تيانشان تورى   ›   جاڭالىقتار   ›   ەل ءىشى حابارى

مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى التىنشى جالپى جيىنىن وتكىزدى

  مەملەكەت ءتوراعاسى شي جينپيڭنىڭ ۇسىنۋى نەگىزىندە لي كىچياڭدى مەملەكەتتىك كەڭەستىڭ زۇڭليلىگىنە ۇيعاردى

  مەملەكەت ءتوراعاسى شي جينپيڭ ءتوراعا بۇيرىعىنا قول قويىپ تاعايىندادى

  3 - ايدىڭ 18 - كۇنى مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى بەيجيڭدەگى حالىق سارايىندا التىنشى جالپى جيىنىن وتكىزدى. مەملەكەت ءتوراعاسى شي جينپيڭنىڭ ۇسىنۋىنا ساي، بەلەت تاستاپ داۋىسقا سالۋ ارقىلى لي كىچياڭدى جۇڭحۋا حالىق رەسپۋبليكاسى مەملەكەتتىك كەڭەسىنىڭ زۇڭليلىگىنە ۇيعاردى. سۋرەتتە: شي جينپيڭ لي كىچياڭمەن ىقىلاسپەن قول الىسۋدا. سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن 

  شينحۋا اگەنتتىگىنىڭ 3 - ايدىڭ 18 - كۇنى بەيجيڭنەن بەرگەن حابارى. مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى 3 - ايدىڭ 18 - كۇنى تۇستەن بۇرىن حالىق سارايىندا التىنشى جالپى جيىنىن وتكىزدى، مەملەكەت ءتوراعاسى شي جينپيڭنىڭ ۇسىنۋى نەگىزىندە، بەلەت تاستاپ داۋىسقا سالۋ ارقىلى لي كىچياڭدى جۇڭحۋا حالىق رەسپۋبليكاسى مەملەكەتتىك كەڭەسىنىڭ زۇڭليلىگىنە ۇيعاردى. مەملەكەت ءتوراعاسى شي جينپيڭ 1 - ءنومىرلى ءتوراعا بۇيرىعىنا قول قويىپ، جالپى جيىننىڭ ۇيعارۋى نەگىزىندە، لي كىچياڭدى مەملەكەتتىك كەڭەستىڭ زۇڭليلىگىنە تاعايىندادى.

  شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان جيىنعا قاتىناستى.

  جيىنعا قاتىناسۋعا ءتيىستى 2980 ادام، قاتىناسقان ادام 2966، 14 ادام قاتىناسا المادى، قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.

  جيىندى ءماجىلىستىڭ اتقارۋشى ءتوراعاسى، ءتوراعالار القاسىنىڭ تۇراقتى ءتوراعاسى شىن يۋەيۋە باسقاردى. ءماجىلىستىڭ اتقارۋشى ءتوراعالارى يۇي ۋيگو، چى جۇن، شى تايفىڭ، سۇن جىگاڭ، دۋ جياحاۋ، لي جيحىڭ ءتوراعالار مىنبەسىنىڭ اتقارۋشى ءتوراعالار ورنىنا جايعاستى.

  بۇل جولعى جيىننىڭ كەڭەستىك ءتارتىبى: جۇڭحۋا حالىق رەسپۋبليكاسىنىڭ ءتوراعاسى شي جينپيڭنىڭ ۇسىنۋى نەگىزىندە، جۇڭحۋا حالىق رەسپۋبليكاسى مەملەكەتتىك كەڭەسىنىڭ زۇڭليلىگىنە كورسەتىلگەن ادامدى ۇيعارۋ؛ جۇڭحۋا حالىق رەسپۋبليكاسى ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ ۇسىنۋى نەگىزىندە، جۇڭحۋا حالىق رەسپۋبليكاسى ورتالىق اسكەري ىستەر كوميتەتىنىڭ ورىنباسار ءتوراعالىعىنا، مۇشەلىگىنە كورسەتىلگەن ادامداردى ۇيعارۋ؛ جۇڭحۋا حالىق رەسپۋبليكاسى مەملەكەتتىك باقىلاۋ - تەكسەرۋ كوميتەتىنىڭ مەڭگەرۋشىسىن سايلاۋ؛ ەڭ جوعارى حالىق سوتى مەكەمەسىنىڭ باستىعىن سايلاۋ؛ ەڭ جوعارى حالىق پروكۋراتۋراسىنىڭ باس پروكۋرورىن سايلاۋ؛ مەملەكەتتىك 13 - كەزەكتى حالىق قۇرىلتايى تۇراقتى كوميتەتىنىڭ مۇشەلەرىن سايلاۋ.

