاسىپورىنداردىڭ تيپىن وزگەرتىپ، دارەجەسىن جوعارىلاتۋى، ۇلى قۇرلىقتا وقىپ جاتقان تايۋاندىق وقۋشىلاردىڭ جۇمىسقا ورنالاسۋى سياقتى ماسەلەلەرگە تەكسەرۋ - زەرتتەۋ ورىستەتىپ، «تايۋاندى دەربەستەندىرۋ» بولشەكتەۋشىلىك ارەكەتىنە باتىل قارسى تۇردى. مۇھاجىر باۋىرلاستاردى ساياسي كەڭەس ماجىلىسىنە سىرتتاي قاتىناسۋعا، ەلگە قايتىپ تەكسەرۋ جۇرگىزۋگە ۇسىنىس ەتىپ، شەتەلگە بارىپ مۇھاجىر باۋىرلاستاردان حال سۇراۋعا ۇيىرمە ۇيىمداستىرىپ، كەڭىنەن دوستاستى. سۇن جۇڭشان مىرزانىڭ دۇنيەگە كەلگەندىگىنىڭ 150 جىلدىعىن ەسكە الۋ جينالىسى مەن جەلىلەس قيمىلداردى وتكىزىپ، جۇڭحۋا ۇلاندارىنىڭ تىزە قوسا وتىرىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ورىنداۋىنا شابىت بەردى.
(7) شەتەلمەن بولعان دوستىق بايلانىستى كەڭىنەن قانات جايدىرىپ، تاماشا ديپلوماتيالىق ورتا جاراتۋعا بەلسەندى ۇلەس قوستى
مەملەكەتتىڭ ديپلوماتيالىق تۇتاس تۇلعالىق جاعدايىنا قىزمەت ەتىپ، جوعارى جىكتەگىلەردىڭ قارىم - قاتىناسىن تىڭعىلىقتى ورىستەتىپ، «بىر بەلدەۋ، ءبىر جولدى»، دامۋ ستراتەگياسىنىڭ ۇشتاسۋىن بىرگە قۇرۋ سياقتى جاقتارداعى سەلبەستىكتى ىلگەرىلەتتى. الەۋمەتتىك ديپلوماتيا مەن گۋمانيتارلىق اۋىس - كۇيىستى ىلگەرىلەتىپ، شەتەلدەردەگى ساياسي ۇيىمدارمەن، قاتىستى قۇرىلىمدارمەن، اقپارات قۇرالدارى پاراسات قامباسىمەن جانە ءار سالا قايراتكەرلەرىمەن بارىس - كەلىستى ىلگەرىلەتتى. جۇڭگو حيكاياسىن جاقسى بايانداپ، قازىرگى جۇڭگونىڭ دامۋ جەتىستىكتەرىن، جۇڭگو كوممۋنيستىك پارتياسىنىڭ باسشىلىعىنداعى كوپ پارتيا سەلبەستىگى مەن ساياسي كەڭەسى ءتۇزىمىن، سوتسياليستىك ءماسليحات دەموكراتياسى، ادامزاتتىڭ تاعدىرلاس ورتاق تۇلعاسى ۇستانىمىن كەڭىنەن ۇگىتتەدى. ارناۋلى كوميسسيالاردىڭ، جۇڭگو ەكونوميكالىق - قوعامدىق القالار كەڭەسىنىڭ، جۇڭگو ءدىن سالاسى بەيبىتشىلىك كوميتەتىنىڭ رولىن ساۋلەلەندىرىپ، تايۋانعا، شيزاڭعا، شينجياڭعا ساياتىن ماسەلەلەردە ەلىمىزدىڭ قۋاتتامالارىن بايىمداپ، مەملەكەتتىڭ وزەكتى مۇددەسىن قورعادى. جۇڭگو - ەۆروپا دوڭگەلەك ۇستەل ءماجىلىسى سياقتى مەحانيزمدەردەن پايدالانىپ، قاتىستى حالىقارالىق ۇيىم جانە مۇشەلەردىڭ اۋىس - كۇيىس، سەلبەستىك جاساۋىن كۇشەيتتى. حالىقارالىق جاعدايلارعا تالداۋ جاساۋ ماجىلىستەرىن بەلگىلەنگەن ۋاقىتتا اشىپ، جاڭا جارىققا شىققان جاڭاشا ۇلگىدەگى حالىقارالىق بايلانىس ورناتۋ سياقتىلار جونىندە ۇسىنىستار ورتاعا قويىپ، ەلىمىزدىڭ افريكاعا مەديتسينالىق جاقتان جاردەم بەرۋ قىزمەتى قاتارلىلار جونىندەگى تەكسەرۋ - زەرتتەۋدى، ءماسليحاتتاسۋدى كۇشەيتتى. شەتەلدەرگە جيىنى 114 ۇيىرمە ۇيىمداستىرىپ شىعاردى جانە ەلىمىزگە ساپارلاي كەلگەن 66 ۇيىرمەنى قابىلدادى. مەملەكەتتىك ساياسي كەڭەس قازىر 149 مەملەكەتتەگى 292 قۇرىلىممەن جانە حالىقارالىق سيپاتتى نەمەسە وڭىرلىك سيپاتتى 15 ۇيىممەن قارىم - قاتىناس ورناتتى.
(8) وزىندىك قۇرىلىستى كۇش سالا كۇشەيتىپ، ساياسي كەڭەستىڭ مىندەت وتەۋ قابىلەتى مەن ورەسىن جوعارىلاتتى
قىزمەتتىڭ تۇزىمدەنۋ، جۇيەلەنۋ، تارتىپتەنۋ ورەسىن بار كۇشپەن ىلگەرىلەتتى. ساياسي كەڭەسىنىڭ ۋستاۆىنا وزگەرىستەر ەنگىزۋ قىزمەتىنە وسكەلەڭ ءمان بەرىپ، پارتيانىڭ باسشىلىعىنا تاباندى بولىپ، دەموكراتيانى تولىق ساۋلەلەندىرىپ، كەڭ كولەمدە پىكىر الىپ، قاتاڭ ءتارتىپ بويىنشا بەلسەنە، بايىپتى ىلگەرىلەتىپ، ساياسي كەڭەسىنىڭ ۋستاۆىنا ءىشىنارا وزگەرىستەر ەنگىزۋ تۋرالى ۇسىنىستاردى ورتاعا قويدى. مۇشەلەردىڭ فۋنكتسياسىن اتقارۋ قىزمەت ەرەجەسىن، قوس اپتالىق كەڭەسۋ اڭگىمە ءماجىلىسى قىزمەت ەرەجەسىن، ارناۋلى كوميسسيالاردىڭ قىزمەت باعدارلاماسى سياقتى 20 ءتۇرلى ەرەجەنى جاساپ جانە وعان وزگەرىس ەنگىزىپ، ساياسي كەڭەس ءماسليحاتى دەموكراتياسىن، ارناۋلى كوميسسيالار قىزمەتى سياقتى نەگىزدىك ءتارتىپ مەحانيزمى قۇرىلىسىن ىلگەرىلەتىپ، ءتۇزىم جۇيەسىن كەمەلدەندىردى.
