شينحۋا اگەنتتىگىنىڭ 3 - ايدىڭ 17 - كۇنى بەيجيڭنەن بەرگەن حابارى. 3 - ايدىڭ 17 - كۇنى تۇستەن بۇرىن مەملەكەتتىك 13 - كەزەكتى حالىق قۇرىلتايى 11 - ءماجىلىسىنىڭ شي جينپيڭدى جۇڭحۋا حالىق رەسپۋبليكاسىنىڭ ءتوراعالىعىنا سايلاعاندىعى تۋرالى حابار جاريالانعاننان كەيىن، ءىشىنارا ەلدەردىڭ باسشىلارى دەرەۋ ءتوراعا شي جينپيڭگە تەلەگرامما نەمەسە حات جولداپ، قىزۋ قۇتتىقتادى.
چاۋشيان مەملەكەت ىستەرى كوميتەتىنىڭ باستىعى كيم جوڭ - ۇن بىلاي دەدى: مەن ءسىزدىڭ جۇڭحۋا حالىق رەسپۋبليكاسىنىڭ ءتوراعاسى، جۇڭحۋا حالىق رەسپۋبليكاسى ورتالىق اسكەري كوميتەتىنىڭ ءتوراعاسى بولىپ سايلانعانىڭىزدى شىن جۇرەكتەن قۇتتىقتايمىن، جۇڭگو حالقىنىڭ ءسىزدى ۇيتقى ەتكەن جۇڭگو كوممۋنيستىك پارتياسىنىڭ باسشىلىعىندا جاڭا داۋىردەگى جۇڭگوشا سوتسياليزم قۇرىلىسىندا ءتىپتى زور تابىستارعا قول جەتكىزۋىن تىلەيمىن. چاۋشيان مەن جۇڭگو قاتىناسىنىڭ ەكى ەل حالىقتارىنىڭ مۇددەسىنە ۇيلەسەتىن باعىتپەن داميتىندىعىنا كامىل سەنەمىن.
ۆيەتنامنىڭ مەملەكەت ءتوراعاسى چىن داگۋاڭ بىلاي دەدى: ءسىزدىڭ مەملەكەتتىك 13 - كەزەكتى حالىق قۇرىلتايىنىڭ 1 - ماجىلىسىندە جۇڭحۋا حالىق رەسپۋبليكاسىنىڭ ءتوراعاسى جانە ورتالىق اسكەري ىستەر كوميتەتىنىڭ ءتوراعاسى بولىپ سايلانعانىڭىزدى ەستىدىم، ءسىزدى ەرەكشە قىزۋ قۇتتىقتايمىن. ج ك پ ورتالىق كوميتەتىنىڭ باسشىلىق ۇيتقىسى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى رەتىندە، ءسىزدىڭ جۇڭگو حالقىن باستاپ جۇڭگونى باي، قۇدىرەتتى، وركەنيەتتى، جاراسىمدى، كوركەم سوتسياليستىك وسىزاماندانعان قۇدىرەتتى ەل ەتىپ قۇرىپ شىعۋ نىساناسىن جەڭىسپەن جۇزەگە اسىرىپ، رايوننىڭ، ءتىپتى، دۇنيە ءجۇزىنىڭ بەيبىتشىلىگىنە، ورنىقتىلىعىنا، گۇلدەنىپ - كوركەيۋىنە ماڭىزدى ۇلەس قوساتىندىعىڭىزعا سەنەمىن. ۆيەتنام پارتياسى، مەملەكەتى جانە حالقى جۇڭگومەن تاتۋ كورشىلىك، دوستىق جانە جاپپاي ىنتىماقتاستىق قاتىناستى دامىتۋعا بارىنشا ءمان بەرىپ، ونى ۆيەتنامنىڭ سىرتقى ساياساتىنىڭ ستراتەگيالىق تاڭداۋى جانە ماڭداي الدى ەسكەرىلەتىن ءىسى سانايدى. ءسىزدىڭ ءار دارەجەلى ورىنداردىڭ، تاراۋلاردىڭ ەكى پارتيا، ەكى ەل باسشىلارىنىڭ ورتاق تانىمىن تياناقتاندىرۋىنا ۇزدىكسىز كوڭىل ءبولىپ جانە جەتەكشىلىك ەتىپ، ەكى ەلدىڭ ءار سالاسىنداعى ىنتىماقتاستىقتى ۇزدىكسىز كەڭەيتىپ جانە ءوسىرىپ، ۆيەتنام مەن جۇڭگونىڭ جاپپاي ستراتەگيالىق ىنتىماقتاستىق سەرىكتەستىك قاتىناسىنىڭ باياندى، ورنىقتى، اقاۋسىز تۇردە ىشكەرىلەي دامۋىن ىلگەرىلەتەتىندىگىڭىزگە سەنەمىن.