  شي جينپيڭ مەملەكەتتىك كەڭەستىڭ زۇڭليلىگىنە كورسەتىلەتىن ادامدى، ورتالىق اسكەري ىستەر كوميتەتىنىڭ ورىنباسار ءتوراعالىعىنا، مۇشەلىگىنە كورسەتىلەتىن ادامداردى ۇسىنعاننان كەيىن، ۋاكىلدەر ۇيىرمەلەرى اقىلداستى. ۋاكىلدەر ۇيىرمەلەرىنىڭ اقىلداسۋ پىكىرى نەگىزىندە، ءتوراعالار القاسى جيىنى وسى جولعى جالپى جيىننىڭ تاعايىنداۋدى ۇيعارۋىنا ۇسىنۋدى ۇيعاردى.

  جيىندا شي جينپيڭنىڭ مەملەكەتتىك كەڭەستىڭ زۇڭليلىگىنە كورسەتىلەتىن ادام جونىندە ۇسىنۋ حاتى، ورتالىق اسكەري ىستەر كوميتەتىنىڭ ورىنباسار ءتوراعالىعىنا، مۇشەلىگىنە كورسەتىلەتىندەر جونىندەگى ۇسىنۋ حاتى وقىلدى.

  ءتوراعالار القاسى مەملەكەتتىك باقىلاۋ - تەكسەرۋ كوميتەتىنىڭ مەڭگەرۋشىلىگىنە كورسەتىلەتىن ادامدى، ەڭ جوعارى حالىق سوتى مەكەمەسىنىڭ باستىعىنا كورسەتىلەتىن ادامدى، ەڭ جوعارى حالىق پروكۋراتۋراسىنىڭ باس پروكۋرورلىعىنا كورسەتىلەتىن ادامدى، مەملەكەتتىك 13 - كەزەكتى حالىق قۇرىلتايى تۇراقتى كوميتەتىنىڭ مۇشەلىگىنە كورسەتىلەتىندەردى ۇسىنعاننان كەيىن، ۋاكىلدەر ۇيىرمەلەرى اقىلداسىپ كەڭەستى. كوپ ساندى ۋاكىلدەردىڭ پىكىرى نەگىزىندە، ءتوراعالار القاسى جيىنى رەسمي كانديداتتار ەسىمدىگىن بەلگىلەپ، وسى جولعى جالپى جيىننىڭ سايلاۋىنا ۇسىندى.

  ساعات 9دان 15 مينۋت وتكەندە، باس بەلەت باقىلاۋشى، بەلەت باقىلاۋشىلار ەلەكتروندىق بەلەت ساندىعى مەن ەلەكتروندىق سايلاۋ جۇيەسىن تەكسەرىپ كورگەن سوڭ، قىزمەتكەرلەر سايلاۋ بەلەتىن تاراتا باستادى. ءاربىر ۋاكىل تۇرلىشە رەڭدەگى 6 سايلاۋ بەلەتىن الدى. جيىننىڭ سايلاۋ جانە تاعايىنداۋدى ۇيعارۋ ادىسىنە سايكەس، مەملەكەتتىك كەڭەس زۇڭليلىگىنە كورسەتىلگەن ادامدى جانە ورتالىق اسكەري ىستەر كوميتەتىنىڭ ورىنباسار ءتوراعالىعىنا، مۇشەلىگىنە كورسەتىلەتىندەردى ۇيعارۋدا داۋىسقا سالۋ بەلەتى قولدانىلدى، مەملەكەتتىك باقىلاۋ - تەكسەرۋ كوميتەتىنىڭ مەڭگەرۋشىسىن، ەڭ جوعارى حالىق سوتى مەكەمەسىنىڭ باستىعىن، ەڭ جوعارى حالىق پروكۋراتۋراسىنىڭ باس پروكۋرورىن، مەملەكەتتىك 13 - كەزەكتى حالىق قۇرىلتايى تۇراقتى كوميتەتىنىڭ مۇشەلەرىن سايلاۋدا سايلاۋ بەلەتى قولدانىلدى.

