− اۆتونوميالى رايونىمىزداعى ءار ۇلت كادرلارى مەن جۇرتشىلىعى باس شۋجي شي جينپيڭنىڭ ەكى ءماجىلىس كەزىندەگى ماڭىزدى سوزدەرىنىڭ رۋحىن مۇقيات ۇيرەندى، دايەكتىلەندىردى
تىلشىلەرىمىز دۇڭ شاۋحۋا، لۋ يان
3 - ايدىڭ 5 - كۇنى باس شۋجي شي جينپيڭ مەملەكەتتىك 13 - كەزەكتى حالىق قۇرىلتايى 1 - ماجىلىسىنە قاتىناسقان ىشكى موڭعۇل ۋاكىلدەر ۇيىرمەسىنىڭ تالقىسىنا قاتىناسقاندا بىلاي دەپ اتاپ كورسەتتى:
جاپپاي دوڭگەلەك داۋلەتتى قوعام ورناتۋدىڭ نىشاندىق كورسەتكىشى − اۋىل - قىستاقتارداعى كەدەيلەردىڭ كەدەيلىكتەن تولىق قۇتىلۋى، كەدەي اۋدانداردىڭ كەدەيلىك قالپاعىن تۇگەلدەي الىپ تاستاۋى بولىپ تابىلادى. كەدەيلىكتەن قۇتىلدىرۋدان قامال الۋ شايقاسىن ويداعىداي جۇرگىزۋدىڭ تەتىگى − اۋىر كەدەي وڭىرلەردە كەدەيلىكتەن قۇتىلدىرۋدان قامال الۋ شايقاسىن ويداعىداي جۇرگىزۋ جانە كەدەي حالىق شوعىرلانعان اۋىل (سۋم) - قىستاقتاردا (گاچا) قامال الۋ. اناعۇرلىم پارمەندى شارا قولدانىپ، اناعۇرلىم ۇقىپتى قىزمەت ىستەپ، كەدەي حالىق شوعىرلانعان اۋىل (سۋم) - قىستاقتاردى (گاچا) نىسانا ەتە وتىرىپ، شارۋاشىلىقتى دامىتۋ، ەڭبەككە، جۇمىسقا ورنالاستىرۋ، نەگىزدىك قۇرىلعى، الەۋمەتتىك قىزمەت كورسەتۋ، ەمدەلۋدى قامتاماسىزداندىرۋ سياقتى ماسەلەلەردى ءتۇيىندى تۇردە شەشۋ قاجەت. سالماقتى اۋرۋلار بويىنشا تومەنگى شەكتە قامتاماسىزداندىرۋ مەحانيزمىن كەمەلدەندىرىپ، اۋرۋ سەبەبىنەن كەدەيلەسۋ ماسەلەسىن ويداعىداي شەشۋ قاجەت. كوز الداعى ماسەلەلەردى ويداعىداي شەشۋمەن قاتار، تۇراقتى، باياندى مەحانيزم ورناتۋ كەرەك. كەدەيلىكتەن قۇتىلدىرۋدان قامال الۋدى اۋىل - قىستاقتاردى كوركەيتۋ ستراتەگياسىن اتقارۋمەن جاندى تۇردە ۇشتاستىرىپ، اۋىل - قىستاقتار مەن مال شارۋاشىلىق وڭىرلەرىندە شارۋاشىلىق شالقىپ، ەكولوگيا جاقسارىپ، اۋىل سالتى مادەنيلەنىپ، جونگە سالۋ ءونىمدى جۇرگىزىلىپ، تۇرمىستىڭ مولشىلىققا كەنەلۋىن ىلگەرىلەتۋ، قالىڭ ەگىنشى - مالشىنىڭ تىرشىلىك مەكەنىن جاپپاي گۇلدەندىرۋ كەرەك. بيىل − كەدەيلىكتەن قۇتىلدىرۋدان قامال الۋ بويىنشا ستيل قۇرىلىسى جىلى. كەدەيلەردى سۇيەمەلدەۋ سالاسىنداعى ءىرىپ - ءشىرۋ مەن ستيل ماسەلەسىن ارناۋلى جونگە سالۋدى مۇقيات ورىستەتىپ، كەدەيلەردى سۇيەمەلدەۋ قاراجاتتارىن باسقارۋدى كۇشەيتىپ، كەدەيلەردى سۇيەمەلدەۋ قاراجاتىن باسقاعا جۇمساۋ، قيانات ەتۋ ارەكەتتەرىن قاتاڭ جازاعا تارتۋ كەرەك. بۇقارا كەي جەرلەردىڭ كەدەيلىكتەن قۇتىلدىرۋدان قامال الۋ قىزمەتىندەگى فورماشىلدىق، تورەشىلدىك، كوز بوياۋشىلىق جايتتەرىنەن قاتتى مەزى بولىپ وتىر، بۇنى مۇقيات شەشۋ كەرەك.
