شينحۋا اگەنتتىگىنىڭ 3 - ايدىڭ 16 - كۇنى بەيجيڭنەن بەرگەن حابارى. مەملەكەتتىك 133 - كەزەكتى حالىق قۇرىلتايى 1 - ءماجىلىسىنىڭ ءتوراعالار القاسى 3 - ايدىڭ 16 - كۇنى تۇستەن كەيىن حالىق سارايىندا 6 - جيىنىن وتكىزدى.
ءتوراعالار القاسىنىڭ تۇراقتى ءتوراعاسى لي جانشۋ جيىندى باسقاردى. جيىنعا قاتىناسۋعا ءتيىستى 190 ادام، قاتىناسقان ادام 190، قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.
ءتوراعالار القاسىنىڭ جيىنى داۋىسقا سالۋ ارقىلى مەملەكەتتىك 13 - كەزەكتى حالىق قۇرىلتايى 1 - ءماجىلىسىنىڭ مەملەكەتتىك كەڭەس قۇرىلىمدارىنا رەفورما جاساۋ جوباسى جونىندەگى قارار جوباسىن ءماجىلىستىڭ جالپى جيىنىندا داۋىسقا سالۋعا ۇسىنۋدى ۇيعاردى.
3 - ايدىڭ 16 - كۇنى تۇستەن بۇرىن ۋاكىلدەر ۇيىرمەلەرى مەملەكەتتىك 13 - كەزەكتى حالىق قۇرىلتايى 1 - ءماجىلىسىنىڭ سايلاۋ جانە مىندەتكە تاعايىنداۋدى ۇيعارۋ ءادىسى جوباسىن مۇقيات قاراپ، مۇنى ءماجىلىستىڭ جالپى جيىنىندا داۋىسقا سالۋعا ۇسىنۋدى ءبىر اۋىزدان قۇپتادى. جيىن داۋىسقا سالۋ ارقىلى ءادىس جوباسىن ءماجىلىستىڭ جالپى جيىنىندا داۋىسقا سالۋعا ۇسىنۋدى ۇيعاردى.
ءتوراعالار القاسىنىڭ جيىنىندا ءماجىلىستىڭ ورىنباسار باس حاتشىسى شين چۇنيىڭ جاساعان ءماجىلىستىڭ حاتشىلار باسقارماسىنىڭ مەملەكەتتىك 13 - كەزەكتى حالىق قۇرىلتايىنىڭ 1 - ماجىلىسىندە ۋاكىلدەر العا قويعان كەڭەستىك جوبالاردىڭ ءبىر جايلى ەتىلۋ پىكىرى جونىندەگى بايانداما تىڭدالدى جانە قارالدى. شين چۇنيىڭ بىلاي دەدى: ءماجىلىس ءتوراعالار القاسىنىڭ 1 - جيىنىندا بەلگىلەنگەن ۋاكىلدەردىڭ كەڭەستىك جوبانى تاپسىرۋ شەكتى ۋاقىتى 3 - ايدىڭ 14 - كۇنى ساعات 12گە دەيىن، ءماجىلىستىڭ حاتشىلار باسقارماسى ۋاكىلدەردىڭ جيىنى 325 كەڭەستىك جوباسىن تاپسىرىپ الدى. مۇنىڭ ىشىندەگى 322 كەڭەستىك جوبا زاڭ شىعارۋعا، ءبىر كەڭەستىك جوبا باقىلاۋعا، 2 كەڭەستىك جوبا ۇيعارىم جاسالاتىن ىستەرگە قاتىستى. ۋاكىلدەر ۇيىرمەسىنىڭ اتىمەن 12 كەڭەستىك جوبا تاپسىرىلدى، ۋاكىلدەر بىرلەسىپ 313 كەڭەستىك جوبا تاپسىردى.