رەفورمادا جاڭالىق اشۋ رۋحىمەن ۇنەمىلىك قىزمەتتەردى ويداعىداي ىستەدى. تەكسەرۋ - زەرتتەۋدى جاقسارتىپ، ۋنيۆەرسال تەكسەرۋ، تۇيىندە تەكسەرۋ، دەڭگەيلەس تەكسەرۋلەردى ءبىر تۇتاس جوسپارلاپ پايدالانىپ، ماسەلەنى ءدال تابۋ، ماسەلەلەردى شىن مانىندە دۇرىس تابۋعا، سەبەبىن انىقتاۋعا، ۇسىنىستى ناقتىلاندىرۋعا كۇش سالدى. ۇسىنىس جوبانىڭ ساپاسى مەن ۇسىنىس جوبالاردى ءبىر جايلى ەتۋ ساپاسىن جوعارىلاتىپ، جالپى 29 مىڭ نۇسقا ۇسىنىس جوبا تاپسىرىپ الىپ، 24 مىڭ ۇسىنىس جوباعا دەلو تۇرعىزىپ، جاۋاپ قايتارۋ مولشەرى %99 بولدى. ماجىلىستەگى جارىس ءسوز قىزمەتىنە ءمان بەرىپ، جارىس ءسوزدى سارالاۋ مەحانيزمىن كەمەلدەندىرىپ، جەرگىلىكتى ساياسي كەڭەس مۇشەلەرىن قىزمەت فۋنكتسياسىن وتەۋ جونىندە تاجىريبە الماستىرۋعا ۇسىنىس ەتتى. قوعام جاعدايى مەن حالىق اۋانى جونىندەگى ينفورماتسيالاردى جيناۋ جانە حالىق تىلەگىن جەتكىزۋ فۋنكتسياسىن كۇشەيتتى. حات - شەك، ارىز - شاعىم قىزمەتىن ويداعىداي ىستەدى. جاپون شاپقىنشىلارىنا قارسى سوعىستىڭ جەڭىسكە جەتكەندىگىنىڭ 70 جىلدىعىن اتاپ ءوتۋ قاتارلى ماڭىزدى تاقىرىپ تاڭداۋ، تاريحي ماتەريالداردى جيناۋ، باسپادان شىعارۋ قىزمەتىن ويداعىداي ىستەدى. جۇڭگو حالىق ساياسي كەڭەسىنىڭ نازاريا زەرتتەۋ قوعامىنىڭ رولىن ساۋلەلەندىرىپ، ساياسي كەڭەس ءماسليحات دەموكراتياسى، دەموكراتيالىق باقىلاۋ قاتارلى ماسەلەلەردى زەرتتەۋىن كۇشەيتتى. دۇرىس قوعامدىق پىكىر بەتالىسىنان جازباي، ساياسي كەڭەستىڭ فۋنكتسياسىن وتەۋ جەمىستەرىن ۇگىتتەۋ تەبىنىن كۇشەيتتى.
پارتيانى جاپپاي قاتاڭ باسقارۋ جونىندەگى ورنالاستىرۋلاردى دايەكتىلەندىرىپ، پارتيانىڭ ساياسي قۇرىلىسىن ماڭداي الدى ورىنعا قويدى. مەملەكەتتىك ساياسي كەڭەسكە پارتيانىڭ باسشىلىعى ءتۇزىلىسىن كەمەلدەندىرىپ، 9 ارناۋلى كوميسسيادا بولىمشە پارتيا باسشىلىق گرۋپپاسىن قۇرىپ، ساياسى كەڭەس پارتيا باسشىلىق گرۋپپاسىنىڭ ورگان پارتيا باسشىلىق گرۋپپاسى مەن ءارقايسى بولىمشە پارتيا باسشىلىق گرۋپپالارىنا بولعان باسشىلىعىن كۇشەيتىپ، ۇيىمدىق جۇيەسى، ءتۇزىم مەحانيزمى جاعىندا ج ك پ ورتالىق كوميتەتىنىڭ ورتالىقتانعان ءبىر تۇتاس باسشىلىعىنىڭ ساياسي كەڭەستە دايەكتى تياناقتاندىرىلۋىنا كەپىلدىك ەتتى. ساياسي كەڭەستى ءبىلۋ، ءماسليحاتتاسا الۋ، كەڭەسۋگە شەبەر بولۋ، تارتىپكە بويسۇنۋ، ءجون - جوسىقتى دارىپتەۋ، مىنەز - قۇلىققا ءمان بەرۋ تالاپتارى بويىنشا ساياسي كەڭەس مۇشەلەرىنىڭ قوسىن قۇرىلىسىن مىقتى ۇستاپ، مۇشەلەردىڭ، وتە - موتە، جاڭا مۇشەلەردىڭ ۇيرەنۋ تالقى كلاسى، بايانداما ءماجىلىسى سياقتىلاردى 32 رەت ۇيىمداستىرىپ، 10 مىڭنان استام ادام - رەت قاتىناستى. ورتالىقتىڭ «8 ءتۇرلى بەلگىلەمەسىنىڭ» رۋحىن تياناقتاندىرۋدا ناقتى شارالار بەلگىلەپ، ءماجىلىس ستيلىن، ءتارتىبىن تەكسەرۋ گرۋپپاسىن قۇرىپ، فۋنكتسيانى اتقارۋ قيمىلدارىن قاتاڭ ارناعا ءتۇسىرىپ، ءماجىلىس ءتارتىبىن قاتايتىپ، ءماجىلىس ستيلىن، جازۋ ستيلىن جاقسارتتى. ساياسي كەڭەستىڭ ۋستاۆى بويىنشا ليڭ جيحۋا، سۋ رۇڭ، سۇن حۋايشان قاتارلى 38 ادامنىڭ مەملەكەتتىك ساياسي كەڭەس مۇشەسى تولىمدىلىعىن كۇشىنەن قالدىردى. ورگان قۇرىلىسىن كوپ جولدار ارقىلى ىلگەرىلەتىپ، ارالاپ جونگە سالۋ تەبىنىن ارتتىرىپ، ورتالىق ءتارتىپ تەكسەرۋ كوميتەتىنىڭ ساياسي كەڭەس ورگاندارىنا ءتارتىپ تەكسەرۋ گرۋپپالارىن جىبەرىپ، باقىلاۋ جۇرگىزۋىن، ءتارتىپتى اتقارۋىن، جاۋاپكەرلىكتى قۋزاستىرۋىن قولداپ، تاماشا ساياسي جاعداي جاراتتى. جەرگىلىكتى ساياسي كەڭەستىڭ قىزمەت تاجىريبەلەرىن الماستىرۋ ءماجىلىسىن، جەرگىلىكتى ساياسي كەڭەس باس حاتشىلار اڭگىمە ماجىلىستەرىن اشىپ، ج ك پ ورتالىق كوميتەتىنىڭ شەشىمدەرى مەن ورنالاستىرۋلارىن جانە ساياسي كەڭەس قىزمەتى جونىندەگى تالاپتاردى تۇبەگەيلى تياناقتاندىرۋعا كەپىلدىك ەتتى.
مۇشەلەر، وتكەن 5 جىلداعى تابىستارىمىز ج ك پ ورتالىق كوميتەتىنىڭ وسكەلەڭ ءمان بەرۋىنىڭ، پارمەندى باسشىلىعىنىڭ ناتيجەسى، ءار دارەجەلى پارتكومداردىڭ، ۇكىمەتتەردىڭ جانە قوعامنىڭ ءار سالاسىنداعىلاردىڭ قىزۋ ىنتامەن كومەكتەسۋىنىڭ، كۇش سالا قولداپ - قۋاتتاۋىنىڭ جەمىسى، سونداي - اق حالىق ساياسي كەڭەسىنە قاتىناسقان مەكەمە - ورىنداردىڭ، ءار دارەجەلى ۇيىمداردىڭ جانە قالىڭ ساياسي كەڭەس مۇشەلەرىنىڭ ىنتىماقتاسا سەلبەسۋىنىڭ، بىرگە قۇلشىنۋىنىڭ ناتيجەسى، وسى ورايدا مەملەكەتتىك ساياسي كەڭەستىڭ تۇراقتى كوميتەتى اتىنان ولارعا شىن جۇرەكتەن العىس ايتامىن!
