تيانشان تورى
تيانشان تورى   ›   جاڭالىقتار   ›   ەل ءىشى حابارى

مەملەكەتتىك 13 - كەزەكتى حالىق قۇرىلتايى 1 - ءماجىلىسىنىڭ ءتوراعالار القاسى 7 -، 8 - جيىنىن وتكىزدى

  شينحۋا اگەنتتىگىنىڭ 3 - ايدىڭ 17 - كۇنى بەيجيڭنەن بەرگەن حابارى. مەملەكەتتىك 13 - كەزەكتى حالىق قۇرىلتايى 1 - ءماجىلىسىنىڭ ءتوراعالار القاسى 3 - ايدىڭ 17 - كۇنى تۇستەن بۇرىن حالىق سارايىندا 7 - جيىنىن وتكىزدى.

  ءتوراعالار القاسىنىڭ تۇراقتى ءتوراعاسى لي جانشۋ جيىندى باسقاردى. جيىنعا قاتىناسۋعا ءتيىستى 190 ادام، قاتىناسقان ادام 190، قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.

  «جۇڭحۋا حالىق رەسپۋبليكاسىنىڭ نەگىزگى زاڭىنىڭ» 62 - تارماعىنداعى بەلگىلەمەگە سايكەس، جۇڭحۋا حالىق رەسپۋبليكاسىنىڭ ءتوراعاسى شي جينپيڭ جيىنعا مەملەكەتتىك كەڭەس زۇڭليىنىڭ كانديداتىن العا قويىپ، جۇڭحۋا حالىق رەسپۋبليكاسى ورتالىق اسكەري ىستەر كوميتەتىنىڭ ءتوراعاسى شي جينپيڭ جيىنعا ورتالىق اسكەري ىستەر كوميتەتىنىڭ ورىنباسار ءتوراعالارىنىڭ، مۇشەلەرىنىڭ كانديداتتارىن العا قويىپ، ءماجىلىستىڭ تاعايىنداۋدى ۇيعارۋىنا ۇسىندى.

  ءتوراعالار القاسىنىڭ جيىنى جەكە - جەكە داۋىسقا سالۋ ارقىلى شي جينپيڭ ۇسىنعان مەملەكەتتىك كەڭەس زۇڭليىنىڭ كانديداتىن جانە ورتالىق اسكەري ىستەر كوميتەتىنىڭ ورىنباسار ءتوراعالارىنىڭ، مۇشەلەرىنىڭ كانديداتتارىن ۋاكىلدەر ۇيىرمەلەرىنىڭ اقىلداسۋىنا ۇسىنۋدى ۇيعاردى.

  3 - ايدىڭ 15 - كۇنى ج ك پ ورتالىق كوميتەتى ءماجىلىستىڭ ءتوراعالار القاسىنا مەملەكەتتىك باقىلاۋ - تەكسەرۋ كوميتەتىنىڭ مەڭگەرۋشىسىنىڭ، ەڭ جوعارى حالىق سوتى مەكەمەسىنىڭ باستىعىنىڭ، ەڭ جوعارى حالىق پروكۋراتۋراسىنىڭ باس پروكۋرورىنىڭ، مەملەكەتتىك 13 - كەزەكتى حالىق قۇرىلتايى تۇراقتى كوميتەتىنىڭ مۇشەلەرىنىڭ ۇسىنىستىق كانديداتتارىن العا قويدى. ءتوراعالار القاسىنىڭ جيىنى جەكە - جەكە داۋىسقا سالۋ ارقىلى جوعارىداعى كانديداتتاردى ءتوراعالار القاسى اتىنان ۋاكىلدەر ۇيىرمەلەرىنىڭ اقىلداسىپ كەڭەسۋىنە ۇسىنۋدى ۇيعاردى.

  ءتوراعالار القاسىنىڭ تۇراقتى ءتوراعالارى چىن شي، ۋاڭ چىن، ساۋ جيانميڭ، جاڭ چۇنشيان، شىن يۋەيۋە، جي بيڭشۋان، ەركىن يمىرباقى، ۋان ىشياڭ، چىن جۋ جيىنعا قاتىناستى.

  شينحۋا اگەنتتىگىنىڭ 3 - ايدىڭ 17 - كۇنى بەيجيڭنەن بەرگەن حابارى. مەملەكەتتىك 133 - كەزەكتى حالىق قۇرىلتايى 1 - ءماجىلىسىنىڭ ءتوراعالار القاسى 3 - ايدىڭ 17 - كۇنى تۇستەن كەيىن حالىق سارايىندا 8 - جيىنىن وتكىزدى.

  ءتوراعالار القاسىنىڭ تۇراقتى ءتوراعاسى لي جانشۋ جيىندى باسقاردى. جيىنعا قاتىناسۋعا ءتيىستى 190 ادام، قاتىناسقان ادام 190، قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.