شين چۇنيىڭ بىلاي دەدى: بيىل ۋاكىلدەر العا قويعان كەڭەستىك جوبالاردىڭ دەنى زاڭعا قاتىستى جوبالار. مازمۇنى، باستىسى، تومەندەگىدەي بىرنەشە تۇيىنگە شوعىرلانعان: ءبىرىنشى، مەملەكەت قۇرىلىمدارىنىڭ ۇيىمدىق زاڭىن كەمەلدەندىرىپ، مەملەكەت قۇرىلىمدارى رەفورماسىن تەرەڭدەتۋدى زاڭمەن قولداۋ. ەكىنشى، وسىزاماندانعان ەكونوميكا جۇيەسىن قۇرۋدىڭ قاجەتىنە ۇيلەسىپ، بازار شارۋاشىلىعىنىڭ زاڭ - ءتۇزىمىن كەمەلدەندىرۋ. ءۇشىنشى، حالىق تۇرمىسىن شىنايى قامتاماسىز ەتۋ جانە جاقسارتۋ، قوعامدى جونگە سالۋدى كۇشەيتۋ جانە وندا جاڭالىق جاساۋ. ءتورتىنشى، مادەنيەت ىستەرى مەن مادەنيەت كاسىبىن دامىتىپ، سوتسياليستىك وزەكتى قۇن كوزقاراسىن جەتىلدىرۋ جانە امالياتتا ايگىلەۋ. بەسىنشى، ەكولوگيالىق وركەنيەت قۇرىلىسىن كۇشەيتىپ، قورشاعان ورتا جاعىنداعى كورنەكتى ماسەلەلەردى ءبىر جايلى ەتۋدى ىلگەرىلەتۋ. ءماجىلىستىڭ حاتشىلار باسقارماسى ۋاكىلدەر ورتاعا قويعان كەڭەستىك جوبالارعا ءبىر - بىردەن مۇقيات تالداۋ، زەرتتەۋ جاساعاننان كەيىن، وسى رەتكى ءماجىلىس قاراۋعا ءتيىستى كەڭەستىك جوبا جوق دەپ قارادى. ءماجىلىستىڭ حاتشىلار باسقارماسى ۋاكىلدەردىڭ كەڭەستىك جوبالارىن مەملەكەتتىك حالىق قۇرىلتايىنىڭ قاتىستى ارناۋلى كوميتەتتەرىنىڭ قاراۋىنا تاپسىرۋدى ۇسىنىس ەتتى. قاتىستى ارناۋلى كوميتەتتەر جوعارىداعى كەڭەستىك جوبالاردى قاراپ شىققاننان كەيىن، مەملەكەتتىك حالىق قۇرىلتايىنىڭ تۇراقتى كوميتەتىنە قاراۋ ناتيجەسى جونىندەگى مالىمەتىن تاپسىرادى، مالىمەتتى مەملەكەتتىك حالىق قۇرىلتايىنىڭ تۇراقتى كوميتەتى قاراپ ماقۇلداعاننان كەيىن، مەملەكەتتىك 13 - كەزەكتى حالىق قۇرىلتايىنىڭ 2 - ماجىلىسىندە باسىپ تاراتادى.
ءماجىلىستىڭ حاتشىلار باسقارماسى ءارقايسى ارناۋلى كوميتەتتەرگە تومەندەگىدەي ۇسىنىس بەردى: ءبىرىنشى، ۋاكىلدەردىڭ كەڭەستىك جوبالارىندا العا قويىلعان ۇسىنىس - پىكىرلەردى ىشكەرىلەي زەرتتەۋ؛ ەكىنشى، ۋاكىلدەردىڭ زاڭ شىعارۋ، باقىلاۋ سياقتى قىزمەتتەردەگى رولىن ءتىپتى دە جاقسى ساۋلەلەندىرۋ؛ ءۇشىنشى، زاڭ شىعارۋ، باقىلاۋ قىزمەتىنە قاتىستى ىلگەرىلەۋشىلىكتەردى دەر كەزىندە حابارلاندىرۋ.
ءتوراعالار القاسىنىڭ جيىنى مەملەكەتتىك 13 - كەزەكتى حالىق قۇرىلتايىنىڭ 1 - ماجىلىسىندە ۋاكىلدەر العا قويعان كەڭەستىك جوبالاردى ءبىر جايلى ەتۋ پىكىرى جونىندەگى دوكلاتتى داۋىسقا سالىپ ماقۇلدادى.
ءتوراعالار القاسىنىڭ 5 - جيىنى 3 - ايدىڭ 15 - كۇنى جۇڭحۋا حالىق رەسپۋبليكاسى ءتوراعاسىنىڭ، جۇڭحۋا حالىق رەسپۋبليكاسى ورتالىق اسكەري ىستەر كوميتەتى ءتوراعاسىنىڭ، مەملەكەتتىك 13 - كەزەكتى حالىق قۇرىلتايى تۇراقتى كوميتەتى باستىعىنىڭ، ورىنباسار باستىقتارىنىڭ، باس حاتشىسىنىڭ، جۇڭحۋا حالىق رەسپۋبليكاسىنىڭ ورىنباسار ءتوراعاسىنىڭ كانديداتتارىن كورسەتكەننەن كەيىن، ۋاكىلدەر ۇيىرمەلەرى اقىلداسىپ كەڭەستى. ۋاكىلدەر «كانديداتتار تاڭدالعاندا، دەموكراتيا تولىق ساۋلەلەندىرىلدى، كانديداتتاردىڭ ساپا شارت - جاعدايى مەن ەل رايىنىڭ نەگىزى جاقسى، قۇرىلىمى ۇيلەسىمدى، ءبىر اۋىزدان قولدايمىز جانە قۇپتايمىز» دەپ قارادى.
ءتوراعالار القاسىنىڭ جيىنى داۋىسقا سالۋ ارقىلى جوعارىداعى كانديداتتاردى رەسمي كانديداتتار رەتىندە، ءماجىلىستىڭ جالپى جيىنىندا سايلاۋعا ۇسىنۋدى ۇيعاردى.
ءتوراعالار القاسىنىڭ تۇراقتى ءتوراعالارى چىن شي، ۋاڭ چىن، ساۋ جيانميڭ، جاڭ چۇنشيان، شىن يۋەيۋە، جي بيڭشۋان، ەركىن يمىرباقى، ۋان ىشياڭ، چىن جۋ جيىنعا قاتىناستى.