لاوستىڭ مەملەكەت ءتوراعاسى بىن ياڭ بىلاي دەدى: ءسىزدى ۇيتقى ەتكەن جۇڭگو كوممۋنيستىك پارتياسىنىڭ دانىشپان باسشىلىعىندا جۇڭگوشا سوتسياليزم قۇرىلىسى ىستەرىنىڭ جاپپاي كەسەك جانە تاريحي تابىستارعا قول جەتكىزەتىندىگىنە، جۇڭگونىڭ، ءسوز جوق، باي، قۇدىرەتتى، دەموكراتيالى، وركەنيەتتى، جاراسىمدى، كوركەم سوتسياليستىك وسىزاماندانعان قۇدىرەتتى مەملەكەتكە اينالاتىندىعىنا كامىل سەنەمىن. لاوس پەن جۇڭگو ەكى ەل پارتيالارىنىڭ، ەكى ەلدىڭ جانە ەكى ەل حالىقتارىنىڭ ءداستۇرلى دوستىعىنىڭ جانە جاپپاي ستراتەگيالىق ىنتىماقتاستىق سەرىكتەستىك قاتىناسىنىڭ «4 جاقسى» رۋحىنىڭ جەتەكشىلىگىندە ۇزدىكسىز ىشكەرىلەي دامىپ، جەمىس بەرۋىن تىلەيمىن.
پاكيستاننىڭ زۇڭتۇڭى قۇسايىن بىلاي دەدى: ءسىزدىڭ سايلانۋىڭىز جۇڭگو حالقىنىڭ ءسىزدىڭ دانىشپان باسشىلىعىڭىزعا كامىل سەنگەندىگىن بەينەلەيدى. جۇڭگونىڭ وتكەن 5 جىلدا قول جەتكىزگەن كۇللى جۇرتتى جالت قاراتقان دامۋ جەتىستىكتەرى جۇڭگونىڭ حالىقاراداعى مارتەبەسى مەن وبرازىن ءوسىرىپ قانا قويماي، حالىقتىڭ تۇرمىسىنا دا زور وزگەرىستەر اكەلدى. ءسىزدىڭ دۇنيە ءجۇزىنىڭ بەيبىتشىلىگى مەن دامۋىنا قوسقان كورنەكتى ۇلەسىڭىز جاپپاي القاۋعا يە بولدى. ءسىزدىڭ دانىشپان باسشىلىعىڭىزدا ۇلى جۇڭحۋا ۇلتىنىڭ ۇزدىكسىز العا تارتىپ، ۇلتتىڭ ۇلى گۇلدەنۋى نىساناسىن جۇزەگە اسىراتىندىعىنا سەنەمىن. پاكيستان مەن جۇڭگو بارلىق جاعدايدا بىردەي ستراتەگيالىق ىنتىماقتاس سەرىكتەر، ءبىز ەكى ەل قاتىناسىن جاپپاي كۇشەيتىپ، ەكى ەل حالىقتارىن باقىتقا كەنەلتۋگە ۇزدىكسىز كۇش سالامىز.
كورەيانىڭ زۇڭتۇڭى مۇن جە - ين بىلاي دەدى: جۇڭگونىڭ ءسىزدىڭ باسشىلىعىڭىزدا جۇڭگو ارمانىن ەرتەرەك جۇزەگە اسىرىپ، شىعىس سولتۇستىك ازيا ءوڭىرىنىڭ جانە دۇنيە ءجۇزىنىڭ بەيبىتشىلىگى مەن دامۋىنا اناعۇرلىم زور ۇلەستەر قوسۋىن تىلەيمىن. ءسىز پيوڭچاڭ قىسقى وليمپياداسىنىڭ اشىلۋ، جابىلۋ راسىمىنە قاتىناسۋعا توتەنشە ۋاكىلدەر جىبەرىپ، وسى رەتكى قىسقى وليمپيادانى چاۋشيان تۇبەگىندەگى، شىعىس سولتۇستىك ازياداعى، ءتىپتى، دۇنيە جۇزىندەگى حالىقتىڭ بەيبىت جانە جاراسىمدى سالتاناتتى جينالىسىنا اينالدىردىڭىز، بۇعان بارىنشا العىس ايتامىن. بيىلعى جىل كورەيا مەن جۇڭگونىڭ ستراتەگيالىق ىنتىماقتاستىق سەرىكتەستىك قاتىناسىن ورناتقانىنىڭ 10 جىلدىعى، مەن سىزبەن بىرگە قۇلشىنىپ، ەكى ەل قاتىناسىنىڭ تولىسۋعا بەت الىپ، جاڭا داۋىرگە قادام باسۋىنىڭ العاشقى جىلىن باستاۋدى قالايمىن.
