تيانشان تورى
تيانشان تورى   ›   ۇيرەنۋ   ›   شولۋ

مەملەكەتتىڭ رولشىسى، حالىقتىڭ جولباسشىسى

  الىپ ەلدىڭ الىسقا بەت تۇزەگەن سالقار كوشى كوشباسشىسىز بولماق ەمەس؛ ۇلتتى گۇلدەندىرۋدىڭ ساپارى جولباسشىعا مۇقتاج.

  ەركە سامال كوكتەم حابارىن اكەلىپ، وسىمدىك اتاۋلى وركەن جايعان تاماشا ساتتە، مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى جالپى جيىنىن وتكىزىپ، جاڭا كەزەكتى مەملەكەتتىك قۇرىلىمداردىڭ باسشىلارىن سايلادى، ج ك پ ورتالىق كوميتەتىنىڭ باس شۋجيى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۇڭحۋا حالىق رەسپۋبليكاسىنىڭ ءتوراعالىعىنا، جۇڭحۋا حالىق رەسپۋبليكاسى ورتالىق اسكەري ىستەر كوميتەتىنىڭ ءتوراعالىعىنا تولىق داۋىسپەن سايلاندى. بۇل پارتيا ەركىنىڭ، حالىق ەركىنىڭ، مەملەكەت ەركىنىڭ وسكەلەڭ بىرلىگىن تولىق كورسەتىپ، بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ ورتاق تىلەگى مەن جۇرەك ءۇنىن تولىق ايگىلەدى. ول، ءسوز جوق، ميلليارد حالىقتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، ءبىر نيەت، ءبىر تىلەكپەن ءورىس اشا العا ىلگەرىلەپ، جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە جەتىپ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ىسكە اسىرۋ جولىندا تىنباي كۇرەس جۇرگىزۋگە ىنتالاندىرادى جانە جۇمىلدىرادى.

  ۋاقىت − ۇلى جازۋشى، ول ءارى تەڭدەسسىز كۇرەس جورىعىنىڭ كۋاسى دا. پارتيانىڭ 18 - قۇرىلتايىنان بەرى، كۇردەلى دە الماعايىپ حالىقارالىق جاعدايعا جانە جاپالى دا قات - قابات رەفورما، دامۋ مىندەتتەرىنە سايكەس، شي جينپيڭ جولداستى ۇيتقى ەتكەن پارتيا ورتالىق كوميتەتى ەلدى كوركەيتۋگە بەل بۋىپ، قيىندىقتاردى جەڭىپ، زور ساياسي باتىلدىقپەن جانە كۇشتى تاريحي جاۋاپكەرشىلىكپەن «بەستى ءبىر تۇلعالاندىرۋ» جالپىلىق ورنالاستىرۋىن ءبىر تۇتاس ىلگەرىلەتىپ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتىپ، پارتيا مەن مەملەكەت ىستەرىندە تاريحي جەتىستىكتەرگە قول جەتىپ، تاريحي وزگەرىستەردىڭ جارىققا شىعۋىن ىلگەرىلەتىپ، جۇڭگوشا سوتسياليزمنىڭ جاڭا داۋىرگە وتۋىنە جەتەكشىلىك ەتتى. ازعانا جىلدا، ءبىرقاتار جاڭا ۇستانىم، جاڭا يدەيا، جاڭا ستراتەگيا دەر كەزىندە العا قويىلدى، ءبىرقاتار ءىرى باعىت - ساياساتتار ارت - ارتىنان العا قويىلدى، ءبىرقاتار ماڭىزدى شارالار ىركەس - تىركەس شىعارىلدى، ءبىرقاتار كەلەلى قىزمەتتەر تىڭعىلىقتى ىلگەرىلەتىلدى، ۇزاقتان بەرى شەشۋدى ويعا العانمەن شەشىلمەي كەلگەن كوپتەگەن قيىن ماسەلە شەشىلدى، بۇرىن ورىنداۋدى ويعا العانمەن ورىندالماي كەلگەن كوپتەگەن ءىرى ىستەر ورىندالدى. جۇڭحۋا ۇلتىنىڭ ەڭسە كوتەرۋدەن، بايۋدان قۇدىرەتتەنۋگە بەت بۇرعان تاريحي سەكىرىسى، تۇپتەپ كەلگەندە، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ، تۇپتەپ كەلگەندە، جاڭا ۇلى كۇرەستىڭ امالياتى بارىسىندا شي جينپيڭ جولداستىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى رەتىندەگى پارمەندى جەتەكشىلىگىنىڭ قالىپتاسقانىنىڭ ارقاسى ەكەنىن اماليات دالەلدەدى.

