3 - ايدىڭ 14 - كۇنىنەن 15 - كۇنىنە دەيىن، اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەتى كوميتەتىنىڭ شۋجيى لي پىڭشين اۆتونوميالى رايونىمىزدىڭ اۋىل شارۋاشىلىعى سالاسى عىلمي زەرتتەۋ ورىندارىندا قىزمەت تەكسەردى. ول مىنانى باسا دارىپتەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، پارتيا 19 - قۇرىلتايى مەن پارتيا 19 - كەزەكتى ورتالىق كوميتەتى ەكىنشى، ءۇشىنشى جالپى ماجىلىستەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنىن باتىل قورعاپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، اۋىل - قىستاقتاردى كوركەيتۋدىڭ عىلىم - تەحنيكالىق تىرەك جۇيەسىن جەدەل ورناتىپ، اۋىل - قىستاقتاردى كوركەيتۋ ستراتەگياسىن جاپپاي اتقارۋدى مىعىم عىلىم - تەحنيكالىق تىرەكپەن قامداۋ كەرەك.
لي پىڭشين شينجياڭ ەگىن شارۋاشىلىق عىلىم اكادەمياسىنا، مال شارۋاشىلىق عىلىم اكادەمياسىنا، ورمان شارۋاشىلىق عىلىم اكادەمياسىنا، سۋ يگىلىگى، سۋ ەلەكتر عىلىمىن زەرتتەۋ اكادەمياسىنا بارىپ، ءبىرىنشى شەپتەگى عىلمي زەرتتەۋ قىزمەتكەرلەرىمەن امانداسىپ، حال سۇراپ، عىلمي زەرتتەۋ قىزمەتىنىڭ ورىستەتىلۋ جاعدايىن ىشكەرىلەي ۇعىسىپ، عىلمي زەرتتەۋ ورىندارىنىڭ دارىندىلار قوسىنى قۇرىلىسى، ءتۇزىلىس مەحانيزمىن جاڭالاۋ، عىلىم - تەحنيكا جەتىستىكتەرىن يگىلىككە جاراتۋ سياقتى قىزمەتتەر جونىندە زەرتتەۋ جۇرگىزدى.
لي پىڭشين مىنانى اتاپ كورسەتتى: اۋىل - قىستاقتاردى كوركەيتۋ ستراتەگياسىن اتقارۋ − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارتيا مەن مەملەكەت ىستەرى جالپى جاعدايىن كوزدە ۇستاپ، ەلىمىزدىڭ اۋىل شارۋاشىلىعى، اۋىل - قىستاق، شارۋالار قىزمەتى جونىنەن جاساعان تىڭ ستراتەگيالىق ورنالاستىرۋى، جاڭا داۋىردەگى اۋىل شارۋاشىلىعى، اۋىل - قىستاق، شارۋالار قىزمەتىنىڭ جاڭا تۋى جانە باس تۇتقاسى، ەلىمىزدىڭ اۋىل شارۋاشىلىعى، اۋىل - قىستاق، شارۋالار قىزمەتىنىڭ دامۋى بارىسىندا ءداۋىر بولگىشتىك كەزەڭدىك ماڭىز الادى.
لي پىڭشين مىنانى اتاپ كورسەتتى: اۋىل - قىستاقتاردى كوركەيتۋدىڭ تەتىگى عىلىم - تەحنيكادا، ءۇمىتى دارىندىلاردا. اۋىل شارۋاشىلىعى سالاسىنداعى عىلمي زەرتتەۋ ورىندارى، اسىرەسە، قاتىستى تاراۋلارداعى جاۋاپتى جولداستار، اۋىل - قىستاقتاردى كوركەيتۋدىڭ عىلىم - تەحنيكالىق تىرەك جۇيەسىن ورناتۋدىڭ ماڭىزدىلىعىن، كوكەي تەستىلىگىن جەتە تانىپ، قىزمەتتى ىقىلاس قويا بار كۇشپەن ويداعىداي ىستەپ، عىلىم - تەحنيكا قىزمەتكەرلەرىنە تاماشا قىزمەت ورتاسىن جاراتىپ بەرۋ كەرەك. ۇقىقتىڭ ءوزى جاۋاپكەرشىلىك، جاۋاپكەرشىلىكتىڭ ءوزى مىندەت ارقالاۋ دەگەن ۇستانىمدى كۇشەيتىپ، قىزمەتتە سالعىرتتىق، تۇرلاۋسىزدىق ىستەگەندەردىڭ، مىندەتىن اتقارماعانداردىڭ، قىزمەتتە جاۋاپكەرسىزدىك ىستەگەندەردىڭ جاۋاپكەرشىلىگىن قاتاڭ قۋزاستىرۋ كەرەك.