باس شۋجي شي جينپيڭنىڭ كەدەيلىكتەن قۇتىلدىرۋدان قامال الۋ شايقاسىن ويداعىداي جۇرگىزۋ جونىندەگى ماڭىزدى ءسوزى اۆتونوميالى رايونىمىزداعى ءار ۇلت كادرلارى مەن جۇرتشىلىعىنىڭ كەدەيلىكتەن دالمە - ءدال قۇتىلدىرۋ قىزمەتىن تىڭعىلىقتى، ويداعىداي ىستەپ، كەدەيلىكتەن قۇتىلدىرۋدان قامال الۋ شايقاسىنىڭ جەڭىسىنە باتىلدىقپەن قول جەتكىزۋ بەكىمى مەن سەنىمىن بارىنشا كۇشەيتتى جانە نىعايتتى. جۋىقتان بەرى بۇكىل رايونداعى ءار ۇلت كادرلارى مەن جۇرتشىلىعى باس شۋجيدىڭ ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، كەدەيلىكتەن قۇتىلدىرۋدان قامال الۋدى اۋىل - قىستاقتاردى كوركەيتۋ ستراتەگياسىمەن جاندى تۇردە بىرلەستىرىپ، كەدەيلەردى دالمە - ءدال سۇيەمەلدەۋگە، كەدەيلىكتەن دالمە - ءدال قۇتىلدىرۋعا تاباندى بولىپ، «6 دالمە - ءدال بولۋدى» تىڭعىلىقتى تياناقتاندىرىپ، قيىن تۇيىندەردى شەشۋگە كۇش سالىپ، ماڭىزدى ءتۇيىندى مىقتى يگەرىپ، ولقىلىقتاردى تولىقتاپ، ءالسىز بۋىنداردى كۇشەيتىپ، باس شۋجيدىڭ ىقىلاستى تاپسىرماسىن قىزمەتتە مۇقيات تياناقتاندىرىپ، 2020 - جىلى بۇكىل رايونداعى ءار ۇلت جۇرتشىلىعىنىڭ بۇكىل ەل حالقىمەن بىرگە جاپپاي دوڭگەلەك داۋلەتتى قوعامعا وتۋىنە كەپىلدىك ەتتى.
كەدەيلىكتەن قۇتىلدىرۋدان قامال الۋ قىزمەتىن تىڭعىلىقتى ىستەۋگە ولشەم جانە جەتەكشىلىك ازىرلەدى
«كەدەيلىكتەن دالمە - ءدال قۇتىلدىرۋدان قامال الۋ شايقاسىنىڭ جەڭىسىنە جەتۋ قاشقار ايماعى جونىنەن العاندا، ءارى ماڭىزدى ساياسي مىندەت، ءارى ماڭىزدى حالىق تۇرمىسى ينجەنەرياسى»، - دەدى مەملەكەتتىك حالىق قۇرىلتايىنىڭ ۋاكىلى، قاشقار ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ءۋاليى پارحات روزى، - قاشقار ايماعى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن مۇقيات ۇيرەنىپ، دايەكتىلەندىرىپ، باتىل تۇردە پارتيا ورتالىق كوميتەتىنىڭ «6 دالمە - ءدال»، «5 ءبىر توپ» تالاپتارى بويىنشا جەردى اداقتاۋ، ءوندىرىستى دامىتۋ، قىزمەت كورسەتۋدى ۇكىمەت ساتىپ الىپ جۇمىسقا ورنالاستىرۋ، كاسىپورىندارعا بەيىمدەپ جۇمىسقا ورنالاستىرۋ، كەدەيلەردى قولايلى جەرگە كوشىرىپ سۇيەمەلدەۋ، ەڭ تومەنگى تۇرمىستى قوعامدىق قامتاماسىزداندىرۋمەن جالپى بەتىىك قامتۋ سياقتى شارالاردى دالمە - ءدال قولدانىپ، كەدەيلەردىڭ كىرىسىن ورنىقتى ارتتىرىپ، «ەكىدە تارىقپاۋ، ۇشتە قامتاماسىز بولۋ» نىساناسىن قۇلشىنا جۇزەگە اسىردى، بىلتىر ايماقتا 127 مىڭ ادام كەدەيلىكتەن قۇتىلىپ، 114 كەدەي قىستاق كەدەيلىك تىزىمىنەن شىعارىلدى.