  «الىپ تاۋلاردىڭ دا اسقار شىڭى بولادى». رەفورما، دامۋ، ورنىقتىلىق، ىشكى - سىرتقى ىستەر، مەملەكەت قورعانىسى، پارتيانى، مەملەكەتتى، ارميانى جونگە سالۋ جاقتارىنداعى ۇلى اماليات بارىسىندا باس شۋجي شي جينپيڭ بيىكتە تۇرىپ الىستى بولجاعان، كەڭ اۋقىمدى جوسپار جاساعان كوسەمدىك كەلبەتىن تولىق تانىتىپ، مەملەكەتپەن تىلەكتەس، حالىقپەن تىلەۋلەس بولعان تۇلعالىق تارتىمدىلىعىن تولىق ايگىلەپ، ماركسيزمدىك ساياساتشىنىڭ ساياسي پاراساتى مەن شالقار دارىنىن تولىق ايگىلەدى. قاشاندا حالىقتى وزەك ەتۋگە تاباندى بولىپ، قاشاندا حالىقتىڭ ەلگەزەك قىزمەتكەرى بولا ءبىلدى، باس شۋجي شي جينپيڭ حالىققا دەگەن تەرەڭ سۇيىسپەنشىلىگىمەن جۇڭحۋا ۇلتىنىڭ جويقىن كۇش - قۋاتىن ءبىر ارناعا توعىستىرىپ، پارتيانىڭ، مەملەكەتتىڭ، حالىقتىڭ سۇيەنىشى بولا ءبىلدى. باس شۋجي شي جينپيڭنىڭ جاڭا ءداۋىر جۇڭگوشا سوتسياليزمنىڭ ءىزاشارى، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدىڭ جەتەكشىسى ەكەنىن، بۇكىل پارتيانىڭ قولداۋىنا، بۇكىل حالىقتىڭ قۇرمەتىنە بولەنگەن كوسەم، مەملەكەتتىڭ رولشىسى، حالىقتىڭ جولباسشىسى بولۋعا لايىق ەكەنىن اماليات تولىق دالەلدەدى. باس شۋجي شي جينپيڭنىڭ مەملەكەت ءتوراعالىعىنا، ورتالىق اسكەري ىستەر كوميتەتىنىڭ ءتوراعالىعىنا سايلانۋى جۇڭگو كوممۋنيستىك پارتياسى، جۇڭحۋا حالىق رەسپۋبليكاسى، جۇڭگو حالىق ازاتتىق ارمياسى باسشىسىنىڭ «ءۇشتىڭ ءبىرتۇلعالانۋ» باسشىلىق ءتۇزىلىسىنىڭ تۇزىمدىك ورنالاستىرۋىن كورسەتىپ، جۇڭگوشا سوتسياليزمنىڭ وزگەشە ساياسي جانە تۇزىمدىك ارتىقشىلىعىن ايگىلەدى، بۇل پارتيانىڭ جاپپاي باسشىلىعىنا تاباندى بولۋعا جانە ونى كۇشەيتۋگە پايدالى، پارتيا مەن مەملەكەتتىڭ باسشىلىق تۇزىلىسىنە تاباندى بولۋعا جانە ونى كەمەلدەندىرۋگە پايدالى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن قورعاۋعا پايدالى، پارتيانىڭ 19 - قۇرىلتايىندا جاسالعان ايبىندى جوبانى ىسكە اسىرۋدىڭ بەرىك ساياسي نەگىزى مەن ۇيىمدىق نەگىزىن بەكەمدەي تۇسەدى.