  بەلەت جازۋ، بەلەت تاستاۋ، بەلەت ەسەپتەۋ جۇمىستارى جۇرىلگەن سوڭ، ساعات 10نان 44 مينۋت وتكەندە، قىزمەتكەرلەر داۋىسقا سالۋدىڭ، سايلاۋدىڭ بەلەت ەسەپتەۋ ناتيجەسىن جاريالاي باستادى.

  باسقارۋشى لي كىچياڭ جولداستىڭ جۇڭحۋا حالىق رەسپۋبليكاسى مەملەكەتتىك كەڭەسىنىڭ زۇڭليى بولعاندىعىن جاريالاعاندا بۇكىل زالدا قىزۋ قول شاپالاق ءۇنى كوتەرىلدى. لي كىچياڭ ورنىنان تۇرىپ ۋاكىلدەرگە ءيىلىپ ىززەت ءبىلدىردى. ول شي جينپيڭگە بۇرىلىپ، ەكەۋى ىقىلاسپەن قول الىستى، شي جينپيڭ ونى قۇتتىقتادى.

  ونان سوڭ باسقارۋشى مىنالاردى رەتىمەن جاريالادى:

  شۇي چيلياڭ، جاڭ يوۋشيا جولداستار جۇڭحۋا حالىق رەسپۋبليكاسى ورتالىق اسكەري ىستەر كوميتەتىنىڭ ورىنباسار ءتوراعاسى بولدى.

  ۋي فىڭحى، لي زوچىڭ، مياۋ حۋا، جاڭ شىڭمين جولداستار جۇڭحۋا حالىق رەسپۋبليكاسى ورتالىق اسكەري ىستەر كوميتەتىنىڭ مۇشەسى بولدى.

  ياڭ شياۋدۋ جولداس جۇڭحۋا حالىق رەسپۋبليكاسى مەملەكەتتىك باقىلاۋ - تەكسەرۋ كوميتەتىنىڭ مەڭگەرۋشىلىگىنە سايلاندى.

  جوۋ چياڭ جولداس جۇڭحۋا حالىق رەسپۋبليكاسى ەڭ جوعارى حالىق سوتى مەكەمەسىنىڭ باستىعىنا سايلاندى.

  جاڭ جۇن جولداس جۇڭحۋا حالىق رەسپۋبليكاسى ەڭ جوعارى حالىق پروكۋراتۋراسىنىڭ باس پروكۋرورىنا سايلاندى.

  159 كانديدات مەملەكەتتىك 13 - كەزەكتى حالىق قۇرىلتايى تۇراقتى كوميتەتىنىڭ مۇشەلىگىنە سايلاندى.

  ءاربىر داۋىسقا سالۋ، سايلاۋ ناتيجەسى جاريالانعاندا، زالدا قىزۋ قول شاپالاق ءۇنى كوتەرىلىپ تۇردى.

  ءماجىلىس ءتوراعالار القاسىنىڭ نەگىزگى زاڭ الدىندا سەرت بەرۋدىڭ ۇيىمدىق ءادىسى نەگىزىندە، جالپى جيىننىڭ كەڭەستىك تارتىپتەرى ورىندالىپ بولعان سوڭ، مەملەكەتتىك كەڭەستىڭ زۇڭليى لي كىچياڭ، مەملەكەتتىك باقىلاۋ - تەكسەرۋ كوميتەتىنىڭ مەڭگەرۋشىسى ياڭ شياۋدۋ، ەڭ جوعارى حالىق سوتى مەكەمەسىنىڭ باستىعى جوۋ چياڭ، ەڭ جوعارى حالىق پروكۋراتۋراسىنىڭ باس پروكۋرورى جاڭ جۇن نەگىزگى زاڭ الدىندا جەكە - جەكە سەرت بەردى؛ ورتالىق اسكەري ىستەر كوميتەتىنىڭ ورىنباسار ءتوراعالارى، مۇشەلەرى، مەملەكەتتىك حالىق قۇرىلتايى تۇراقتى كوميتەتىنىڭ مۇشەلەرى جەكە - جەكە توپتىق سەرت بەردى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.