− ءبىز شارت - جاعدايى بار كەدەي قىستاقتاردا «4 ءبىر ينجەنەريانى» (ءبىر شاعىن زاۆود، ءبىر باعىمشىلىق شاعىن رايونى، ءبىر جاستاي توڭازىتىپ ساقتاۋ قامباسى، ءبىر سەلبەستىك كووپەراتيۆى) اتقارىپ، اۋىل - قىستاقتاردىڭ كاسىپ تىزبەگىن ۇزارتىپ، كەدەيلەردىڭ كەدەيلىكتەن ورنىقتى قۇتىلۋىنا كاسىپ جاعىنان مۇمكىندىك ازىرلەدىك؛ كەدەيلىكتەن قۇتىلدىرۋدىڭ، جۇمىسقا ورنالاستىرۋدىڭ 3 جىلدىق جوسپارىن اتقارىپ، ەڭبەك قابىلەتى بار 113 مىڭ كەدەي وتباسىنىڭ اربىرىنەن ءبىر ادامدى جۇمىسقا ورنالاستىرۋ نىساناسىن جۇزەگە اسىرىپ، كەدەيلىكتەن قۇتىلماعان بۇقارانىڭ بىردە - بىرەۋىن سۇيەمەلدەۋدەن قاعىس قالدىرماۋعا، كەدەيلىكتەن قۇتىلدىرۋدان بىردە - بىرەۋىنىڭ شەتتەپ قالماۋىنا كەپىلدىك ەتتىك، - دەدى پارحات روزى، - باس شۋجيدىڭ ىشكى موڭعۇل ۋاكىلدەر ۇيىرمەسىنىڭ تالقىسىنا قاتىناسقاندا سويلەگەن ماڭىزدى ءسوزى ايرىقشا جەتەكشىلىك سيپاتقا يە، وتە - موتە، اۋىر كەدەي وڭىرلەردى كەدەيلىكتەن قۇتىلدىرۋدان قامال الۋ شايقاسىنا وتە ەگجەي - تەگجەيلى، وتە ناقتى نۇسقاۋ بەردى، بۇل ءبىزدىڭ مۇنان كەيىنگى كەدەيلىكتەن قۇتىلدىرۋدان قامال الۋدى ىلگەرىلەتۋىمىزدىڭ ولشەمى جانە جەتەكشىسى. ءبىز باس شۋجيدىڭ تالاپتارىن جاقسى ۇيرەنىپ، جاقسى تياناقتاندىرىپ، «دالمە - ءدال بولۋدى وزەك، تياناقتاندىرۋدى ءتۇيىن ەتىپ، باياندى بولۋىنا كەپىلدىك ەتۋ» وي جەلىسى بويىنشا، «ەكىدە تارىقپاۋ، ۇشتە قامتاماسىز بولۋ» نىساناسىنان بۇلجىماي، كەمەلدى ساياساتتىق تىرەك جۇيەسىن، ۇيىمداستىرۋ، قامتاماسىز ەتۋ جۇيەسىن، جاۋاپكەرلىكتى تياناقتاندىرۋ جۇيەسىن ورناتىپ، باقىلاۋدى، تەكسەرۋدى، باعالاۋدى كۇشەيتىپ، «كەشەندى شارانى» تىڭعىلىقتى اتقارىپ، كەدەيلىكتەن قۇتىلدىرۋدىڭ پارمەندى بىرىككەن كۇشىن قالىپتاستىرامىز.