ءبىز قىزمەتىمىزدى قورىتىندىلاۋمەن بىرگە، كەيبىر قىزمەتتەرىمىزدى جاڭا ءداۋىردىڭ، جاڭا مىندەتتىڭ تالابىمەن، حالىق بۇقاراسىنىڭ تىلەگىمەن سالىستىرعاندا ءالى دە پارىقتار بار ەكەنىن كورە ءبىلۋىمىز كەرەك. كەيبىر تەكسەرۋ - زەرتتەۋ، ۇكىمەت ىسىنە كەڭەس بەرۋ قيمىلدارىنىڭ تەرەڭدىگى جەتكىلىكتى بولماۋ، ناقتى جاعدايلارعا ءۇڭىلۋى جەتەرسىز بولۋ سەكىلدى ماسەلەلەر ساقتالۋدا، دەموكراتيالىق باقىلاۋ ءادىس - امالدارى مەن تۇزىمدەنۋ قۇرىلىسى ءالى دە ونان ارمان ىزدەنىس جاساۋدى قاجەت ەتەدى، ىنتىماقتاستىقتىڭ، دوستىقتىڭ كولەمى مەن جولدارىن ءالى دە ونان ارمان كەڭەيتۋگە تۋرا كەلەدى، مۇشەلەردىڭ رولىن ساۋلەلەندىرۋ ءالى دە كۇشەيتۋدى قاجەت ەتەدى، ارناۋلى كوميسسيالاردىڭ سالالارمەن، مۇشەلەرمەن بايلانىس قىزمەتىن دە ونان ارى جاقسارتۋ قاجەت، ورگان قۇرىلىسىندا ءالى دە ءالسىز بۋىندار بار، جەرگىلىكتى ساياسي كەڭەس قىزمەتىنە جەتەكشىلىك ءالى كەمشىل بولۋ قاتارلى ماسەلەلەر بار. بۇنىڭ ءبارىن، ءسوزسىز، شىن مانىندە تۇزەتۋىمىز كەرەك.
2. 5 جىلعى قىزمەتتەن العان باستى اسەر
5 جىلدان بەرى، مەملەكەتتىك 12 - كەزەكتى ساياسي كەڭەس امالياتتىق ىزدەنۋ بارىسىندا ءبىر قىدىرۋ ءتيىمدى تاجىريبەلەردى توپتادى، ءبىرسىپىرا جۇيەلى تانىمدار مەن اسەرلەر قالىپتاستى.
1)جۇڭگو كوممۋنيستىك پارتياسىنىڭ باسشىلىعىنان اۋىتقىماۋ. بۇل حالىق ساياسي كەڭەسى، ءسوز جوق، قاتاڭ بويسۇناتىن ءتۇبىرلى ساياسي پرينسيپ. جۇڭگو كوممۋنيستىك پارتياسىنىڭ باسشىلىعى جۇڭگوشا سوتسياليزمنىڭ ەڭ ماندىك ەرەكشەلىگى، جۇڭگوشا سوتسياليستىك ءتۇزىمنىڭ ەڭ ۇلكەن ارتىقشىلىعى. پارتيا، ۇكىمەت، ارميا، حالىقتىق قۇرىلىم، عىلىم - ءبىلىم سالاسى سياقتى بارلىق سالاعا جانە بارلىق جەرگە پارتيا باسشىلىق ەتەدى. ساياسي كەڭەستىڭ ءار دارەجەلى ۇيىمدارى مەن ءتۇرلى قيمىلدارى بارىسىندا پارتيا باسشىلىق ورىندا تۇرادى. حالىق ساياسي كەڭەسىنىڭ پارتيانىڭ باسشىلىعىنا تاباندى بولۋى ناقتىلى نارسە، ول استە ابستراكت ەمەس، ول شي جينپيڭ جولداستى ۇيتقى ەتكەن ج ك پ ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاۋدا شوعىرلى بەينەلەنەدى، جۇڭگو كوممۋنيستىك پارتياسىنىڭ باسشىلىعىنداعى كوپ پارتيا سەلبەستىگىن جانە ساياسي كەڭەس تۇزىمىنە تاباندى بولۋدا جانە ونى كەمەلدەندىرۋدە بەينەلەنەدى. ءماسليحات دەموكراتيالى بولۋ سىندى پارتيانىڭ باسشىلىعىن جۇزەگە اسىرۋدىڭ وسى ءبىر ماڭىزدى تاسىلىنە تاباندى بولۋدا جانە ونى ويداعىداي پايدالانۋدا بەينەلەنەدى، ساياسي كەڭەس پارتيا ۇيىمدارىنىڭ ىنتىماقتاسا وتىرىپ، قالىڭ ساياسي كەڭەس مۇشەلەرىن باستاپ جانە ولارعا جەتەكشىلىك ەتىپ، پارتيانىڭ نەگىزگى نازارياسىن، نەگىزگى لۋشيانىن، نەگىزگى تاكتيكاسىن دايەكتىلەندىرۋگە جەتەكشىلىك ەتۋىنەن بەينەلەنەدى. ساياسي كەڭەس پارتيا باسشىلىق گرۋپپاسىنىڭ بەتالىستى يگەرىپ، جالپى جاعدايدى مەڭگەرىپ، تياناقتاندىرۋعا كەپىلدىك ەتەتىن ماڭىزدى رولىن ساۋلەلەندىرىپ، ورگان پارتيا باسشىلىق گرۋپپاسىنا، ارناۋلى كوميسسيالار بولىمشە پارتيا باسشىلىق گرۋپپاسىنا جەتەكشىلىكتى كۇشەيتىپ، جوعارى مەن تومەن تۇتاسقان ۇيىمدىق جۇيە مەن قىزمەت مەحانيزمىن قالىپتاستىرىپ، پارتيانىڭ قۋاتتاماسىن دەموكراتيالىق ءتارتىپ ارقىلى ساياسي كەڭەس ۇيىمدارىنىڭ ۇيعارىمىنا اينالدىرىپ، حالىق ساياسي كەڭەسىنىڭ بارلىق ماڭىزدى جۇمىستارى پارتيانىڭ جەتەكشىلىگىندە ورىستەتىلۋىن ىسكە اسىرىپ، بارلىق ماڭىزدى قيمىلداردى پارتيا مەن مەملەكەتتىڭ وزەكتى مىندەتىن ارقاۋ ەتە وتىرىپ ورىستەتىپ، بارلىق ماڭىزدى ورنالاستىرۋلاردى كەڭىنەن پىكىر قابىلداۋ نەگىزىندە پارتكومعا مالىمدەپ، بەكىتكەننەن سوڭ اتقارۋ كەرەك.
