بالالار دەنەتاربيە الاڭىندا ءوز بۇيىمدارىن ساتۋدا
«بۇل بازاردا تيىمدىلىكتەر كوپ، ورايدى وتكىزىپ الماڭىز ...». 3 - ايدىڭ 16 - كۇنى تۇستەن كەيىن، حوشۇت اۋداندىق 3-باستاۋىش مەكتەپتەن بالدىرعان بالالاردىڭ داۋىستارى شىعىپ جاتىر، دەنەتاربيە الاڭىندا ساتۋ تاقتالارى دا قويىلعان.
بۇگىن، مەكتەپتەگى وقۋشىلار «كىشكەنتاي ساۋداگەرگە» اينالىپ، ساۋدا ىستەۋدە.
سول كۇنى، حوشۇت اۋداندىق 3 - باستاۋىش مەكتەپ وقۋشىلارى تۇڭعىش كەزەكتى «قىزىل گالستوك ساتۋ بازارى» قيمىلىن ورىستەتتى.
ۇيرەنۋگە قاجەتتى بۇيىمدار، وي جۇگىرتۋگە ارنالعان ويىنشىق، اشەكەي بۇيىمدار، قولونەر سۋرەت تۋىندىلارى قاتارلى بۇل تاۋارلاردىڭ قوجاسى − مەكتەپتەگى وقۋشىلار. ادەتتە اتا - انا مەن وقىتۋشى الدىندا ءالى ەرجەتپەگەن بۇل بالالار بۇگىن مۇلدە باسقاشا، ولار زاتتارعا باعا جاپسىرىپ، وزدەرى تاقتايشا قۇرىپ، الارماندارعا قولايلىلىق جاساپ، تۇرلەرى مەن باعاسىن انىق ايىرىپ ساتتى.
ۇعىسۋعا قاراعاندا، مەكتەپتە بۇل قيمىلدى وتكىزۋدىڭ تۇپكى ماقساتى — وقۋشىلاردىڭ بەينەلەۋ، ۇيىمداستىرۋ، سايكەستىرۋ، قازىنا باسقارۋ قابىلەتتەرىن ارتتىرۋ بولماق. قيمىل بارىسىندا، وقۋشىلار وزدەرى ىستەتپەيتىن كىتاپتارىن، ۇيرەنۋ قۇرالدارىن، ويىنشىق قاتارلىلاردى بازارعا سالىپ، ۇيلەسىمدى باعادا ساتتى. وسىلاي ىستەۋ ارقىلى بالالاردىڭ ۇنەمشىلدىك جانە ورتانى قورعاۋ تانىمى دا ارتتى.
بۇل رەتكى قيمىلدا جىلۋ جيىپ، مەيىر باعىشتاۋ قيمىلى دا وتكىزىلدى، بالالار ساتقان بۇيىمدارىنان تاپقان اقشاسىن كومەككە مۇقتاج ادامدارعا جىلۋ رەتىندە اتادى.
