ءتىلشىمىز يۋان لەي 3 - ايدىڭ 12 - كۇنى بەيجيڭنەن حابارلايدى. «باس شۋجي شي جينپيڭ شاندۇڭ ۋاكىلدەر ۇيىرمەسىنىڭ تالقىسىنا قاتىناسقاندا سويلەگەن ماڭىزدى سوزىندە: اۋىل - قىستاقتاعى كورنەكتى قورشاعان ورتا ماسەلەلەرىن جالپىلىق جونگە سالۋدى كۇشەيتىپ، اۋىل - قىستاقتىڭ قونىس ورتاسىن رەتتەۋ - وڭاۋدىڭ 3 جىلدىق ارەكەت جوسپارىن تىڭعىلىقتى اتقارىپ، اۋىل - قىستاقتىڭ <دارەتحانا توڭكەرىسىن> ىلگەرىلەتىپ، اۋىل - قىستاقتىڭ تۇرمىستىق قۇرىلعىلارىن كەمەلدەندىرىپ، شارۋالار الاڭسىز تىرشىلىك ەتەتىن كورىكتى مەكەن قۇرىپ، تاماشا ەكولوگيانى اۋىل - قىستاقتاردى كوركەيتۋدىڭ تىرەگىنە اينالدىرۋ كەرەك، - دەدى. بۇل ماعان وتە اسەر ەتتى». 3 - ايدىڭ 9 - كۇنى مەملەكەتتىك ساياسي كەڭەستىڭ شينجياڭداعى مۇشەسى ءدىلشات ياقۇپ الداعى قىزمەتتەردە اۋىل - قىستاقتاردىڭ دارەتحانالارىن جاڭالاۋ تەبىنىن ۇزدىكسىز كۇشەيتىپ، اۋىل - قىستاقتاردىڭ «دارەتحانا توڭكەرىسىن» ءونىمدى ىلگەرىلەتەتىندىگىن ءبىلدىردى.
ءدىلشات اۆتونوميالى رايوندىق ايدس اۋرۋىنان ساقتانۋ قىزمەت كوميتەتى كەڭسەسىنىڭ مەڭگەرۋشىسى، قىزمەت قاجەتىنە بايلانىستى، ءبىر جىلدىڭ تەڭ جارتىسىنان استام ۋاقىتتا وڭتۇستىك - سولتۇستىك شينجياڭنىڭ جەر - جەرىندە تەكسەرۋ - زەرتتەۋ جۇرگىزىپ، شينجياڭنىڭ اۋىل - قىستاقتارىنداعى دارەتحانا قۇرىلىسى قىزمەتىنە ءتىپتى دە ۇڭىلە قاراپ، تەرەڭ تانىم قالىپتاستىرعان. «مەملەكەتتىڭ زور كۇشپەن قولداۋىندا، شينجياڭنىڭ اۋىل - قىستاقتارىندا دارەتحانانى وزگەرتۋ قىزمەتىندە كورنەكتى تابىسقا قول جەتتى، بۇل شينجياڭنىڭ ەگىن، مال شارۋاشىلىق رايوندارىنىڭ ورتا تازالىعىن جاقسارتۋ، جۇقپالى اۋرۋلاردىڭ تارالۋىن ازايتۋ، جاڭاشا اۋىل - قىستاق قۇرىلىسىن ىلگەرىلەتۋ جانە ەكولوگيالىق قۇرىلىس سياقتىلاردا بەلسەندى رول اتقاردى»، - دەدى مۇشە ءدىلشات ياقۇپ تانىستىرا كەلىپ.
مۇشە ءدىلشات بىلاي دەدى: «ەگىن، مال شارۋاشىلىق رايوندارىندا تازا دارەتحانا قۇرىلىسىن جۇرگىزىپ، دايراق - نەسەپتى زالالسىز ءبىر جايلى ەتكەندە ءتۇرلى جۇقپالى اۋرۋدان ءونىمدى ساقتانىپ، تۇرمىس ساپاسىن جوعارىلاتۋعا، ەكولوگيالىق اۋىل شارۋاشىلىعىن دامىتۋعا، ەگىن، مال شارۋاشىلىق رايوندارىنىڭ رۋحاني وركەنيەت قۇرىلىسىن كۇشەيتۋگە بولادى. اۋىل - قىستاقتاردا دارەتحانالاردى جاڭالاۋ قىزمەتى سالامات جۇڭگو قۇرۋدى ىلگەرىلەتىپ، اۋرۋدىڭ الدىن الۋدى نەگىز ەتۋ باعىتىن تياناقتاندىرىپ، سالامات، وركەنيەتتى تۇرمىس ءتاسىلىن ىلگەرىلەتىپ، جاسىل، حاۋىپسىز ورتا جاراتىپ، جۇقپالى اۋرۋلاردىڭ تۋىلۋىن ازايتۋدا وتە بەلسەندى رول اتقارادى، ءبىز دەنسالىق جاعىندا قىزمەت كورسەتۋ جۇيەسىن رەتتەپ ساپالىلاندىرىپ، نەگىزدى ساقتاۋدان، نەگىزگى ساتىنى كۇشەيتۋدەن، مەحانيزم ورناتۋدان جازباي، حالىق بۇقاراسىنىڭ دەنساۋلىق قاجەتىن قاناعاتتاندىرۋىمىز كەرەك». «مەملەكەتتىك قالا، اۋىلداردىڭ ورتا تازالىعىن جاقسارتۋ جونىندەگى ارەكەت جوباسىندا (2015 − 2020)»: 2020 - جىلعا دەيىن، ەلىمىز بويىنشا اۋىل - قىستاقتاردا دارەتحانانىڭ جالپىلاسۋ مولشەرىن %85كە جەتكىزۋدى العا قويدى. شينجياڭنىڭ اۋىل - قىستاقتارى دارەتحانانى جاقسارتۋ قىزمەتىندە قارجى سياقتى جاقتارداعى قىسىم وتە اۋىر، بۇل قىزمەت قارقىنىنا ىقپال جاساپ وتىر. «مەملەكەتتىڭ شينجياڭ سياقتى ەكونوميكاسىنىڭ دامۋى كەنجە قالعان ولكە، رايونداردىڭ قيىنشىلىعىن ەسكەرىپ، ارناۋلى قارجى قوسىپ، ەگىن، مال شارۋاشىلىق رايوندارىنىڭ دارەتحانانى جاقسارتۋ قىزمەتىنە قولداۋ كورسەتىپ، ەگىنشى - مالشىلارعا ءتىپتى دە مول تيىمدىلىك جەتكىزۋىن ۇسىنىس ەتەمىن»، - دەدى ول.