2) حالىق ساياسي كەڭەسىنىڭ سيپاتى مەن ورنىنا تاباندى بولۋ. بۇل حالىق ساياسي كەڭەسى قىزمەتىنىڭ ىرگە تاسى. حالىق ساياسي كەڭەسى بىرلىكساپ ۇيىمىنىڭ، كوپ پارتيا سەلبەستىگى مەن ساياسي كەڭەستىڭ ماڭىزدى قۇرىلىمى، حالىق دەموكراتياسى جۇزەگە اسۋىنىڭ ماڭىزدى فورماسى، مەملەكەتتىڭ باسقارۋ جۇيەسىنىڭ ماڭىزدى قۇرامداس بولەگى، جۇڭگوشا ەرەكشەلىككە يە تۇزىمدىك ورنالاستىرۋ بولىپ تابىلادى. ساياسي كەڭەس بيلىك ورگانى ەمەس، شەشىم جاسايتىن قۇرىلىم دا ەمەس، قايتا پارتيا - توپتاردىڭ، ۇيىمداردىڭ جانە ءار ۇلت قايراتكەرلەرىنىڭ دەموكراتيانى ساۋلەلەندىرەتىن، مەملەكەت ىسىنە ارالاسۋدىڭ، ىنتىماقتاسا سەلبەسۋدىڭ ماڭىزدى تۇعىرى، ونىڭ رولىن ساۋلەلەندىرۋ − پارمەندى تەجەمدىك كۇشكە سۇيەنۋ ەمەس، قايتا ساياسي ىقپال كۇشىنە سۇيەنۋ. ساياسي كەڭەستىڭ سيپاتىن، ورنىن يگەرۋ جۇڭگوشا سوتسياليستىك ءتۇزىمنىڭ باسىمدىعى مەن ەرەكشەلىگىنە تاباندى بولۋعا، حالىق ساياسي كەڭەسى ىستەرىنىڭ باعىتىنا جانە بورىشىنا سايادى، ءسوز جوق، ساياسي كەڭەستىڭ قىزمەت پرينسيبى، فۋنكتسيالىق مىندەتى، ءادىس - امالدارى بارىسىندا ناقتى دايەكتىلەندىرۋ كەرەك. ساياسي كەڭەستىڭ سيپاتى مەن ورنىنىڭ نەگىزگى ءمان - مازمۇنىن مىقتى يگەرىپ، اۋەلگى ماقساتتى ۇمىتپاي، شەشۋشى ءتۇيىندى يگەرىپ، نەگىزدى بەرىك قالاپ، باستان - اياق ءدۇدامال بولماي، اۋىتقىماي، جۇڭگوشا سوتسياليستىك ساياسي دامۋ جولىمەن بۇلجىماستان ءجۇرىپ، جاڭا ءداۋىر حالىق ساياسي كەڭەسى ىستەرىن ۇزدىكسىز العا ىلگەرىلەتۋ كەرەك.
3) تۇيىننەن اۋىتقىماي، جالپى جاعدايعا قىزمەت ەتۋگە تاباندى بولۋ. بۇل حالىق ساياسي كەڭەسىنىڭ فۋنكتسياسىن وتەۋدەگى نەگىزگى ارقاۋى. پارتيا مەن مەملەكەت ىستەرى جالپى جاعدايلىق، ستراتەگيالىق سيپاتقا يە. حالىق ساياسي كەڭەسى جالپى جاعدايعا وي جۇگىرتكەندە، جالپى جاعداي استىندا قيمىلداعاندا عانا، نەگىزگى قۇلشىنۋ باعىتىن ايقىنداپ، كۇش سالۋ ءتۇيىنىن يگەرىپ، ماندىك قۇندى ايگىلەي الادى. نازاردى پارتيا مەن مەملەكەتتىڭ وزەكتى مىندەتىنە شوعىرلاندىرىپ، پارتيا مەن مەملەكەت ويلاعاندى ويلاپ، پارتيا مەن مەملەكەت اسىققانعا اسىعىپ، جاڭا ءداۋىر جۇڭگوشا سوتسياليزمنىڭ ۇلى امالياتىنا ىرىقتىلىقپەن ات سالىسىپ، حالىق بۇقاراسىنىڭ ءوندىرىس - تۇرمىسىمەن تىعىز ۇشتاستىرىپ، ەكونوميكالىق، قوعامدىق دامۋدىڭ ءىس جۇزىندىگىمەن تىعىز ۇشتاستىرىپ، پارتيا مەن مەملەكەتتىڭ ماڭىزدى شەشىمدەرى مەن ورنالاستىرۋلارىندا شەشۋ قاجەت بولعان ماسەلەلەرمەن تىعىز ۇشتاستىرىپ، دالمە - ءدال ۇسىنىستار قويىپ، ناقتى شارالار كورسەتىپ، كوپتىڭ پاراساتىن شوعىرلاندىرىپ، قيىن وتكەلدەردەن ءوتۋ كەرەك. حالىقتى وزەك ەتۋگە، حالىق ساياسي كەڭەسى حالىق ءۇشىن ىستەۋگە تاباندى بولىپ، حالىقتىڭ كۇن سايىن ارتىپ وتىرعان تاماشا تۇرمىس قاجەتىن بارىنشا قاناعاتتاندىرۋدى ساياسي كەڭەستىڭ بارلىق قىزمەتتەرىنىڭ شىعار ءتۇيىنى مەن تابان تىرەر تياناعى ەتىپ، حالىقتىڭ تىنىس - تىرشىلىگىنە اناعۇرلىم ىشكەرىلەي، ۇنەمى نازار اۋدارىپ، حالىق بۇقاراسىنا ساياسي كەڭەس وزدەرىنە تىم جاقىن جەردە تۇراتىنىن، ساياسي كەڭەس مۇشەلەرى قاسىندا جۇرەتىنىن سەزدىرۋ كەرەك.
4) ىنتىماق جانە دەموكراتيا سىندى ەكى ۇلكەن تاقىرىپقا تاباندى بولۋ. بۇل حالىق ساياسي كەڭەس ۇيىمدارىنىڭ ماندىك تالابى جانە بەلگى سيپاتتى ەرەكشەلىگى. حالىق ساياسي كەڭەسىندە ىنتىماق بەتالىس، ماقسات، دەموكراتيا ماقسات ءارى ءتاسىل ەسەپتەلەدى. ىنتىماق − كۇش، دەموكراتيا بولعاندا عانا، ومىرشەڭدىك بولادى. وتانشىلدىق، سوتسياليزم تۋىن بيىك ۇستاپ، ۇلى ىنتىماق پەن ۇلى بىرلىككە تاباندى بولىپ، بىردەيلىك پەن الۋان تۇرلىلىكتىڭ تۇتاستىعىنا تاباندى بولىپ، بىردەيلىك − ورتاق يدەيالىق - ساياسي نەگىزدىڭ بىركەلكىلىگى، الۋان تۇرلىلىك − مۇددەنىڭ كوپ نەگىزدىلىگى مەن وي - سانانىڭ الۋان تۇرلىلىگىنىڭ بەينەسى، بىركەلكىلىككە تاباندى بولۋ بارىسىندا الۋان تۇرلىلىككە قۇرمەت ەتۋ، الۋان تۇرلىلىكتى قابىلداۋ بارىسىندا بىردەيلىككە ۇمتىلۋ، ەڭ ۇلكەن ورتاق بولگىشتى تاۋىپ، ەڭ ۇلكەن كىندىكتەس شەڭبەردى سىزۋ كەرەكتىگىن تەرەڭىنەن تانۋ ءتيىس. كونە دوستاردى ۇمىتپاي، جاڭادان دوس تاۋىپ، ادال، جاقىن دوستارمەن كوپ تانىسىپ، جۇڭگو كوممۋنيستىك پارتياسىنىڭ توڭىرەگىنە اناعۇرلىم كوپ ادامدى ىنتىماقتاستىرۋ كەرەك. ءىستى كەڭەسپەن شەشۋ، كوپتىڭ ءىسىن كوپپەن اقىلداسۋ حالىق دەموكراتياسىنىڭ ناعىز ءمانى ءارى سوتسياليستىك ساياسي ءماسليحات دەموكراتياسىنىڭ ماڭىزدى پرينسيبى. حالىق ساياسي كەڭەسىنىڭ سوتسياليستىك ءماسليحات دەموكراتياسىنىڭ ماڭىزدى ارناسىندىق جانە ارناۋلى كەڭەس قۇرىلىمىندىق رولىن تولىق ساۋلەلەندىرىپ، ءماسليحات دەموكراتياسىن فۋنكتسيانى اتقارۋدىڭ جالپى بارىسىنا تۇتاستىرىپ، ءماسليحاتتاسۋدا شىنايى كەڭەسۋگە تاباندى بولۋ، كەڭەسۋ ارقىلى ورتاقتىقتى ىزدەۋگە، ءىس بىتىرۋگە تاباندى بولۋ، دەموكراتيا رۋحىن اسقاقتاتىپ، ءماسليحات تانىمىن امالياتتان وتكىزىپ، تاماشا اۋقىم قالىپتاستىرىپ، مۇشەلەر ءسوز سويلەۋدى قالايتىن، ءسوز سويلەۋگە باتىلى باراتىن، شىن سويلەيتىن مۇمكىندىك جاراتىپ، قاراما - قارسى ەمەس، قىزۋ ىنتامەن تالقى وزدىرۋدى، ات ءۇستى ەمەس، شىنايى اڭگىمەلەسۋدى، ۇشقارى ەمەس، وتكىر سىن ايتۋدى دارىپتەپ، ورتاق تانىمدى كۇشەيتۋدى، ىنتىماقتى جەبەۋدى قۇلشىنا ارتتىرۋ كەرەك.
