شينحۋا اگەنتتىگىنىڭ 3 - ايدىڭ 17 - كۇنى بەيجيڭنەن بەرگەن حابارى. 3 - ايدىڭ 177 - كۇنى مەملەكەت ءتوراعاسى شي جينپيڭ ۋاعدا بويىنشا گەرمانيانىڭ زۇڭليى مەركەلمەن تەلەفوندا سويلەستى.
مەركەل شي جينپيڭنىڭ جۇڭگونىڭ مەملەكەت ءتوراعالىعىنا سايلانعانىن قۇتتىقتادى، ول بىلاي دەدى: گەرمانيا جاڭا ۇكىمەتى اناعۇرلىم قويۋ گەرمانيا - جۇڭگو قاتىناسىن ۇزدىكسىز دامىتۋعا كۇش سالادى، جۇڭگونىڭ جوعارى جىكتەگىلەرىمەن قارىم - قاتىناستى جانە مەحانيزم سيپاتىنداعى تىلدەسۋدى كۇشەيتىپ، ءار سالاداعى ىنتىماقتاستىقتى ىلگەرىلەتۋدى قالايدى. گەرمانيا «ءبىر بەلدەۋ، ءبىر جول» دارىپتەمەسىن قولداپ كەلەدى، ونى ەۆروپا - ازيا قۇرلىعىنىڭ ستراتەگيالىق كوپىرى دەپ سانايدى، گەرمانيا نىساندار ىنتىماقتاستىعى ارقىلى «ءبىر بەلدەۋ، ءبىر جولدى» بىرگە قۇرۋعا ۇلەس قوسۋعا پەيىل. گەرمانيا ەۆروپا مەن جۇڭگونىڭ قاتىناسىن تەرەڭدەتۋدى قولدايدى، سونداي - اق جۇڭگومەن 20 ەل توبى سياقتى كوپ تاراپتى جۇلگە كولەمىندە ىنتىماقتاستىق ورناتۋدى كۇشەيتىپ، كوپ تاراپتىلىق ءتارتىپتى بىرگە قورعاۋعا پەيىل.
شي جينپيڭ مەركەلدىڭ گەرمانيانىڭ زۇڭليلىگىنە تاعى سايلانعاندىعىن قۇتتىقتادى. شي جينپيڭ بىلاي دەپ اتاپ كورسەتتى: جۇڭگو مەن گەرمانيا دۇنيە جۇزىندەگى ءىرى ەلدەر جانە ورنىقتىلىقتىڭ ماڭىزدى كۇشى، ەكى ەلدىڭ قاتىناسى جاپپاي ستراتەگيالىق سەرىكتەستىك قاتىناس جۇلگەسىندە جوعارى دەڭگەيدە دامۋدى ىسكە اسىردى. مەن گەرمانيا جاڭا ۇكىمەتىنىڭ جۇڭگونى گەرمانيا ديپلوماتياسىنىڭ ازياداعى الدىمەن ەسكەرەتىن ءتۇيىنى دەپ ساناعانىن بايقادىم. جۇڭگو دا گەرمانيامەن قارىم - قاتىناسىن دامىتۋعا ايرىقشا كوڭىل بولەدى. جۇڭگو مەن گەرمانيا ىنتىماقتاستىق ورناتىپ، تەڭ يگىلىككە كەنەلۋدىڭ ۇلگى كورسەتۋشىسى بولىپ، ستراتەگيالاردى ءتۇيىلىستىرۋدى كۇشەيتىپ، ءار سالا بويىنشا كەلەسى قادامداعى ءوزارا ءتيىمدى ىنتىماقتاستىقتى بىرگە ويداعىداي جوسپارلاپ، «ءبىر بەلدەۋ، ءبىر جول» جۇلگەسىندە ىنتىماقتاستىق ورناتۋدى كۇشەيتىپ، ورتاق دامۋدى ىسكە اسىرۋى ءتيىس. جۇڭگو مەن گەرمانيا جۇڭگو - ەۆروپا قاتىناسىنىڭ ۇزدىكسىز كوشباسشىسى بولىپ، جۇڭگو مەن ەۆروپانىڭ ستراتەگيا جاقتا ءوزارا سەنىم ارتۋىن كۇشەيتۋ، جۇڭگو - ەۆروپا ىنتىماقتاستىعىن جەبەۋ جاعىندا سىندارلى رول اتقارۋى كەرەك. جۇڭگو مەن گەرمانيا جاڭاشا حالىقارالىق قاتىناستىڭ ىلگەرىلەتۋشىسى بولىپ، ەكونوميكانىڭ جاھاندانۋى مەن كوپ تاراپتىلىقتى قورعاۋعا كۇش سالىپ، ساۋداداعى ەركىندىككە قولداۋ كورسەتىپ، قورعانىمپازدىققا قارسى تۇرىپ، 20 ەل توبى سياقتى كوپ تاراپتى ىنتىماقتاستىقتى كۇشەيتىپ، حالىقارالىق ءتارتىپ پەن ەكونوميكانى جونگە سالۋ جۇيەسىن بىرگە قورعاۋى ءارى كەمەلدەندىرۋى، اشىق دۇنيە ەكونوميكاسىن قورعاۋى جانە قۇرۋى كەرەك. جۇڭگو مەن گەرمانيا يدەولوگيالىق پارىقتان اسىپ تۇسكەن سەلبەسۋشى بولۋى كەرەك. جۇڭگو مەن گەرمانيا قارسىلاس ەمەس، قايتا سەرىك، ءارقايسىسىنىڭ دامۋى قارسى جاققا سىن - سايىس ەمەس، قايتا وراي جاراتادى. تەك ەكى جاق ءوزارا تەڭ تۇرعىدا مامىلە جاساۋدا جانە ءوزارا قۇرمەت ەتۋدە تاباندى بولىپ، قارسى جاقتىڭ وزەكتى مۇددەسىن جانە كوڭىل ءبولىپ وتىرعان كەلەلى ماسەلەسىن ءتۇسىنىپ ءارى وعان كوڭىل ءبولىپ، نازاردى ىنتىماقتاستىق ورناتۋعا شوعىرلاندىرۋدا تاباندى بولىپ، الاۋىزدىقتى لايىقتى مەڭگەرىپ جانە ۇيلەسىمدى ءبىر جايلى ەتەتىن بولسا، جۇڭگو مەن گەرمانيانىڭ قاتىناسى ورنىقتى، باياندى داميدى.
ەكى ەل باسشىلارى حالىقارالىق ساۋدا ءتارتىبى سياقتى ورتاق كوڭىل ءبولىپ وتىرعان ماسەلە جونىندە پىكىر اۋىستىردى.