  3 - ايدىڭ 16 - كۇنى تۇستەن بۇرىن ۋاكىلدەر ۇيىرمەلەرى باقىلاۋ - تەكسەرۋ زاڭى جوباسىنا وزگەرىس ەنگىزۋ نۇسقاسىن مۇقيات قارادى. مەملەكەتتىك حالىق قۇرىلتايىنىڭ نەگىزگى زاڭ جانە زاڭدار كوميتەتى ۋاكىلدەر ۇيىرمەلەرىنىڭ قاراۋ پىكىرى نەگىزىندە جوبانى قاراپ، جوبانىڭ ۇسىنىستىق داۋىسقا سالۋ نۇسقاسىن العا قويدى.

  جيىن مەملەكەتتىك حالىق قۇرىلتايىنىڭ نەگىزگى زاڭ جانە زاڭدار كوميتەتىنىڭ مەڭگەرۋشى مۇشەسى لي في جاساعان مەملەكەتتىك حالىق قۇرىلتايىنىڭ نەگىزگى زاڭ جانە زاڭدار كوميتەتىنىڭ باقىلاۋ - تەكسەرۋ زاڭى جوباسىنا وزگەرىس ەنگىزۋ نۇسقاسىنا وزگەرىس ەنگىزۋ پىكىرى جونىندەگى دوكلاتىن تىڭدادى. جيىن وسى دوكلاتتى داۋىسقا سالىپ ماقۇلداپ، باقىلاۋ - تەكسەرۋ زاڭىنا وزگەرىس ەنگىزۋ جوباسىنىڭ ۇسىنىستىق داۋىسقا سالۋ نۇسقاسىن ۋاكىلدەر ۇيىرمەلەرىنىڭ قاراۋىنا ۇسىنۋدى ۇيعاردى.

  3 - ايدىڭ 17 - كۇنى تۇستەن كەيىن ۋاكىلدەر ۇيىرمەلەرى مەملەكەتتىك كەڭەس زۇڭليىنىڭ كانديداتىن، جۇڭحۋا حالىق رەسپۋبليكاسى ورتالىق اسكەري ىستەر كوميتەتىنىڭ ورىنباسار ءتوراعالارىنىڭ، مۇشەلەرىنىڭ كانديداتتارىن اقىلداسىپ، كانديداتتار ەسىمدىگىن ءبىر اۋىزدان قۇپتايتىندىقتارىن ءبىلدىردى.

  جيىن جەكە - جەكە داۋىسقا سالۋ ارقىلى وسى 2 كانديداتتار ەسىمدىگىن ءماجىلىس جالپى جيىنىنىڭ تاعايىنداۋدى ۇيعارۋىنا ۇسىنۋدى ۇيعاردى.

  3 - ايدىڭ 17 - كۇنى ءتوراعالار القاسىنىڭ 7 - جيىنى مەملەكەتتىك باقىلاۋ - تەكسەرۋ كوميتەتىنىڭ مەڭگەرۋشىسىنىڭ، ەڭ جوعارى حالىق سوتى مەكەمەسى باستىعىنىڭ، ەڭ جوعارى حالىق پروكۋراتۋراسىنىڭ باس پروكۋرورىنىڭ كانديداتتارىن العا قويعان سوڭ، ۋاكىلدەر ۇيىرمەلەرى 3 - ايدىڭ 17 - كۇنى تۇستەن كەيىن اقىلداسىپ كەڭەستى. ۋاكىلدەر 3 كانديدات ەسىمدىگىن قۇپتايتىندىقتارىن ءبىلدىردى.

  جيىن جەكە - جەكە داۋىسقا سالۋ ارقىلى جوعارىداعى كانديداتتاردى رەسمي كانديداتتار رەتىندە ءماجىلىس جالپى جيىنىنىڭ سايلاۋىنا ۇسىنۋدى ۇيعاردى.

  ءتوراعالار القاسىنىڭ 7 - جيىنىندا مەملەكەتتىك 13 - كەزەكتى حالىق قۇرىلتايى تۇراقتى كوميتەتىنىڭ مۇشەلەرى كانديداتتارىنىڭ ەسىمدىگى العا قويىلعان سوڭ، ۋاكىلدەر ۇيىرمەلەرى 3 - ايدىڭ 17 - كۇنى تۇستەن كەيىن اقىلداسىپ كەڭەستى. ۋاكىلدەر وسى كانديداتتار ەسىمدىگىن قۇپتايتىندىقتارىن ءبىلدىردى.

  جيىن داۋىسقا سالۋ ارقىلى جوعارىداعى كانديداتتاردى رەسمي كانديداتتار رەتىندە ءماجىلىس جالپى جيىنىنىڭ سايلاۋىنا ۇسىنۋدى ۇيعاردى.
 ءتوراعالار القاسىنىڭ تۇراقتى ءتوراعالارى چىن شي، ۋاڭ چىن، ساۋ جيانميڭ، جاڭ چۇنشيان، شىن يۋەيۋە، جي بيڭشۋان، ەركىن يمىرباقى، ۋان ىشياڭ، چىن جۋ جيىنعا قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.