لي پىڭشين مىنانى تالاپ ەتتى: «ءبىر نەگىزگى جەلىنى» مىقتى يگەرۋ، «ۇشتە جاڭالىق اشۋدى» جۇزەگە اسىرۋ، «4 دەڭگەيدى» جوعارىلاتۋ، «5 جۇيەنى» كەمەلدەندىرۋ تالابىن مىقتاپ ارقاۋ ەتىپ، «استىق ءوندىرىسىن ورنىقتىرۋ، ماقتانى ساپالىلاندىرۋ، مال شارۋاشىلىعىن جەبەۋ، جەمىس شارۋاشىلىعىن نىعايتۋ، ەرەكشە ونىمدەردى دامىتۋ» نەگىزگى وي جەلىسى توڭىرەگىندە، اۋىل شارۋاشىلىق سالاسى عىلمي زەرتتەۋ ورىندارىن دامىتۋدا اۋىل شارۋاشىلىق عىلىم - تەحنيكاسىندا جاڭالىق اشۋدى دالمە - ءدال كوزدەپ، نازاردى نەگىزگى كاسىپتەرگە شوعىرلاندىرىپ، ورىندى دالمە - ءدال تاۋىپ، عىلىم - تەحنيكادان قامال الۋ قىزمەتىن تىڭعىلىقتى ورىستەتىپ، اۋىل شارۋاشىلىق عىلىم - تەحنيكاسىنىڭ اۋىل - قىستاقتاردى كوركەيتۋ ستراتەگياسىنداعى تىرەكتىلىك، جەتەكشىلىك رولىن ويداعىداي ساۋلەلەندىرۋ كەرەك. دارىندىلاردى الدىمەن دامىتۋ ۇستانىمىن مىقتاپ ورناتىپ، قالىڭ عىلىم - تەحنيكا قىزمەتكەرلەرىنىڭ عىلىم - تەحنيكادا جاڭالىق اشۋىنا كەدەرگى بولاتىن ءتۇزىلىس مەحانيزمىندەگى ولقىلىقتاردى كۇش سالا زەرتتەپ شەشىپ، جەتىستىكتەردى يگىلىككە جاراتۋ، سيلاۋ سياقتى شابىتتاندىرۋ شارالارىن تياناقتاندىرىپ، كاسىپ ارقىلى، مامىلە ارقىلى، سۇيىسپەنشىلىك ارقىلى قىزمەتكەرلەردى الىپ قالۋعا تاباندى بولىپ، اۋىل شارۋاشىلىق عىلىم - تەحنيكاسىندا جاڭالىق اشۋدىڭ ساپاسى جاقسى، قۇرىلىمى ۇيلەسىمدى، ورنىقتى قوسىنىن قۇرىپ شىعۋ كەرەك.
لي پىڭشين مىنانى تالاپ ەتتى: ءوندىرۋ، وقىتۋ، زەرتتەۋ سەلبەستىگىن كۇشەيتىپ، اۋىل شارۋاشىلىق عىلمي زەرتتەۋ جەتىستىكتەرىن يگىلىككە جاراتۋدى جەدەلدەتىپ، عىلىم - تەحنيكا قىزمەتكەرلەرىن جاسامپازدىق تابىسىنان اناعۇرلىم كوپ، اناعۇرلىم ويداعىداي يگىلىكتەندىرىپ، جاسامپازدىقتى قولدايتىن، جاسامپازدىققا شابىت بەرەتىن تاماشا ورتا قالىپتاستىرۋ كەرەك.