شىنايى يگەرىپ، ناقتى ىستەپ، كەدەيلىكتەن قۇتىلدىرۋ مەن قالپاقتى تاستاۋدى باتىل ىسكە اسىرايىق
3 - ايدىڭ 13 - كۇنى شەريا اۋدانى شەريا اۋىلى باش ۇجمە قىستاعىنداعى تۇڭعىش شارۋالار ساياجايىنان باقىتتى تۇرمىستىڭ مەرەيلى لەبى ەسىپ تۇردى.
مەملەكەتتىك 12 - كەزەكتى حالىق قۇرىلتايىنىڭ ۋاكىلى، وسى قىستاقتىڭ پارتيا ياچەيكاسىنىڭ شۋجيى مامەترەيىم مامەت وتكەن جىلى 3 - ايدىڭ 10 - كۇنى باس شۋجي شي جينپيڭنىڭ قابىلداۋىندا بولعان ءساتىن ەسكە العاندا ەرەكشە تەبىرەندى. ول تىلشىگە: سول ساتتە ءوزىمدى دۇنيەدەگى ەڭ باقىتتى جان سەزىندىم. باس شۋجي كەدەيلەردى دالمە - ءدال سۇيەمەلدەپ، كەدەيلىكتەن دالمە - ءدال قۇتىلدىرىپ، وڭتۇستىك شينجياڭنىڭ كەدەي وڭىرلەرىن كەدەيلىكتەن قۇتىلدىرۋدان قامال الۋدىڭ نەگىزگى مايدانى ەتىپ، اۋىل - قىستاقتاردىڭ بەيقۇت ءۇي قۇرىلىسى مەن مالشىلاردى وتىرىقتاندىرۋ ينجەنەرياسىن، قالالارداعى قامتاماسىزداندىرۋ سيپاتتى تۇرعىن ءۇي قۇرىلىسىن ويداعىداي جۇرگىزىپ، ەگىن، مال شارۋاشىلىق وڭىرلەرى مەن شەكارا وڭىرلەردىڭ نەگىزگى الەۋمەتتىك قىزمەت كورسەتۋىن كەمەلدەندىرىپ، ءار ۇلت جۇرتشىلىعىن تاماشا تۇرمىسقا كەنەلتۋدى باسا دارىپتەدى. بۇل ءسوز ماعان جىگەر - قايرات بەردى. مەن كوممۋنيستىك پارتيانىڭ مۇشەسىمىن، باس شۋجيدىڭ تاپسىرماسىن ەسكە بەرىك ساقتاپ، شىنايى يگەرىپ، ناقتى ىستەپ، باس شۋجيدىڭ ءۇمىتىن اقتايمىن، - دەدى
وسى اۋلاداعى ءبىر جىلدان بەرگى وزگەرىستەر مامەترەيىمنىڭ قىستاققا ورالعاننان كەيىن العاش ىستەگەن ناقتى ءىسى ەدى.
بيىل مامەتالى وتباسى سىرتقا بارىپ ەڭبەك ىستەۋ، ەرەكشە ەگىمشىلىك - باعىمشىلىق، اۋىل شارۋاشىلىق ونىمدەرىن مانەرلەۋ جانە شارۋالار ساياجايى ارقىلى كىرىسىن 30 − 40 مىڭ يۋانعا جەتكىزىپ، كەدەيلىكتەن قۇتىلاتىندىعىن مەجەلەپ وتىر ەكەن.
مامەترەيىم تىلشىگە بىلاي دەدى: قىستاعىمىزداعى 321 وتباسىنىڭ اۋلاسى بيىل 6 - ايعا دەيىن وسى ۇلگى بويىنشا تۇگەلدەي وزگەرتىلىپ بولادى، ءسويتىپ، تۇرمىس ساپاسى شىن مانىندە جوعارىلاتىلادى. قىستاق تۇرعىندارىنىڭ تۇرمىسى بارعان سايىن جاقساراتىنىنا سەنەمىن.