جاپونيانىڭ پاتشاسى اكيحيتو بىلاي دەدى: ءسىزدىڭ مەملەكەت ءتوراعاسى بولىپ سايلانعان ساتىڭىزدە، شىنايى قۇتتىقتايمىن. سىزگە مىعىم دەنساۋلىق، ەلدەرىڭىزدىڭ گۇلدەنىپ - كوركەيۋىن تىلەيمىن.
جاپونيانىڭ باس ءۋازىرى شينزو ابە بىلاي دەدى: بيىل «جاپونيا - جۇڭگو بەيبىت دوستىق شارتى» جاسالعانىنىڭ 40 جىلدىعى ءارى جۇڭگونىڭ ەسىك اشىپ، رەفورما جاساۋ ساياساتىن اتقارعانىنىڭ 40 جىلدىعى. 40 جىلدان بەرى، جۇڭگو دۇنيە ءجۇزى كوز تىككەن دامۋعا قول جەتكىزىپ، جاپونيا - جۇڭگو قاتىناسى كەڭ كولەمدە ىنتىماقتاستىق ورىستەتتى. مەن بيىلعى جىلدى وراي ەتىپ، جاپونيا مەن جۇڭگو قاتىناسىن ونان ارى جاقسارتىپ، جاڭا دامۋ ساتىسىنا شىعارۋدى ءۇمىت ەتەمىن.
مالديۆتىڭ زۇڭتۇڭى يامين بىلاي دەدى: ءسىزدىڭ ءتوراعا بولىپ سايلانۋىڭىز وتكەن 5 جىلدا ءسىزدىڭ باسشىلىعىڭىزداعى جۇڭگو قول جەتكىزگەن وراسان دامۋ جەتىستىگىنە دەگەن تولىق تۇراقتاندىرۋ، ول قالىڭ حالىقتىڭ ءسىزدىڭ باسشىلىعىڭىزداعى جۇڭگونىڭ «قوس 100 جىلدىق» كۇرەس نىساناسى مەن جۇڭگو ارمانىن جۇزەگە اسىرۋعا دەگەن بەرىك سەنىمىن ايگىلەدى. مەن ءسىزدىڭ كەمەڭگەر باسشىلىعىڭىزدا جۇڭگونىڭ اناعۇرلىم زور دامۋ جەتىستىكتەرىنە قول جەتكىزىپ، دۇنيە جۇزىندەگى ءار ەلدىڭ ورتاق دامۋدى جۇزەگە اسىرۋىنا اناعۇرلىم مول وراي اكەلەرىنە سەنەمىن.
بانگلادەشتىڭ زۇڭتۇڭى حاميت بىلاي دەدى: ءسىزدىڭ باسشىلىعىڭىزدا، جۇڭگو ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ ۇلى ىسىندە زور تابىسقا قول جەتكىزدى. مەن بانگلادەش - جۇڭگو قاتىناسىنىڭ بەكەمدەلەتىنىنە جانە تەرەڭدەيتىنىنە كامىل سەنەمىن.
بانگلادەشتىڭ زۇڭليى حاشينا بىلاي دەدى: ءسىزدىڭ كەمەڭگەر دە كورەگەن باسشىلىعىڭىزدا جۇڭگو دۇنيە ءجۇزى كوز تىككەن جەتىستىكتەرگە قول جەتكىزدى. بانگلادەش جاق بانگلادەش پەن جۇڭگونىڭ ءار سالاداعى ىنتىماقتاستىعىن كۇشەيتۋدى ءۇمىت ەتەدى.
قازاقستاننىڭ زۇڭتۇڭى نازاربايەۆ بىلاي دەدى: ءسىزدىڭ سايلانۋىڭىز جۇڭگو حالقىنىڭ ءسىزدىڭ مەملەكەتتىڭ مۇددەسىن قورعاۋ جولىندا قوسقان زور ۇلەستەرىڭىزدى وسكەلەڭ تۇراقتاندىرعانىن تولىق ايگىلەدى. ءسىزدىڭ كەمەڭگەر باسشىلىعىڭىزدا جۇڭگونىڭ جاپپاي دوڭگەلەك داۋلەتتى قوعام ورناتۋ ۇردىسىندە، ءسوزسىز، ۇزدىكسىز تىڭ دا اناعۇرلىم زور جەتىستىكتەرگە قول جەتكىزەدى. ەكى جاقتىڭ تىزە قوسا قۇلشىنۋىندا، قازاقستان مەن جۇڭگونىڭ جان - جاقتى ستراتەگيالىق سەرىكتەستىك قاتىناسىنىڭ ۇزدىكسىز جوعارى دەڭگەيلى دامۋدى ساقتايتىنىنا سەنەمىن.