  جۇڭحۋا ۇلتىنىڭ ۇلى گۇلدەنۋى جەڭىل - جەلپى، ايعاي - سۇرەنمەن ىسكە اساتىن شارۋا ەمەس. ىلگەرى باسقان جولىمىزدا «4 سىناق» پەن «4 قاتەر» ءالى دە ورىن تەۋىپ وتىرادى، دامۋدىڭ ولقىلىقتارى شۇعىل تولىقتاۋعا مۇقتاج، حاۋىپ - قاتەر مەن سىن - سايىستاردان ەرەكشە اباي بولۋعا تۋرا كەلەدى. جاڭا ءداۋىر − كۇرەسكەرلەردىڭ ءداۋىرى. جاڭا بورىش ارقالاپ، جاڭا ساپارعا اتتاندىق، ەلىمىز قوعامىنداعى باستى قايشىلىقتا پايدا بولعان جالپى جاعدايعا قاتىستى تاريحي وزگەرىس بىزدەن جاڭا بەينە تانىتىپ، جاڭا تەبىن كورسەتىپ، دامۋدىڭ بىركەلكى، تولىق بولماۋى ماسەلەسىن كۇش سالا شەشىپ، حالىقتىڭ تاماشا تۇرمىسقا دەگەن كۇن ساناپ وسكەن قاجەتىن ءتىپتى ويداعىداي قاناعاتتاندىرىپ، ادامنىڭ جان - جاقتى دامۋىن، قوعامنىڭ جاپپاي العا باسۋىن، حالىقتىڭ بىرگە بايۋىن ءتىپتى ويداعىداي ىلگەرىلەتۋدى شۇعىل قاجەت ەتىپ وتىر. تەك شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، «4 تانىمدى» كۇشەيتىپ، «4 سەنىمدى» نىعايتىپ، باس شۋجي شي جينپيڭنىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنىن باتىل قورعاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن قورعاپ، ابايلاپ ءجۇرىپ، انىق باسىپ، بىلەك ءتۇرىپ قايراتتانا ەڭبەك ەتكەندە عانا، جۇڭگو ارمانىن ورتاق نيەتپەن جۇمىلا ىسكە اسىرۋعا جويقىن كۇش توپتاپ، جاڭا ءداۋىر جۇڭگوشا سوتسياليزم ىستەرىنىڭ شۇعىلالى تاراۋىن جازا الامىز.

  جۇمىلا كوتەرگەن جۇك جەڭىل، تاباندى تاۋدى دا جىعادى. بۇگىن ءبىز جۇڭحۋا ۇلتىنىڭ ۇلى گۇلدەنۋى نىساناسىنا تاريحتاعى ءارقانداي كەزەڭدەگىدەن دە جاقىنداي تۇستىك، بۇل نىسانانى ىسكە اسىرۋعا تاريحتاعى ءارقانداي مەزگىلدەگىدەن دە سەنىمىمىز كامىل، قابىلەتىمىز قاپتال جەتەدى. بۇكىل پارتيا، بۇكىل ارميا، بۇكىل ەلدەگى ءار ۇلت حالقى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، جۇدىرىقتاي جۇمىلىپ، ەرلىكپەن كۇرەس جۇرگىزەتىن بولسا، ءبىز جەڭبەيتىن قيىنشىلىق، ءبىز جاراتپايتىن مۇعجيزا بولماق ەمەس.

  (شينحۋا اگەنتتىگىنىڭ 3 - ايدىڭ 17 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.