وتكەن جىلدىڭ باسىنان بەرى، مامەترەيىم قىستاق تۇرعىندارىن اشتى بۇرىش، انار ەگۋ كولەمىن كەڭەيتىپ، انار وڭدەۋ زاۆودىن اشۋعا جىگەرلەندىرەدى. اۋداندىق پارتكوم مەن ۇكىمەتتىڭ قولداۋىمەن، ول ءوز اۋلاسىنان «پارتياعا العىس ايتۋ، پارتيانىڭ سوزىنە قۇلاق اسۋ، پارتياعا ىلەسۋ» توڭكەرىستىك ەسكەرتكىش سارايىن اشىپ، الىس - جۋىققا بەلگىلى توڭكەرىستىك تاربيە بازاسىنا اينالدى.
مامەترەيىم: باس شۋجي الاڭسىز بولسىن! اۋىر كەدەي قىستاق رەتىندە، مەملەكەتتىڭ كەدەيلەردى دالمە - ءدال سۇيەمەلدەۋ ساياساتىنا سۇيەنىپ، وعان ءوز قۇلشىنىسىمىزدى قوسساق، 2019 - جىلى قىستاق بويىنشا كەدەيلىك قالپاعىن الىپ تاستاۋعا سەنىمىمىز كامىل، - دەدى.
باس شۋجيدىڭ تاپسىرماسىن كوكەيىمدە ساقتاپ، قوس قولىمىزعا سۇيەنىپ باييمىن
شەريا اۋدانى شەريا قالاشىعى سايوستەڭ قىستاعىنداعى كەدەي روزىمامەت ءماتروزى كەپتەر باعىپ، بىلتىر كەدەيلىكتەن قۇتىلدى.
ءتىلشى 3 - ايدىڭ 14 - كۇنى ونىڭ ۇيىنە كەلگەندە، اۋلادا اۋدانى ءبىر - بىرىنەن پارىقتى 3 كەپتەر قوراسى تۇرعانىن، قالىڭ كەپتەردىڭ كوكتە قالىقتاپ ۇشىپ جۇرگەنىن كوردى.
35 جاستاعى روزىمامەت قىستاقتاعى اتاقتى كەپتەرشى، ايتسە دە 10 جىلدان بەرى باسقالارعا جالدانىپ، قالت - قۇلت ەتىپ عانا كۇن كورىپ كەلگەن. بىلتىر شەريا اۋدانى تۇرعىن ءۇي جانە قالا قۇرىلىسى مەكەمەسىنىڭ «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتى وتباسىلارىن ارالاعاندا، ونى كوزقاراسىن وزگەرتىپ، كەپتەر باعىمشىلىعىن دامىتىپ، كىرىسىن ارتتىرۋعا قايتا - قايتا ءناسيحاتتادى. قىستاقتا تۇراتىن قىزمەت اترەتى مەن قستاق «ەكى كوميتەتىنىڭ» قولداۋىندا، روزىمامەت بىلتىر 40 مىڭ يۋان قارىز اقشا الىپ، 100 شارشى مەترلىك كەپتەر قوراسىن سالىپ، 100 كەپتەر باعىپ، بىلتىردىڭ وزىندە - اق پايدا تاپتى. بيىل ونىڭ كەپتەرلەرىنىڭ سانى 900دەن استى، مۇنىڭ بىرەۋىن 15 تە 20 يۋان اينالاسىندا ساتسا، ونىڭ كىرىسى بيىل 10 نەشە مىڭ يۋان ارتادى.
روزىمامەتتىڭ سەنىمى بارعان سايىن كۇشەيدى، «باس شۋجي شي جينپيڭ جۇرەك ءسوزىمىزدى ايتتى، باس شۋجيدىڭ تاپسىرماسىن، ءسوزسىز، كوكەيىمىزدە ساقتاپ، قوس قولىمىزعا سۇيەنىپ باييمىز»، - دەدى.
