تيانشان تورى
تيانشان تورى   ›   جاڭالىقتار   ›   كورىكتى مەكەنىمىزدى ويداعىداي قۇرايىق

«ءۇش ءتۇرلى كۇشپەن»، «ەكىبەتكەيلەرمەن» سوڭىنا دەيىن باتىل كۇرەسەمىن

  ىلە قازاق اۆتونوميالى وبلىستىق كوممۋنيستىك جاستار وداعى كوميتەتىنىڭ ورىنباسار شۋجيى

  پارحات ابدىرەشيت

  مەن بيڭتۋاننىڭ پولك الاڭىندا دۇنيەگە كەلدىم، شەشەم بالاباقشا تاربيەشىسى، اكەم ەلەكتر ستانسياسىنىڭ قىزمەتكەرى ەدى. تۋىلعانىما 3 اي عانا بولعان كەزدە، شەشەم مەنى بالاباقشاعا الىپ باردى، مەن وندا ءار ۇلت بالالارىمەن بىرگە تاماقتانىپ، بىرگە تۇرىپ، بىرگە ەسەيىپ - ەرجەتتىم. ءتىلىم شىعىپ، «اپا» دەپ شاقىرعانىمدا، باسقا حانزۋ بالالار دا مەنەن ۇيرەنىپ شەشەمدى «اپا» دەيتىن بولدى، كوپشىلىك وزدەرىن ءبىر وتباسىنىڭ ادامدارىنداي سەزىنەتىن، اكەم كورشى ۇيدەگى اعايلارمەن ۇنەمى باس قوسىپ تۇراتىن دا شەشەم اپايلارمەن شۇيىركەلەسىپ بىرگە توقىما توقيتىن. شەشەم ءدامدى تاعامداردى دايىنداپ، اعام ەكەۋىمىزدى كورشىلەرگە تاعامنان اۋىز تيۋگە اپارىپ بەرۋگە بۇيىراتىن، كورشى ۇيدەگى بۇرشاق ساتاتىن اعاي بىزگە ۇنەمى ءبىر تەگەنە بۇرشاق اكەلىپ بەرىپ تۇراتىن...

  جاڭا جۇڭگو قۇرىلعاننان بەرى، شينجياڭداعى ءار ۇلت حالقىنىڭ تۇرمىسىندا وراسان زور وزگەرىستەر تۋىلدى، اسىرەسە، پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شىنايى قامقورلىعىندا شينجياڭداعى سان سالالى ىستەر قارىشتاپ دامىدى، حالىققا ءتيىمدى ساياساتتار تۇرمىسىمىزعا نۇر - شۇعىلا شاشتى. شينجياڭداعى ءار ۇلت حالقى پارتيانىڭ شاپاعاتىنا شىن جۇرەكتەن العىس ايتىپ، پارتيانىڭ سوزىنە قۇلاق اسىپ، پارتياعا ىلەستى. ايتسەدە، «ءۇش ءتۇرلى كۇش» پەن «ەكىبەتكەيلەر» بىرىگىپ بۇزاقىلىق ىستەپ، وتاندى بولشەكتەۋدەي ارام نيەتكە سالىنىپ، سۇرقيالىققا باستى. پارتيا ۇزاق جىل تاربيەلەپ باۋلىعان پارتيالى كادر رەتىندە، مەن ايبىندى ءۇنىم، ءىس جۇزىندىك ارەكەتىم ارقىلى اجال اۋزىندا ارىپتالاسىپ جاتقان «ءۇش ءتۇرلى كۇشكە» جانە «ەكىبەتكەيلەرگە» بىلايشا قاتاڭ ەسكەرتۋ بەرەمىن: سەندەر مەيلى قانداي ايلا - شارعى قولدانىپ، قانداي ەسەك دامەگە سالىنعاندارىڭمەن، شينجياڭدى استە وتانىمىز قۇشاعىنان ءبولىپ اكەتە المايسىڭدار، قۇدىرەتتى وتانىمىز جانە ءبىر نيەت، ءبىر تىلەكتە ىنتىماقتاسقان ءار ۇلت حالقىنىڭ الدىندا سەندەردىڭ قاسكۇنەمدىكتەرىڭ مۇلدە جۇزەگە اسپايدى.

  «3 مەزگىل قاباتتاسقان» قازىرگى ەرەكشە مەزگىلدە، مەن، ءسوزسىز، كەۋدە كەرىپ العا شىعۋىم، ءسوزسىز، باتىل ءۇن قاتىپ، ايقىن پوزيتسيا ءبىلدىرۋىم، ءار ۇلت بۇقاراسىنا «ءۇش ءتۇرلى كۇشتىڭ»، «ەكىبەتكەيلەردىڭ» سۇرقيا ءمانىن ايقىن ۇعىندىرىپ، ولارمەن باتىل كۇرەسۋگە باستاۋىم كەرەك. ءار ۇلت بۇقاراسىن اناردىڭ دانىندەي تىعىز ۇيىسىپ، ءبىر نيەت، بىر تىلەكتە ىنتىماقتاسىپ، «ءۇش ءتۇرلى كۇش» پەن «ەكىبەتكەيلەرگە» كوشەدەن قاشقان تىشقاندى ۇر - ۇردىڭ استىنا الۋدىڭ كەبىن كيدىرۋىم كەرەك.

  مەن مىناداي ايبىندى سەرت بەرەمىن: ءسوزسىز، تۋىم ايقىن، تۇرعىم بەرىك تۇردە، ءدىني ۇشقارى يدەيا مەن ۇلتتىق بولشەكتەۋشىلىككە قارسى تۇرۋ كۇرەسىنىڭ الدىڭعى شەبىندە تۇرىپ، بورىشىمدى ەسىمدە بەرىك ساقتاپ، پارتياعا ادال بولىپ، قىزمەت جاۋاپكەرشىلىگىمدى ادا ەتىپ، ءىس جۇزىندىك ارەكەتىم ارقىلى بۇقارانى ۇيىمداستىرىپ، بۇقارانى اتتانىسقا كەلتىرىپ، «ەكىبەتكەيلەردىڭ» سۇرقيا بەت - بەينەسىن پاش ەتىپ، «ءۇش ءتۇرلى كۇشپەن» سوڭىنا دەيىن باتىل كۇرەسەمىن.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.