5) مۇراگەرلىك ەتۋ بارىسىندا دامۋ، دامۋ بارىسىندا جاڭالىق اشۋعا تاباندى بولۋ. بۇل حالىق ساياسي كەڭەسى ىستەرىنىڭ دامۋىنداعى سارقىلماس قوزعاۋشى كۇش. حالىق ساياسي كەڭەسى − جۇڭگو كوممۋنيستىك پارتياسىنىڭ ماركستىك بىرلىكساپ نازارياسىن، ساياسي پارتيا نازارياسىن جانە دەموكراتيالىق ساياسي نازارياسىن جۇڭگونىڭ ناقتى ءىس جۇزىندىگىمەن ۇشتاستىرعان ۇلى جاسامپازدىعى، ول جاڭا جۇڭگونى قۇرۋ، جاڭا جۇڭگونى كوركەيتۋ، رەفورمالاۋ جولىن ىزدەۋ، جۇڭگو ارمانىن جۇزەگە اسىرۋدىڭ شۇعىلالى امالياتى بارىسىندا ۇزدىكسىز دامىپ كەلەدى. وتكەن 5 جىلدا حالىق ساياسي كەڭەسى قولعا العان قىزمەتتەرى نەگىزىندە، ساياسي كەڭەس پارتيانىڭ باسشىلىعى ءتۇزىلىسىن كەمەلدەندىرۋ، ءماسليحاتتاسۋ، ۇكىمەت ىسىنە اقىل - كەڭەس بەرۋدىڭ جاڭا جاعدايىن قالىپتاستىرۋ، دەموكراتيالىق باقىلاۋ قىزمەتىن كۇشەيتۋ جانە جاقسارتۋ، نەگىزدىك رولىن تەكسەرۋ - زەرتتەۋدى كۇشەيتۋ، مىندەت وتەۋ قابىلەتىن جوعارىلاتۋ، ساياسي كەڭەس ۋستاۆىن نەگىز ەتكەن ءتۇزىم جۇيەسىن قۇرۋ قاتارلى جاقتاردا ىزدەنىس جاساپ، امالياتتان وتكىزىپ، ساياسي كەڭەس ىستەرىنىڭ دامۋىندا جاڭا جەتىستىكتەرگە قول جەتكىزدى. جاڭا داۋىرگە، جاڭا ساپارعا، جاڭا مىندەتكە ءدوپ كەلگەن جاعدايدا، ساياسي كەڭەس ماسەلەلەرگە جەتەكشىلىك ەتۋگە، بۇقارامەن ەتەنە بولۋعا، امالياتقا ارالاسۋعا تاباندى بولىپ، كەڭەسۋدى جيىلەتۋ، كەڭەسۋدىڭ ءتاسىلىن جانداندىرۋ، كەڭەسۋدىڭ مازمۇنىن بايىتۋ، كەڭەسۋدىڭ ناقتى ونىمدىلىگىن كۇشەيتۋ جاعىندا كۇش سالىپ، ماسەلەلەردى تالقىلاۋ، تەڭ تۇرعىدا پىكىر الماستىرۋ، ىقپالداستىقتى كۇشەيتۋ، ورتاق تانىمعا كەلۋ جاعىندا كۇش سالىپ، نازاريا، اماليات، ءتۇزىمنىڭ داۋىرمەن بىرگە العا باسۋىن قۇلشىنا ىلگەرىلەتىپ، ساياسي كەڭەس ىستەرىنىڭ ومىرشەڭدىك قۋاتىن ۇزدىكسىز كۇشەيتۋ كەرەك.
6) ساياسي كەڭەس مۇشەلەرىنىڭ نەگىزگى تۇلعالىق رولىن ساۋلەلەندىرۋگە تاباندى بولۋ. حالىق ساياسي كەڭەسى قىزمەتىنىڭ باسىمدىعى مەن ومىرشەڭدىگى وسىندا. حالىق ساياسي كەڭەسى ايبىندى ساياسي ۇيىم، ساياسي كەڭەستىڭ مۇشەسى بولۋ مارتەبە ءارى جاۋاپكەرلىك، ءسوز جوق، مۇشەلەردىڭ رولىن ساۋلەلەندىرۋىنە ءمان بەرىپ، شىڭدالعان مۇشەلەر قوسىنىن قۇرۋ كەرەك. مۇشەلەردىڭ نەگىزگى تۇلعالىق ورنىنا قۇرمەت ەتىپ، مۇشەلەردىڭ دەموكراتيالىق ۇقىعىن قامتاماسىزداندىرىپ، مۇشەلەرمەن بايلانىس جاساۋ ءتۇزىمىن كەمەلدەندىرىپ، ساياسي كەڭەستىڭ ارناۋلى كوميسسيالارى، سالالارى، ورگاندارى قاتارلىلاردىڭ مۇشەلەرمەن بايلانىس جاساۋ، قىزمەت كورسەتۋ رولىن ساۋلەلەندىرىپ، جايشىلىقتا كوپ كۇش جۇمساپ، ۇنەمى بايلانىس جاساپ، قىزمەت كورسەتۋدى باستان - اياق جالعاستىرىپ، ءاربىر مۇشەدە تياناق ەتەتىن ۇيىمى، بايلانىس جاسايتىن جەلىسى، رولىن ساۋلەلەندىرەتىن تۇعىرى بولۋىنا مۇمكىندىك جاراتىپ، حالىق ساياسي كەڭەسىن ىنتىماقتى، دەموكراتيالى، جاراسىمدى وتباسى ەتىپ قۇرۋ كەرەك. مۇشەلەر قوسىنى قۇرىلىسىن جاپپاي كۇشەيتىپ، يدەيا، ساياسي جاقتا جەتەكشىلىك ەتۋگە تاباندى بولىپ، «4 ءتانىمدى» كۇشەيتىپ، «4 سەنىمدى» بەكەمدەپ، جول، باعىت، نىسانا جاعىندا بىردەي جىگەر مەن ارەكەت قالىپتاستىرۋ؛ ساياسي كەڭەستى ءبىلۋ، ءماسليحاتتاسا الۋ، كەڭەسۋگە شەبەر بولۋعا تاباندى بولىپ، ىشكەرىلەي تەكسەرىپ - زەرتتەۋ جۇرگىزىپ، قۇلشىنا مىندەتىن وتەپ، جاۋاپكەرلىگىن ادا ەتىپ، قاجەت كەزدە ۇسىنىس جوبا بەرە الۋ، ماڭىزدى ماسەلەلەردى ءماسليحاتتاسا الۋ، ءتۇيىندى ورىندى باقىلاي الۋ؛ تارتىپكە بويسۇنۋ، ءجون - جوسىقتى دارىپتەۋ، مىنەز - قۇلىققا ءمان بەرۋگە تاباندى بولىپ، پەيىلسىزدىك پەن بويكۇيەزدىككە جۋىماي، الاڭعاسارلىق پەن مەملەكەت جاعدايىنان الشاق ۇشقارى ويلاردان، شىرىكتەسۋ مەن ۇقىقتان پايدالانۋ جانە جەكەلىك پايداعا بوي ۇراتىن بارلىق ارەكەتتەردەن اۋلاق بولىپ، ساياسي كەڭەس مۇشەسىنىڭ تاماشا وبرازىن قالىپتاستىرۋ كەرەك.