بەلورۋسسيانىڭ زۇڭتۇڭى لۋكاشەنكو بىلاي دەدى: ءسىزدىڭ كەمەڭگەر باسشىلىعىڭىزدا، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، جۇڭگو حالقى بۇلجىماستان جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ نىساناسىن بەتكە الىپ، ەرلىكپەن العا ىلگەرىلەدى. جۇڭگو حالقىنىڭ بەيبىتشىلىك پەن گۇلدەنۋدەن ماڭگى يگىلىكتەنۋىن تىلەيمىن، بەلورۋسسيا مەن جۇڭگونىڭ دوستىق قاتىناسىنىڭ ۇزدىكسىز العا دامۋىن تىلەيمىن.
گرۋزيانىڭ زۇڭتۇڭى مارگۆەلاشۆيلي بىلاي دەدى: ءسىزدىڭ كەمەڭگەر باسشىلىعىڭىز ءسوزسىز، جۇڭحۋا ۇلتىنا اناعۇرلىم زور دامۋ اكەلىپ، اناعۇرلىم مول باقىت جاراتادى. گرۋزيا مەن جۇڭگونىڭ ءداستۇرلى دوستىعى مەن ىنتىماقتاستىعى، ءسوزسىز، ونان ارى تەرەڭدەيتىنىنە سەنەمىن.
كامەروننىڭ زۇڭتۇڭى بييا بىلاي دەدى: ءسىزدىڭ وسى قاستەرلى بورىشتى اتقارۋ بارىسىندا جەمىستى تابىستارعا قول جەتكىزۋىڭىزدى تىلەيمىن. سىزبەن بىرگە كامەرون - جۇڭگو ەلدەرىنىڭ قالىپتاسقان ەرەكشە دوستىق ىنتىماقتاستىق قاتىناسىن كۇشەيتۋدى قالايمىن.
ناميبيانىڭ زۇڭتۇڭى گەينگوب بىلاي دەدى: ءسىزدىڭ باسشىلىعىڭىزدا جۇڭگونىڭ ەكونوميكاسى، قوعامى جەدەل دامىپ، مەملەكەت قۇرىلىسى كۇللى دۇنيەنىڭ نازارىن اۋدارعان تابىسقا قول جەتكىزدى، جۇڭگو باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى مەملەكەت قۇرۋ جورىعىن باستادى.
نيگەريانىڭ زۇڭتۇڭى بۋحاري بىلاي دەدى: ءسىزدىڭ سايلانۋىڭىز جۇڭگو حالقىنىڭ ءسىزدىڭ مەملەكەتتىك جانە حالىقارالىق ىستەردە كورسەتكەن كورەگەندىگىڭىز بەن پاراساتىڭىزعا تولىق سەنىم بىلدىرەتىنىن تولىق ايگىلەدى. مەن بيىل 9 - ايدا وتەتىن جۇڭگو - افريكا ەلدەرى ىنتىماقتاستىق تالقى مىنبەرى بەيجيڭ باس قوسۋىنىڭ زور تابىسقا جەتەتىنىنە، افريكا مەن جۇڭگو اراسىنداعى سەرىكتەستىك قارىم - قاتىناستىڭ جاڭا بەلەسكە كوتەرىلۋىن جەبەيتىنىنە سەنەمىن.
زيمبابۆەنىڭ زۇڭتۇڭى منانگاگۆا بىلاي دەدى: ءسىز ادال، تۋراشىل، جاۋاپكەرشىلىك ارقالاۋعا باتىل كوسەم رەتىندە، جۇڭگو حالقىنىڭ شىنايى قولداۋىنا بولەندىڭىز. جۇڭگو حالقى ناقتى ارەكەتتەرىمەن سىزگە دەگەن سەنىمىن تولىق ءبىلدىردى. ءسىزدىڭ باسشىلىعىڭىزدا جۇڭحۋا حالىق رەسپۋبليكاسىنىڭ، ءسوز جوق، ونان ارى گۇلدەنىپ، بايىپ، قۇدىرەتتەنە تۇسەتىنىنە سەنەمىن.