3. بۇدان بىلايعى قىزمەتتەر جونىندەگى ۇسىنىس
ج ك پ 19 - قۇرىلتايى جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە جەتىپ، جاڭا ءداۋىر جۇڭگوشا سوتسياليزمنىڭ ۇلى جەڭىسىنە جەتۋدىڭ ۇلى جوباسىن جاساپ، پارتيا مەن مەملەكەت ىستەرىنىڭ العاباسۋ بەتالىسىن اناعۇرلىم ايقىن كورسەتىپ بەردى. حالىق ساياسي كەڭەسى ج ك پ 19 - قۇرىلتايىنىڭ رۋحىن ۇيرەنۋدى، دايەكتىلەندىرۋدى كەلەلى ساياسي مىندەت رەتىندە قاراپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ساياسي كەڭەس قىزمەتىن ءبىر تۇتاس مەڭگەرۋدىڭ جالپى باعدارلاماسى ەتىپ، جۇڭگوشا سوتسياليزمگە تاباندى بولۋدى جانە ونى دامىتۋدى ورتاق يدەيالىق - ساياسي نەگىزدى بەكەمدەۋدىڭ باستى ءوسى ەتىپ، جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە جەتۋ، جاڭا ءداۋىر جۇڭگوشا سوتسياليزمنىڭ ۇلى جەڭىسىنە قول جەتكىزۋ ءۇشىن كەڭەس بەرىپ، كۇش قوسۋدى قىزمەتتىڭ نەگىزگى جەلىسى ەتىپ، قىزمەتتى ورنىقتىلىق بارىسىندا ىلگەرىلەتۋ سىندى نەگىزگى اۋەنگە تاباندى بولىپ، جاڭا دامۋ كوزقاراسىنا، حالىقتى وزەك ەتكەن دامۋ يدەياسىنا، ىنتىماق جانە دەموكراتيا سىندى ەكى ۇلكەن تاقىرىپقا تاباندى بولىپ، «بەستى ءبىر تۇلعالاندىرۋ» جالپى تۇلعالىق ورنالاستىرۋىن ءبىر تۇتاس ىلگەرىلەتۋ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتۋدى وزەك ەتىپ، ساياسي ءماسليحات، دەموكراتيالىق باقىلاۋ، ۇكىمەت ىسىنە قاتىسۋ، اقىل - كەڭەس بەرۋ فۋنكتسياسىن مۇقيات اتقارىپ، جاپپاي دوڭگەلەك داۋلەتتى قوعام قۇرۋ، سوتسياليستىك وسىزاماندانعان مەملەكەت قۇرۋ ءۇشىن تىڭ ۇلەستەر قوسۋ كەرەك.
1) شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنۋ جانە دايەكتىلەندىرۋ. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنۋدى، دايەكتىلەندىرۋدى ەڭ ماڭداي الدى ورىنعا قويىپ، بىرلىكساپ، حالىق ساياسي كەڭەسى جونىندەگى جاڭا يدەيالاردى، تىڭ تالاپتاردى مۇقيات ۇيرەنىپ، جاڭادان تاعايىندالعان ساياسي كەڭەس مۇشەلەرىن جاپپاي كۋرستان وتكىزۋدى ورىستەتىپ، تولىق ۇيرەنۋگە، ابدەن تۇسىنۋگە، ناقتىلى ءىس ىستەۋگە بارىنشا كۇش سالىپ، وسكەلەڭ ساياسي، يدەيالىق، نازاريالىق، سەزىمدىك تانىم بىرلىگىن كۇشەيتىپ، ىنتىماقتاسا كۇرەس جاسايتىن ورتاق يدەيالىق - ساياسي نەگىزدى بەكەمدەۋ كەرەك. «4 تانىمدى» بەرىك ورناتۋدى، «4 سەنىمدى» بەكەمدەۋدى نازارعا الىپ، حالىق ساياسي كەڭەسىنە قاتىناساتىن پارتيا - توپتاردىڭ جانە ءار ۇلت، ءار سالا قايراتكەرلەرىنىڭ جۇڭگو كوممۋنيستىك پارتياسىنىڭ باسشىلىعىن سانالى تۇردە قابىلداۋىن ىلگەرىلەتىپ، باس شۋجي شي جينپيڭنىڭ ۇيتقىلىق ورنىن باتىل قورعاۋ كەرەك. پارتيانىڭ جاڭالىق اشۋ نازارياسىن ۇيرەنۋدى، ۇعىنۋدى، دايەكتىلەندىرۋدى وتكەن 5 جىلداعى پارتيا مەن مەملەكەت ىستەرىنىڭ تاريحي وزگەرىستەرىمەن، بۇدان بىلايعى قىزمەتتىڭ ستراتەگيالىق ورنالاستىرۋىمەن ۇشتاستىرا وتىرىپ، ساياسي كەڭەستىڭ ءىس جۇزىندىگىنە تىعىز بايلانىستىرا وتىرىپ، تياناقتاندىرۋدىڭ نەگىزگى ءتۇيىنىن تاۋىپ، قىزمەت بارىسىندا شىنايى تياناقتاندىرۋ، ايگىلەۋ كەرەك.
2) جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە جەتۋدەگى، جاپپاي سوتسياليستىك وسىزاماندانعان مەملەكەت قۇرۋدىڭ تىڭ ساپارىن باستاۋداعى كەلەلى ماسەلەلەر جونىندە اقىل - كەڭەس بەرۋدى، كۇش قوسۋدى نازارعا الۋ. ەلىمىز دامۋىنىڭ جاڭا تاريحي بەتالىسى مەن قوعامداعى باستى قايشىلىقتىڭ وزگەرىسىن مىقتى يگەرىپ، ءبىرىنشى 1000 جىلدىق كۇرەس نىساناسىن جۇزەگە اسىرىپ، ەكىنشى 1000 جىلدىق كۇرەس نىساناسىنا قادام تاستاۋدى مىندەت وتەۋدە قامال الۋدىڭ باعىتى ەتىپ، دامۋدىڭ بىركەلكى، تولىق بولماۋ ماسەلەسىن شەشۋدى قىزمەتتە كۇش سالۋدىڭ ءتۇيىنى ەتىپ، سىندارلى كەڭەس بەرىپ، ناقتىلى كۇش شىعارۋ كەرەك. جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە جەتۋدى نازارعا الىپ، ءتۇيىندى مىقتى يگەرۋدى، ولقىلىقتى تولىقتاۋدى، ءالسىز بۋىنداردى كۇشەيتۋدى كوزدە ۇستاپ، ۇلكەن حاۋىپ - قاتەرلەردەن ساقتانۋ جانە ونى جويۋ، كەدەيلىكتەن شىن مانىندە ارىلتۋ، لاستانۋدان ساقتانۋ جانە ونى وڭاۋدان قامال الۋ شايقاسىن قاداعالاپ ويداعىداي جۇرگىزىپ، اقىل - كەڭەستەردى شوعىرلاندىرىپ، باقىلاۋدى، دەمەۋ بەرۋدى، تياناقتاندىرۋدى كۇشەيتۋ كەرەك. ۇستەگى جىلى ەرەكشە كەدەي رايونداردى كەدەيلىكتەن ارىلتۋ، لاستانۋدان ساقتانۋ جانە ونى جونگە سالۋ جونىندەگى ارناۋلى تاقىرىپتا ۇكىمەت ىسىنە اقىل - كەڭەس بەرۋ سيپاتىندىق تۇراقتى كوميتەت ءماجىلىسىن جانە فينانس حاۋىپ - قاتەرىنەن ساقتانۋ، تۇلعالىق شارۋاشىلىقتى دامىتۋعا ۇسىنىلىم جۇيەسىنىڭ ساپاسىن جوعارىلاتۋ سىندى ارناۋلى تاقىرىپتاعى ءماسليحات ءماجىلىسىن ايرىقشا ويداعىداي اشۋ كەرەك. جاڭا ءداۋىردىڭ دامۋ تالابىنا ۇيلەسىپ، وسىزاماندانعان شارۋاشىلىق ءتۇزىمىن ورناتۋ، سوتسياليستىك دەموكراتيالىق ساياسيدى دامىتۋ، مادەنيەتتى كوركەيتىپ - گۇلدەندىرۋدى ىلگەرىلەتۋ، قوعامدىق باسقارۋدى كۇشەيتۋ جانە وندا جاڭالىق اشۋ، كورىكتى جۇڭگو قۇرۋ جونىنەن اقىل - كەڭەس بەرىپ، شارالار ۇسىنىپ، حالىقتىڭ كۇن سايىن ارتىپ وتىرعان تاماشا تۇرمىس قاجەتىن اناعۇرلىم قاناعاتتاندىرۋ ءۇشىن اقىل - پاراسات جانە كۇش قوسۋ كەرەك. جاڭا «ەكى ساتىعا ءبولىپ ءجۇرۋ» ستراتەگيالىق ورنالاستىرۋىن ارقاۋ ەتىپ، جالپىلىق، ستراتەگيالىق، بولجامدبق تاقىرىپتاعى اقىل - كەڭەستەردى تاڭداۋ كەرەك.
3) حالىق ساياسي كەڭەسىنىڭ ءماسليحات دەموكراتياسىنىڭ ماڭىزدى ارناسىندىق جانە ارناۋلى ءماسليحات قۇرىلىمىندىق رولىن تولىق ساۋلەلەندىرۋ. ءماسليحات دەموكراتياسىن ساياسي ءماسليحاتتاسۋدىڭ، دەموكراتيالىق باقىلاۋدىڭ، ۇكىمەت ىسىنە ارالاسىپ، اقىل - كەڭەس بەرۋدىڭ تۇتاس بارىسىنا ءسىڭىرىپ، ساياسي كەڭەستىڭ ءماسليحات دەموكراتياسى ءتۇزىمى مەحانيزمىن كەمەلدەندىرىپ، جىلدىق ءماسليحات جوسپارىن جاساپ جانە اتقارىپ، ءماسليحات تاقىرىبى مەن فورماسىنىڭ سايكەسۋىنە، كوزدەن كەشىرۋ، تەكسەرۋ - زەرتتەۋ مەن ءماسليحاتتاسۋ، ۇكىمەت ىسىنە اقىل - كەڭەس بەرۋدى ۇشتاستىرۋعا تاباندى بولىپ، قالىڭ ساياسي كەڭەس مۇشەلەرىن ءماسليحاتتاسۋعا، ۇكىمەت ىسىنە اقىل - كەڭەس بەرۋگە ۇزدىكسىز ىشكەرىلەي ۇيىمداستىرىپ، كەمەلدەنگەن تۇزىمدىك تارتىپتى جانە امالياتقا ارالاسۋىن قالىپتاستىرۋدى ىلگەرىلەتۋ كەرەك. ساياسي كەڭەستىڭ دەموكراتيالىق باقىلاۋىن كۇشەيتىپ، ءماسليحاتتاسۋ فورماسىنداعى باقىلاۋدىڭ ەرەكشە باسىمدىعىنا تاباندى بولىپ، باقىلاۋدىڭ باعىتى مەن پرينسيبىن، ريتىمى مەن تەبىنىن ويداعىداي يگەرىپ، ج ك پ 19 - قۇرىلتايىنىڭ شەشىمدەرى مەن ورنالاستىرۋلارىن دايەكتى تياناقتاندىرۋ، ورىستەتۋ، باقىلاۋ قىزمەتىن ءتۇيىندى وزەك ەتىپ، باقىلاۋ سيپاتىندىق كەڭەس تاقىرىبىنىڭ سالىستىرماسىن جوعارىلاتىپ، ءماسليحاتتاسۋدىڭ، باقىلاۋدىڭ، ارالاسۋدىڭ، سەلبەستىكتىڭ ءبىر تۇلعالانۋىن توعىستىرىپ، ساياسي كەڭەستىڭ دەموكراتيالى باقىلاۋىنىڭ پارتيا مەن مەملەكەتتىڭ باقىلاۋ جۇيەسىندەگى ايرىقشا رولىن اناعۇرلىم ويداعىداي ساۋلەلەندىرۋ كەرەك. كەڭەستىڭ جەتىستىكتەرىن قابىلداۋ، ءماسليحات جەمىسىن قابىلداۋ، تياناقتاندىرۋ جانە جاۋاپ قايتارۋ مەحانيزمىن كەمەلدەندىرىپ، وكشەلەي باقىلاۋدى كۇشەيتىپ، ءماسليحات جەمىسىنىڭ ساياساتقا جانە ناقتى قىزمەت شارالارىنا ۇتىمدى اينالۋىن ىلگەرىلەتۋ كەرەك.
4) جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جولىنداعى وڭ ەنەرگيالاردى كەڭىنەن توپتاۋ. ساياسي پارتيالار قاتىناسىنىڭ، ۇلتتار قاتىناسىنىڭ، دىندەر قاتىناسىنىڭ، جىكتەر قاتىناسىنىڭ، ەل ءىشى - سىرتىنداعى مۇھاجىرلار قاتىناسىنىڭ جاراسىمدىلىعىن ىلگەرىلەتۋ كەرەك. دەموكراتيالىق پارتيا - توپتار مەن پارتيادا، توپتا جوق قايراتكەرلەردىڭ ساياسي كەڭەستە مىندەتىن وتەۋىنە اناعۇرلىم ويداعىداي جاعداي جاراتىپ بەرۋ كەرەك. پارتيا سىرتىنداعى زيالىلار مەن جاڭا قوعامدىق جىكتەگى قايراتكەرلەردىڭ قىزمەتىن ويداعىداي ىستەۋ كەرەك. اكىمشىلىك پەن ساۋدانىڭ باۋىرمال جانە پاك، جاڭاشا قاتىناسىن قالىپتاستىرۋدى ىلگەرىلەتۋ، جالپىلىق مەنشىككە جاتپايتىن شارۋاشىلىقتىڭ اقاۋسىز دامۋى مەن جالپىلىق مەنشىككە جاتپايتىن شارۋاشىلىقپەن شۇعىلدانۋشى قايراتكەرلەردىڭ اقاۋسىز جەتىلۋىن ىلگەرىلەتۋ كەرەك. ۇلتتار ىنتىماعى العاباسارلىعى تاربيەسىن تەرەڭدەتىپ، جۇڭحۋا ۇلتى ورتاق تۇلعا تانىمىن بەكەمدەپ، ءارقايسى ۇلتتاردىڭ بارىس - كەلىسىن، اۋىس - كۇيىسىن، ارالاس - قۇرالاستىعىن ىلگەرىلەتىپ، ىنتىماقتاسا كۇرەس جاساپ، بىرگە گۇلدەنىپ - كوركەيۋ كەرەك. ەلىمىزدەگى دىندەردىڭ جۇڭگوشالانۋ باعىتىنان جازباي، ءدىندى سوتسياليستىك قوعامعا سايكەسۋگە بەلسەندىلىكپەن جەتەلەۋ كەرەك. شياڭگاڭدىق، اۋمىندىق، تايۋاندىق باۋىرلاستار جانە مۇھاجىرلار مەن اراداعى ىنتىماق پەن دوستىقتى كۇشەيتىپ، جۇڭحۋا پەرزەنتتەرىنىڭ ۇلتتىق ادىلەتتىلىكتى بىرگە ارقالاپ، جۇڭگو ارمانىن بىرگە ورىنداۋىنا قوزعاۋشىلىق ەتۋ كەرەك. شەتەلدەرمەن دوستىق قارىم - قاتىناستى ورىستەتىپ، «ءبىر بەلدەۋ، ءبىر جول» قۇرىلىسىن جەبەپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە ۇلەس قوسۋ كەرەك.
5) وزىندىك قۇرىلىسىمىزدى شىن مانىندە نىعايتۋ. مۇشەلەردىڭ تانىمىن كۇشەيتىپ، جاۋاپكەرلىكتى ۇستىنە الىپ، قىزمەتتى كوكەيگە بەرىك ساقتاپ، مىندەت وتەۋ قابىلەتىن جاپپاي ارتتىرىپ، ساياسي جاقتان مەڭگەرۋ قابىلەتىن، تەكسەرۋ - زەرتتەۋ قابىلەتىن، بۇقارامەن بايلانىس جاساۋ قابىلەتىن، سەلبەستىك جاساۋ قابىلەتىن جوعارىلاتىپ، ستيلدە تىنباي بۇرىلىس جاساپ، مۇشەلەر مىندەتىن ۇتىمدى تۇردە وتەۋ كەرەك. تەكسەرىپ - زەرتتەۋدى بارىنشا ءورىس الدىرىپ، قوسىن قۇرىلىمىن ساپالىلاندىرىپ، ۇيىمدىق فورمانى جاقسارتىپ، نەگىزگى ساتىعا ىشكەرىلەي ارالاسىپ، ءبىرىنشى شەپتى ارالاپ، شىندىق پەن سان - سيفىر ارقىلى دالەل - سىپات كورسەتىپ، ءماسليحاتتاسۋدى، اقىل - كەڭەس بەرۋدى، دەموكراتيالى باقىلاۋدى مۇقيات زەرتتەۋ نەگىزىندە قۇرۋ كەرەك. ۇسىنىس، كوزدەن كەشىرۋ، جارىس سوزگە شىعۋ، قوعام جاعدايىن، حالىق اۋانىن اڭىس ەتەتىن ينفورماتسيا، ادەبيەت - تاريحي ماتەريال، اقپارات - ۇگىت، حالىق ساياسي كەڭەستىڭ نازاريالىق زەرتتەۋ سياقتى قىزمەتتەرىن ويداعىداي ىستەپ، ساپاسىن جوعارىلاتۋ جاعىندا كۇش سالۋ كەرەك. سالالىق ايىرماشىلىقتاردى ساۋلەلەندىرۋدىڭ ادىستەرى مەن جولدارىندا جاڭالىق اشۋ كەرەك. ساياسي كەڭەستىڭ پارتيا باسشىلىعى تۇزىلىسىنە تاباندى بولىپ، ارناۋلى كوميتەتتەردىڭ قۇرىلىسىن كۇشەيتىپ جانە جاقسارتىپ، ورگانداردىڭ قىزمەت وتەۋدى قامتاماسىزداندىرۋ قابىلەتىن كۇشەيتۋ كەرەك. اۋدان دارەجەلى ساياسي كەڭەستەرىنىڭ قىزمەتىنە ارناۋلى تاقىرىپتا تەكسەرۋ - زەرتتەۋ جۇرگىزىپ، جەرگىلىكتى ساياسي كەڭەستەرىنىڭ قىزمەتىنە بولعان جەتەكشىلىكتى كۇشەيتۋ كەرەك. ءماسليحات كەڭەسىنىڭ ۋستاۆىنا وزگەرىس ەنگىزۋدى وراي ەتىپ، ۇگىتتەۋدى، تياناقتاندىرۋدى كۇشەيتىپ، فۋنكتسياسىن وتەۋدى تۇزىمدەندىرۋ، جۇيەلەندىرۋ، تارتىپكە ءتۇسىرۋ ورەسىن اناعۇرلىم جوعارىلاتۋ كەرەك.
مۇشەلەر، جۇڭگوشا سوتسياليزم جاڭا داۋىرگە قادام تاستادى. ءبىز جۇڭحۋا ۇلتىنىڭ ەڭسە كوتەرۋدەن اۋقاتتانۋعا، قۇدىرەتتەنۋگە دەيىنگى ۇلى شارىقتاۋىن قارسى الۋى ءۇشىن شەكسىز شاتتانىپ، ۇلى وتانىمىزدىڭ «قوس 100 جىلدىق» كۇرەس نىساناسىنا قارىشتاي قادام تاستاعاندىعى ءۇشىن اسا ماقتانىش سەزىنەمىز. حالىق ساياسي كەڭەسىنىڭ بورىشى داڭقتى، جاۋاپكەرلىگى كەلەلى. ءبىز شي جينپيڭ جولداستى ۇيتقى ەتكەن ج ك پ ورتالىق كوميتەتىنىڭ توڭىرەگىنە تىعىز ىنتىماقتاسىپ، ماركسيزم - لەنينيزمدى، ماۋ زىدۇڭ يدەياسىن، دىڭ شياۋپيڭ نازارياسىن، «ۇشكە ۋاكىلدىك ەتۋ» ماڭىزدى يدەياسىن، عىلمي دامۋ كوزقاراسىن، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ۇستامدىلىقتان بۇلجىماي، ءبارىمىز ءبىر نيەتتە بولىپ، ايانباي جۇمىس تىندىرىپ، جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە جەتۋ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قۇلشىنا كۇرەس جۇرگىزۋىمىز كەرەك!
(شينحۋا اگەنتتىگىنىڭ 3 - ايدىڭ 15 - كۇنى بەيجيڭنەن بەرگەن حابارى)
(جۇڭگو ۇلتتار ءتىل - اۋدارما مەكەمەسى اۋدارعان)