ماليدىڭ زۇڭتۇڭى كەيتا بىلاي دەدى: جۇڭگو مەملەكەتتىك حالىق قۇرىلتايى ءسىزدى مەملەكەت ءتوراعاسى ەتىپ سايلادى، بۇل ءسىزدىڭ ەرەن ەل باسقارۋ قابىلەتىڭىز بەن حالىق ءۇشىن قىزمەت ىستەيتىن اسقاق قاسيەتىڭىزگە دەگەن تولىق تۇراقتاندىرۋ. مەن سىزبەن بىرگە مالي - جۇڭگو دوستىق ىنتىماقتاستىق قارىم - قاتىناسىن ۇزدىكسىز كۇشەيتۋ ءۇشىن تىنباي قۇلشىنۋدى قالايمىن.
پالەستينانىڭ زۇڭتۇڭى ابباس بىلاي دەدى: ءسىزدىڭ ءساتتى سايلانۋىڭىز جۇڭگو حالقىنىڭ جانە جۇڭگو كوممۋنيستىك پارتياسىنىڭ ءسىزدىڭ كەمەڭگەر باسشىلىعىڭىز بەن بولاشاق تۋرالى ۇلى جوسپارىڭىزعا تولىق سەنىم ارتىپ وتىرعانىن كورسەتتى. ءسىزدىڭ جۇڭحۋا ۇلتىن باستاپ ۇلى گۇلدەنۋدى جۇزەگە اسىراتىنىڭىزعا، حالىقارالىق بەيبىتشىلىك پەن ادىلدىكتى جەبەيتىنىڭىزگە سەنەمىن.
اۆستريانىڭ زۇڭتۇڭى ۆان دەر بەللەن بىلاي دەدى: ءسىزدىڭ ورنىڭىزدىڭ جاۋاپكەرشىلىگى كەلەلى ءارى اسقاق. رەفورما جاساپ، ەسىك اشقاننان بەرى، جۇڭگو كىسى تاڭ قالارلىق زور تابىسقا جەتتى. الەمدە ەشقانداي ەل وسىنداي قىسقا ۋاقىتتا وسىنشالىق ۇلى دامۋدى جۇزەگە اسىرا الماعان. جۇڭگونىڭ ءسىزدىڭ باسشىلىعىڭىزدا تابىستىڭ سارا جولىمەن ۇزدىكسىز العا باسا بەرۋىن تىلەيمىن.
سەربيانىڭ زۇڭتۇڭى ۆۋچيچ بىلاي دەدى: جۇڭگو كوممۋنيستىك پارتياسى جاۋاپكەرشىلىك ارقالاۋ باتىلدىعى بار ساياسي پارتيا. مەن ءسىزدىڭ باتىلدىعىڭىزدى جانە جاۋاپكەرشىلىك ارقالايتىنىڭىزدى جوعارى باعالايمىن، ءسىزدىڭ باسشىلىعىڭىزدا جۇڭگو حالقىنىڭ، ءسوز جوق، ۇلى گۇلدەنۋ سىندى جۇڭگو ارمانىن جۇزەگە اسىراتىنىنا كامىل سەنەمىن، جۇڭگونىڭ گۇلدەنۋى، ءسوز جوق، الەمنىڭ بەيبىتشىلىگى مەن ورنىقتىلىعىن قورعاۋعا ءتيىمدى بولىپ، دۇنيە جۇزىندەگى ءار ەل حالقىن باقىتقا كەنەلتەدى.
انتيگۋا جانە باربۋدانىڭ گەنەرال - گۋبەرناتورى ۋيليامس بىلاي دەدى: ءسىز زور باۋراۋ قۋاتىنا جانە ەرەن دارىنعا يە كوسەمسىز، جۇڭگونىڭ ءسىزدىڭ باسشىلىعىڭىزدا اناعۇرلىم دامۋ تابىستارىنا قول جەتكىزەتىنىنە سەنەمىن.
بۇدان سىرت، شاڭحاي ىنتىماقتاستىق ۇيىمىنىڭ باس حاتشىسى اليموۆ حات جولداپ بىلاي دەدى: قازىر جۇڭگو الەمدىك ساحنادا اناعۇرلىم ماڭىزدى رول اتقارۋدا. ءسىز ورتاعا قويعان «ءبىر بەلدەۋ، ءبىر جول» دارىپتەمەسى مەن «ادامزاتتىڭ تاعدىرلاس ورتاق تۇلعاسى» ۇستانىمى حالىقارالىق قوعامنىڭ جوعارى باعاسى مەن بەلسەنە ءۇن قوسۋىنا يە بولدى. مەن بيىل 6 - ايدا وتەتىن چيڭداۋ باس قوسۋىنىڭ، ءسوز جوق، مول تابىسقا جەتەتىنە كامىل سەنەمىن.
